|
19.3.2013 |
MT |
Il-Ġurnal Uffiċjali tal-Unjoni Ewropea |
L 75/1 |
REGOLAMENT TAL-KUMMISSJONI (UE) Nru 241/2013
tal-14 ta’ Marzu 2013
li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwi għall-klorantraniliprol, il-fludjoksonil u l-proeżadjon f’ċerti prodotti jew fuqhom
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat- 23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u li jemenda d-Direttiva tal-Kunsill 91/414/KEE (1), u b’mod partikolari l-Artikolu 14(1)(a) tiegħu,
Billi:
|
(1) |
Għall-proeżadjon, il-livelli massimi ta’ residwu (LMR) ġew stabbiliti fl-Anness II u fil-Parti B tal-Anness III tar-Regolament (KE) Nru 396/2005. Għall-klorantraniliprol, l-LMR ġew stabbiliti fil-Parti A tal-Anness III tar-Regolament (KE) Nru 396/2005. |
|
(2) |
Fil-kuntest ta’ proċedura għall-awtorizzazzjoni tal-użu ta' prodott għall-protezzjoni tal-pjanti li fih is-sustanza attiva klorantraniliprol fuq il-karrotti, iz-zunnarija bajda, l-għerq tat-tursin u krafes, tressqet applikazzjoni skont l-Artikolu 6(1) tar-Regolament (KE) Nru 396/2005 għall-emendi tal-LMR eżistenti. |
|
(3) |
Fir-rigward tal-fludjoksonil, tali applikazzjoni saret għall-użu fuq il-karfus, il-weraq tal-karfus u r-ravanell. |
|
(4) |
Skont l-Artikoli 6(2) u (4) tar-Regolament (KE) Nru 396/2005 saret applikazzjoni għall-użu tal-proeżadjon fuq il-karawett. L-applikant isostni li l-użu awtorizzat tal-proeżadjon fuq il-karawett fl-Istati Uniti jwassal għal residwi ogħla mill-LMR fir-Regolament (KE) Nru 396/2005 u li huma meħtieġa LMR ogħla biex ma jkunx hemm ostakli fil-kummerċ għall-importazzjoni ta' dan il-prodott tal-għelieqi. |
|
(5) |
Skont l-Artikolu 8 tar-Regolament (KE) Nru 396/2005, dawn l-applikazzjonijiet ġew evalwati mill-Istati Membri kkonċernati u r-rapporti ta’ evalwazzjoni ngħaddew lill-Kummissjoni. |
|
(6) |
L-Awtorità Ewropea dwar is-Sigurtà fl-Ikel, minn hawn 'il quddiem “l-Awtorità”, evalwat l-applikazzjonijiet u r-rapporti ta' evalwazzjoni u eżaminat b'mod partikolari r-riskji għall-konsumatur u, fejn rilevanti, għall-annimali u tat opinjonijiet motivati dwar l-LMR (2) proposti. Hija għaddiet dawn l-opinjonijiet lill-Kummissjoni u lill-Istati Membri u għamlithom disponibbli għall-pubbliku. |
|
(7) |
Fl-opinjoni motivata tagħha, l-Awtorità kkonkludiet li, fir-rigward tal-użu tal-fludjoksonil fuq ir-ravanell, il-provi tar-residwu li ġew sottomessi ma kinux imwettqa skont il-Prattika Agrikola Tajba appoġġata. |
|
(8) |
Fir-rigward tal-applikazzjonijiet l-oħra kollha, l-Awtorità kkonkludiet li r-rekwiżiti kollha fir-rigward tad-dejta kienu ġew issodisfati u li, abbażi ta' valutazzjoni dwar l-esponiment tal-konsumatur għal 27 grupp speċifiku Ewropew tal-konsumatur, il-modifiki fl-LMR mitluba mill-applikanti kienu aċċettabbli mil-lat tas-sikurezza tal-konsumatur. L-Awtorità qieset l-aktar tagħrif riċenti dwar il-karatteristiċi tossikoloġiċi tas-sustanzi. La l-esponiment tul il-ħajja għal dawn is-sustanzi permezz tal-konsum tal-prodotti kollha tal-ikel li jista' jkun fihom dawn is-sustanzi, u lanqas l-esponiment għall-perjodu qasir minħabba konsum estrem tal-prodotti rilevanti tal-għelieqi ma wrew li kien hemm ir-riskju li l-konsum aċċettabbli ta’ kuljum (ADI) jew id-doża ta’ referenza akuta (ARfD) jinqabżu. |
|
(9) |
Fuq il-bażi tal-opinjonijiet motivati tal-Awtorità, u b'kunsiderazzjoni tal-fatturi rilevanti għas-suġġett li qed jiġi kkunsidrat, l-emendi rilevanti fl-LMR jissodisfaw ir-rekwiżiti tal-Artikolu 14(2) tar-Regolament (KE) Nru 396/2005. |
|
(10) |
Ir-Regolament (KE) Nru 396/2005 għandu għaldaqstant jiġi emendat skont dan. |
|
(11) |
Fil-rigward tal-klorantraniliprol fil-karrotti sabiex ikunu permessi l-kummerċjalizzazzjoni, l-ipproċessar u l-konsum normali tal-prodotti, ir-Regolament għandu jipprovdi arranġament tranżitorji għall-prodotti li ġew prodotti legalment qabel il-modifika tal-LMR u li għalihom l-informazzjoni turi li kien hemm livell għoli ta' protezzjoni tal-konsumaturi. |
|
(12) |
Fir-rigward tal-klorantraniliprol fil-karrotti, iddaħħal MRL temporanju fir-Regolament (KE) Nru 396/2005 permezz tar-Regolament tal-Kummissjoni (KE) Nru 460/2011 (3), MRL li japplika sal-31 ta' Diċembru 2012. Sabiex tiġi evitata l-impożizzjoni tal-obbligu fuq l-Istati Membri u l-operaturi li jadattaw għat-tibdil fl-LMR darbtejn fi żmien ftit xhur, huwa xieraq li jiġi ssettjat MRL għall-klorantraniliprol fil-karrotti b’effett mill-1 ta’ Jannar 2013. |
|
(13) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponewhom, |
ADOTTAT DAN IR-REGOLAMENT:
Artikolu 1
L-Annessi II u III tar-Regolament (KE) Nru 396/2005 huma emendati skont l-Anness ta’ dan ir-Regolament.
Artikolu 2
Fir-rigward tal-klorantraniliprol fil-karrotti binn-numru tal-kodiċi 0213020, ir-Regolament (KE) Nru 396/2005 kif kien qabel ma ġie emendat permezz ta' dan ir-Regolament, jibqa' japplika għal prodotti li tkabbru legalment qabel l-1 ta’ Jannar 2013.
Artikolu 3
Dan ir-Regolament għandu jidħol fis-seħħ l-għada tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Madankollu, għandu japplika mill-1 ta' Jannar 2013 fir-rigward tal-MRL għall-klorantraniliprol f'karrotti bin-numru tal-kodiċi 0213020.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta’ Marzu 2013.
Għall-Kummissjoni
Il-President
José Manuel BARROSO
(2) Ir-rapporti xjentifiċi tal-EFSA disponibbli onlajn: http://www.efsa.europa.eu:
|
|
Opinjoni motivata dwar il-modifika tal-LMR eżistenti għall-klorantraniliprol fil-karrotti, iz-zunnarija l-bajda, l-għeruq tat-tursin u l-krafes. EFSA Journal 2012; 10(11):2988 [24 pp.]. doi:10.2903/j.efsa.2012.2988. |
|
|
Opinjoni motivata dwar il-modifika tal-LMR eżistenti għall-fludjoksonil fuq il-karfus, il-weraq tal-karfus u r-ravanell. EFSA Journal 2012; 10(12):3014 [26 pp.]. doi:10.2903/j.efsa.2012.3014. |
|
|
Opinjoni motivata dwar l-issettjar ta’ MLR ġdid għall-proeżadjon fil-karawett. EFSA Journal 2012; 10(11):2957 [26 pp.]. doi:10.2903/j.efsa.2012.2957. |
(3) ĠU L 124, 13.5.2011, p. 23.
ANNESS
L-Annessi II u III għar-Regolament (KE) Nru 396/2005 jiġu emendati kif ġej:
|
(1) |
Fl-Anness II, il-kolonna għall-proeżadjon tinbidel b'dan li ġej: “Residwi ta' pestiċidi u livelli massimi ta' residwi (mg/kg)
|
|
(2) |
Fil-Parti A tal-Anness III, il-kolonni għall-klorantraniliprol u l-fludjoksonil jinbidlu b'dan li ġej: “Residwi ta' pestiċidi u livelli massimi ta' residwi (mg/kg)
|
(1) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(*) Jindika limitu iktar baxx ta' determinazzjoni analitika
(**) Kombinazzjoni ta' pestiċida-kodiċi li għalihom japplika l-MRL stabbilit fl-Annex III Parti B.”
(2) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(***) Jindika limitu iktar baxx ta' determinazzjoni analitika”