28.3.2014   

MT

Il-Ġurnal Uffiċjali tal-Unjoni Ewropea

L 93/17

(1)

Ir-Regolament Nru 19/65/KEE jagħti l-poter lill-Kummissjoni biex tapplika, permezz ta’ Regolament, l-Artikolu 101(3) tat-Trattat għal ċerti kategoriji ta’ ftehimiet dwar trasferiment tat-teknoloġija u għall-prattiki korrispondenti miftehma fejn jipparteċipaw biss żewġ impriżi u li jaqgħu fl-ambitu tal-Artikolu 101(1) tat-Trattat.

(2)

Skont ir-Regolament Nru 19/65/KEE, il-Kummissjoni, b’mod partikolari, adottat ir-Regolament tal-Kummissjoni (KE) Nru 772/2004 (2). Ir-Regolament (KE) Nru 772/2004 jiddefinixxi kategoriji ta’ ftehimiet dwar it-trasferiment ta’ teknoloġija li l-Kummissjoni qieset li normalment jissodisfaw il-kundizzjonijiet stabbiliti fl-Artikolu 101(3) tat-Trattat. Fid-dawl tal-esperjenza globalment pożittiva fl-applikazzjoni ta’ dak ir-Regolament, li jiskadi fit-30 ta’ April 2014 u b’kunsiderazzjoni tal-esperjenza ulterjuri miksuba mindu ġie adottat, huwa xieraq li jiġi adottat regolament ġdid ta’ eżenzjoni ta’ kategorija.

(3)

Dan ir-Regolament għandu jissodisfa żewġ rekwiżiti, jiġifieri li tiġi assigurata protezzjoni effettiva tal-kompetizzjoni u li tiġi pprovduta ċertezza legali adegwata għall-impriżi. Fil-ħidma biex jintlaħqu dawk l-għanijiet għandu jitqies kemm jista’ jkun il-bżonn li tiġi ssimplifikata is-superviżjoni amministrattiva u l-qafas leġiżlattiv.

(4)

Il-ftehimiet dwar it-trasferiment ta’ teknoloġija jirrigwardaw l-għoti ta’ liċenzja fir-rigward ta’ drittijiet marbuta mat-teknoloġija. Dawk il-ftehimiet għandhom itejbu b’mod regolari l-effiċjenza ekonomika u jkunu favur il-kompetizzjoni billi jistgħu jnaqqsu d-duplikazzjoni tar-riċerka u l-iżvilupp, isaħħu l-inċentiv għar-riċerka u l-iżvilupp tal-bidu, iħeġġu dejjem aktar l-innovazzjoni, jiffaċilitaw it-tixrid u joħolqu kompetizzjoni fis-suq għall-prodott.

(5)

Il-probabbiltà li effetti bħal dawn li jkabbru l-effiċjenza u l-kompetittività jegħlbu kull effett li jmur kontra l-kompetittività minħabba r-restrizzjonijiet inklużi fil-ftehimiet dwar it-trasferiment ta’ teknoloġija tiddependi fuq il-grad ta’ poter fis-suq tal-impriżi ikkonċernati u, għalhekk, fuq l-ammont ta’ kompetizzjoni li dawk l-impriżi jiffaċċjaw minn impriżi li jħaddnu teknoloġiji ta’ sostituzzjoni jew impriżi li jipproduċu prodotti ta’ sostituzzjoni.

(6)

Dan ir-Regolament għandu jkopri biss ftehimiet dwar it-trasferiment ta’ teknoloġija bejn il-liċenzjatur u d-detentur tal-liċenzja. Hu għandu jkopri ftehimiet bħal dawk anki jekk il-ftehim ikun fih kundizzjonijiet li jirrigwardaw iktar minn livell wieħed ta’ kummerċ, billi pereżempju id-detentur tal-liċenzja jintalab biex jistabbilixxi sistema partikolari ta’ distribuzzjoni u jispeċifika l-obbligi li għandhom jew jistgħu jiġu imponuti mid-detentur tal-liċenżja fuq dawk li jbiegħu mill-ġdid il-prodotti manifatturati taħt dik il-liċenzja. Madankollu, dawn il-kundizzjonijiet u l-obbligi għandhom ikunu konformi mar-regoli tal-kompetizzjoni applikabbli għal ftehimiet dwar il-provvista u d-distribuzzjoni stabbiliti fir-Regolament tal-Kummissjoni (UE) Nru 330/2010 (3). Il-ftehimiet dwar il-provvista u d-distribuzzjoni milħuqa bejn id-detentur tal-liċenzja u min jixtri l-prodotti kuntrattwali tiegħu, m’għandhomx ikunu eżentati minn dan ir-Regolament.

(7)

Dan ir-Regolament għandu japplika biss għal ftehimiet li fihom il-liċenzjatur jippermetti lid-detentur tal-liċenzja u/jew lis-subkuntrattur jew subkuntratturi tiegħu li jisfruttaw d-drittijiet marbutin mat-teknoloġija liċenzjati, possibbilment wara aktar riċerka u żvilupp mid-detentur tal-liċenzja u/jew s-sub-kuntrattur(i), bil-għan li jipproduċi prodotti jew servizzi. Ma għandux japplika għal-liċenzjar fil-kuntest ta’ ftehimiet ta’ riċerka u żvilupp li huma koperti mir-Regolament tal-Kummissjoni (UE) Nru 1217/2010 (4) jew għal-liċenzjar fil-kuntest ta’ ftehimiet ta’ speċjalizzazzjoni li huma koperti bir-Regolament tal-Kumissjoni (UE) Nru 1218/2010 (5). M’għandhux japplika wkoll għal ftehimiet, li l-għan tagħhom huwa sempliċement ir-riproduzzjoni u d-distribuzzjoni ta’ prodotti protetti bid-dritt tal-awtur tas-softwer minħabba li dak it-tip ta’ ftehimiet ma jikkonċernax il-liċenzjar ta’ teknoloġija għal skopijiet ta’ produzzjoni, iżda jixbah aktar il-ftehimiet dwar id-distribuzzjoni. Ir-Regolament m’għandux japplika lanqas għal ftehimiet biex jiġu stabbiliti pools tat-teknoloġija, jiġifieri il-ftehimiet li l-għan tagħhom ikun li t-teknoloġiji jsiru komuni bejn kulħadd bl-iskop li jiġu liċenzjati lill-partijiet terzi u lanqas għal ftehimiet li permezz tagħhom it-teknoloġija li tkun saret komuni bejn kulħadd tkun liċenzjata lil dawk il-partijiet terzi.

(8)

Għall-applikazzjoni tal-Artikolu 101(3) tat-Trattat b’regolament, mhux neċessarju li jiġu definiti dawk il-ftehimiet dwar it-trasferiment ta’ teknoloġija li jkunu jistgħu jaqgħu fl-ambitu tal-Artikolu 101(1). Fl-istima individwali tal-ftehimiet skont l-Artikolu 101(1) tat-Trattat, għandhom jitqiesu diversi fatturi, b’mod partikolari l-istruttura u d-dinamika tat-teknoloġija rilevanti u tas-swieq tal-prodott.

(9)

Il-benefiċċju tal-eżenzjoni ta’ kategorija stabbilita b’dan ir-Regolament għandu jkun limitat għal dawk il-ftehimiet li fir-rigward tagħhom wieħed jista’ jassumi b’ċertezza suffiċjenti li jissodisfaw il-kundizzjonijiet tal-Artikolu 101(3) tat-Trattat. Sabiex jinkisbu l-benefiċċji u l-objettivi ta’ trasferiment ta’ teknoloġija, dan ir-Regolament ma għandux ikopri biss it-trasferiment ta’ teknoloġija nnifisha iżda għandu jkopri wkoll dispożizzjonijiet oħrajn fil-ftehimiet dwar it-trasferiment ta’ teknoloġija jekk, u sakemm, dawk id-dispożizzjonijiet ikunu direttament relatati mal-produzzjoni jew mal-bejgħ tal-prodotti kuntrattwali.

(10)

Fil-każ ta’ ftehimiet dwar it-trasferiment ta’ teknoloġija bejn il-kompetituri jista’ jiġi meqjus li, meta s-sehem magħqud tas-swieq rilevanti li għandhom il-partijiet ma jkunx iktar minn 20 % u meta l-ftehimiet ma jkunux jinkludu restrizzjonijiet kbar antikompetittivi, dawk il-ftehimiet b’mod ġenerali jwasslu għal titjib fil-produzzjoni jew fid-distribuzzjoni u jippermettu li l-konsumaturi jirċievu sehem xieraq mill-benefiċċji li jirriżultaw.

(11)

Fil-każ ta’ ftehimiet dwar it-trasferiment ta’ teknoloġija bejn dawk li ma jkunux kompetituri jista’ jiġi meqjus li meta s-sehem individwali tas-swieq rilevanti li jkollha kull waħda mill-partijiet ma jkunx iktar minn 30 % u meta l-ftehimiet ma jkunux jinkludu restrizzjonijiet kbar antikompetittivi, dawk il-ftehimiet b’mod ġenerali jwasslu għal titjib fil-produzzjoni jew fid-distribuzzjoni u jippermettu li l-konsumaturi jirċievu sehem xieraq mill-benefiċċji li jirriżultaw.

(12)

Jekk jinqabeż il-limitu tas-sehem mis-suq applikabbli f’suq jew f’diversi swieq ta’ prodotti u ta’ tekonoloġija, l-eżenzjoni ta’ kategorija ma għandhiex tapplika għall-ftehim li jirrigwarda dak is-suq jew swieq ikkonċernati.

(13)

Ma għandu jkun hemm l-ebda suppożizzjoni li ‘l fuq minn dawn il-limiti tas-sehem fis-suq il-ftehimiet dwar it-trasferiment ta’ teknoloġija jkunu jaqgħu fl-ambitu tal-Artikolu 101(1) tat-Trattat. Pereżempju, ftehimiet esklussivi li jippermettu l-għoti ta’ liċenzji bejn impriżi li ma jkunux jikkompetu spiss ma jkunux jaqgħu fl-ambitu tal-Artikolu 101(1). Ma għandu jkun hemm ukoll l-ebda suppożizzjoni li, ‘il fuq minn dawk il-limiti tas-sehem fis-suq, ftehimiet dwar it-trasferiment ta’ teknoloġija li jaqgħu fl-ambitu tal-Artikolu 101(1) ma jkunux jissodisfaw il-kundizzjonijiet għall-eżenzjoni. Madankollu, jista’ wkoll ma jiġix preżunt li dawn joħolqu b’mod regolari vantaġġi objettivi ta’ karattru u daqs li jwasslu biex jikkumpensaw għall-iżvantaġġi li huma joħolqu għall-kompetizzjoni.

(14)

Dan ir-Regolament ma għandux jeżenta ftehimiet dwar it-trasferiment ta’ teknoloġija li jkunu jinkludu restrizzjonijiet li ma jkunux indispensabbli għat-titjib tal-produzzjoni u d-distribuzzjoni. B’mod partikolari, ftehimiet dwar it-trasferiment ta’ teknoloġija li jkunu jinkludu ċerti restrizzjonijiet kbar antikompetittivi, bħall-istabbiliment tal-prezzijiet li l-partijiet terzi jiġu mitluba jħallsu għandhom jiġu esklużi mill-benefiċċju tal-eżenzjoni ta’ kategorija stabbilit b’dan ir-Regolament irrispettivament mill-ishma fis-suq tal-impriżi kkonċernati. F’każ ta’ restrizzjonijiet fundamentali bħal dawn il-ftehim kollu għandu jiġi eskluż mill-benefiċċju tal-eżenzjoni ta’ kategorija.

(15)

Bl-iskop li jkunu protetti l-inċentivi għall-innovazzjoni u l-applikazzjoni xierqa tad-drittijiet tal-proprjetà intellettwali, ċerti restrizzjonijiet għandhom jiġu esklużi mill-benefiċċju tal-eżenzjoni ta’ kategorija. B’mod partikolari obbligi ta’ retroċessjoni esklussivi u klawżoli ta’ ebda kontestazzjoni għandhom jiġu esklużi. Meta restrizzjoni bħal din tkun inkluża fi ftehim ta’ liċenzja għandha tkun biss ir-restrizzjoni fil-kwistjoni li tiġi eskluża mill-benefiċċju tal-eżenzjoni ta’ kategorija.

(16)

Il-limiti tas-sehem mis-suq u n-nuqqas ta’ eżenzjoni tal-ftehimiet dwar it-trasferiment ta’ teknoloġija li jkunu jinkludu r-restrizzjonijiet kbar antikompetittivi u r-restrizzjonijiet esklużi stabbiliti f’dan ir-Regolament normalment jassiguraw li l-ftehimiet li għalihom tkun tapplika l-eżenzjoni ta’ kategorija ma jwasslux biex l-impriżi li jkunu qed jipparteċipaw jeliminaw il-kompetizzjoni fir-rigward ta’ parti kbira tal-prodotti kkonċernati.

(17)

Il-Kummissjoni tista’ tirtira l-benefiċċju ta’ dan ir-Regolament, skont l-Artikolu 29(1) tar-Regolament (KE) Nru 1/2003 (6), meta f’każ partikolari ssib li ftehim dwar it-trasferiment ta’ teknoloġija li għalih tkun tapplika l-eżenzjoni msemmija f’dan ir-Regolament xorta jkollu effetti li ma jkunux kompatibbli mal-Artikolu 101(3) tat-Trattat. B’mod partikolari dan jista’ jiġri meta l-inċentivi għall-innovazzjoni jkunu tnaqqsu jew meta l-aċċess għas-swieq ikun imfixkel.

(18)

L-awtorità tal-kompetizzjoni ta’ Stat Membru tista’ tirtira l-benefiċċju ta’ dan ir-Regolament skont l-Artikolu 29(2) tar-Regolament (KE) Nru 1/2003 fir-rigward tat-territorju ta’ dak l-Istat Membru, jew ta’ parti minnu, meta, f’każ partikolari, ftehim li tapplika għalih l-eżenzjoni prevista f’dan ir-Regolament xorta ikollu effetti li jkunu inkompatibbli mal-Artikolu 101(3) tat-Trattat fit-territorju ta’ dak l-Istat Membru, jew f’parti minnu, u meta dak it-territorju jkollu l-karatteristiċi kollha ta’ suq ġeografiku distint.

(19)

Sabiex tissaħħaħ is-superviżjoni ta’ netwerks paralleli ta’ ftehimiet dwar it-trasferiment ta’ teknoloġija b’effetti restrittivi simili u li jkopru aktar minn 50 % minn suq partikolari, il-Kummissjoni tista’, permezz ta’ regolament, tiddikjara li dan ir-Regolament ma japplikax għal ftehimiet dwar it-trasferiment ta’ teknoloġija li jkun fihom restrizzjonijiet speċifiċi relatati mas-suq ikkonċernat, biex b’hekk l-Artikolu 101 tat-Trattat jerġa’ japplika b’mod sħiħ għal dawk il-ftehimiet,

(a)

“ftehim” tfisser ftehim, deċiżjoni ta’ assoċjazzjoni ta’ impriżi jew prattika miftehma;

(b)

“drittijiet marbutin mat-teknoloġija” tfisser kompetenza u d-drittijiet li ġejjin, jew taħlita tat-tnejn, inklużi l-applikazzjonijiet ta’ dawk id-drittijiet jew l-applikazzjonijiet għar-reġistrazzjoni tagħhom:

(c)

“ftehim dwar it-trasferiment ta’ teknoloġija” tfisser:

(d)

“ftehim reċiproku” tfisser ftehim dwar it-trasferiment ta’ teknoloġija meta żewġ impriżi jikkonċedu lil xulxin, fl-istess kuntratt jew f’kuntratti separati, liċenzja għad-drittijiet tat-teknoloġija, u fejn dawk il-liċenzji jikkonċernaw teknoloġiji li jikkompetu bejniethom jew jistgħu jintużaw għall-produzzjoni ta’ prodotti li jikkompetu;

(e)

“ftehim mhux reċiproku” tfisser ftehim dwar it-trasferiment ta’ teknoloġija fejn impriża waħda tikkonċedi lil impriża oħra liċenzja tat-teknoloġija, jew meta żewġ impriżi jikkonċedu lil xulxin liċenzja ta’ dak it-tip, iżda dawk il-liċenzji ma jkunux jikkonċernaw teknoloġiji li jikkompetu u ma jkunux jistħgu jintużaw għall-produzzjoni ta’ prodotti li jikkompetu;

(f)

“prodott” tfisser oġġetti jew servizzi, inklużi kemm l-oġġetti u s-servizzi intermedjarji kif ukoll l-oġġetti u s-servizzi finali;

(g)

“prodott kuntrattwali” tfisser prodott li jiġi magħmul, b’mod dirett jew indirett, fuq il-bażi tad-drittijiet marbutin mat-teknoloġija liċenzjata;

(h)

“drittijiet tal-proprjetà intellettwali” tinkludi d-drittijiet tal-proprjetà industrijali, b’mod partikolari l-privattivi u l-marki kummerċjali, id-drittijiet tal-awtur u d-drittijiet assoċjati;

(i)

“kompetenza” tfisser pakkett ta’ informazzjoni prattika, li jirriżulta mill-esperjenza u l-ittestjar li jkun:

(j)

“suq rilevanti tal-prodott” tfisser is-suq tal-prodotti parti minn kuntratt u s-sostituti tagħhom, jiġifieri dawk il-prodotti kollha li jitqies li jistgħu jiġu skambjati jew sostitwiti mix-xerrej, minħabba l-karatteristiċi tal-prodotti, il-prezzijiet tagħhom u l-użu li għalih huma intenzjonati;

(k)

“suq rilevanti tat-teknoloġija” tfisser is-suq tad-drittijiet liċenzjati marbuta mat-teknoloġija u s-sostituti tagħhom, jiġifieri dawk id-drittijiet marbutin mat-teknoloġija kollha li huma kkunsidrati li jistgħu jiġu skambjati jew sostitwiti mix-xerrej, minħabba l-karatteristiċi tad-drittijiet tatteknoloġij, id-drittijiet pagabbli għal dawk id-drittijiet u l-użu li għalih huma intenzjonati;

(l)

“suq ġeografiku rilevanti” tfisser iż-żona fejn l-impriżi kkonċernati jkunu involuti fil-provvista jew fid-domanda ta’ prodotti jew fil-liċenzjar tad-drittijiet marbutin mat-teknoloġija, fejn il-kundizzjonijiet tal-kompetizzjoni jkunu omoġenji biżżejjed u li jistgħu jkunu distinti minn żoni ġirien billi l-kundizzjonijiet ta’ kompetizzjoni jkunu sostanzjalment differenti f’dawk iż-żoni;

(m)

“suq rilevanti” tfisser il-kombinazzjoni tas-suq rilevanti tal-prodott jew tat-teknoloġija mas-suq ġeografiku rilevanti;

(n)

“impriżi li jikkompetu bejniethom” tfisser impriżi li jikkompetu fis-suq rilevanti, jiġifieri:

(o)

“sistema ta’ distribuzzjoni selettiva” tfisser sistema ta’ distribuzzjoni fejn il-liċenzjatur jintrabat li jagħti l-liċenzja għall-produzzjoni tal-prodotti kuntrattwali, direttament jew indirettament, biss lil detenturi magħżula fuq bażi ta’ kriterji speċifikati u fejn dawk id-detenturi jintrabtu li ma jbigħux il-prodotti kuntrattwali lil distributuri mhux awtorizzati fit-territorju riżervat mil-liċenzjatur biex fih iħaddem dik is-sistema;

(p)

“liċenzja esklussiva” tfisser liċenzja li permezz tagħha l-liċenzjatur stess ma jkunx permess li jipproduċi fuq il-bażi tad-drittijiet marbutin mat-teknoloġija liċenzjati u ma jkunx permess li jagħti liċenżja għad-drittijiet marbutin mat-teknoloġija liċenzjata lil partijiet terzi, b’mod ġenerali jew għal użu partikolari jew f’territorju partikolari;

(q)

“territorju esklussiv” tfisser territorju partikolari li fih impriża waħda biss ikollha l-permess tipproduċi il-prodotti kuntrattwali, iżda li madankollu xorta jkun possibbli li detentur ieħor ta’ liċenzja jingħata l-peremss li jipproduċi l-prodotti kuntrattwali f’dak it-territorju biss għal klijent partikolari wieħed, fejn din it-tieni liċenzja tkun ingħatat sabiex jinħoloq sors alternattiv ta’ provvista għal dak il-klijent;

(r)

“grupp esklussiv ta’ klijenti” tfisser grupp ta’ klijenti li parti waħda biss fil-ftehim dwar it-trasferiment ta’ teknoloġija tkun permessa tbegħilhom b’mod attiv il-prodotti kuntrattwali li jkunu ġew prodotti bit-teknoloġija liċenzjata.

(a)

impriżi fejn waħda mill-partijiet fil-ftehim dwar it-trasferiment ta’ teknoloġija, b’mod dirett jew indirett:

(b)

impriżi li, direttament jew indirettament, ikollhom id-drittijiet jew is-setgħat elenkati fil-punt (a) fil-konfront ta’ parti fil-ftehim dwar it-trasferiment ta’ teknoloġija;

(c)

impriżi li fihom impriża msemmija fil-punt (b) ikollha, direttament jew indirettament, id-drittijiet jew is-setgħat elenkati fil-punt (a);

(d)

impriżi li fihom parti fil-ftehim dwar it-trasferiment ta’ teknoloġija flimkien ma’ impriża waħda jew aktar imsemmija fil-punti (a), (b) jew (c), jew li fihom tnejn jew aktar mill-impriżi msemmija l-aħħar, flimkien ikollhom id-drittijiet jew is-setgħat elenkati fil-punt (a);

(e)

impriżi li fihom id-drittijiet jew is-setgħat elenkati fil-punt (a) ikunu miżmuma konġuntament minn:

(a)

ir-restrizzjoni tal-kapaċita ta’ parti partikolari li tistabbilixxi l-prezzijiet tagħha meta tkun qed tbigħ il-prodotti lil partijiet terzi;

(b)

il-limitazzjoni tal-produzzjoni, minbarra l-limitazzjonijiet fuq il-produzzjoni tal-prodotti kuntrattwali li jkunu imposti fuq detentur tal-liċenżja permezz ta’ ftehim mhux reċiproku jew imposti fuq wieħed biss mid-detenturi tal-liċenzja permezz ta’ ftehim reċiproku;

(c)

l-allokazzjoni tas-swieq jew tal-klijenti, għajr:

(d)

ir-restrizzjoni tal-kapaċità tad-detentur tal-liċenzja li jisfrutta d-drittijiet marbuta mat-teknoloġija tiegħu stess jew ir-restrizzjoni tal-kapaċità ta’ kull parti fil-ftehim li twettaq riċerka u żvilupp, sakemm din l-aħħar restrizzjoni ma tkunx indispensabbli biex ma tiġix żvelata l-kompetenza liċenzjata lil partijiet terzi.

(a)

ir-restrizzjoni tal-kapaċità ta’ parti li tistabbilixxi l-prezzijiet tagħha meta tbiegħ il-prodotti tagħha lil terzi, mingħajr preġudizzju għall-possibbiltà li jiġi imponut prezz massimu ta’ bejgħ jew prezz rakkomandat ta’ bejgħ, sakemm dan ma jsirx prezz fiss jew prezz minimu ta’ bejgħ minħabba pressjoni li tkun qed issir minn kwalunkwe mill-partijiet jew inċentivi li jkunu qed jiġu offruti minnhom;

(b)

ir-restrizzjoni tat-territorju li fih, jew tal-klijenti li lilhom id-detentur tal-liċenzja jista’ jbigħ b’mod passiv il-prodotti kuntrattwali, minbarra:

(c)

ir-restrizzjoni ta’ bejgħ attiv u passiv lill-utenti finali minn detentur tal-liċenzja li jkun membru ta’ sistema selettiva ta’ distribuzzjoni li taħdem fuq il-livell ta’ bejgħ bl-imnut, mingħajr preġudizzju għall-possibbiltà li membru tas-sistema jkun ipprojbit milli jopera minn post ta’ stabbiliment mhux awtorizzat.

(a)

kull obbligu dirett jew indirett fuq id-detentur tal-liċenzja biex jagħti liċenzja esklussiva jew biex jassenja drittijiet, sħaħ jew parzjali, lil-liċenzjatur jew lil parti terza indikata mil-liċenzjatur rigward titjib li jkun sar minnu stess ft-teknoloġija liċenzjata jew fl-applikazzjonijiet ġodda tagħha;

(b)

kull obbligu dirett jew indirett fuq parti biex ma tiddubitax mill-validità tad-drittijiet tal-proprjetà intellettwali li l-parti l-oħra jkollha fl-Unjoni, mingħajr preġudizzju għall-possibilità li, fil-każ ta’ liċenzja esklussiva, ittemm il-ftehim dwar it-trasferiment ta’ teknoloġija f’każ li d-detentur tal-liċenzja jikkontesta l-validità ta’ wieħed jew aktar mid-drittijiet liċenzjati tat-teknoloġija.

(a)

l-aċċess tat-teknoloġiji ta’ terzi għas-suq ikun ristrett, pereżempju minħabba l-effett kumulattiv ta’ netwerks paralleli ta’ ftehim restrittivi simili li jipprojbixxu lid-dententuri tal-liċenżja milli juża t-teknoloġiji tat-terzi;

(b)

l-aċċess għas-suq ta’ detenturi tal-liċenzja potenzjali ikun ristrett, pereżempju minħabba l-effett kumulattiv ta’ netwerks paralleli ta’ ftehimiet restrittivi simili li jipprojbixxu lil-liċenzjatur milli jilliċenzja lil detenturi tal-liċenzja oħrajn jew minħabba li l-uniku proprjetarju ta’ teknoloġija li jagħti liċenzji fir-rigward ta’ drittijiet rilevanti tat-teknoloġija jikkonkludi ftehim ta’ liċenzja esklussiva ma’ detentur tal-liċenzja li jkun diġà attiv fis-suq tal-prodott fuq il-bażi ta’ drittijiet marbutin mat-teknoloġija sostitwibbli.

(a)

is-sehem fis-suq jiġi kkalkulat fuq il-bażi tad-dejta dwar il-valur tal-bejgħ fis-suq; jekk id-dejta dwar il-valur tal-bejgħ fis-suq ma tkunx disponibbli, jistgħu jintużaw stimi bbażati fuq informazzjoni oħra tas-suq li tkun affidabbli, inklużi l-volumi tal-bejgħ fis-suq, sabiex jiġi stabbilit is-sehem mis-suq tal-impriża kkonċernata;

(b)

is-sehem fis-suq għandu jiġi kkalkulat fuq il-bażi ta’ dejta relattiva għas-sena kalendarja preċedenti;

(c)

is-sehem mis-suq tal-impriżi msemmija f’punt (e) tat-tieni subparagrafu tal-Artikolu 1(2) jiġi mqassam b’mod ugwali bejn kull impriża li jkollha d-drittijiet jew is-setgħat imsemmija fil-punt (a) tat-tieni subparagrafu tal-Artikolu 1(2);

(d)

is-sehem mis-suq ta’ liċenzjatur f’suq rilevanti tad-drittijiet tat-teknoloġija liċenzjati jiġi kkalkulat, fuq il-bażi tal-preżenza tad-drittijiet tat-teknoloġija liċenzjati fis-suq jew swieq rilevanti (jiġifieri s-suq jew is-swieq tal-prodotti u s-suq jew is-swieq ġeografiċi) fejn jinbiegħu l-prodotti kuntrattwali, jiġifieri fuq il-bażi tad-dejta dwar il-bejgħ li tirrigwarda l-prodotti kuntrattwali li jiġu prodotti mill-liċenzjatur flimkien mad-detenturi tal-liċenżja tiegħu;

(e)

jekk is-sehem mis-suq imsemmi fl-Artikolu 3(1) jew (2) fil-bidu ma jkunx aktar minn 20 % jew 30 % rispettivament imma wara jaqbeż dawn il-livelli, l-eżenzjoni prevista fl-Artikolu 2 tibqa’ tgħodd għal sentejn tal-kalendarju wara xulxin wara s-sena li fiha l-limitu ta’ 20 % jew il-limitu ta’ 30 % jkunu nqabżu għall-ewwel darba.