28.1.2014 |
MT |
Il-Ġurnal Uffiċjali tal-Unjoni Ewropea |
L 23/25 |
REGOLAMENT TAL-KUMMISSJONI (UE) Nru 70/2014
tas-27 ta’ Jannar 2014
li jemenda r-Regolament (UE) Nru 1178/2011 li jistabbilixxi rekwiżiti tekniċi u proċeduri amministrattivi relatati mal-ekwipaġġi tal-ajruplani tal-avjazzjoni ċivili skont ir-Regolament (KE) Nru 216/2008 tal-Parlament Ewropew u tal-Kunsill
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 216/2008 tal-Parlament Ewropew u tal-Kunsill tal-20 ta’ Frar 2008 dwar regoli komuni fil-kamp tal-avjazzjoni ċivili u li jistabblixxi Aġenzija Ewropea tas-Sikurezza tal-Avjazzjoni, u li jħassar id-Direttiva tal-Kunsill 91/670/KEE, ir-Regolament (KE) Nru 1592/2002 u d-Direttiva 2004/36/KE (1), u b’mod partikolari l-Artikoli 7(6), 8(5), u 10(5) tagħha,
Billi:
(1) |
Ir-Regolament tal-Kummissjoni (UE) Nru 1178/2011 (2) jistipula regoli ddettaljati għal ċerti liċenzji tal-bdoti u għall-konverżjoni tal-liċenzji u ċ-ċertifikati nazzjonali kif ukoll il-kundizzjonijiet għall-aċċettazzjoni tal-liċenzji minn pajjiżi terzi. Barra minn hekk, ir-Regolament (UE) Nru 1178/2011 jinkludi dispożizzjonijiet dwar iċ-ċertifikazzjoni ta’ organizzazzjonijiet ta’ taħriġ approvati u ta’ operaturi ta’ apparat ta’ taħriġ ta’ simulazzjoni tat-titjir użat għat-taħriġ, għall-ittestjar u għall-ivverifikar tal-bdoti. |
(2) |
L-Artikolu 5 tar-Regolament (KE) Nru 216/2008 li jittratta “airworthiness” ġie estiż sabiex jinkludi l-elementi ta’ evalwazzjoni tal-adegwatezza operattiva fir-regoli ta’ implimentazzjoni għaċ-ċertifikazzjoni tat-tip. |
(3) |
L-Aġenzija Ewropea tas-Sikurezza tal-Avjazzjoni (l-“Aġenzija”) sabet li kien meħtieġ li jiġi emendat ir-Regolament tal-Kummissjoni (UE) Nru 748/2012 (3) sabiex ikun possibbli għall-Aenzija li tapprova d-dejta tal-adegwatezza operattiva bħala parti mill-proċess taċ-ċertifikazzjoni tat-tip. |
(4) |
Id-dejta tal-adegwatezza operattiva għandha tinkludi l-elementi mandatorji tat-taħriġ tal-ekwipaġġ tat-titjira għat-taħriġ tal-klassifikazzjoni tat-tip. Dawk l-elementi għandhom ikunu l-bażi għall-iżvilupp ta’ korsijiet ta’ taħriġ tat-tip. |
(5) |
Ir-rekwiżiti relatati mal-istabbiliment ta’ korsijiet ta’ taħriġ tal-ekwipaġġ tat-titjira tal-klassifikazzjoni tat-tip jirreferu għad-dejta tal-adegwatezza operattiva, iżda fejn id-dejta tal-adegwatezza operattiva mhijiex disponibbli għandu jkun hemm dispożizzjoni ġenerali kif ukoll miżuri ta’ tranżizzjoni. |
(6) |
L-Aġenzija Ewropea tas-Sikurezza tal-Avjazzjoni ħejjiet abbozz ta’ regoli ta’ implimentazzjoni u ressqithom bħala opinjoni (4) lill-Kummissjoni skont l-Artikolu 19(1) tar-Regolament (KE) Nru 216/2008. |
(7) |
Għalhekk ir-Regolament (UE) Nru 1178/2011 għandu jiġi emendat skont dan. |
(8) |
Il-miżuri stipulati f’dan ir-Regolament huma skont l-opinjoni tal-Kumitat stabbilit permezz tal-Artikolu 65 tar-Regolament (KE) Nru 216/2008, |
ADOTTAT DAN IR-REGOLAMENT:
Artikolu 1
Ir-Regolament (UE) Nru 1178/2011 huwa emendat kif ġej:
(1) |
Jiddaħħal dan l-Artikolu 9a: “Artikolu 9a It-taħriġ tal-klassifikazzjoni tat-tip u d-dejta tal-adegwatezza operattiva 1. Fejn l-Annessi ta’ dan ir-Regolament jagħmlu referenza għad-dejta tal-adegwatezza operattiva stabbilita f’konformità mar-Regolament (UE) Nru 748/2012, u dik id-dejta ma tkunx disponibbli għall-inġenji tal-ajru tat-tip rilevanti, l-applikant għal kors ta’ taħriġ tal-klassifikazzjoni tat-tip għandu jikkonforma mad-dispożizzjonijiet tal-Annessi tar-Regolament (UE) Nru 1178/2011 biss. 2. Il-korsijiet tat-taħriġ tal-klassifikazzjoni tat-tip approvati qabel l-approvazzjoni tas-sillabu minimu tat-taħriġ tal-klassifikazzjoni tat-tip ta’ bdoti fid-dejta tal-adegwatezza operattiva għat-tip rilevanti ta’ inġenji tal-ajru f’konformità mar-Regolament (UE) Nru 748/2012 għandhom jinkludu l-elementi mandatorji tat-taħriġ mhux aktar tard mit-18 ta’ Diċembru 2017, jew fi żmien sentejn wara li d-dejta tal-adegwatezza operattiva ġiet approvata, skont liema minnhom taħbat l-aħħar.”. |
(2) |
L-Anness VII (PARTI-ORA) huwa emendat skont l-Anness ta’ dan ir-Regolament. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta’ Jannar 2014.
Għall-Kummissjoni
Il-President
José Manuel BARROSO
(2) ĠU L 311, 25.11.2011, p. 1.
(3) ĠU L 224, 21.8.2012, p. 1.
(4) Opinjoni Nru 07/2011 tal-Aġenzija Ewropea tas-Sikurezza tal-Avjazzjoni tat-13 ta’ Diċembru 2011, disponibbli fuq http://easa.europa.eu/agency-measures/opinions.php
ANNESS
L-Anness VII (PARTI-ORA) tar-Regolament (UE) Nru 1178/2011 huwa emendat kif ġej:
(1) |
Fil-punt ORA.GEN.160, il-punt (b) jinbidel b’dan li ġej:
|
(2) |
Il-Punt ORA.ATO.145 jinbidel b’dan li ġej: “ORA.ATO.145 Prerekwiżiti għat-taħriġ
|
(3) |
Fil-punt ORA.FSTD.210(a), il-punt 2 jinbidel b’dan li ġej:
|