li jemenda r-Regolament (UE) Nru 206/2010 li jistabbilixxi listi ta’ pajjiżi terzi, territorji jew partijiet minnhom awtorizzati għall-introduzzjoni fl-Unjoni Ewropea ta’ annimali partikulari u laħam frisk u r-rekwiżiti relatati maċ-ċertifikazzjoni veterinarja

Wara li kkunsidrat id-Direttiva tal-Kunsill 2004/68/KE tas-26 ta’ April 2004 li tistabbilixxi r-regoli tas-saħħa tal-annimali għall-importazzjoni lejn u t-transitu matul l-Unjoni għal ċerti annimali ungulati ħajjin, u temenda d-Direttivi 90/426/KEE u 92/65/LEE u tħassar id-Direttiva 72/462/KEE (1), u b’mod partikolari l-ewwel u t-tieni sottoparagrafi tal-Artikolu 3(1), l-ewwel sottopragrafu tal-Artikolu 6(1), l-Artikolu 7(e), l-Artikolu 8(c), u l-Artikolu 13(1) tagħha,

Dan ir-Regolament għandu jidħol fis-seħħ fl-20 jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

ANNESS

"ANNESS VI

PARTI 1

Tabella 1

"RUM-A"

Mudell taċ-ċertifikat veterinarju għall-annimali tal-ispeċijiet elenkati hawn taħt li joriġinaw minn korp, istitut jew ċentru approvat, jew li huma intiżi għal wieħed minn dawn.

Ordni

Familja

Ġeneru/speċi

Artiodactyla

Antilocapridae

Antilocapra ssp.

Bovidae

Addax ssp., Aepyceros ssp., Alcelaphus ssp., Ammodorcas ssp., Ammotragus ssp., Antidorcas ssp., Antilope ssp., Bison ssp., Bos ssp. (inklużi Bibos, Novibos, Poephagus), Boselaphus ssp., Bubalus ssp. (inklużi l-anoa), Budorcas ssp., Capra ssp., Cephalophus ssp., Connochaetes ssp., Damaliscus ssp. (inklużi l-Beatragus), Dorcatragus ssp., Gazella ssp., Hemitragus ssp., Hippotragus ssp., Kobus ssp., Litocranius ssp., Madoqua ssp., Naemorhedus ssp. (inklużi Nemorhaedus and Capricornis), Neotragus ssp., Oreamnos ssp., Oreotragus ssp., Oryx ssp., Ourebia ssp., Ovibos ssp., Ovis ssp., Patholops ssp., Pelea ssp., Procapra ssp., Pseudois ssp., Pseudoryx ssp., Raphicerus ssp., Redunca ssp., Rupicapra ssp., Saiga ssp., Sigmoceros-Alecelaphus ssp., Sylvicapra ssp., Syncerus ssp., Taurotragus ssp., Tetracerus ssp., Tragelaphus ssp. (inklużi l-Boocerus).

Camelidae

Camelus spp., Lama spp., Vicugna spp.

Cervidae

Alces ssp., Axis-Hyelaphus ssp., Blastocerus ssp., Capreolus ssp., Cervus-Rucervus ssp., Dama ssp., Elaphurus ssp., Hippocamelus ssp., Hydropotes ssp., Mazama ssp., Megamuntiacus ssp., Muntiacus ssp., Odocoileus ssp., Ozotoceros ssp., Pudu ssp., Rangifer ssp.

Giraffidae:

Giraffa spp., Okapia spp.

Moschidae

Moschus ssp.

Tragulidae

Hyemoschus spp., Tragulus-Moschiola spp.,

Tabella 2

"SUI-A"

Mudell taċ-ċertifikat veterinarju għall-annimali tal-ispeċijiet elenkati hawn taħt li joriġinaw minn korp, istitut jew ċentru approvat, jew li huma intiżi għal wieħed minn dawn.

Ordni

Familja

Ġeneru/speċi

Artiodactyla

Suidae

Babyrousa ssp., Hylochoerus ssp., Phacochoerus ssp., Potamochoerus ssp., Sus ssp.

Tayassuidae

Catagonus ssp., Pecari-Tayassu ssp.

Hippopotamidae

Hexaprotodon-Choeropsis spp., Hippopotamus spp.

Tabella 3

"TRE-A"

Mudell taċ-ċertifikat veterinarju għall-annimali tal-ispeċijiet elenkati hawn taħt li joriġinaw minn korp, istitut jew ċentru approvat, jew li huma intiżi għal wieħed minn dawn.

Ordni

Familja

Ġeneru/speċi

Perissiodaktila

Tapiridae

Tapirus ssp.

Rhinocerotidae

Ceratotherium ssp., Dicerorhinus ssp., Diceros ssp., Rhinoceros ssp.

Proboxxideja:

Elephantidae

Elephas spp., Loxodonta spp.

PARTI 2

Test ta 'immaġni

PARTI 3

Rekwiżiti li jikkonċernaw korpi, istituti jew ċentri f'pajjiżi terzi

Il-korp, l-istitut jew iċ-ċentru f'pajjiż terz jeħtieġlu:

(a)	ikun idemarkat u separat b'mod ċar mill-ambjent ta' madwaru;

(b)	ikollu mezz xieraq biex jaqbad, jagħlaq u jiżola l-annimali, u jkollu għad-disposizzjoni tiegħu faċilitajiet ta' kwarantina xierqa u proċeduri ta' tħaddim approvati għall-annimali li jkunu ġejjin minn mkejjen mhux magħrufa;

(c)

ikollu binja protetta kontra l-vetturi li tikkonforma mar-rekwiżiti li ġejjin:

(i)	għandu jkollu barrieri fiżiċi addattati fil-punti tad-dħul u tal-ħruġ;

(ii)	l-aperturi tal-binja protetta kontra l-vetturi għandhom ikunu skrinjati kontra l-vetturi b’xibka bit-toqob ta’ daqs xieraq li għandhom jiġu mimlija regolarment b’insettiċida approvata skont l-istruzzjonijiet tal-manifatturi;

(iii)

is-sorveljanza u l-kontrolli kontra l-vetturi għandhom jitwettqu fil-binja protetta kontra l-vetturi u madwarha;

(iv)	għandhom jittieħdu miżuri biex jillimitaw jew jeliminaw siti tat-tgħammir għall-vetturi fil-viċinanza tal-binja protetta mill-vetturi;

(v)	ikun hemm stabbiliti proċeduri ta' tħaddim, inklużi deskrizzjonijiet ta' sistemi ta' sostenn u twissija, għat-tħaddim tal-binja protetta mill-vetturi u għat-trasportazzjoni tal-annimali minn dik l-istruttura għall-post tat-tagħbija;

(d)

għandu jżomm rekords aġġornati għal perjodu minimu ta' 10 snin, li jindikaw:

(i)	l-għadd, l-identità (l-età, is-sess, l-ispeċi u l-identifikazzjoni individwali fejn hu prattiku) tal-annimali ta' kull speċi preżenti fl-istabbiliment;

(ii)	l-għadd u l-identità (l-età, is-sess, l-ispeċi u l-identifikazzjoni individwali fejn hu prattiku) tal-annimali li jaslu fil-binja jew li joħorġu minnha, flimkien ma' informazzjoni dwar l-oriġini jew id-destinazzjoni tagħhom, il-mezz tat-trasport, u l-istatus ta' saħħa ta' dawn l-annimali;

(iii)

ir-riżultati tat-testijiet tad-demm jew kull proċedura oħra mwettqa fuq l-annimali fl-istabbiliment tiegħu;

(iv)	il-każijiet ta' mard u, fejn xieraq, it-trattament mogħti;

(v)	ir-riżultati tal-eżamijiet post-mortem fuq annimali li mietu fl-istabbiliment, inklużi annimali li twieldu mejta;

(vi)	l-osservazzjonijiet li saru waqt xi perijodu ta' iżolament jew kwarantina;

(e)

għandu jkun ħieles mill-mard elenkat fl-Anness A tad-Direttiva 92/65/KEE jew imsemmijin fiċ-ċertifikati veterinarji għall-ispeċi rilevanti stabbiliti fil-Parti 2 tal-Anness VI ta' dan ir-Regolament, għal mill-inqas it-tliet snin preċedenti, kif ikun muri fir-rekords li jinżammi skont il-punt (d), u r-riżultati tat-testijiet kliniċi u tal-laboratorju mwettqa fuq l-annimali fl-istabbiliment tiegħu;

(f)	jew ikollu arranġament ma' laboratorju approvat mill-awtorità kompetenti biex iwettqu eżamijiet post-mortem, jew ikollhom post wieħed jew aktar xierqa fejn jistgħu jitwettqu dawn l-eżamijiet taħt l-awtorità tal-veterinarju approvat;

(g)	jiżgura r-rimi tal-karkassi ta' annimali li jmutu minħabba xi marda jew ewtanizzati;

(h)

jakkwista, permezz ta' kuntratt jew ta' strument legali, is-servizzi ta' veterinarju approvat mill-awtorità kompetenti u li jaħdem taħt il-kontroll tagħha, li jrid iwettaq mill-inqas il-kompiti li jidhru hawn taħt:

(i)

jiżgura li jkunu applikati miżuri ta' sorveljanza u kontroll kontra l-mard fl-istabbiliment ta' dak il-korp, l-istitut jew iċ-ċentru. Dawn il-miżuri jridu jkunu approvati mill-awtorità kompetenti tal-pajjiż terz, tat-territorju jew parti minnu, fejn ikun ikkollokat il-korp, l-istitut jew iċ-ċentru, filwaqt li titqies il-qagħda fejn jirrigwarda mard, u jridu jinkludu għall-inqas l-elementi li ġejjin:

—	pjan annwali ta' sorveljanza li jinkludi miżuri ta' kontroll xierqa rigward iż-żoonożi fl-annimali fl-istabbiliment,

—	testijiet kliniċi, tal-laboratorju, u post-mortem ta' annimali suspettati li jkunu infettati minn mard li jittieħed u żoonożi,

—	tilqim ta' annimali suxxettibbli kontra l-mard infettiv u ż-żoonożi;

(ii)

jiżgura li kull mewta suspettuża jew il-preżenza ta' xi sintomu ieħor li jagħti ħjiel li l-annimali ġew infettati b'marda waħda jew aktar, fost dawk elenkati fl-Anness A tad-Direttiva 92/65/KEE, jew imsemmijin fiċ-ċertifikati veterinarji għall-ispeċi rilevanti stabbiliti fil-Parti 2 tal-Anness VI ta' dan ir-Regolament, jiġu nnotifikati lill-awtorità kompetenti, f'każ fejn dik il-marda partikolari tkun notifikabbli fil-pajjiż terz, fit-territorju jew parti minnu kkonċernat;

(iii)

jiżgura li l-annimali li jiddaħħlu jkunu għamlu perjodu ta' kwarantina kif meħtieġ, b'konformità mal-istruzzjonijiet mogħtija mill-awtorità kompetenti;

(iv)	jiżgura l-konformità mar-rekwiżiti tas-saħħa tal-annimali li jridu jissodisfaw l-annimali biex ikunu jistgħu jiddaħħlu fl-Unjoni.

PARTI 4

Rekwiżiti li jikkonċernaw l-approvazzjoni ta' korpi, istituti jew ċentri f'pajjiżi terzi

L-approvazzjoni għandha tingħata biss lil dawk il-korpi, istituti jew ċentri li jikkonformaw mar-rekwiżiti stabbiliti fil-Parti 3.

Fejn tkun meħtieġa l-protezzjoni kontra l-vetturi, l-approvazzjoni ta' binja bħala protetta mill-vetturi għandha tingħata biss jekk jintlaħqu l-kriterji fil-punt (c) tal-Parti 3. Biex tagħti l-approvazzjoni, l-awtorità kompetenti trid tivverifika mill-inqas tliet darbiet waqt il-perjodu ta' protezzjoni meħtieġ (fil-bidu tal-perjodu, waqtu u fl-aħħar tiegħu) l-effikaċja tal-miżuri tal-protezzjoni kontra l-vetturi, permezz ta' nasba tal-vetturi fil-binja protetta kontra l-vetturi.

Kull korp, istitut u ċentru approvat għandu jkollu numru ta' approvazzjoni assenjat għalihlilu.

L-approvazzjoni għandha tinżamm biss sakemm jiġu ssodisfatti dawn il-kundizzjonijiet:

l-istabbiliment ikun taħt il-kontroll ta' veterinarju uffiċjali li jrid iwettaq mill-inqas dawn il-kompiti li ġejjin:

(i)	jżur il-post tal-korp, tal-istitut jew taċ-ċentru għall-inqas darba f'kull sena;

(ii)	jivverifika l-attività tal-veterinarju msemmi fil-punt (h) tal-Parti 3 u l-implimentazzjoni tal-pjan annwali ta' sorveljanza tal-mard imsemmi fl-ewwel inċiż tal-punt (h)(i);

(iii)

jiżgura li jiġu ssodisfatti d-dispożizzjonijiet stipulati fil-Partijiet 3 u 4;

(iv)

jivverifika li:

—	hemm konformità mar-rekwiżiti tas-saħħa tal-annimali li jridu jissodisfaw l-annimali biex ikunu jistgħu jiddaħħlu fl-Unjoni;

—	ir-riżultati tat-testijiet kliniċi, post-mortem u tal-laboratorju fuq l-annimali ma wrew ebda okkorrenza tal-mard elenkat fl-Anness A tad-Direttiva 92/65/KEE jew imsemmijin fiċ-ċertifikati veterinarji għall-ispeċi rilevanti stabbiliti fil-Parti 2 tal-Anness VI ta' dan ir-Regolament.

L-approvazzjoni għandha tiġi rtirata fejn l-awtorità kompetenti ssib li ma jkunux għadhom qegħdin jiġu ssodisfatti r-rekwiżiti tal-Parti 3.

Fejn tingħata noitifika li tkun issuspettata l-okkorrenza ta' waħda mill-mardiet elenkati fl-Anness A tad-Direttiva 92/65/KEE, jew imsemmija fiċ-ċertifikati veterinarji għall-ispeċi rilevanti stipulati fil-Parti 2 tal-Anness VI ta' dan ir-Regolament, l-awtorità kompetenti għandha tissospendi l-approvazzjoni tal-korp, tal-istitut jew taċ-ċentru, sakemm is-suspett jiġi mwarrab uffiċjalment. Skont il-marda involuta u r-riskju tat-tixrid tal-mard, is-sospensjoni tista' tirreferi għall-korp, għall-istitut jew għaċ-ċentru kollu, jew biss għal xi kategoriji ta' annimali suxxettibbli għall-marda inkwistjoni. L-awtorità kompetenti trid tiżgura li jitwettqu l-miżuri meħtieġa biex jiġi kkonfermat jew jitwarrab suspett u biex jiġi evitat kull tixrid tal-marda.

Fejn il-marda suspettata msemmija fil-punt 6 tiġi kkonfermata, l-approvazzjoni tal-korp, tal-istitut jew taċ-ċentru għandha tiġi rtirata.

Fejn l-approvazzjoni ta' korp, ta' istitut jew ta' ċentru tiġi rtirata, trid tingħata lura biss fejn jiġu ssodisfatti l-kundizzjonijiet li ġejjin:

(a)	il-marda u s-sors tal-infezzjoni nqerdu fl-istabbiliment tal-korp, tal-istitut jew taċ-ċentru kkonċernat;

(b)	l-istabbiliment tal-korp, tal-istitut jew taċ-ċentru kkonċernat tnaddafu u ġie ddiżinfettat b'mod xieraq;

(c)	il-korp, l-istitut jew iċ-ċentru kkonċernat jikkonforma mar-rekwiżiti stabbiliti fil-punti (a) sa (d) u (f) sa (h) tal-Parti 3.

L-awtorità kompetenti li tkun approvat lill-korp, lill-istitut jew liċ-ċentru għandha tgħarraf b'din is-sospensjoni, din ir-riabilitazzjoni jew dan l-irtirar ta' din l-approvazzjoni lill-Istati Membri li inkludew lill-korp, l-istitut jew iċ-ċentru fil-listi tagħhom ta' korpi, istituti u ċentri approvati."