21.12.2012   

MT

Il-Ġurnal Uffiċjali tal-Unjoni Ewropea

L 353/31

REGOLAMENT TAL-KUMMISSJONI (UE) Nru 1230/2012

tat-12 ta’ Diċembru 2012

li jimplimenta r-Regolament (KE) Nru 661/2009 tal-Parlament Ewropew u tal-Kunsill dwar rekwiżiti għall-approvazzjoni tat-tip għall-mases u d-dimensjonijiet tal-vetturi bil-mutur u t-trejlers tagħhom u li jemenda d-Direttiva 2007/46/KE tal-Parlament Ewropew u tal-Kunsill

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 661/2009 tat-13 ta’ Lulju 2009 tal-Parlament Ewropew u tal-Kunsill dwar rekwiżiti għall-approvazzjoni tat-tip għas-sikurezza ġenerali tal-vetturi bil-mutur, it-trejlers tagħhom, u s-sistemi, il-komponenti u l-unitajiet tekniċi separati destinati għalihom (1), u b’mod partikolari l-Artikolu 14(1)(a) tiegħu,

Wara li kkunsidrat id-Direttiva 2007/46/KE tal-5 ta’ Settembru 2007 tal-Parlament Ewropew u tal-Kunsill li tistabbilixxi kwadru għall-approvazzjoni ta’ vetturi bil-mutur u l-karrijiet tagħhom, u ta’ sistemi, komponenti u unitajiet tekniċi separati maħsuba għal tali vetturi (Direttiva Kwadru) (2), u b’mod partikolari l-Artikolu 39(2), (3) u (5) tagħha,

Billi:

(1)

Ir-Regolament (KE) Nru 661/2009 huwa Regolament separat għall-finijiet tal-approvazzjoni tat-tip prevista fid-Direttiva 2007/46/KE.

(2)

Ir-Regolament (KE) Nru 661/2009 jirrevoka d-Direttiva tal-Kunsill 92/21/KEE tal-31 ta’ Marzu 1992 dwar il-mases u d-dimensjonijiet ta’ vetturi bil-mutur tal-kategorija M1  (3), kif ukoll id-Direttiva 97/27/KE tal-Parlament Ewropew u tal-Kunsill tat-22 ta’ Lulju 1997 dwar il-mases u d-dimensjonijiet ta’ ċerti kategoriji ta’ vetturi bil-mutur u l-karrijiet tagħhom u li temenda d-Direttiva 70/156/KEE (4). Ir-rekwiżiti dwar il-mases u d-dimensjonijiet tal-vetturi bil-mutur u t-trejlers tagħhom stipulati f’dawn id-Direttivi għandhom jitpoġġew f’dan ir-Regolament u fejn meħtieġ, emendati sabiex jiġu adattati għall-iżvilupp ta’ għarfien xjentifiku u tekniku.

(3)

Ir-Regolament (KE) Nru 661/2009 jistabbilixxi dispożizzjonijiet fundamentali dwar ir-rekwiżiti għall-approvazzjoni tat-tip tal-vetturi bil-mutur u t-trejlers tagħhom fir-rigward tal-mases u d-dimensjonijiet tagħhom. Għaldaqstant, huwa neċessarju li jiġu stabbiliti wkoll il-proċeduri, it-testijiet u r-rekwiżiti speċifiċi għal dan it-tip ta’ approvazzjoni tat-tip.

(4)

Id-Direttiva tal-Kunsill 96/53/KE tal-25 ta’ Lulju 1996 li tistabbilixxi għal ċerti vetturi tat-triq li jiċċirkolaw fi ħdan il-Komunità id-dimensjonijiet massimi awtorizzati fit-traffiku nazzjonali u internazzjonali u l-piżijiet massimi awtorizzati fit-traffiku internazzjonali (5), tistabbilixxi ċerti dimensjonijiet massimi awtorizzati kemm għat-traffiku nazzjonali kif ukoll għat-traffiku internazzjonali fl-Istati Membri. Għalhekk huwa importanti li jitqiesu, għall-finijiet tal-kostruzzjoni tal-vetturi, id-dimensjonijiet li diġà ġew armonizzati fl-Unjoni sabiex titrawwem u tiġi żgurata ċ-ċirkolazzjoni ħielsa tal-merkanzija.

(5)

Id-Direttiva 97/27/KE ippermettiet lill-Istati Membri jagħtu l-approvazzjoni tat-tip KE għall-vetturi li d-dimensjonijiet ta’ barra nett tagħhom ma kienux jaqblu mad-dimensjonijiet massimi awtorizzati previsti f ‘dik id-Direttiva. Ippermettiet ukoll lill-Istati Membri jirrifjutaw ir-reġistrazzjoni tal-vetturi li kienu ngħataw l-approvazzjoni tat-tip KE meta d-dimensjonijiet ta’ barra nett tagħhom ma ssodisfawx ir-rekwiżiti il-liġi nazzjonali tagħhom. Huwa importanti li tinżamm il-possibbiltà li tiġi permessa taħt ċerti kundizzjonijiet l-approvazzjoni tat-tip tal-vetturi li jaqbżu l-limiti awtorizzati fejn din tirriżulta li tkun vantaġġjuża għat-traffiku tat-triq u għall-ambjent fl-Istati Membri fejn l-infrastruttura tat-toroq huwa adattat għal dik is-sitwazzjoni. Għalhekk, il-possibbltà li tapprova tali vetturi taħt serje żgħar tal-approvazzjoni tat-tip jew skemi ta’ approvazzjoni individwali għandha tiġi żgurata, sakemm il-kwantità ta’ vetturi li jistgħu jibbenefikaw minn deroga skont l-Artikolu 23 tad-Direttiva 2007/46/KE fir-rigward tad-dimensjonijiet massimi awtorizzati tkun limitata għal dak li huwa meħtieġ għall-finijiet ta’ dan ir-Regolament. L-Anness XII tad-Direttiva 2007/46/KE għandu għalhekk jiġi emendat biex jinkludi limiti kwantitattivi bħal dawn.

(6)

Id-Direttiva 96/53/KE tistabbilixxi mases massimi awtorizzati li huma applikabbli biss għat-traffiku internazzjonali. Madankollu, dik id-Direttiva tippermetti lill-Istati Membri jkomplu japplikaw il-leġiżlazzjoni nazzjonali tagħhom għat-traffiku nazzjonali. Bħala konsegwenza, l-armonizzazzjoni tal-massa mgħobbija massima teknikament permissibbli u l-massa massima teknikament permissibbli fuq il-fusien jew fuq grupp ta’ fusien għall-finijiet taċ-ċirkolazzjoni fl-Istati Membri ma jidhirx fattibbli fi żmien qasir. Madankollu, minħabba l-eżistenza ta’ regoli mhux armonizzati dwar il-kostruzzjoni tal-infrastruttura tat-toroq, huwa xieraq li jinħtieġ li l-Istati Membri jiddeterminaw il-mases massimi permissibbli tar-reġistrazzjoni/fl-użu tal-vetturi li jitħallew jintużaw fit-traffiku nazzjonali jew fit-traffiku internazzjonali taħt id-Direttiva 96/53/KE u li jistabbilixxu proċedura għal din id-determinazzjoni.

(7)

Minħabba l-esperjenza miksuba fl-applikazzjoni tal-leġiżlazzjoni tal-Unjoni dwar il-mases u d-dimensjonijiet tal-vetturi, huwa meħtieġ li jiġu previsti kunċetti definiti biċ-ċar. Uħud minn dawn il-kunċetti diġà ġew definiti fid-Direttivi 97/27/KE u 92/21/KEE. Għal raġunijiet ta’ konsistenza, huwa xieraq li jittieħdu dawk id-definizzjonijiet u, fejn meħtieġ, jiġu adattati fid-dawl tal-għarfien xjentifiku u tekniku.

(8)

Minħabba li d-definizzjoni tal-massa attwali ta’ vettura individwali ġiet inkluża f’dan ir-Regolament, huwa meħtieġ, sabiex tiġi evitata konfużjoni meta jimtela ċ-ċertifikat tal-konformità, li jiġi emendat l-Anness IX tad-Direttiva 2007/46/KE. kif xieraq.

(9)

Billi l-White Paper “Pjan direzzjonali għal Żona Unika Ewropea tat-Trasport — Lejn sistema tat-trasport kompetittiva u li tuża r-riżorsi b’mod effiċjenti (6)” enfasizzat il-ħtieġa li jittejjeb ir-rendiment aerodinamiku tal-vetturi tat-triq u r-riċerka wriet illi l-konsum tal-fjuwil tal-vetturi bil-mutur u għalhekk l-emissjonijiet tas-CO2 jistgħu jitnaqqsu b’mod sinifikanti bit-twaħħil ta’ apparat aerodinamiku fuq il-vetturi, huwa importanti li jiġi permess it-twaħħil ta’ dan l-apparat aerodinamiku fuq il-vetturi. Minħabba li l-apparat aerodinamiku jikkonsisti f’żidiet li, minħabba d-disinn tagħhom, jisporġu lil hinn mill-parti ta’ barra nett tal-vetturi fuq wara jew fuq il-ġenb, huma għandhom jiġu inklużi fil-lista ta’ apparat jew tagħmir li mhumiex meqjusa għad-determinazzjoni tad-dimensjonijiet ta’ barra nett. Madankollu, huwa essenzjali li jiġi limitat kemm dawn jisporġu fuq wara u fuq il-ġenb sabiex is-sikurezza fit-toroq ma tkunx imfixkla u l-intermodalità fit-trasport tibqa’ possibbli. Ir-rekwiżiti tekniċi meħtieġa għandhom għalhekk jiġu stabbiliti f’dan ir-Regolament.

(10)

Is-softwer disponibbli jagħmilha possibbli li jintużaw metodi ta’ ttestjar virtwali bbażati fuq tekniki megħjuna mill-kompjuter. Minħabba li dawn it-tekniki jippermettu ttestjar aktar kost-effiċjenti u inqas ta’ piż, huwa xieraq li tiġi prevista l-possibbiltà li jintużaw biex jiġi vverifikat jekk vettura hijiex kapaċi li timmanuvra f’trajettorja sħiħa ta’ 360° u għal-kejl tat-tperpir massimu fuq wara meta l-vettura tkun qed timmanuvra ġewwa t-trajettorja. Huwa għalhekk meħtieġ ukoll li dan ir-Regolament jiżdied mal-lista ta’atti regolatorji inklużi fl-Anness XVI tad-Direttiva 2007/46/KE.

(11)

Bil-ħsieb li jiġi żgurat it-tħaddim kif suppost tas-sistema tal-approvazzjoni tat-tip, huwa xieraq li jiġu aġġornati l-Annessi tad-Direttiva 2007/46/KE.

(12)

L-Annessi I, III, IX, XII u XVI tad-Direttiva 2007/46/KE għandhom għalhekk jiġu emendati kif xieraq. Minħabba li d-dispożizzjonijiet tal-Anness XII huma dettaljati biżżejjed u ma jeħtiġux aktar traspożizzjoni mill-Istati Membri, huwa għalhekk xieraq li dan jiġi sostitwit permezz ta’ Regolament skont l-Artikolu 39(8) tad-Direttiva 2007/46/KE.

(13)

Il-miżuri previsti f’dan ir-Regolament huma skont l-opinjoni tal-Kumitat Tekniku — Vetturi bil-Mutur,

ADOTTAT DAN IR-REGOLAMENT:

Artikolu 1

Suġġett u kamp ta’ applikazzjoni

1.   Dan ir-Regolament jistipula r-rekwiżiti għall-approvazzjoni tat-tip KE ta’ vetturi bil-mutur u t-trejlers tagħhom fir-rigward tal-mases u d-dimensjonijiet tagħhom.

2.   Dan ir-Regolament japplika għall-vetturi mhux kompluti, kompluti u kkompletati tal-kategoriji M, N u O.

Artikolu 2

Definizzjonijiet

Għall-għanijiet ta’ dan ir-Regolament, id-definizzjonijiet li ġejjin għandhom japplikaw b’żieda mad-definizzjonijiet stipulati fid-Direttiva 2007/46/KE u r-Regolament (KE) Nru 661/2009:

(1)

“tip ta’ vettura” tfisser sett ta’ vetturi kif definit fil-Parti B tal-Anness II tad-Direttiva 2007/46/KE;

(2)

“tagħmir standard” tfisser il-konfigurazzjoni bażika ta’ vettura li hija mgħammra bil-karatteristiċi kollha li huma meħtieġa skont l-atti regolatorji msemmija fl-Anness IV u l-Anness XI tad-Direttiva 2007/46/KE, inklużi l-karatteristiċi kollha li jitwaħħlu mingħajr ma jwasslu għal kwalunkwe speċifikazzjoni oħra dwar il-konfigurazzjoni jew il-livell tat-tagħmir;

(3)

“tagħmir fakoltattiv” tfisser il-karatteristiċi kollha mhux inklużi fit-tagħmir standard li jitwaħħal ma’ vettura taħt ir-responsabbiltà tal-manifattur li jista’ jiġi ordnat mill-klijent;

(4)

“massa fi stat ta’ tħaddim” tfisser

(a)

fil-każ ta’ vettura bil-mutur:

il-massa tal-vettura, bit-tank(ijiet) tal-fjuwil tagħha mimli(jin) sa mill-inqas 90 % tal-kapaċità tiegħu jew tagħhom, inkluża l-massa tas-sewwieq, tal-fjuwil u l-likwidi, mgħammrin bit-tagħmir standard skont l-ispeċifikazzjonijiet tal-manifattur u, meta jkunu mwaħħla, il-massa tal-karozzerija, tal-kabina, l-agganċ u l-istepni(s) kif ukoll l-għodda;

(b)

fil-każ ta’ trejler:

il-massa tal-vettura inkluż il-fjuwil u l-likwidi, mgħammra bit-tagħmir standard skont l-ispeċifikazzjonijiet tal-manifattur, u, meta jkunu mwaħħla, il-massa tal-karozzerija, l-agganċ(i) addizzjonali, l-istepni(s) u l-għodod;

(5)

“massa tat-tagħmir fakoltattiv” tfisser il-massa tat-tagħmir li jista’ jitwaħħal mal-vettura minbarra t-tagħmir standard, skont l-ispeċifikazzjonijiet tal-manifattur;

(6)

“massa attwali tal-vettura” tfisser il-massa tal-vettura fi stat ta’ tħaddim flimkien mal-massa tat-tagħmir fakoltattiv mwaħħal ma’ vettura individwali;

(7)

“massa mgħobbija massima teknikament permissibbli” (M) tfisser il-massa massima allokata lill-vettura fuq il-bażi tal-karatteristiċi tal-kostruzzjoni tagħha u l-prestazzjonijiet tad-disinn tagħha; il-massa mgħobbija teknikament permissibbli ta’ trejler jew ta’ semitrejler tinkludi l-massa statika trasferita lill-vettura tal-irmonk meta tkun igganċjata;

(8)

“massa mgħobbija massima teknikament permissibbli tal-kombinazzjoni” (MC) tfisser il-massa massima allokata lill-kombinazzjoni ta’ vettura bil-mutur u trejler wieħed jew aktar fuq il-bażi tal-karatteristiċi tal-kostruzzjoni u l-prestazzjonijiet tad-disinn tagħha jew il-massa massima allokata lill-kombinazzjoni ta’ unità ta’ trattur u semitrejler;

(9)

“massa massima teknikament permissibbli li tista’ tiġi rmunkata” (TM) tfisser il-massa massima ta’ trejler wieħed jew aktar li jistgħu jiġu rmunkati minn vettura tal-irmonk li tikkorrispondi mat-tagħbija totali trasmessa lejn l-art mir-roti ta’ fus jew grupp ta’ fusien fuq kull trejler igganċjat mal-vettura tal-irmonk;

(10)

“fus” tfisser il-fus komuni ta’ rotazzjoni ta’żewġ roti jew aktar kemm misjuqa mill-magna jew iduru waħedhom, u kemm f’segment wieħed jew aktar li jinsabu fl-istess pjan perpendikulari għal-linja taċ-ċentru lonġitudinali tal-vettura;

(11)

“grupp ta’ fusien” tfisser numru ta’ fusien li għandhom l-ispazju tal-fusien li huwa ristrett għal wieħed mill-ispazji tal-fusien imsemmija bħala d-distanza “d” fl-Anness I tad-Direttiva 96/53/KE u li jinteraġixxu minħabba d-disinn speċifiku tas-saspenxin;

(12)

“fus waħdieni” tfisser fus li ma jistax jitqiesu bħala parti minn grupp ta’ fusien;

(13)

“massa massima teknikment permissibbli fuq il-fus” (m) tfisser il-massa li tikkorrispondi għat-tagħbija vertikali statika massima permissibbli trasmessa fl-art mir-roti tal-fus, fuq il-bażi tal-karatteristiċi tal-kostruzzjoni tal-fus u tal-vettura u l-prestazzjonijiet tad-disinn tagħhom;

(14)

“massa massima teknikament permissibbli fuq grupp ta’ fusien” (μ) tfisser il-massa li tikkorrispondi għat-tagħbija vertikali statika massima permissibbli trasmessa fl-art mir-roti tal-grupp ta’ fusien, fuq il-bażi tal-karatteristiċi tal-kostruzzjoni tal-grupp ta’ fusien u tal-vettura u l-prestazzjonijiet tad-disinn tagħhom;

(15)

“agganċ” tfisser apparat mekkaniku li jinkludi oġġetti ta’ komponenti kif definit fil-punti minn 2.1 sa 2.6 tar-Regolament Nru 55 tal-Kummissjoni Ekonomika għall-Ewropa tan-Nazzjonijiet Uniti (UNECE) — Dispożizzjonijiet uniformi dwar l-approvazzjoni tal-komponenti tal-akkoppjar mekkaniku ta’ vetturi magħquda (7) u apparat ta’ agganċ mill-qrib kif definit fil-punt 2.1.1 tar-Regolament Nru 102 tal-UNECE — Dispożizzjonijiet uniformi dwar l-approvazzjoni ta’ I. Close-coupling device (CCD) II. Vetturi fir-rigward tat-twaħħil ta’ tip ta’ CCD approvat (8);

(16)

“punt tal-agganċ” tfisser iċ-ċentru fejn jiltaqa’ l-agganċ li jitwaħħal ma’ vettura rmunkata ġewwa l-agganċ imwaħħal ma’vettura tal-irmonk;

(17)

“massa ta’ gganċjar” tfisser il-massa tal-agganċ innifsu u tal-partijiet meħtieġa għat-twaħħil tal-agganċ mal-vettura;

(18)

“massa massima teknikament permissibbli fuq il-punt tal-agganċ” tfisser:

(a)

fil-każ ta’ vettura tal-irmonk, il-massa, li tikkorrispondi għat-tagħbija vertikali statika massima permissibbli eżerċitata fuq il-punt tal-agganċ (valur “S” jew “U”) ta’ vettura tal-irmonk, fuq il-bażi tal-karatteristiċi tal-kostruzzjoni tal-vettura tal-agganċ u tal-irmonk;

(b)

Fil-każ ta’ semitrejler, trejler bil-fus ċentrali jew trejler bil-ganċ tal-irmonk riġidu, il-massa li tikkorrispondi għat-tagħbija vertikali statika massima permissibbli (valur “S” jew “U”) li għandha tkun ttrasferita mit-trejler għall-vettura tal-irmonk fil-punt tal-agganċ, fuq il-bażi tal-karatteristiċi tal-kostruzzjoni tal-agganċ u tat-trejler;

(19)

“massa tal-passiġġieri” tfisser il-massa mkejla skont il-kategorija tal-vettura multiplikata bin-numru ta’ postijiet bilqiegħda inklużi, jekk hemm, il-postijiet bilqiegħda għall-membri tal-ekwipaġġ u n-numru ta’ passiġġieri bilwieqfa, iżda mhux inkluż is-sewwieq;

(20)

“massa tas-sewwieq” tfisser massa mkejla ta’ 75 kg li tinsab fil-punt ta’ referenza ta’ fejn qiegħed bilqiegħda s-sewwieq;

(21)

“massa utli (pay-mass)” tfisser id-differenza bejn il-massa mgħobbija massima teknikament permissibbli u l-massa fi stat ta’ tħaddim miżjuda bil-massa tal-passiġġieri u l-massa tat-tagħmir fakoltattiv;

(22)

“tul” tfisser id-dimensjoni definita fil-punti 6.1.1, 6.1.2 u 6.1.3 tal-Istandard ISO 612:1978; din id-definizzjoni tapplika wkoll għall-vetturi artikolati magħmula minn żewġ sezzjonijiet jew aktar;

(23)

“wisa’” tfisser id-dimensjoni definita fil-punt 6.2 tal-Istandard ISO 612:1978;

(24)

“għoli” tfisser id-dimensjoni definita fil-punt 6.3 tal-Istandard ISO 612:1978;

(25)

“bażi tar-roti” tfisser dan li ġej:

(a)

id-dimensjoni msemmija fil-punt 6.4.1 tal-Istandard ISO 612:1978;

(b)

għal trejler bil-fus ċentrali b’fus wieħed, id-distanza orizzontali bejn il-fus vertikali tal-agganċ u ċ-ċentru tal-fus;

(c)

għal trejler bil-fus ċentrali b’aktar minn fus wieħed, id-distanza orizzontali bejn il-fus vertikali tal-agganċ u ċ-ċentru tal-ewwel fus;

(26)

“spazju bejn il-fusien” tfisser id-distanza bejn żewġ fusien konsekuttivi msemmija fil-punt 6.4 tal-Istandard ISO 612:1978 fil-każ ta’ vetturi b ‘aktar minn żewġ fusien; meta l-vettura tkun mgħammra b’żewġ fusien biss, jew fil-każ ta’ semitrejler, trejler bil-ganċ tal-irmonk jew trejler bil-ganċ tal-irmonk riġidu, l-ispazju bejn il-fusien msemmi fil-punt 6.4.2 tal-Istandard ISO 612:1978 għandha t-tifsira ta’ “bażi tar-roti” kif definit fil-punt (25);

(27)

“track” tfisser id-distanza msemmija fil-punt 6.5 tal-Istandard ISO 612:1978;

(28)

“distanza tal-fifth wheel” tfisser id-distanza msemmija fil-punt 6.19.2 tal-Istandard ISO 612:1978 filwaqt li titqies in-nota msemmija fil-punt 6.19 tal-istess Standard;

(29)

“raġġ ta’ quddiem tas-semi trejler” tfisser id-distanza orizzontali mill-assi tal-kingpin għal kwalunkwe punt fuq quddiem tas-semitrejler;

(30)

“sporġenza ta’ quddiem” tfisser id-distanza orizzontali bejn l-pjan vertikali li jgħaddi fl-ewwel fus jew il-fus kingpin fil-każ ta’ semitrejler u l-punt ta’ quddiem nett tal-vettura;

(31)

“sporġenza ta’ wara” tfisser id-distanza orizzontali bejn l-pjan vertikali li jgħaddi fl-aħħar fus ta’ wara u l-punt ta’ wara nett tal-vettura; meta l-vettura tkun mgħammra b’agganċ li ma jinqalax, l-punt ta’ wara nett tal-vettura huwa l-punt tal-agganċ;

(32)

“tul taż-żona tat-tagħbija” tfisser id-distanza mill-punt intern ta’ quddiem nett sal-punt intern ta’ wara nett taż-żona tat-tagħbija, imkejjel orizzontalment fil-pjan lonġitudinali tal-vettura;

(33)

“tperpir fuq wara” tfisser id-distanza bejn il-punt estrem reali milħuq mill-parti ta’ wara tal-vettura waqt l-immanuvrar fil-kundizzjonijiet speċifikati fit-Taqsima 7 tal-Parti B jew fit-Taqsima 6 tal-Parti C tal-Anness I ta’ dan ir-Regolament;

(34)

“apparat għall-irfigħ tal-fusien” tfisser mekkaniżmu mwaħħal ma’ vettura bl-iskop li jgħolli l-fus mill-art u jbaxxieh lura mal-art;

(35)

“fus li jista’ jintrefa’ jew fus li jista’ jinġibed lura” tfisser fus li jista’ jintrefagħ mill-pożizzjoni normali tiegħu u jerġa’ jitbaxxa b’apparat għall-irfigħ tal-fusien;

(36)

“fus li jista’ jiġi mgħobbi” tfisser fus li t-tagħbija fuqu tista’ tiġi varjata mingħajr ma jiġi merfugħ il-fus bl-użu ta’ apparat għall-irfigħ tal-fusien;

(37)

“saspenxin tal-arja” tfisser sistema ta’ saspenxin li fuqha mill-inqas 75 % tal-effett tal-molol ikun ikkawżat mill-molla tal-arja;

(38)

“klassi ta’ xarabank jew kowċ” tfisser sett ta’ vetturi kif definiti fil-punti 2.1.1 u 2.1.2 tar-Regolament UNECE Nru 107 — Dispożizzjonijiet uniformi li jikkonċernaw l-approvazzjoni ta’ vetturi tal-kategoriji M2 jew M3 fir-rigward tal-kostruzzjoni ġenerali tagħhom (9);

(39)

“vettura artikolata” tfisser vettura tal-kategorija M2 jew M3 kif definit fil-punt 2.1.3 tar-Regolament UNECE Nru 107;

(40)

“tagħbija li ma tistax tinqasam” tfisser tagħbija li ma tistax, għall-iskopijiet ta’ ġarr bit-triq, tinqasam f’żewġ tagħbiet jew aktar mingħajr infieq żejjed jew riskju ta’ ħsara u li, minħabba l-massa jew id-dimensjoni tagħha, ma tkunx tista’ tinġarr minn vettura li l-mases u d-dimensjonijiet tagħha jkunu konformi mal-mases u d-dimensjonijiet massimi awtorizzati applikabbli fi Stat Membru.

Artikolu 3

Obbligi tal-manifatturi

1.   Il-manifattur għandu jiddetermina, għal kull verżjoni fi ħdan tip ta’ vettura, irrispettivament mill-istat ta’ ikkompletar tal-vettura, il-mases li ġejjin:

(a)

il-massa mgħobbija massima teknikament permissibbli;

(b)

il-massa mgħobbija massima teknikament permissibbli tal-kombinazzjoni;

(c)

il-massa massima teknikament permissibbli li tista’ tiġi rmunkata;

(d)

il-massa massima teknikament permissibbli fuq il-fusien jew il-massa massima teknikament permissibbli fuq grupp ta’ fusien;

(e)

il-mases massimi teknikament permissibbli fuq il-punt(i) tal-agganċ meta jitqiesu l-karatteristiċi tekniċi tal-agganċ li jkun imwaħħal jew jista’ jkun imwaħħal mal-vettura skont il-każ.

2.   Fid-determinazzjoni tal-mases imsemmija fil-paragrafu 1, il-manifattur għandu jqis l-aħjar prattika ta’ inġinerija tajba u l-aħjar għarfien tekniku disponibbli sabiex jitnaqqsu r-riskji ta’ ħsara mekkanika, partikolarment dawk minħabba l-għeja tal-materjali, u biex tiġi evitata l-ħsara lill-infrastruttura tat-toroq.

3.   Fid-determinazzjoni tal-mases imsemmija fil-paragrafu 1, il-manifattur għandu jqis il-veloċità massima fil-kostruzzjoni tal-vettura.

Meta l-vettura tkun mgħammra mill-manifattur b’apparat li jillimita l-veloċità, il-veloċità massima fil-kostruzzjoni għandha tkun il-veloċità reali permessa mill-apparat li jillimita l-veloċità.

4.   Fid-determinazzjoni tal-mases imsemmija fil-paragrafu 1, il-manifattur m’għandux jimponi restrizzjonijiet fuq l-użu tal-vettura ħlief dawk dwar il-kapaċitajiet tat-tajers li jistgħu jiġu aġġustati għall-veloċità fil-kostruzzjoni kif huwa permess skont ir-Regolament UNECE Nru 54 — Dispożizzjonijiet uniformi li jikkonċernaw l-approvazzjoni ta’ tajers pnewmatiċi għal vetturi kummerċjali u għat-trejlers tagħhom (10) u fit-Taqsima 5 tal-Anness II tar-Regolament tal-Kummissjoni (UE) Nru 458/2011 (11).

5.   Għall-vetturi mhux kompluti, inklużi l-vetturi xażi-kabina, li jeħtieġu stadju ulterjuri ta’ tlestija, il-manifattur għandu jipprovdi l-informazzjoni rilevanti kollha lill-manifatturi tal-istadju li jmiss sabiex ir-rekwiżiti ta’ dan ir-Regolament ikomplu jiġu ssodisfati.

Għall-finijiet tal-ewwel subparagrafu, il-manifattur għandu jispeċifika l-pożizzjoni taċ-ċentru tal-gravità tal-massa li tikkorrispondi għas-somma tat-tagħbija.

6.   Il-vetturi mhux kompluti tal-kategoriji M2, M3, N2 u N3, mhux mgħammra b’karozzerija għandhom jiġu ddisinjati sabiex jippermettu lill-manifatturi tal-istadju sussegwenti jissodisfaw ir-rekwiżiti tat-Taqsimiet 7 u 8 tal-Parti B u t-Taqsimiet 6 u 7 tal-Parti C tal-Anness I.

Artikolu 4

Dispożizzjonijiet għall-approvazzjoni tat-tip KE ta’ tip ta’ vettura fir-rigward tal-mases u d-dimensjonijiet tagħha

1.   Il-manifattur jew ir-rappreżentant tiegħu għandu jressaq lill-awtorità ta’ approvazzjoni tat-tip l-applikazzjoni għall-approvazzjoni tat-tip KE ta’ tip ta’ vettura fir-rigward il-mases u d-dimensjonijiet tagħha.

2.   L-applikazzjoni għandha titfassal skont id-dokument ta’ informazzjoni dwar il-mudell stipulat fil-Parti A tal-Anness V.

3.   Għall-finijiet tal-kalkoli tad-distribuzzjoni tal-massa, il-manifattur għandu jipprovdi lill-awtorità tal-approvazzjoni tat-tip, għal kull konfigurazzjoni teknika fi ħdan it-tip ta’ vettura kif determinat mis-sett ta’ valuri tal-punti rilevanti fl-Anness V, l-informazzjoni meħtieġa biex tidentifika il-mases li ġejjin:

(a)

il-massa mgħobbija massima teknikament permissibbli;

(b)

il-massa massima teknikament permissibbli fuq il-fusien jew grupp ta’ fusien;

(c)

il-massa massima teknikament permissibbli li tista’ tiġi rmunkata;

(d)

il-massa massima teknikament permissibbli fuq il-punt(i) tal-agganċ;

(e)

il-massa mgħobbija massima teknikament permissibbli tal-kombinazzjoni.

L-informazzjoni għandha tkun ipprovduta f’forma ta’ tabella jew kwalunkwe format xieraq ieħor, bi ftehim mal-awtorità tal-approvazzjoni tat-tip.

4.   Fejn it-tagħmir fakoltattiv sinifikament jaffettwa il-mases u d-dimensjonijiet tal-vettura, il-manifattur għandu jipprovdi lis-servizz tekniku il-post, il-massa u l-pożizzjoni ġeometrika taċ-ċentru tal-gravità fir-rigward tal-fusien tat-tagħmir fakoltattiv li jista’ jitwaħħal mal-vettura.

5.   B’deroga mill-paragrafu 4, meta t-tagħmir falkoltattiv ikun magħmul minn bosta partijiet li jinsabu fi spazji varji fil-vettura, il-manifattur jista’ jipprovdi d-distribuzzjoni tal-massa tat-tagħmir fakoltattiv fuq il-fusien biss lis-servizz tekniku.

6.   Għall-gruppi ta’ fusien, il-manifattur għandu jindika d-distribuzzjoni tat-tagħbija bejn il-fusien tal-massa totali applikata lill-grupp.

Fejn meħtieġ, il-manifattur għandu jiddikjara l-formuli tad-distribuzzjoni jew jipproduċi l-graffs tad-distribuzzjoni rilevanti.

7.   Meta l-awtorità tal-approvazzjoni jew is-servizz tekniku jqisu li huwa neċessarju, huma jistgħu jitolbu lill-manifattur biex jagħmel disponibbli rappreżentant tal-vetturi tat-tip li għandu jiġi approvat għall-finijiet ta’ spezzjoni.

8.   Il-manifattur tal-vetturi jista’ jissottometti applikazzjoni għar-rikonoxximent tal-ekwivalenza ta’ saspenxin għal saspenxin tal-arja lill-awtorità tal-approvazzjoni tat-tip.

L-awtorità tal-approvazzjoni tat-tip għandha tirrikonoxxi l-ekwivalenza ta’ saspenxin għal saspenxin tal-arja meta jiġu ssodisfati ir-rekwiżiti tal-Anness III.

Meta s-servizz tekniku jkun irrekonoxxa l-ekwivalenza, dan għandu joħroġ rapport tat-test. L-awtorità tal-approvazzjoni tat-tip għandha tehmeż ir-rapport tat-test u deskrizzjoni teknika tas-saspenxin maċ-ċertifikat tal-approvazzjoni tat-tip KE.

9.   Meta ir-rekwiżiti stipulati fl-Annessi minn I sa IV ta’dan ir-Regolament huma ssodisfati, l-awtorità tal-approvazzjoni għandha tagħti approvazzjoni tat-tip skont is-sistema ta’ numerazzjoni stipulata fl-Anness VII tad-Direttiva 2007/46/KE.

Stat Membru ma għandux jassenja l-istess numru lil tip ieħor ta’ vettura.

10.   Għall-finijiet tal-paragrafu 9, l-awtorità tal-approvazzjoni tat-tip għandha tagħti ċertifikat tal-approvazzjoni tat-tip KE stabbilit skont il-mudell stipulat fil-Parti B tal-Anness V.

11.   Id-devjazzjonijiet permissibbli msemmija fl-Appendiċi 2 tal-Anness I għandhom japplikaw għall-finijiet tal-Artikolu 12(2) tad-Direttiva 2007/46/KE.

Artikolu 5

Mases massimi permissibbli tar-reġistrazzjoni/fl-użu

1.   Għall-finijiet tar-reġistrazzjoni u l-bidu tal-użu tal-vetturi bl-approvazzjoni tat-tip skont dan ir-Regolament, l-awtoritajiet nazzjonali għandhom jiddeterminaw, għal kull varjant u verżjoni fi ħdan it-tip tal-vettura, il-mases kollha li ġejjin li huma permessi għat-traffiku nazzjonali jew għat-traffiku internazzjonali skont id-Direttiva 96/53/KE:

(a)

il-massa mgħobbija massima permissibbli tar-reġistrazzjoni/fl-użu;

(b)

il-massa massima permissibbli tar-reġistrazzjoni/fl-użu fuq il-fus(ien);

(c)

il-massa massima permissibbli tar-reġistrazzjoni/fl-użu fuq il-grupp ta’ fusien;

(d)

il-massa massima permissibbli li tista’ tiġi rmunkata tar-reġistrazzjoni/fl-użu;

(e)

il-massa mgħobbija massima permissibbli tar-reġistrazzjoni/fl-użu tal-kombinazzjoni.

L-awtoritajiet nazzjonali għandhom jistabbilixxu l-proċedura għad-determinazzjoni tal-mases massimi permissibbli tar-reġistrazzjoni/fl-użu msemmija fl-ewwel subparagrafu. Huma għandhom jinnominaw l-awtorità kompetenti fdata bid-determinazzjoni ta’ dawk il-mases, u għandhom jispeċifikaw l-informazzjoni li għanda tkun ipprovduta lil dik l-awtorità kompetenti.

2.   Il-mases massimi permissibbli tar-reġistrazzjoni/fl-użu ddeterminati skont il-proċedura msemmija fil-paragrafu 1 ma jistgħux jeċċedu l-mases massimi msemmija fl-Artikolu 3(1).

3.   Il-manifattur għandu jiġi kkonsultat mill-awtorità kompetenti fir-rigward tad-distribuzzjoni tal-massa fuq il-fusien jew grupp ta’ fusien sabiex jiżguraw il-funzjonament tajjeb tas-sistemi tal-vettura, partikolarment is-sistema tal-brejk u tal-istering.

4.   Fid-determinazzjoni tal-mases massimi permissibbli tar-reġistrazzjoni/fl-użu, l-awtoritajiet nazzjonali għandhom jiżguraw li r-rekwiżiti tal-atti regolatorji elenkati fl-Anness IV u l-Anness XI tad-Direttiva 2007/46/KE jkomplu jiġu ssodisfati.

5.   Meta l-awtoritajiet nazzjonali jikkonkludu li r-rekwiżiti ta’ wieħed mill-atti regolatorji elenkati fl-Anness IV u l-Anness XI tad-Direttiva 2007/46/KE, bl-eċċezzjoni ta’ dan ir-Regolament, ma għadhomx jiġu ssodisfati, huma għandhom jeħtieġu li jitwettqu testijiet ġodda u approvazzjoni tat-tip ġdida jew tingħata estensjoni skont il-każ, mill-awtorità tal-approvazzjoni tat-tip li tat l-approvazzjoni tat-tip oriġinali skont l-att regolatorju in kwistjoni.

Artikolu 6

Derogi

1.   Bla ħsara għall-Artikolu 4(3) tad-Direttiva 96/53/KE, l-approvazzjoni tat-tip KE tista’ tingħata għall-vetturi li d-dimensjonijiet tagħhom jeċċedu r-rekwiżiti ta’ dan ir-Regolament li huma maħsuba għall-ġarr ta’ tagħbijiet indiviżibbli. F’dan il-każ, iċ-ċertifikat tal-approvazzjoni tat-tip u ċ-ċertifikat tal-konformità għandhom jindikaw biċ-ċar li l-vettura hija maħsuba għat-trasport ta’ tagħbijiet indiviżibbli biss.

2.   L-Istati Membri jistgħu jagħtu approvazzjonijiet skont l-Artikoli 23 u 24 tad-Direttiva 2007/46/KE għall-vetturi li jeċċedu d-dimensjonijiet massimi awtorizzati stabbiliti fil-punt 1.1 tal-partijiet B, C u D tal-Anness I ta’ dan ir-Regolament.

L-approvazzjonijiet tat-tip skont l-Artikolu 23 tad-Direttiva 2007/46/KE għandhom ikunu soġġetti għal-limiti kwantitattivi stipulati fit-Taqsima 3 tal-Parti A tal-Anness XII ta’ dik id-Direttiva.

Artikolu 7

Dispożizzjonijiet tranżitorji

1.   L-awtoritajiet nazzjonali għandhom jippermettu l-bejgħ u l-użu ta’ vetturi bl-approvazzjoni tat-tip qabel id-data msemmija fl-Artikolu 13(2) tar-Regolament (KE) Nru 661/2009, u għandhom ikomplu jestendu l-approvazzjonijiet li jkunu ngħataw skont it-termini tad-Direttiva 92/21/KEE u d-Direttiva 97/27/KE.

2.   B’deroga mill-paragrafu 1, l-approvazzjonijiet tat-tip KE mogħtija skont l-Artikolu 7 tad-Direttiva 97/27/KE għandhom jieqfu jkunu validi fid-data msemmija fl-Artikolu 19(1) tar-Regolament (KE) Nru 661/2009.

Madankollu, l-Istati Membri jistgħu jirreġistraw u jippermettu l-bejgħ jew l-użu ta’ vetturi ta’ tmiem is-serje li l-approvazzjoni tat-tip tal-KE tagħhom ma jkunx aktar validu meta il-fabbrikant jitlob hekk, skont l-Artikolu 27 tad-Direttiva 2007/46/KE.

3.   Mill-10 ta’ Jannar 2014 l-manifatturi għandhom jipprovdu ċertifikati tal-konformità li jkunu konformi ma’ dan ir-Regolament.

Sad-9 ta’ Jannar 2014 dawn għandhom jindikaw il-massa reali tal-vettura fl-annotazzjoni 52 taċ-ċertifikat tal-konformità, sakemm ma tkunx indikata f’waħda mill-annotazzjonijiet l-oħra taċ-ċertifikat tal-konformità.

Artikolu 8

Emendi għad-Direttiva 2007/46/KE

L-Annessi I, III, IX, u XVI tad-Direttiva 2007/46/KE huma emendati skont l-Anness VI ta’ dan ir-Regolament.

L-Anness XII tad-Direttiva 2007/46/KE jinbidel bl-Anness VII ta’ dan ir-Regolament.

Artikolu 9

Dħul fis-seħħ

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika għal tipi ġodda ta’ vetturi li għalihom tkun ingħatat l-approvazzjoni tat-tip mill-1 ta’ Novembru 2012.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-12 ta’ Diċembru 2012.

Għall-Kummissjoni

Il-President

José Manuel BARROSO

(1)  ĠU L 200, 31.7.2009, p. 1.

(2)  ĠU L 263, 9.10.2007, p. 1.

(3)  ĠU L 129, 14.5.1992, p. 1.

(4)  ĠU L 233, 25.8.1997, p. 1.

(5)  ĠU L 235, 17.9.1996, p. 59.

(6)  (COM(2011)144).

(7)  ĠU L 227, 28.8.2010, p. 1.

(8)  ĠU L 351, 20.12.2008, p. 44.

(9)  ĠU L 255, 29.9.2010, p. 1.

(10)  ĠU L 183, 11.7.2008, p. 41.

(11)  ĠU L 124, 13.5.2011, p. 11.

LISTA TAL-ANNESSI

Anness I

PARTI A

:

Rekwiżiti tekniċi għall-vetturi tal-kategorija M1 u N1.

PARTI B

:

Rekwiżiti tekniċi għall-vetturi tal-kategorija M2 u M3.

PARTI C

:

Rekwiżiti tekniċi għall-vetturi tal-kategorija N2 u N3.

PARTI D

:

Rekwiżiti tekniċi għall-vetturi tal-kategorija O.

Appendiċi 1

Lista ta’ apparat u tagħmir li mhumiex meħtieġa li jitqiesu għad-determinazzjoni tad-dimensjonijiet ta’ barra nett.

Appendiċi 2

Devjazzjonijiet permissibbli għall-approvazzjoni tat-tip u l-konformità tal-produzzjoni.

Appendiċi 3

Ċifri dwar il-manuvrabilità.

Anness II

Grad ta’ inklinabilità tal-vetturi off-road.

Anness III

Kundizzjonijiet ta’ ekwivalenza ta’ saspenxin għal saspenxin tal-arja.

Anness IV

Rekwiżiti tekniċi għall-istallazzjoni ta’ fus li jista’ jintrefa’ jew fus li jista’ jiġi mgħobbi fuq il-vetturi.

Anness V

PARTI A

:

Dokument ta’ informazzjoni.

PARTI B

:

Ċertifikat ta’ approvazzjoni tat-tip KE.

Anness VI

Emendi għall-Annessi I, III, IX, u XVI tad-Direttiva 2007/46/KE.

Anness VII

L-Anness XII tad-Direttiva 2007/46/KE.

ANNESS I

REKWIŻITI TEKNIĊI

PARTI A

Vetturi tal-kategoriji M1 u N1

1.   Dimensjonijiet massimi awtorizzati

1.1.

Id-dimensjonijiet ma għandhomx jaqbżu l-valuri li ġejjin:

1.1.1.

Tul: 12,00 m.

1.1.2.

Wisa':

(a)

:

M1

:

2,55 m;

(b)

:

N1

:

2,55 m;

(c)

:

N1

:

2,60 m għall-vetturi mgħammra b'karozzerija b'ħitan iżolati ta’ ħxuna ta’ mill-inqas 45 mm, kif imsemmi fl-Appendiċi 2 tal-Parti C tal-Anness II tad-Direttiva 2007/46/KE;

1.1.3.

Għoli: 4,00 m.

1.2.

Għall-finijiet ta’ kejl tat-tul, il-wisa' u l-għoli, il-vettura għandha tkun fil-massa tagħha fi stat ta’ tħaddim, impoġġija fuq wiċċ ċatt u orizzontali bit-tajers minfuħa bil-pressjoni rrakkomandata mill-manifattur.

1.3.

L-apparat u t-tagħmir imsemmi fl-Appendiċi 1 ta’ dan l-Anness biss ma għandhomx jitqiesu għad-determinazzjoni tat-tul, l-wisa' u l-għoli.

2.   Distribuzzjoni tal-massa

2.1.   Is-somma tal-massa massima teknikament permissibbli fuq il-fusien ma għandhiex tkun inqas mill-massa mgħobbija massima teknikament permissibbli tal-vettura.

2.2.   Il-massa mgħobbija massima teknikament permissibbli tal-vettura ma għandhiex tkun inqas mill-massa tal-vettura fi stat ta’ tħaddim b'żieda tal-massa tal-passiġġieri u l-massa tat-tagħmir fakoltattiv u l-massa tal-agganċ jekk mhux inklużi fil-massa fi stat ta’ tħaddim.

2.3.   Meta l-vettura tkun mgħobbija sal-massa mgħobbija massima teknikament permissibbli, il-massa fuq kull fus ma għandhiex teċċedi il-massa massima teknikament permissibbli fuq dak il-fus.

2.4.   Meta l-vettura tkun mgħobbija sal-massa mgħobbija massima teknikament permissibbli, il-massa fuq il-fus ta’ quddiem ma għandha fl-ebda każ tkun inqas minn 30 % tal-massa mgħobbija massima teknikament permissibbli tal-vettura.

2.4.1.   Meta l-vettura tkun mgħobbija sal-massa mgħobbija massima teknikament permissibbli u l-massa massima teknikament permissibbli fuq il-punt tal-agganċ, il-massa fuq il-fus ta’ quddiem ma’ għandha fl-ebda każ tkun inqas minn 20 % tal-massa mgħobbija massima teknikament permissibbli tal-vettura.

2.5.   Meta vettura hija magħmmra b'sedili li jistgħu jitneħħew, il-proċedura ta’ verifika għandha tkun limitata għall-kundizzjoni bin-numru massimu ta’ postijiet bilqiegħda.

2.6.   Għall-finijiet tal-verifika tar-rekwiżiti stabbiliti fil-punti 2.2, 2.3 u 2.4:

(a)

Is-sedili għandhom jiġu aġġustati kif preskritt fil-punt 2.6.1;

(b)

il-mases tal-passiġġieri, il-massa utli (pay-mass) u l-massa tat-tagħmir fakoltattiv għandhom jitqassmu kif preskritt fil-punti minn 2.6.2 sa 2.6.4.2.3.

2.6.1.   Aġġustament tas-sedili.

2.6.1.1.   Is-sedili meta jkunu aġġustabbli għandhom jitressqu fil-pożizzjoni l-aktar lura tagħhom.

2.6.1.2.   Fejn hemm pożizzjonijiet oħra għall-aġġustament tas-sedil (vertikali, angolat, dahar tas-sedil, eċċ.) il-pożizzjonijiet aġġustati għandhom ikunu kif speċifikat mill-manifattur tal-vettura.

2.6.1.3.   Fil-każ tas-sedili bis-saspenxin, is-sedil għandu jkun maqful fil-pożizzjoni speċifikata mill-manifattur.

2.6.2.   Id-distribuzzjoni tal-massa tal-passiġġieri.

2.6.2.1.   Il-massa li tirrappreżenta kull passiġġier għandha tkun 75 kg.

2.6.2.2.   Il-massa għal kull passiġġier għandha tkun fuq il-punt ta’ referenza ta’ bilqiegħda (jiġifieri il-“punt R” tas-sedil).

2.6.2.3.   Fil-każ ta’ vettura għal skopijiet speċjali, ir-rekwiżit tal-punt 2.6.2.2 għandu japplika mutatis mutandis (pereżempju, il-massa ta’ persuna korruta mimduda fuq streċer fil-każ ta’ ambulanza).

2.6.3.   Distribuzzjoni tal-massa tat-tagħmir fakoltattiv.

2.6.3.1.   L-massa tat-tagħmir fakoltattiv għandha titqassam skont l-ispeċifikazzjonijiet tal-manifattur.

2.6.4.   Id-distribuzzjoni tal-massa utli (pay-mass).

2.6.4.1.   Vetturi M1.

2.6.4.1.1.

Fir-rigward tal-vetturi M1, il-massa utli (pay-mass) għandha titqassam skont l-ispeċifikazzjonijiet tal-manifattur bi qbil mas-servizz tekniku.

2.6.4.1.2.

Fir-rigward tal-karavans bil-mutur il-massa utli (pay-mass) minima (PM) għandha tissodisfa ir-rekwiżit li ġej:

Formula

Fejn

“n”

hija n-numru massimu ta’ passiġġieri flimkien mas-sewwieq u

“L”

hija t-tul globali tal-vettura f'metri

2.6.4.2.   Vetturi N1

2.6.4.2.1.

Fir-rigward tal-vetturi bil-karozzerija, il-massa utli (pay-mass) għandha tkun distribwita b'mod uniformi fuq il-kaxxa għat-tagħbija;

2.6.4.2.2.

Fir-rigward tal-vetturi mingħajr karozzerija (pereżempju xażi-kabina), il-manifattur għandu jiddikjara l-pożizzjonijiet estremi permissibbli taċ-ċentru tal-gravità tal-massa utli (pay-mass) miżjuda bil-massa tat-tagħmir maħsub biex iġorr il-merkanzija (pereżempju: karozzerija, tank, eċċ.) (pereżempju: minn 0,50 m sa 1,30 m quddiem l-ewwel fus ta’ wara);

2.6.4.2.3.

Fir-rigward tal-vetturi maħsuba biex ikunu mgħammra b'agganċ tal-fifth wheel, il-manifattur għandu jiddikjara id-distanza massima u minima tal-fifth wheel.

2.7.   Ir-rekwiżiti addizzjonali meta l-vettura hija kapaċi tirmonka trejler

2.7.1.   Ir-rekwiżiti msemmija fil-punti 2.2, 2.3 u 2.4 għandhom japplikaw filwaqt li titqies il-massa tal-agganċ u l-massa massima teknikament permissibbli fuq il-punt tal-agganċ.

2.7.2.   Bla ħsara għar-rekwiżiti tal-punt 2.4, il-massa massima teknikament permissibbli fuq il-fus(ien) tista' tinqabeż b'mhux aktar minn 15 %.

2.7.2.1.   Meta l-massa massima teknikament permissibbli fuq il-fus(ien) tinqabeż b'mhux aktar minn 15 %, ir-rekwiżiti tal-punt 5.2 tal-Anness II għar-Regolament tal-Kummissjoni (UE) Nru 458/2011 (1) għandhom japplikaw.

2.7.2.2.   Fl-Istati Membri fejn il-leġiżlazzjoni tat-traffiku tippermetti, il-manifattur jista' jindika f'dokument ta’ appoġġ xieraq, bħall-manwal tas-sid jew il-ktieb tal-manutenzjoni li l-massa mgħobbija massima teknikament permissibbli tal-vettura tista' tinqabeż b'mhux aktar minn 10 % jew 100 kg, skont liema valur huwa aktar baxx.

Din il-konċessjoni għandha tapplika biss meta jiġi rmunkat trejler fil-kundizzjonijiet speċifikati fil-punt 2.7.2.1 sakemm il-veloċità tat-tħaddim hija ristretta għal 100 km/h jew inqas.

3.   Massa rmunkabbli u massa fl-agganċ

3.1.   Rigward il-massa massima teknikament permissibbli li tista' tiġi rmunkata, ir-rekwiżiti li ġejjin għandhom japplikaw:

3.1.1.   Trejler mgħammar b'sistema ta’ brejk ta’ servizz.

3.1.1.1.

Il-massa massima teknikament permissibbli li tista' tiġi rmunkata tal-vettura għandha tkun l-inqas fost il-valuri li ġejjin:

(a)

il-massa massima teknikament permissibbli li tista' tiġi rmunkata bbażata fuq il-karatteristiċi tal-kostruzzjoni tal-vettura u s-saħħa tal-agganċ;

(b)

il-massa mgħobbija massima teknikament permissibbli tal-vettura tal-irmonk;

(c)

1,5 darbiet il-massa mgħobbija massima teknikament permissibbli tal-vettura tal-irmonk fil-każ ta’ vettura off-road kif iddefinit fl-Anness II tad-Direttiva 2007/46/KE.

3.1.1.2.

Madankollu, il-massa massima teknikament permissibbli li tista' tiġi rmunkata ma għandha fl-ebda każ teċċedi 3 500 kg.

3.1.2.   Trejler mingħajr sistema ta’ brejk ta’ servizz

3.1.2.1.

Il-massa permessibbli li tista' tiġi rmunkata għandha tkun l-inqas fost il-valuri li ġejjin:

(a)

il-massa massima teknikament permissibbli li tista' tiġi rmunkata bbażata fuq il-karatteristiċi tal-kostruzzjoni tal-vettura u s-saħħa tal-agganċ;

(b)

nofs il-massa fi stat ta’ tħaddim tal-vettura tal-irmonk.

3.1.2.2.

Madankollu, il-massa massima teknikament permissibbli li tista' tiġi rmunkata ma għandha fl-ebda każ teċċedi 750 kg.

3.2.   Il-massa massima teknikament permissibbli fuq il-punt tal-agganċ m'għandhiex tkun inqas minn 4 % tal-massa massima permissibbli li tista' tiġi rmunkata u inqas minn 25 kg.

3.3.   Il-manifattur għandu jispeċifika fil-manwal tas-sid il-massa massima teknikament permissibbli fuq il-punt tal-agganċ, il-punti tal-immuntar tal-agganċ fuq il-vettura tal-irmonk u l-isporġenza ta’ wara massima permissibbli għall-punt tal-agganċ.

3.4.   Il-massa massima teknikament permissibbli li tista' tiġi rmunkata ma għandhiex tiġi definita b'referenza għan-numru ta’ passiġġieri.

4.   Massa tal-kombinazzjoni

Il-massa mgħobbija massima teknikament permissibbli tal-kombinazzjoni ma għandhiex taqbeż is-somma tal-massa mgħobbija massima teknikament permissibbli flimkien mal-massa massima teknikament permissibbli li tista' tiġi rmunkata.

Formula

5.   Abbiltà li tistartja fit-telgħa

5.1.

Il-vettura tal-irmonk għandha tkun kapaċi tistartja l-kombinazzjoni tal-vettura ħames darbiet fuq inklinazzjoni fit-telgħa ta’ mill-inqas 12 % f'ħames minuti.

5.2.

Sabiex twettaq it-test deskritt fil-punt 5.1, il-vettura tal-irmonk u t-trejler għandhom ikunu mgħobbija biex ikunu daqs il-massa mgħobbija massima teknikament permissibbli tal-kombinazzjoni.

PARTI B

Vetturi tal-kategoriji M2 u M3

1.   Dimensjonijiet massimi awtorizzati

1.1.

Id-dimensjonijiet ma għandhomx jaqbżu l-valuri li ġejjin:

1.1.1.

Tul

(a)

Vettura b'żewġ fusien u sezzjoni waħda: 13,50 m

(b)

Vettura bi tliet fusien jew aktar u sezzjoni waħda: 15,00 m

(c)

Vettura artikolata: 18,75 m

1.1.2.

Wisa': 2,55 m;

1.1.3.

Għoli: 4,00 m.

1.2.

Għall-finijiet ta’ kejl tat-tul, il-wisa' u l-għoli, il-vettura għandha tkun fil-massa tagħha fi stat ta’ tħaddim, impoġġija fuq wiċċ ċatt u orizzontali bit-tajers minfuħa bil-pressjoni rrakkomandata mill-manifattur.

1.3.

L-apparat u t-tagħmir imsemmi fl-Appendiċi 1 ta’ dan l-Anness biss ma għandhomx jitqiesu għad-determinazzjoni tat-tul, l-wisa' u l-għoli.

2.   Distribuzzjoni tal-massa għall-vetturi mgħammra bil-karozzerija

2.1.   Proċedura tal-kalkolazzjoni

Notazzjonijiet:

“M”

massa mgħobbija massima teknikament permissibbli;

“TM”

massa massima teknikament permissibbli li tista' tiġi rmunkata;

“MC”

massa mgħobbija massima teknikament permissibbli tal-kombinazzjoni;

“mi”

massa mgħobbija massima teknikament permissibbli fuq il-fus waħdieni imsejjaħ “i”, fejn “i” tvarja minn 1 san-numru totali ta’ fusien tal-vettura,

“mc”

massa massima teknikament permissibbli fuq il-punt tal-agganċ;

“μj”

massa massima teknikament permissibbli fuq il-grupp ta’ fusien imsejħa “j”, fejn “j” tvarja minn 1 san-numru totali ta’ gruppi ta’ fusien.

2.1.1.   Għandhom isiru kalkolazzjonijiet xierqa sabiex jiġi żgurat li jiġu ssodisfati r-rekwiżiti li ġejjin għal kull konfigurazzjoni teknika fi ħdan it-tip.

2.1.2.   Fil-każ ta’ vetturi mgħammra b'fusien li jistgħu jiġu mgħobbija, għandhom isiru l-kalkolazzjonijiet li ġejjin bis-saspenxin tal-fusien mgħobbija fil-konfigurazzjoni ta’ tħaddim normali.

2.2.   Rekwiżiti ġenerali

2.2.1.   Is-somma tal-massa massima teknikament permissibbli fuq il-fus waħdieni flimkien mas-somma tal-massa massima teknikament permissibbli fuq il-gruppi ta’ fusien ma għandhiex tkun inqas mill-massa mgħobbija massima teknikament permissibbli tal-vettura.

Formula

2.2.2.   Il-massa tal-vettura fi stat ta’ tħaddim, flimkien mal-massa tat-tagħmir fakoltattiv, il-massa tal-passiġġieri, il-mases “WP” u “B” imsemmija fil-punt 2.2.3, flimkien mal-massa tal-agganċ jekk ma tkun inkluża fil-massa fi stat ta’ tħaddim, flimkien mal-massa massima teknikament permissibbli fuq il-punt tal-agganċ, ma għandhiex teċċedi l-massa mgħobbija massima teknikament permissibbli.

2.2.3.   Distribuzzjoni tat-tagħbija

2.2.3.1.   Notazzjonijiet

“P”

numru ta’ postijiet bilqiegħda, eskluż is-sewwieq u l-membru(i) tal-ekwipaġġ;

“Q”

massa ta’ passiġġier wieħed f'kg;

“Qc”

massa ta’ membru tal-ekwipaġġ wieħed f'kg;

“S1”

erja f'm2 għall-passiġġieri bilwieqfa;

“SP”

numru ta’ passiġġieri bilwieqfa ddikjarat mill-manifattur;

“Ssp”

spazju mkejjel għal passiġġier wieħed bilwieqfa f'm2;

“WP”

numru ta’ spazji għas-siġġijiet bir-roti mmultiplikat b'250 kg li jirrappreżenta l-massa ta’ siġġu bir-roti u l-utent;

“V”

volum totali tal-kumpartimenti tal-bagolli f'm3 inklużi l-kumpartimenti għall-bagalji, l-ixkafef u l-kaxxa għall-iski;

“B”

massa massima permissibbli tal-bagalji f'kg iddikjarata mill-manifattur, inkluża l-massa massima permissibbli (B') li tista' tiġi trasportata fil-kaxxa tal-iski jekk ikun hemm.

2.2.3.2.   Il-massa Q u Qc tal-passiġġieri bilqiegħda għandha tkun fuq il-punt ta’ referenza ta’ bilqiegħda (jiġifieri il-“punt R” tas-sedil).

2.2.3.3.   Il-massa li tikkorrispondi għan-numru SP ta’ passiġġieri bilwieqfa tal-massa Q għandha tiġi distribwita b'mod uniformi fuq il-wiċċ disponibbli għall-passiġġier bilwieqfa S1.

2.2.3.4.   Fejn xieraq, il-massa WP għandha tkun distribwita b'mod uniformi fuq kull spazju għas-siġġijiet bir-roti.

2.2.3.5.   Massa ugwali għal B (kg) għandha tkun distribwita b 'mod uniformi fil-kumpartimenti tal-bagalji.

2.2.3.6.   Massa ugwali għal B' (kg) għandha tkun fiċ-ċentru tal-gravità tal-kaxxa tal-iski.

2.2.3.7.   Il-massa massima teknikament permissibbli fil-punt tal-aġġanċ għandha tkun fil-punt tal-agganċ li l-isporġenza ta’ wara tiegħu tkun iddikjarata mill-manifattur tal-vettura.

2.2.3.8.   Valuri ta’ Q u valuri Ssp

Klassi tal-vettura

Q (kg)

Ssp (m2)

Klassi I u A

68

0,125 m2

Klassi II

71

0,15 m2

Klassi III u B

71

Not applicable

Il-massa ta’ kull membru tal-ekwipaġġ għandha tkun 75 kg.

2.2.3.9   In-numru ta’ passiġġieri bilwieqfa ma’ għandux jeċċedi l-valur S1/Ssp, fejn Ssp huwa l-ispazju mkejjel ipprovdut għal passiġġier wieħed bilwieqfa kif speċifikat fit-tabella fil-punt 2.2.3.8.

2.2.3.10.   Il-valur tal-massa massima permissibbli tal-bagalja għandu jkun mhux inqas minn: Formula

2.2.4.   Kalkolazzjonijiet

2.2.4.1   Ir-rekwiżiti tal-punt 2.2.2 għandhom jiġu vverifikati fil-konfigurazzjonijiet kollha tal-arranġamenti ta’ ġewwa.

2.2.4.2.   Fil-kundizzjonijiet speċifikati fil-punt 2.2.3 il-massa fuq kull fus waħdieni u fuq kull grupp ta’ fusien ma’ għandhiex teċċedi il-massa massima teknikament permissibbli fuq dak il-fus jew il-grupp ta’ fusien.

2.2.4.3.   Fil-każ ta’ vettura mgħammra b'kapaċità ta’ postijiet bilqiegħda varjabbli, b'żona disponibbli għall-passiġġieri bilwieqfa (S1) u mgħammra għall-ġarr tas-siġġijiet bir-roti, il-konformità mar-rekwiżiti tal-punti 2.2.2. u 2.2.4.2 għandha tiġu vverifikata għal kull waħda mill-kundizzjonijiet li ġejjin skont kif japplika:

(a)

bis-sedili kollha possibbli okkupati flimkien maż-żona li fadal għall-passiġġieri bilwieqfa (sal-limitu tal-kapaċità ta’ nies bil-wieqfa iddikjarat mill-manifattur, jekk jintlaħaq) u, jekk jifdal spazju, kull spazju għas-siġġijiet bir-roti okkupat;

(b)

bl-ispazji bilwieqfa kollha possibbli okkupati (sal-limitu tal-kapaċità ta’ nies bilwieqfa ddikjarat mill-manifattur) flimkien mas-sedili li fadal għall-passiġġieri bilqiegħda u, jekk jifdal spazju, kull spazju għas-siġġijiet bir-roti okkupat;

(c)

bl-ispazji kollha possibbli għas-siġġijiet bir-roti okkupati flimkien maż-żona li jkun fadal għall-passiġġieri bilwieqfa (sal-limitu tal-kapaċità ta’ nies bilwieqfa ddikjarat mill-manifattur, jekk jintlaħaq) u mbagħad is-sedili li jifdal disponibbli biex jintużaw okkupati.

2.2.5.   Meta l-vettura tkun mgħobbija kif speċifikat fil-punt 2.2.2 il-massa li tikkorrispondi għat-tagħbija fuq il-fus(ien) direzzjonali ta’ quddiem għandu fl-ebda każ ma għandha tkun inqas minn 20 % tal-massa mgħobbija massima teknikament permissibbli “M”.

2.2.6.   Meta vettura trid tingħata approvazzjoni tat-tip għal aktar minn klassi waħda, ir-rekwiżiti tat-Taqsima 2 għandhom japplikaw għal kull klassi.

3.   Kapaċità tal-irmonk

3.1.

Il-massa mgħobbija massima teknikament permissibbli tal-kombinazzjoni ma għandhiex taqbeż is-somma tal-massa mgħobbija massima teknikament permissibbli flimkien mal-massa massima teknikament permissibbli li tista' tiġi rmunkata.

Formula

3.2.

Il-massa massima teknikament permissibbli li tista' tiġi rmunkata ma’ għandhiex teċċedi 3 500 kg.

4.   Massa massima teknikament permissibbli fuq il-punt tal-agganċ

4.1.

Il-massa massima teknikament permissibbli fil-punt tal-aġġanċ għandha tkun mill-inqas ugwali għal 4 % tal-massa massima teknikament permissibbli li tista' tiġi rmunkata, jew 25 kg, liema minnhom tkun l-itqal.

4.2.

Il-manifattur għandu jispeċifika fil-manwal tas-sid il-kundizzjonijiet għat-twaħħil tal-agganċ mal-vettura bil-mutur.

4.2.1.

Fejn ikun xieraq il-kundizzjonijiet msemmija fil-punt 4.2 għandhom jinkludu l-massa massima teknikament permissibbli fuq il-punt tal-agganċ tal-vettura tal-irmonk, il-massa massima permissibbli tal-apparat tal-agganċ, il-punti tal-immuntar tal-agganċ u l-isporġenza ta’ wara massima permessibbli tal-agganċ.

5.   Abbiltà li tistartja fit-telgħa

5.1.

Il-vetturi maħsuba biex jirmunkaw trejler għandhom ikunu kapaċi jistartjaw ħames darbiet fi żmien ħames minuti fuq inklinazzjoni fit-telgħa ta’ mill-inqas 12 %.

5.2.

Għat-twettiq tat-test deskritt fil-punt 5.1, il-vettura tal-irmonk u t-trejler għandhom ikunu mgħobbija biex ikunu daqs il-massa mgħobbija teknikament permissibbli tal-kombinazzjoni.

6.   Potenza tal-magna

6.1.

Il-magna għandha tipproduċi potenza ta’ mill-inqas 5 kW għal kull tunnellata tal-massa mgħobbija massima teknikament permissibbli tal-kombinazzjoni jew tal-massa mgħobbija massima teknikament permissibbli tal-vettura waħedha meta l-vettura ma tkunx maħsuba biex tirmonka trejler.

6.2.

Il-potenza tal-magna għandha titkejjel skont id-Direttiva tal-Kunsill 80/1269/KEE (2) jew ir-Regolament UNECE Nru 85 (3).

7.   Manuvrabilità

7.1.

Il-vettura għandha tkun kapaċi li timmanuvra fuq kull naħa ta’ trajettorja sħiħa ta’ 360° kif muri fil-figura 1 fl-Appendiċi 3 ta’ dan l-Anness mingħajr ma kwalunkwe punt ta’ barra nett tal-vettura jisporġi lil hinn miċ-ċirku ta’ barra jew li jidħlu ġewwa ċ-ċirku ta’ ġewwa skont il-każ.

7.1.1.

It-test għandu jitwettaq bil-vettura kemm fil-kundizzjonijiet mhux mgħobbija (jiġifieri fil-massa tagħha fi stat ta’ tħaddim) kif ukoll mgħobbija sal-massa mgħobbija massima teknikament permissibbli tagħha.

7.1.2.

Għall-finijiet tal-punt 7.1, il-partijiet permessi li jisporġu 'l barra mill-wisa' tal-vettura msemmija fl-Appendiċi 1 ta’ dan l-Anness ma għandhomx jitqiesu.

7.2.

Fil-każ ta’ vetturi mgħammra b'fus li jista' jiġi mgħobbi, ir-rekwiżit tal-punt 7.1 għandu japplika wkoll meta l-fus(ien) li jista' jiġi mgħobbi ikun qed jintuża.

7.3.

Ir-rekwiżiti tat-taqsima 7.1 għandhom ikunu vverifikati kif ġej:

7.3.1.

Il-vettura għandha timmanuvra f'żona ċirkolari definita minn żewġ ċrieki konċentriċi, biċ-ċirku ta’ barra b'raġġ ta’ 12,50 m ċ-ċirku ta’ ġewwa b'raġġ ta’ 5,30 m.

7.3.2.

Il-punt barra nett ta 'quddiem tal-vettura bil-mutur għandha tkun iggwidata tul il-lija taċ-ċirku ta’ barra (ara l-figura 1 fl-Appendiċi 3 ta’ dan l-Anness).

8.   Tperpir fuq wara

8.1.   Vettura b'sezzjoni waħda

8.1.1.   Il-vettura għandha tkun ttestjata skont il-metodu tat-test drive-in deskritt fil-punt 8.1.2.

8.1.2.   Metodu tat-test drive-in

Il-vettura għandha tkun wieqfa u għandu jiġi stabbilit pjan vertikali tanġenzjali man-naħa tal-vettura u li jħares 'il barra miċ-ċirku billi tiġi mmarkata linja fuq l-art.

Il-vettura għandha titressaq minn approċċ b'linja dritta fiż-żona ċirkolari deskritta fil-Figura 1 bir-roti ta’ quddiem tagħha mdawwra sabiex il-punt ta’ quddiem ta’ barra nett isegwi l-linja taċ-ċirku ta’ barra (ara l-Figura 2 tal-Appendiċi 3 ta’ dan l-Anness).

8.1.3.   Il-vettura għandha tkun issettjata għall-massa tagħha fi stat ta’ tħaddim.

8.1.4.   It-tperpir massimu fuq wara ma għandu jaqbeż 0,60 m.

8.2.   Vetturi b'żewġ sezzjonijiet jew aktar

8.2.1.   Ir-rekwiżiti tal-punt 8.1 għandhom japplikaw mutatis mutandis fir-rigward tal-vetturi b'żewġ sezzjonijiet jew aktar.

F'tali każ, iż-żewġ sezzjonijiet riġidi jew aktar għandhom jiġu allinjati mal-pjan kif muri fil-Figura 2b tal-Appendiċi 3 ta’ dan l-Anness.

PARTI C

Vetturi tal-kategorija N2 u N3

1.   Dimensjonijiet massimi awtorizzati

1.1.

Id-dimensjonijiet ma għandhomx jaqbżu l-valuri li ġejjin:

1.1.1.

Tul: 12,00 m.

1.1.2.

Wisa':

(a)

2,55 m għal kwalunkwe vettura;

(b)

2,60 m għall-vetturi mgħammra b'karozzerija b'ħitan iżolati ta’ ħxuna ta’ mill-inqas 45 mm, kif imsemmi fl-Appendiċi 2 tal-Anness II tad-Direttiva 2007/46/KE;

1.1.3.

Għoli: 4,00 m.

1.2.

Għall-finijiet ta’ kejl tat-tul, il-wisa' u l-għoli, il-vettura għandha tkun fil-massa tagħha fi stat ta’ tħaddim, impoġġija fuq wiċċ ċatt u orizzontali bit-tajers minfuħa bil-pressjoni rrakkomandata mill-manifattur.

1.3.

L-apparat u t-tagħmir imsemmi fl-Appendiċi 1 ta’ dan l-Anness biss ma għandhomx jitqiesu għad-determinazzjoni tat-tul, l-wisa ' u l-għoli.

2.   Distribuzzjoni tal-massa għall-vetturi mgħammra bil-karozzerija

2.1.   Proċedura tal-kalkolazzjoni

Notazzjonijiet

“M”

massa mgħobbija massima teknikament permissibbli;

“TM”

massa massima teknikament permissibbli li tista' tiġi rmunkata;

“MC”

massa mgħobbija massima teknikament permissibbli tal-kombinazzjoni

“mi”

il-massa massima teknikament permissibbli fuq il-fus waħdieni msejjaħ “i”, fejn “i” tvarja minn 1 san-numru totali ta’ fusien tal-vettura;

“mc”

massa massima teknikament permissibbli fuq il-punt tal-agganċ;

“μj”

massa massima teknikament permissibbli fuq il-grupp ta’ fusien imsejħa “j”, fejn “j” tvarja minn 1 san-numru totali ta’ gruppi ta’ fusien.

2.1.1.

Għandhom isiru kalkolazzjonijiet xierqa sabiex jiġi żgurat li r-rekwiżiti stabbiliti fil-punti 2.2 u 2.3 huma ssodisfati għal kull konfigurazzjoni teknika fi ħdan it-tip.

2.1.2.

Fil-każ ta’ vetturi mgħammra b'fusien li jistgħu jiġu mgħobbija, il-kalkolazzjonijiet meħtieġa skont il-punti 2.2 u 2.3 għandhom jitwettqu bis-sospension tal-fusien li jistgħu jiġu mgħobbija fil-konfigurazzjoni ta’ tħaddim normali.

2.1.3.

Fil-każ ta'vetturi mgħammra f'fusien li jistgħu jintrefgħu, il-kalkolazzjonijiet meħtieġa skont il-punti 2.2 u 2.3 għandhom jitwettqu bil-fusien imniżżla.

2.2.   Rekwiżiti ġenerali

2.2.1.

Is-somma tal-massa massima teknikament permissibbli fuq il-fus waħdieni flimkien mas-somma tal-massa massima teknikament permissibbli fuq il-gruppi ta’ fusien ma għandhiex tkun inqas mill-massa mgħobbija massima teknikament permissibbli tal-vettura.

Formula

2.2.2.

Għal kull grupp ta’ fusien imsemmija “j”, is-somma tal-massa massima teknikament permissibbli fuq il-fusien tiegħu ma għandhiex tkun inqas mill-massa massima teknikament permissibbli fuq il-grupp ta’ fusien.

Barra minn hekk, kull waħda mill-mases mi ma għandhiex tkun inqas mill-parti ta’ μj li tapplika fuq il-fus “i” kif determinata mid-distribuzzjoni tal-massa għal dak il-grupp ta’ fusien.

2.3.   Rekwiżiti speċifiċi

2.3.1.

Il-massa tal-vettura fi stat ta’ tħaddim, flimkien mal-massa tat-tagħmir fakoltattiv flimkien mal-massa tal-passiġġieri, flimkien mal-massa tal-agganċ jekk mhux inkluża fil-massa fi stat ta’ tħaddim flimkien mal-massa massima teknikament permissibbli fuq il-punt tal-agganċ ma għandhiex teċċedi l- massa mgħobbija massima teknikament permissibbli tal-vettura.

2.3.2.

Meta l-vettura tkun mgħobbija sal-massa mgħobbija massima teknikament permissibbli tagħha, il-massa distribwita fuq fus “i” ma għandhiex teċċedi l-massa mi fuq dak il-fus, u il-massa fuq il-grupp ta’ fusien “j” ma għandiex teċċedi l-massa μj.

2.3.3.

Ir-rekwiżiti tal-punt 2.3.2 għandhom ikunu mħarsa fil-konfigurazzjonijiet ta’ tagħbija li ġejjin:

2.3.3.1.

Distribuzzjoni uniformi tal-massa utli (pay-mass):

il-vettura għandha tkun fil-massa tagħha fi stat ta’ tħaddim flimkien mal-massa tat-tagħmir fakoltattiv flimkien mal-massa tal-passiġġieri li jinsabu fil-punti ta’ referenza ta’ bilqiegħda, flimkien mal-massa tal-agganċ (jekk mhux inklużi fil-massa fi stat ta’ tħaddim), flimkien mal-massa massima permissibbli fuq il-punt tal-agganċ, flimkien mal-massa utli (pay-mass) li qed jiġi distribwit b'mod uniformi fuq iż-żona tat-tagħbija.

2.3.3.2.

Distribuzzjoni mhux uniformi tal-massa utli (pay-mass):

il-vettura għandha tkun fil-massa tagħha fi stat ta’ tħaddim flimkien mal-massa tat-tagħmir fakoltattiv flimkien mal-massa tal-passiġġieri li jinsabu fil-punti ta’ referenza ta’ bilqiegħda, flimkien mal-massa tal-agganċ (jekk mhux inklużi fil-massa fi stat ta’ tħaddim), flimkien mal-massa massima permissibbli fuq il-punt tal-agganċ, flimkien mal-massa utli (pay-mass) li tinsab skont l-ispeċifikazzjonijiet tal-manufattur.

Għall-finijiet bħal dawn, il-manifattur għandu jiddikjara l-pożizzjonijiet estremi permissibbli possibbli taċ-ċentru tal-gravità tal-massa utli (pay-mass) u/jew il-karozzerija u/jew it-tagħmir jew l-aċċessorji interni (per eżempju: minn 0,50 m sa 1,30 m quddiem l-ewwel fus ta’ wara).

2.3.3.3.

Kombinazzjoni ta’ distribuzzjoni uniformi u mhux uniformi:

Ir-rekwiżiti tal-punti 2.3.3.1 u 2.3.3.2 għandhom jiġu ssodisfati simultanjament.

Eżempju, trakk bil-kaxxa togħla (tagħbija distribwita) mgħammar bi krejn addizzjonali (tagħbija lokalizzata).

2.3.3.4.

Massa ttrasferita mill-agganċ tal-fifth wheel (unità tat-trattur għas-semitrejler):

il-vettura għandha tkun fil-massa tagħha fi stat ta’ tħaddim flimkien mal-massa tat-tagħmir fakoltattiv flimkien mal-massa tal-passiġġieri li jinsabu fil-punti ta’ referenza ta’ bilqiegħda, flimkien mal-massa tal-agganċ jekk mhux inklużi fil-massa fi stat ta’ tħaddim, flimkien mal-massa massima permissibbli fuq il-punt tal-agganċ tal-fifth wheel li jinsab skont l-ispeċifikazzjonijiet tal-manifatturi (id-distanza tal-fifth wheel minima u massima).

2.3.3.5.

Ir-rekwiżiti tal-punti 2.3.3.1 għandhom dejjem ikunu ssodisfati fejn il-vettura hija mgħammra b'żona ta’ tagħbija ċatta.

2.3.4.

Meta l-vettura tkun mgħobbija sal-massa mgħobbija massima teknikament permissibbli, flimkien mal-massa tal-agganċ jekk mhux inkluża fil-massa fi stat ta’ tħaddim, flimkien mal-massa massima permissibbli fuq il-punt tal-agganċ b'tali mod li l-massa massima permissibbli fuq il-grupp ta’ fusien ta’ wara (μ) jew il-massa massima permissibbli fuq il-fus ta’ wara (m) tintlaħaq, il-massa fuq il-fus(ien) direzzjonali ta’ quddiem ma għandiex tkun inqas minn 20 % tal- massa mgħobbija massima teknikament permissibbli tal-vettura.

2.3.5.

Fir-rigward tal-vetturi għal skopijiet speċjali tal-kategorija N2 u N3, is-servizz tekniku għandu jivverifika l-konformità mar-rekwiżiti tat-Taqsima 2 bi ftehim mal-manifattur, filwaqt li jitqies id-disinn speċifiku tal-vettura (pereżempju, il-krejnijiet mobbli).

3.   Kapaċità tal-irmonk

3.1.

Il-massa mgħobbija massima teknikament permissibbli tal-kombinazzjoni ma għandhiex taqbeż is-somma tal-massa mgħobbija massima teknikament permissibbli flimkien mal-massa massima teknikament permissibbli li tista' tiġi rmunkata.

Formula

4.   Abbiltà li tistartja fit-telgħa u grad ta’ inklinabilità

4.1.

Il-vetturi li huma maħsuba biex jirmunkaw trejler u mgħobbija sal-massa mgħobbija massima teknikament permissibbli tagħhom tal-kombinazzjoni, għandhom ikunu kapaċi jistartjaw ħames darbiet fi żmien ħames minuti fuq inklinazzjoni fit-telgħa ta’ mill-inqas 12 %.

4.2.

Fir-rigward tal-grad ta’ inklinabilità, il-vetturi off road għandhom jiġu ttestjati skont ir-rekwiżiti tekniċi tal-Anness II.

4.2.1.

Ir-rekwiżiti tat-Taqsima 5 tal-Appendiċi 1 tal-Anness II tad-Direttiva 2007/46/KE għandhom japplikaw ukoll.

5.   Potenza tal-magna

5.1.

Il-vetturi għandhom jipprovdu potenza tal-magna ta’ mill-inqas 5 kW għal kull tunnellata tal-massa mgħobbija massima teknikament permissibbli tal-kombinazzjoni.

5.1.1.

Fil-każ ta’ trattur tat-triq, jew ta’ unità ta’ trattur għal semitrejler maħsuba għat-trasport ta’ tagħbijiet indiviżibbli, il-potenza tal-magna għandha tkun mill-inqas 2 kW għal kull tunnellata tal-massa mgħobbija massima teknikament permissibbli tal-kombinazzjoni.

5.2.

Il-potenza tal-magna għandha titkejjel skont id-Direttiva 80/1269/KEE jew ir-Regolament UNECE Nru 85.

6.   Manuvrabilità

6.1.

Il-vettura għandha tkun kapaċi li timmanuvra fuq kull naħa ta’ trajettorja sħiħa ta’ 360° kif muri fil-figura 1 fl-Appendiċi 3 ta’ dan l-Anness mingħajr ma kwalunkwe punt ta’ barra nett tal-vettura jisporġi lil hinn miċ-ċirku ta’ barra jew li jidħlu ġewwa ċ-ċirku ta’ ġewwa skont il-każ.

6.1.1.

It-test għandu jitwettaq bil-vettura kemm fil-kundizzjonijiet mhux mgħobbija (jiġifieri fil-massa tagħha fi stat ta’ tħaddim) kif ukoll mgħobbija sal-massa mgħobbija massima teknikament permissibbli tagħha.

6.1.2.

Għall-finijiet tal-punt 6.1, il-partijiet permessi li jisporġu 'l barra mill-wisa' tal-vettura msemmija fl-Appendiċi 1 ta’ dan l-Anness ma għandhomx jitqiesu.

6.2.

Għal vetturi mgħammra b'apparati għall-irfigħ tal-fusien, ir-rekwiżit tal-punt 6.1 għandu japplika wkoll għall-fus(ien) li jista' jintrefa' fil-pożizzjoni mgħollija u fejn ikun qed jintuża l-fus(ien) li jista' jiġi mgħobbi.

6.3.

Ir-rekwiżiti tal-punt 6.1 għandhom ikunu vverifikati kif ġej:

6.3.1.

Il-vettura għandha timmanuvra f'żona definita minn żewġ ċrieki konċentriċi, biċ-ċirku ta’ barra b'raġġ ta’ 12,50 m u ċ-ċirku ta’ ġewwa b'raġġ ta’ 5,30 m.

6.3.2.

Il-punt barra nett ta 'quddiem tal-vettura bil-mutur għandha tkun iggwidata tul il-linja taċ-ċirku ta’ barra (ara l-figura 1 fl-Appendiċi 3 ta’ dan l-Anness).

7.   Tperpir massimu fuq wara

7.1.   Il-vettura għandha tkun ttestjata skont il-metodu tat-test steady-state deskritt fil-punt 7.1.1.

7.1.1.   Il-metodu tat-test steady-state

7.1.1.2.

Il-vettura għandha tkun wieqfa u għandu jkollha r-roti ta’ quddiem mdawwra b'mod li jekk il-vettura timxi, il-punt ta’ barra nett tagħha jiddeskrivi ċirku b'raġġ ta’ 12,50 m.

Għandu jiġi stabbilit pjan vertikali tanġenzjali man-naħa tal-vettura u li jħares 'il barra miċ-ċirku billi tiġi mmarkata linja fuq l-art.

Il-vettura għandha timxi 'il quddiem b'mod li l-punt fuq quddiem ta’ barra nett isegwi l-linja taċ-ċirku ta’ barra b'raġġ ta’ 12,50 m.

7.2.   It-tperpir massimu fuq wara ma għandu jaqbeż: (ara l-Figura 3 tal-Appendiċi 3 ta’ dan l-Anness)

(a)

0,80 m;

(b)

1,00 m meta l-vettura tkun mgħammra b'apparat għall-irfigħ tal-fusien u l-fus ikun mgħolli mill-art;

(c)

1,00 m meta l-fus ta’ wara nett ikun fus direzzjonali.

PARTI D

Vetturi tal-kategorija O

1.   Dimensjonijiet massimi awtorizzati

1.1.

Id-dimensjonijiet ma għandhomx jaqbżu l-valuri li ġejjin:

1.1.1.

Tul

(a)

Trejler: 12,00 m inkluż il-ganċ tal-irmonk;

(b)

Semitrejler: 12,00 m flimkien mal-isporġenza ta’ quddiem.

1.1.2.

Wisa'

(a)

2,55 m għal kwalunkwe vettura;

(b)

2,60 m għall-vetturi mgħammra b'karozzerija b'ħitan iżolati ta’ ħxuna ta’ mill-inqas 45 mm, kif imsemmi fl-Appendiċi 2 tal-Anness II tad-Direttiva 2007/46/KE.

1.1.3.

Għoli: 4,00 m.

1.1.4.

Ir-raġġ ta’ quddiem tas-semitrejler: 2,04 m.

1.2.

Għall-finijiet ta’ kejl tat-tul, il-wisa' u l-għoli, il-vettura għandha tkun fil-massa tagħha fi stat ta’ tħaddim, impoġġija fuq wiċċ ċatt u orizzontali bit-tajers minfuħa bil-pressjoni rrakkomandata mill-manifattur.

1.3.

Il-kejl tat-tul, l-għoli u r-raġġ ta’ quddiem għandu jitwettaq meta l-wiċċ ta’ tagħbija jew il-wiċċ ta’ referenza msemmija fil-punt 1.2.1 tat-tieni subparagrafu tal-Anness 7 tar-Regolament tal-UNECE Nru 55 huwa orizzontali.

Il-ganċijiet tal-irmonk aġġustabbli għandhom ikunu orizzontali u allinjati mal-linja ċentrali tal-vettura. Għandhom ikunu ssettjati fil-pożizzjoni l-aktar orizzontali tawwalija tagħhom.

1.4.

L-apparat u t-tagħmir imsemmija fl-Appendiċi 1 ta’ dan l-Anness biss ma għandhomx jitqiesu għad-determinazzjoni tad-dimensjonijiet msemmija fil-punt 1.1.

2.   Distribuzzjoni tal-massa għall-vetturi mgħammra bil-karozzerija

2.1.   Proċedura tal-kalkolazzjoni

Notazzjonijiet

“M”

massa mgħobbija massima teknikament permissibbli;

“m0”

massa massima teknikament permissibbli fuq il-punt tal-agganċ ta’ quddiem;

“mi”

il-massa massima teknikament permissibbli fuq il-fus imsejjaħ “i”, fejn “i” tvarja minn 1 san-numru totali ta’ fusien tal-vettura;

“mc”

massa massima teknikament permissibbli fuq il-punt tal-agganċ ta’ wara;

“μj”

massa massima teknikament permissibbli fuq il-grupp ta’ fusien imsejħa “j”, fejn “j” tvarja minn 1 san-numru totali ta’ gruppi ta’ fusien.

2.1.1.   Għandhom isiru kalkolazzjonijiet xierqa sabiex jiġi żgurat li r-rekwiżiti stabbiliti fil-punti 2.2 u 2.3 huma ssodisfati għal kull konfigurazzjoni teknika fi ħdan it-tip.

2.1.2.   Fil-każ ta’ vetturi mgħammra b'fusien li jistgħu jiġu mgħobbija, il-kalkolazzjonijiet meħtieġa skont il-punti 2.2 u 2.3 għandhom jitwettqu bis-sospension tal-fusien li jistgħu jiġu mgħobbija fil-konfigurazzjoni ta’ tħaddim normali.

2.1.3.   Fil-każ ta'vetturi mgħammra f'fusien li jistgħu jintrefgħu, il-kalkolazzjonijiet meħtieġa skont il-punti 2.2 u 2.3 għandhom jitwettqu bil-fusien imniżżla.

2.2.   Rekwiżiti ġenerali

2.2.1.   Is-somma tal-massa massima teknikament permissibbli fuq il-punt tal-agganċ ta’ quddiem, flimkien mal-massa massima teknikament permissibbli fuq il-fusien waħedhom jew il-grupp ta’ fusien flimkien mal-massa massima teknikament permissibbli fuq il-punt tal-agganċ ta’ wara ma għandhiex tkun anqas mill-massa mgħobbija massisma teknikament permissibbli tal-vettura.

Formula

2.2.2.   Għal kull grupp ta’ fusien imsejjaħ “j”, it-total tal-mases mi fuq il-fusien tiegħu ma għandux ikun inqas mill-massa μj.

Barra minn hekk, kull waħda mill-mases mi ma għandhiex tkun inqas mill-parti ta’ μj li tapplika fuq il-fus “i” kif determinata mid-distribuzzjoni tal-massa għal dak il-grupp ta’ fusien.

2.3.   Rekwiżiti speċifiċi

2.3.1.   Il-massa tal-vettura fi stat ta’ tħaddim, flimkien mal-massa tat-tagħmir fakoltattiv flimkien mal-massa massima teknikament permissibbli fuq il-punt(i) tal-agganċ ma għandhiex teċċedi l-massa mgħobbija massima teknikament permissibbli tal-vettura.

2.3.2.   Meta l-vettura tkun mgħobbija sal-massa mgħobbija massima teknikament permissibbli, il-massa distribwita fuq fus waħdieni “i” ma għandha la teċċedi l-massa mi fuq dak il-fus, u lanqas il-massa μj fuq il-grupp ta’ fusien, u lanqas il-massa massima teknikament permissibbli fuq il-punt tal-agganċ m0.

2.3.3.   Ir-rekwiżiti tal-punt 2.3.2 għandhom ikunu mħarsa fil-konfigurazzjonijiet ta’ tagħbija li ġejjin:

2.3.3.1.   Distribuzzjoni uniformi tal-massa utli (pay-mass)

Il-vettura għandha tkun fil-massa tagħha fi stat ta’ tħaddim flimkien mal-massa tat-tagħmir fakoltattiv flimkien mal-massa utli (pay-mass) li qed tiġi distribwita b'mod uniformi fuq iż-żona tat-tagħbija;

2.3.3.2.   Distribuzzjoni mhux uniformi tal-massa utli (pay-mass)

Il-vettura għandha tkun fil-massa tagħha fi stat ta’ tħaddim flimkien mal-massa tat-tagħmir fakoltattiv flimkien flimkien mal-massa utli (pay-mass) lokalizzata skont l-ispeċifikazzjonijiet tal-manifattur.

Għall-finijiet bħal dawn, il-manifattur għandu jiddikjara l-pożizzjonijiet estremi permissibbli possibbli taċ-ċentru tal-gravità tal-massa utli (pay-mass) u/jew il-karozzerija u/jew it-tagħmir jew l-aċċessorji interni (per eżempju: minn 0,50 m sa 1,30 m quddiem l-ewwel fus ta’ wara);

2.3.3.3   Kombinazzjoni ta’ distribuzzjoni uniformi u mhux uniformi:

Ir-rekwiżiti tal-punti 2.3.3.1 u 2.3.3.2 għandhom jiġu ssodisfati simultanjament.

2.3.3.4.   Ir-rekwiżiti tal-punti 2.3.3.1 għandhom dejjem ikunu ssodisfati fejn il-vettura hija mgħammra b'żona ta’ tagħbija ċatta.

2.3.4.   Rekwiżiti speċifiċi għall-karavans bit-trejler

2.3.4.1   Il-massa utli (pay-mass) minima (PM) għandha tissodisfa r-rekwiżit li ġej:

Formula

Fejn

“n”

hija n-numru massimu ta’ rmiġġi u

“L”

hija t-tul globali tat-tul tal-karozzerija kif definit fil-punt 6.1.2 tal-Istandard ISO 7237:1981.

3.   Rekwiżiti tal-manuvrabilità

3.1.

It-trejlers u s-semitrejlers għandhom ikunu iddisinjati b'tali mod li, meta jkunu agganċjati ma'vettura tal-irmonk, il-kombinazzjoni tkun kapaċi timmanuvra fuq kull naħa ta’ trajettorja sħiħa ta’ 360° magħmula minn żewġ ċrieki konċentriċi, biċ-ċirku ta’ barra li b'raġġ ta’ 12,50 m u ċirku ta’ ġewwa b'raġġ ta’ 5,30 m mingħajr ma kwalunkwe punt ta’ barra nett tal-vettura tal-irmonk jisporġi lil hinn miċ-ċirku ta’ barra jew kwalunkwe punt ta’ barra nett tat-trejler jew tas-semitrejler jidħol ġewwa ċ-ċirku ta’ ġewwa.

3.2.

Semitrejler għandu jitqies li jikkonforma mar-rekwiżit tal-punt 3.1 jekk il-bażi tar-roti ta’ referenza “RWB” tissodisfa r-rekwiżit li ġej:

Formula

fejn:

“RWB” hija distanza bejn l-assi kingpin u l-linja ċentrali tal-fusien mhux direzzjonali.

“W” hija l-wisa' tas-semitrejler

3.3.

Fejn fus mhux direzzjonali wieħed jew aktar ikollu apparat għall-irfigħ tal-fusien, għandha titqies il-bażi tar-roti ta’ referenza bil-fus imniżżel jew il-fus mgħolli, skont liema minnhom huwa l-itwal.

(1)  ĠU L 124, 13.5.2011, p. 11.

(2)  ĠU L 375, 31.12.1980, p. 46.

(3)  ĠU L 326, 24.11.2006, p. 55.

Appendiċi 1

Lista ta’ apparat u tagħmir li mhumiex meħtieġa li jitqiesu għad-determinazzjoni tad-dimensjonijiet ta’ barra nett

1.

Suġġetti għal restrizzjonijiet addizzjonali pprovduti fit-tabelli li ġejjin, l-apparat u t-tagħmir elenkati fit-Tabelli I, II u III mhumiex meħtieġa li jitqiesu għad-determinazzjoni tad-dimensjonijiet ta’ barra nett meta r-rekwiżiti li ġejjin jiġu ssodisfati:

(a)

Meta għadd ta’ apparat jitwaħħal fuq quddiem, l-isporġenża totali ta’ dak l-apparat ma għandhiex taqbeż 250 mm;

(b)

L-isporġenza totali tal-apparat u t-tagħmir miżjud mat-tul tal-vettura ma għandhiex taqbeż 750 mm;

(c)

Bl-eċċezzjoni tal-mirja li minnhom tista’ tara fuq wara, l-isporġenza totali tal-apparat u t-tagħmir miżjud mal-wisa’ tal-vettura ma għandhiex taqbeż 100 mm.

2.

Ir-rekwiżiti stabbiliti fil-punti (a) u (b) tal-paragrafu 1 ma għandhomx japplikaw għall-apparat għall-viżjoni indiretta.

Tabella I

Tul tal-vettura

Oġġett

Kategoriji tal-vetturi

 

M1

M2

M3

N1

N2

N3

O1

O2

O3

O4

1.

Apparat għall-viżjoni indiretta kif definit fil-punt 2.1 tar-Regolament UNECE Nru 46 (1)

x

x

x

x

x

x

x

x

x

x

2.

Apparti tal-wajpers u tal-waxers

x

x

x

x

x

x

 

 

 

 

3.

Viżieri esterni tax-xemx

—

—

—

—

x

x

—

—

—

—

4.

Sistema ta’ protezzjoni frontali bl-apparovazzjoni tat-tip skont ir-Regolament (KE) Nru 78/2009 tal-Parlament Ewropew u tal-Kunsill (2)

x

 

 

x

 

 

 

 

 

 

5.

Tarġiet ta’ aċċess u mqabad

—

x

x

x

x

x

x

x

x

x

6.

Agganċ (meta jinqala’)

x

x

x

x

x

x

—

—

—

—

7.

Agganċ addizzjonali fuq in-naħa ta’ wara ta’ trejler (meta jinqala’)

—

—

—

—

—

—

x

x

x

x

8.

Apparat għall-ġarr tar-rota (bike) (meta jinqala’ jew jinġibed lura)

x

 

 

x

—

—

—

—

—

—

9.

Pjattaformi għall-irfigħ, rampi għall-aċċess jew tagħmir simili (meta jkunu magħluqa u ma jisporġux b ‘aktar minn 300 mm) sakemm il-kapaċità tat-tagħbija tal-vettura ma tiġix miżjuda.

x

x

x

x

x

x

x

x

x

x

10.

Għajnuniet biex wieħed jara u għad-detezzjoni inklużi radars

—

x

x

—

x

x

x

x

x

x

11.

Inġizz elastiku u tagħmir simili

—

—

—

—

x

x

x

x

x

x

12.

Mezzi ta’ ssiġillar doganali u l-protezzjonijiet tagħhom

—

—

—

x

x

x

x

x

x

x

13.

Mezzi sabiex iżommu t-tarpolin f’postu u l-protezzjoni tagħhom

—

—

—

x

x

x

x

x

x

x

14.

Waqqafiet għal partijiet li jistgħu jiżżarmaw

—

—

—

—

x

x

x

x

x

x

15.

Driegħ ta’ vetturi li jaħdmu bl-elettriku

—

—

x

—

—

—

—

—

—

—

16.

Il-pjanċi tal-immarkar fuq quddiem jew fuq wara

—

x

x

—

x

x

x

x

x

X

17.

Fanali fakultattivi kif definit fit-Taqsima 2 tar-Regolament tal-UNECE Nru 48 (3).

x

x

x

x

x

x

x

x

x

x

18.

Apparat li jintlewa u tagħmir maħsub biex inaqqas il-ġibda erodinamika sakemm ma jesporġux fuq wara b’aktar minn 500 mm mit-tul ta’ barra nett tal-vettura u li ma jżidux t-tul taż-żona tat-tagħbija.

Tali apparat għandu jkun iddisinjat li jista’ jinġibed lura meta l-vettura tkun wieqfa b’tali mod li t-tul massimu awtorizzat ma jinqabiżx u li ma jfixklux il-kapaċità tal-vettura li tintuża għat-trasport intermodali.

—

x

x

—

x

x

—

—

x

x


Tabella II

Wisa’ tal-vettura

Oġġett

Kategoriji tal-vetturi

 

M1

M2

M3

N1

N2

N3

O1

O2

O3

O4

1.

Apparat għall-viżjoni indiretta kif definit fil-punt 2.1 tar-Regolament UNECE Nru 46

x

x

x

x

x

x

x

x

x

x

2.

Il-parti li toħroġ ’il barra tal-ħitan tat-tajers fil-punt tal-kuntatt mal-wiċċ tat-triq

x

x

x

x

x

x

x

x

x

x

3.

Strumenti li jindikaw ħsara fit-tajers

—

—

x

x

x

x

x

x

x

x

4.

Indikaturi tal-pressjoni tat-tajers

—

—

x

x

x

x

x

x

x

x

5.

Fanali li jimmarkaw il-ġnub

x

x

x

x

x

x

x

x

x

x

6.

Tagħmir tad-dawl

 

 

 

 

 

 

 

 

 

 

 

6.1.

Fanali li jindikaw it-trufijiet tal-forma tat-trattur

x

x

x

x

x

x

x

x

x

x

 

6.2.

Retrorifletturi tal-ġnub

x

x

x

x

x

x

x

x

x

x

 

6.3.

Fanali ta’ indikazzjoni tad-direzzjoni

x

x

x

x

x

x

x

x

x

x

 

6.4.

Fanali ta’ wara

—

—

—

—

x

x

x

x

x

x

 

6.5.

Sistemi tad-dawl għall-bieba tas-servizz

—

x

x

—

—

—

—

—

—

—

7.

rampi għall-aċċess, pjattaformi għall-irfigħ u tagħmir simili (meta jkun magħluq u sakemm ma jaqbiżx 10 mm mill-ġenb tal-vettura u l-kantunieri tar-rampi li jħarsu ’l quddiem jew wara jinġiebu għat-tond għal raġġ ta’ mhux inqas minn 5 mm; it-truf għandhom jinġiebu fit-tond għal raġġ ta’ mhux inqas minn 2,5 mm

—

x

x

—

x

x

x

x

x

x

8.

Apparat ta’ gwida fil-ġenb li jista’ jinġibed ’il ġewwa maħsub għall-użu fuq sistema ta’ xarabank iggwidat, jekk mhux miġbud ’il ġewwa.

—

—

x

—

—

—

—

—

—

—

9.

Tarġiet li jistgħu jinġibdu lura meta użati u meta l-vettura tkun f’pożizzjoni wieqfa;

x

x

x

x

x

x

x

x

x

x

10.

Għajnuniet biex wieħed jara u għad-detezzjoni inklużi radars

—

x

x

 

x

x

x

x

x

x

11.

Apparat u tagħmir maħsub apposta biex inaqqas il-ġibda erodinamika sakemm ma jesporġux b’aktar minn 50 mm fuq kull naħa mill-wisà ta’ barra nett tal-vettura u li ma jżidux il-kapaċità tat-tagħbija.

Tali apparat għandu jkun iddisinjat li jista’ jinġibed lura meta l-vettura tkun wieqfa b’tali mod li l-wisa’ massima awtorizzata ma tinqabiżx u li ma jfixklux il-kapaċità tal-vettura li tintuża għat-trasport intermodali.

Fejn l-apparat u t-tagħmir ikunu qed jintużaw, il-wisa’ tal-vettura ma għandhiex taqbeż 2 650  mm.

—

—

—

x

x

x

x

x

x

x

12.

Mezzi ta’ ssiġillar doganali u l-protezzjoni tagħhom

—

—

—

x

x

x

x

x

x

x

13.

Mezzi sabiex iżommu t-tarpolin f ‘postu u l-protezzjoni tagħhom li ma jisporġux b’aktar minn 20 mm meta jkunu mhux aktar minn 2,0 m mil-livell tal-art u mhux aktar minn 50 mm meta jkunu aktar minn 2,0 m mil-livell tal-art. It-trufijiet it-truf għandhom jinġiebu għat-tond għal raġġ ta’ mhux inqas minn 2,5 mm.

—

—

—

x

x

x

x

x

x

x

14.

Partijiet flessibbli li jisporġu ’l barra ta’ sistema tas-soppressjoni tat-titjir msemmija fir-Regolament tal-Kummissjoni (UE) Nru 109/2011 (4).

—

—

—

—

x

x

—

—

x

x

15.

Mudgards flessibbli mhux koperti fl-annotazzjoni 14.

—

x

x

x

x

x

x

x

x

x

16.

Ktajjen għall-borra

x

x

x

x

x

x

x

x

x

x

17.

Balavostri tas-sikurezza fuq it-trasportaturi tal-vetturi.

Biss għall-vetturi ddisinnjati u mibnija għat-trasport ta’ mill-inqas żewġ vetturi oħra u li għalihom il-balavostri tas-sikurezza jinsabu f’għoli ta’ aktar minn 2,0 m iżda mhux aktar minn 3,70 m mill-art u ma jisporġux b’aktar minn 50 mm min-naħa ta’ barra nett tal-vettura.

Il-wisa’ tal-vettura ma għandhiex taqbeż 2 650  mm.

—

—

—

—

x

x

—

—

x

x


Tabella III

Għoli tal-vettura

 

M1

M2

M3

N1

N2

N3

O1

O2

O3

O4

1.

Antenna tar-radju jew tar-radjunavigazzjoni

x

x

x

x

x

x

x

x

x

x

2.

Pantografi jew driegħ fil-pożizzjoni mgħollija tagħhom

—

—

x

—

—

—

—

—

—

—

(1)  ĠU L 177, 10.7.2010, p. 211.

(2)  ĠU L 35, 4.2.2009, p. 1.

(3)  ĠU L 135, 23.5.2008, p. 1.

(4)  ĠU L 34, 9.2.2011, p. 2.

Appendiċi 2

Devjazzjonijiet permissibbli għall-approvazzjoni tat-tip u l-konformità tal-produzzjoni

1.   Dimensjonijiet

1.1.

Il-kejl tat-tul, il-wisa’ u l-għoli globali għandu jitwettaq skont punt 1.2 tal-Partijiet minn A sa D ta’dan l-Anness.

1.2.

Bil-kundizzjoni li l-limiti speċifikati fil-punt 1.1 tal-Partijiet minn A sa D ta’ dan l-Anness ma jinqabżux, id-dimensjonijiet reali jistgħu jkunu differenti minn dawk iddikjarati mill-manifattur b’mhux aktar minn 3 %.

2.   Massa fi stat ta’ tħaddim u massa reali tal-vettura

2.1.

Il-massa fi stat ta’ taħddim għandha tiġi vverifikata mill-massa reali billi tintiżen il-vettura titnaqqas il-massa tat-tagħmir fakoltattiv imwaħħal. Għal tali finijiet l-istrument tal-użin għandu jikkonforma mar-rekwiżiti tad-Direttiva 2009/23/KE tal-Parlament Ewropew u tal-Kunsill (1).

2.2.

Il-massa fi stat ta’ taħddim iddeterminata skont ir-rekwiżiti tal-punt 2.1 tista’ tiddevja mill-valur nominali ddikjarat fil-punt 2.6(b) tal-Anness I jew fil-Parti I, it-Taqsima A jew B tal-Anness III tad-Direttiva 2007/46/KE jew fl-annotazzjoni rilevanti taċ-ċertifikat tal-konformità b’mhux iktar minn:

(a)

3 % fir-rigward tad-devjazzjonijiet inferjuri u superjuri permissibbli (= id-devjazzjoni negattiva u dik pożittiva madwar il-valur iddikjarat) fir-rigward tal-vetturi M, N u O bl-eċċezzjoni tal-vetturi għal skopijiet speċjali;

(b)

5 % fir-rigward tad-devjazzjonijiet inferjuri u superjuri permissibbli (= id-devjazzjoni negattiva u dik pożittiva madwar il-valur iddikjarat) fir-rigward tal-vetturi għal skopijiet speċjali;

(c)

5 % fir-rigward tad-devjazzjonijiet inferjuri u superjuri permissibbli (= id-devjazzjoni negattiva u dik pożittiva madwar il-valur iddikjarat) għall-finijiet tal-Artikolu 12(2) tad-Direttiva 2007/46/KE.

(1)  ĠU L 122, 16.5.2009, p. 6.

Appendiċi 3

Figuri fir-rigward tar-rekwiżiti tal-manuvrabilità

Figura 1

Ċirku tal-manuvrabilità Formula Formula

Image

Figura 2

Metodu drive-in għall-vetturi M2 u M3

Image

Image

Figura 3

Metodu steady-state għall-vetturi N2 u N3

Image

ANNESS II

GRAD TA’ INKLINABILITÀ TAL-VETTURI OFF-ROAD

1.   Ġenerali

1.1.   Dan l-Anness jistipula r-rekwiżiti tekniċi għall-finijiet tal-verifika tal-grad ta’ inklinabilità ta’ vettura biex tkun ikkategorizzata bħala vettura off-road skont Taqsima 4 tal-Parti A tal-Anness II tad-Direttiva 2007/46/KE.

1.2.   Is-servizz tekniku għandu jivverifika jekk il-vettura kompluta jew kkompletata, jew unità ta’ trattur għal semitrejler għandhiex titqies bħala vettura off-road skont ir-rekwiżiti stabbiliti fl-Anness II ta’ 2007/46/KE.

1.3.   Għall-vetturi mhux kompluti, din il-verifika għandha ssir biss fuq it-talba tal-manifattur.

2.   Kundizzjonijiet tat-test

2.1.   Kundizzjonijiet tal-vettura

2.1.1.

Il-vettura għandha titqiegħed fil-kundizzjonijiet irrakkomandati mill-manifattur u mgħammra bit-tagħmir imsemmi fl-Anness I tad-Direttiva 2007/46/KE.

2.1.2.

L-aġġustament tal-brejkijiet, il-klaċċ (jew ekwivalenti), il-magna u l-gerboks għandu jkun skont ir-rakkomandazzjonijiet tal-manifattur għall-finijiet tal-użu ’il barra mit-toroq normali.

2.1.3.

It-tajers għandhom ikunu dawk irrakkomandati għall-użu off-road. Huma għandhom ikollhom wiċċ ta’ barra tat-tajer ta’mhux inqas minn 90 % tal-wiċċ ta’ barra ta’ tajer ġdid. Il-pressjoni tat-tajer għandu jiġi aġġustat sal-valur irrakkomandat mill-manifattur tat-tajer.

2.1.4.

Il-vettura għandha tkun mgħobbija sal-massa mgħobbija massima teknikament permissibbli tagħha b’distribuzzjoni tat-tagħbija proporzjonali għad-distribuzzjoni tal-massa massima fuq il-fusien kif iddikjarat mill-manifattur.

Pereżempju vettura ta’ 7,5 tunnellati b’massa massima fuq il-fus ta’ quddiem ta’ 4 tunnellati u massa massima fuq il-fus ta’ wara ta’ 6 tunnellati, għandha tiġi ttestjata b’massa ta’ 3 tunnellati (40 %) fuq il-fus ta’ quddiem u 4,5 tunnellati (60 %) fuq il-fus ta’ wara.

2.2.   Kundizzjonijiet tal-korsa tat-test

2.2.1.

Il-wiċċ tal-korsa tat-test għandu jkun xott, magħmul mill-asfalt jew il-konkrit

2.2.2.

L-inklinazzjoni għandha turi perċentwali kontinwu ta’ 25 % b’ tolleranza ta’ + 3 % (θ = 14-il grad).

2.2.3.

Bi ftehim mal-manifattur, it-test jista’ jsir fuq inklinazzjoni li turi perċentwali akbar minn 25 %. It-test għandu jsir bil-mases massimi mnaqqsa skont il-kundizzjonijiet tat-test.

Dawn il-kundizzjonijiet għandhom jiġu rrappurtati.

2.2.4.

Il-wiċċ tal-korsa għandu juri koeffiċjent tajjeb ta ‘adeżjoni.

L-Indiċi ta’ Reżistenza kontra ż-Żliq (Skid Resistance Index — SRI) tal-wiċċ għandu jitkejjel skont l-Istandard CEN/TS 13036-2: 2010 Karatteristiċi tal-uċuħ tat-toroq u tal-mitjar — Metodi tal-ittestjar — Parti 2: Valutazzjoni tar-reżistenza kontra ż-żliq ta’ wiċċ bankina fit-triq permezz tal-użu ta’ sistemi ta’ kejl dinamiċi.

Il-valur medju tal-SRI għandu jiġi rrappurtat.

3.   Proċedura tat-test

3.1.   Il-vettura l-ewwel għandha titqiegħed fuq wiċċ orizzontali.

3.2.   Il-mod ta’ trazzjoni għandu jiġi stabbilit bħal dak tal-użu off-road. Il-ger(ijiet) użat għandu jippermetti veloċità stabbli.

3.3.   It-Taqsimiet 4 u 5 tal-Appendiċi 1 tal-Anness II tad-Direttiva 2007/46/KE għandhom japplikaw.

ANNESS III

KUNDIZZJONIJIET TA’ EKWIVALENZA TA’ SASPENXIN GĦAL SASPENXIN TAL-ARJA

1.   Dan l-Anness jistipula l-kundizzjonijiet tekniċi dwar l-ekwivalenza ta’ saspenxin għal saspenxin tal-arja għall-fus(ien) misjuq tal-vettura.

2.   Sabiex tkun rikonoxxuta bħala ekwivalenti għal saspenxin tal-arja, saspenxin għandha tikkonforma mar-rekwiżiti li ġejjin:

2.1.

Matul l-oxxillazzjoni vertikali ta’ frekwenza baxxa temporanja u libera tal-massa sospiża fuq fus misjuq jew grupp ta’ fusien, il-frekwenza mkelja u d-damping bis-saspenxin iġġorr it-tagħbija massima tagħha għandha tkun fil-limiti ddefiniti fil-punti minn 2.3 sa 2.6.

2.2.

Kull fus għandu jkun mgħammar b’dampers idrawliċi. Fuq gruppi ta’ fusien, id-dampers għandhom ikunu mqiegħda sabiex jimminimizzaw l-oxxillazzjoni tal-gruppi ta’ fusien.

2.3.

Il-proporzjon medju tad-damping Dm għandu jkun akbar minn 20 % tad-damping kritiku għas-saspenxin fil-kundizzjoni normali tagħha b’dampers idrawliċi f’posthom u operattivi.

2.4.

Il-proporzjon tad-damping Dr tas-saspenxin bid-dampers idrawliċi kollha mneħħija jew inkapaċitati ma għandux jkun aktar minn 50 % ta’ Dm.

2.5.

Il-frekwenza tal-massa sospiża ’l fuq mill-fus misjuq jew grupp ta’ fusien f’oxxillazzjoni vertikali temporanja u libera ma għandhiex tkun aktar minn 2,0 Hz.

2.6.

Il-proċeduri tat-test għall-kejl tal-frekwenza u d-damping għandhom jiġu stabbiliti fil-punt 3.

3.   Proċedura tat-test

3.1.   Frekwenza u damping

3.1.1.

L-oxxillazzjoni libera tal-massa sospiża għandha tingħata permezz tal-ekwazzjoni li ġejja:

Formula

fejn:

 

“M” hija l-massa sospiża (kg),

 

“Z” hija l-ispostament vertikali tal-massa sospiża (m),

 

“C” hija l-koeffiċjent totali tad-damping (N.s/m) u

 

“K” hija l-ebusija vertikali totali bejn il-wiċċ tat-triq u l-massa sospiża (N/m).

3.1.2.

Il-frekwenza tal-oxxillazzjoni (“F” f’Hz) tal-massa sospiża għandha tingħata permezz tal-ekwazzjoni li ġejja:

Formula

3.1.3.

Id-damping ikun kritiku meta C = Co

fejn:

Formula

Il-proporzjon tad-damping bħala frazzjoni tal-kritiku huwa C/Co.

3.1.4.

Matul l-oxxillazzjoni temporanja libera tal-massa sospiża il-moviment vertikali tal-massa isegwi kurva sinusojdali mmewta (Figura 2). Il-frekwenza tista’ tkun ikkalkolata billi jittieħed il-ħin għal kemm ikunu jistgħu jiġu osservati ċikli tal-oxxillazzjoni. Id-damping jista’ jkun ikkalkolat billi jitkejjel l-għoli ta’ qċaċet suċċessivi tal-oxxillazzjoni fl-istess direzzjoni.

3.1.5.

Jekk l-estensjonijiet massimi tal-ewwel u t-tieni ċiklu tal-oxxillazzjoni huma A1 u A2, il-proporzjon tad-damping D jingħata permezz tal-ekwazzjoni li ġejja:

Formula

“ln” tkun il-logaritmu naturali tal-proporzjon tal-estensjoni.

3.2.   Proċedura tat-test

Sabiex jiġi stabbilit permezz ta’ test il-proporzjon tad-damping Dm, il-proporzjon tad-damping Dr bid-dampers idrawliċi mneħħija, u l-frekwenza F tas-saspenxin, il-vettura mgħobbija tkun jew:

(a)

misjuqa b’veloċità baxxa (5 km/h ± 1 km/h) fuq tarġa ta’ 80 mm bil-profil muri fil-Figura 1. L-oxxillazzjoni temporanja li għandha tkun analizzata għall-frekwenza u d-damping isseħħ wara li r-roti tal-fus misjuq jkunu skorrew it-tarġa;

(b)

miġbuda bix-xażi tagħha sabiex it-tagħbija tal-fus misjuq tkun darba u nofs il-valur massimu statiku tagħha. Il-vettura miżmuma tkun mitluqa f’daqqa u l-oxxillazzjoni sussegwenti tiġi analizzata;

(c)

merfugħa mix-xażi tagħha sabiex il-massa sospiża tintrefa’ bi 80 mm ’l fuq mill-fus misjuq. Il-vettura miżmuma ’l fuq tkun mitluqa f’daqqa u l-oxxillazzjoni sussegwenti tkun analizzata;

(d)

soġġetta għal proċeduri oħra sakemm tkun ingħatat prova mill-manifattur, għas-sodisfazzjon tas-servizz tekniku, li jkunu ekwivalenti.

3.3.   Tagħmir tat-test u l-kundizzjonijiet tat-tagħbija tal-vettura

3.3.1

Il-vettura għandu jkollha transdjuser ta’ spostament vertikali mwaħħal fuqha bejn il-fus misjuq u x-xażi, direttament fuq il-fus misjuq. Mit-traċċa, l-interval ta’ ħin bejn l-ewwel u t-tieni quċċata ta’ kompressjoni għandu jitkejjel sabiex jinkiseb id-damping.

Għall-gruppi ta’ fusien doppji misjuqa, għandhom jitwaħħlu transdjusers ta’ spostament vertikali bejn kull fus misjuq u x-xażi direttament fuqu.

3.3.2.

It-tajers għandhom jintefħu sal-pressjoni xierqa rrakkomandata mill-manifattur.

3.3.3.

It-test sabiex tkun ivverifikata l-ekwivalenza tas-saspenxins għandu jsir fil-massa massima teknikament permissibbli fuq il-fus jew grupp ta’ fusien, u l-ekwivalenza titqies li tkun tkopri il-mases il-baxxi kollha.

Figura 1

Tarġa għat-testijiet tas-saspenxin

Image

Figura 2

Rispons transitorju mmewwet

Image

ANNESS IV

REKWIŻITI TEKNIĊI GĦALL-ISTALLAZZJONI TA FUS(IEN) LI JOGĦLA JEW LI JISTA’ JIĠI MGĦOBBI FUQ IL-VETTURI

1.

Jekk vettura hija mgħammra b’fus li jista’ jintrefa’ jew fus li jista’ jiġi mgħobbi wieħed jew aktar minn wieħed għandu jiġi żgurat li taħt il-kundizzjonijiet normali tas-sewqan il-mases massimi permissibbli tar-reġistrazzjoni/fl-użu fuq il-fusien waħedhom jew gruppi ta’ fusien ma jinqabżux. Għal dak il-għan il-fus(ien) li jogħla jew fus(ien) li jista’ jiġi mgħobbi għandu jitbaxxa mal-art jew jitgħabba awtomatikament jekk l-eqreb fus(ien) tal-grupp jew il-fus(ien) ta’ quddiem tal-vettura bil-mutur hija/huma mgħobbija sal-massa(mases) massima(i) permissibbli tar-reġistrazzjoni/fl-użu tagħhom.

Meta fus li jista’ jintrefa’ jkun f’pożizzjoni elevata, għandu jiġi żgurat li l-massa fuq il-fus(ien) direzzjonali tkompli tkun biżżejjed biex tiżgura s-sewqan sikur tal-vettura fiċ-ċirkostanzi kollha. Għal tali finijiet, il-manifattur tal-vettura għandu jispeċifika, fil-każ ta’ vetturi mhux kompluti, l-massa minima fuq il-fus(ien) direzzjonali.

2.

Kull apparat għall-irfigħ tal-fusien imwaħħal fuq vettura, kif ukoll is-sistemi għat-tħaddim tiegħu, għandu jkun iddisinnjat u installat b’tali mod li jkun protett minn kwalunkwe użu mhux xieraq jew tbagħbis.

3.

Rekwiżiti biex il-vetturi jibdew jimxu fuq uċuħ jiżolqu u biex tittejjeb il-manuvrabilità tagħhom

3.1.

B’deroga mir-rekwiżiti tal-punt 1 u sabiex jiġu megħjuna l-vetturi bil-mutur jew il-kombinazzjonijiet ta’ vetturi jibdew jimxu fuq art tiżloq u sabiex tiżdied it-trazzjoni tat-tajers fuq dawn l-uċuħ kif ukoll biex titjieb il-manuvrabilità tagħhom, apparat għall-irfigħ tal-fusien jista’ jazzjona l-fus(ien) li jogħla jew fus(ien) li jista’ jiġi mgħobbi ta’ vettura bil-mutur jew semitrejler biex tiżdied jew titnaqqas il-massa fuq il-fus misjuq tal-vettura bil-mutur, bil-kundizzjonijiet li ġejjin:

(a)

il-massa li tikkorrispondi mat-tagħbija fuq kull fus tal-vettura tista’ taqbeż il-massa massima awtorizzata fuq il-fus fis-seħħ fl-Istat Membru sa 30 % sakemm ma taqbiżx il-valur iddikjarat mill-manifattur għal dan l-iskop speċjali;

(b)

il-massa li tikkorrispondi għat-tagħbija li fadal fuq il-fus(ien) ta’ quddiem għandha tibqa’ għola minn żero (jiġifieri fil-każ ta’ fus ta’ wara li jista’ jiġi mgħobbi bi sporġenza twila fuq wara, il-vettura ma għandhiex tgħeleb);

(c)

il-fus(ien) li jogħla jew fus(ien) li jista’ jiġi mgħobbi għandu jiġi azzjonat biss permezz ta’ kontroll speċifiku;

(d)

wara li l-vettura tkun bdiet timxi u qabel il-veloċità tagħha teċċedi 30 km/h, il-fus(ien) għandu jerġa’ jitbaxxa mal-art jew jerġa’ jitgħabba awtomatikament.

ANNESS V

PARTI A

DOKUMENT TA’ INFORMAZZJONI

MUDELL LI GĦANDU JINTUŻA

Dokument ta’ informazzjoni Nru … dwar l-approvazzjoni tat-tip KE ta’ vettura bil-mutur u t-trejlers tagħhom fir-rigward tal-mases u d-dimensjonijiet ta’ vettura.

L-informazzjoni li ġejja għandha tiġi pprovduta fi tliet kopji u għandha tinkludi werrej. Kull illustrazzjoni trid tiġi pprovduta fi skala xierqa u b’dettall suffiċjenti fuq karta ta’ daqs A4 jew folder ta’ format A4. Ir-ritratti, fil-każ li jkun hemm, għandhom juru dettall suffiċjenti.

0.   ĠENERALI

0.1.   Ditta (isem kummerċjali tal-manifattur): …

0.2.   Tip: …

0.2.1.   Isem/ismijiet kummerċjali (jekk disponibbli): …

0.4.   Kategorija tal-vettura (c): …

0.5.   Isem u indirizz il-kumpanija tal-manifattur: …

0.8.   Isem/ismijiet u indirizz/i tal-impjant/i tal-assemblaġġ: …

0.9.   Isem u indirizz tar-rappreżentant tal-manifattur (jekk jeżisti): …

1.   KARATTERISTIĊI ĠENERALI TAL-KOSTRUZZJONI TAL-VETTURA

1.1.   Ritratti u/jew illustrazzjonijiet ta’ vettura rappreżentattiva: …

1.2.   Illustrazzjoni dimensjonali tal-vettura kollha: …

1.3.   Numru ta’ fusien u roti: …

1.3.1.   Numru u pożizzjoni tal-fusien b’roti doppji: …

1.3.2.   Numru u pożizzjoni ta’ fusien direzzjonali: …

1.3.3.   Fusien misjuqa mill-magna (numru, pożizzjoni, interkonnessjoni): …

1.4.   Xażi (jekk hemm) (illustrazzjoni globali): …

1.7.   Kabina tas-sewqan (kontroll minn quddiem jew imsaqfa) (e): …

1.9.   Speċifika jekk il-vettura tal-irmonk tkunx maħsuba sabiex tirmonka semitrejlers jew trejlers oħra u jekk it-trejler huwiex semitrejler, trejler b’ganċ għall-irmonk, trejler b’fus ċentrali jew trejler b’ganċ tal-irmonk riġidu: …

1.10.   Speċifika jekk il-vettura hijiex iddisinjata apposta għall-ġarr ta’ merkanzija f’temperatura kkontrollata: …

2.   MASES U DIMENSJONIJIET (f)  (g)  (7)

(f’kg u mm) (Irreferi għall-illustrazzjoni fejn applikabbli)

2.1.   Bażi(jiet) tar-roti (b’tagħbija sħiħa)  (1): …

2.1.1.   Vetturi b’żewġ fusien: …

2.1.2.   Vetturi bi tliet fusien jew aktar

2.1.2.1.   L-ispazju bejn fusien konsekuttivi mill-fus ta’ quddiem nett sal fus ta’ wara nett: …

2.1.2.2.   Spazju totali bejn il-fusien: …

2.2.   Fifth wheel

2.2.1.   Fil-każ ta’ semitrejlers

2.2.1.1.   Distanza bejn l-assi tal-kingpin tal-fifth wheel u t-tarf ta’ wara nett tas-semitrejler: …

2.2.1.2.   Distanza massima bejn l-assi tal-kingpin tal-fifth wheel u kwalunkwe punt fuq quddiem tas-semitrjeler: …

2.2.1.3.   Il-bażi tar-roti ta’ referenza tas-semitrejler (kif mitlub fil-punt 3.2 tal-Parti D tal-Anness I tar-Regolament (UE) Nru 1230/2012: …

2.2.2.   Fil-każ ta’ vetturi semitrejler tal-irmonk

2.2.2.1.   Id-distanza tal-fifth wheel (massima u minima; indika l-valuri permissibbli fil-każ ta’ vettura mhux kompluta) (2): …

2.3.   Karreġġjata(i) u wisa’(wisgħat) tal-fus

2.3.1.   Karreġġata ta’ kull fus direzzjonali (3): …

2.3.2.   Karreġġata tal-fusiien l-oħra kollha (3): …

2.4.   Firxa tad-dimensjonijiet tal-vettura (globali)

2.4.1.   Għax-xażi mingħajr il-karozzerija

2.4.1.1.   Tul (4): …

2.4.1.1.1.   Tul massimu permissibbli: …

2.4.1.1.2.   Tul minimu permissibbli: …

2.4.1.1.3.   Fil-każ tat-trejlers, it-tul massimu permissibbli tal-ganċ tal-irmonk (5): …

2.4.1.2.   Wisa’ (6): …

2.4.1.2.1.   Wisa’ massima permissibbli: …

2.4.1.2.2.   Wisa’ minima permissibbli: …

2.4.1.3.   Għoli (7) (għal saspenxins li l-għoli tagħhom jista’ jiġi aġġustat, indika l-pożizzjoni normali waqt it-tħaddim): …

2.4.1.4.   Sporġenza ta’ quddiem (8): …

2.4.1.4.1.   Angolu tal-approċċ (9)  (4): … gradi.

2.4.1.5.   Sporġenza ta’ wara (10): …

2.4.1.5.1.   Angolu tat-tluq (11)  (4): … gradi.

2.4.1.5.2.   Sporġenza minima u massima permissibbli tal-punt tal-agganċ (12): …

2.4.1.6.   Qtugħ mill-art (kif definit fil-punti 3.1.1 u 3.2.1 tal-Appendiċi 1 tal-Anness II tad-Direttiva 2007/46/KE)

2.4.1.6.1.   Bejn il-fusien: …

2.4.1.6.2.   Taħt il-fus(ien) ta’ quddiem: …

2.4.1.6.3.   Taħt il-fus(ien) ta’ wara: …

2.4.1.8.   Pożizzjoni taċ-ċentru tal-gravità tal-karozzerija u/jew tal-aċċessorji interni u/jew tagħmir u/jew il-massa utli (pay-mass) (minima u massima): …

2.4.2.   Għal xażi bil-karozzerija

2.4.2.1.   Tul (4): …

2.4.2.1.1.   Tul taż-żona tat-tagħbija: …

2.4.2.2.   Wisa’ (6): …

2.4.2.2.1.   Ħxuna tal-ħitan (fil-każ ta’ vetturi ddisinjati għall-ġarr ta’ merkanzija f’temperatura kkontrollata): …

2.4.2.3.   Għoli (7) (għal saspenxins li l-għoli tagħhom jista’ jiġi aġġustat, indika l-pożizzjoni normali waqt it-tħaddim): …

2.4.2.4.   Sporġenza ta’ quddiem (8): …

2.4.2.4.1.   Angolu tal-approċċ (9)  (4): … gradi.

2.4.2.5.   Sporġenza ta’ wara (10): …

2.4.2.5.1.   Angolu tat-tluq (11)  (4): … gradi.

2.4.2.5.2.   Sporġenza minima u massima permissibbli tal-punt tal-agganċ (12): …

2.4.2.6.   Qtugħ mill-art (kif definit fil-punti 3.1.1 u 3.2.1 tal-Appendiċi 1 tal-Anness II tad-Direttiva 2007/46/KE) (4)

2.4.2.6.1.   Bejn il-fusien: …

2.4.2.6.2.   Taħt il-fus(ien) ta’ quddiem: …

2.4.2.6.3.   Taħt il-fus(ien) ta’ wara: …

2.4.2.8.   Pożizzjonijiet taċ-ċentru tal-gravità tal-massa utli (pay-mass) (fil-każ ta’ tagħbija mhux uniformi): …

2.4.3.   Għal karozzerija approvata mingħajr xażi (vetturi M2 u M3)

2.4.3.1.   Tul (4): …

2.4.3.2.   Wisa’ (6): …

2.4.3.3.   Għoli (7) fuq it-tip(i) ta’ xażi maħsub (għal saspenxins li l-għoli tagħhom jista’ jiġi aġġustat, indika l-pożizzjoni normali waqt it-tħaddim): …

2.5.   Massa minima fuq il-fus(ien) direzzjonali għall-vetturi mhux kompluti: …

2.6.   Massa fi stat ta’ tħaddim  (h)

(a)   minimu u massimu għal kull varjant: …

2.6.1.   Distribuzzjoni ta’ din il-massa fost il-fusien u, fil-każ ta’ semitrejler, trejler bil-fus ċentrali jew trejler bil-ganċ tal-irmonk riġidu, il-massa fuq il-punt tal-agganċ: …

(a)   minimu u massimu għal kull varjant: …

2.6.2.   Massa tat-tagħmir fakoltattiv (ara d-definizzjoni Nru 5 tal-Artikolu 2 tar-Regolament (UE) Nru 1230/2012: …

2.8.   Massa mgħobbija massima teknikament permissibbli  (i): …

2.8.1.   Distribuzzjoni ta’ din il-massa fost il-fusien u, fil-każ ta’ semitrejler, trejler bil-fus ċentrali jew trejler bil-ganċ tal-irmonk riġidu, it-tagħbija fuq il-punt tal-agganċ: …

2.9.   Massa massima teknikament permissibbli fuq kull fus: …

2.10.   Massa massima teknikament permissibbli fuq kull grupp ta’ fusien: …

2.11.   Massa massima teknikament permissibbli li tista’ tiġi rmunkata tal-vettura tal-irmonk

fil-każ ta’:

2.11.1.   Trejler bil-ganċ tal-irmonk: …

2.11.2.   Semitrejler: …

2.11.3.   Trejler bil-fus ċentrali: …

2.11.4.   Trejler bil-ganċ tal-irmonk riġidu: …

2.11.4.1.   Proporzjon massimu tal-isporġenza tal-agganċ (j) mal-bażi tar-roti: …

2.11.4.2.   Valur-V massimu: … kN.

2.11.5   Massa mgħobbija massima teknikament permissibbli tal-kombinazzjoni: …

2.11.6.   Massa massima tat-trejler mingħajr brejkijiet: …

2.12.   Massa massima teknikament permissibbli fuq il-punt tal-agganċ:

2.12.1.   ta’ vettura tal-irmonk: …

2.12.2.   ta’ semitrejler, trejler bil-fus ċentali jew trejler bil-ganċ tal-irmonk riġidu: …

2.12.3.   Massa massima permissibbli tal-apparat tal-agganċ (jekk ma jkunx imwaħħal mill-manifattur): …

2.16.   Mases massimi permissibbli tar-reġistrazzjoni/fl-użu maħsuba (fakoltattiva)

2.16.1.   Massa mgħobbija massima permissibbli tar-reġistrazzjoni/fl-użu (5): …

2.16.2.   Massa massima permissibbli tar-reġistrazzjoni/fl-użu fuq kull fus, u fil-każ ta’ semitrejler jew trejler bil-fus ċentrali, it-tagħbija maħsuba fuq il-punt tal-agganċ iddikjarat mill-manifattur jekk tkun inqas mill-massa massima teknikament permissibbli fuq il-punt tal-agganċ (5): …

2.16.3.   Massa massima permissibbli tar-reġistrazzjoni/fl-użu fuq kull grupp ta’ fusien (5): …

2.16.4.   Massa massima permissibbli li tista’ tiġi rmunkata tar-reġistrazzjoni/fl-użu (5): …

2.16.5.   Massa massima permissibbli tar-reġistrazzjoni/fl-użu tal-kombinazzjoni (5): …

3.   IMPJANT TAL-ENERĠIJA (k)

3.1.   Manifattur tal-magna: …

3.2.   Magna li taħdem bil-kombustjoni interna

3.2.1.8.   Potenza massima netta (n): … kW fi … min–1 (il-valur iddikjarat mill-manifattur)

Note:

għall-finijiet ta’ dan ir-Regolament, huwa permess li tirreferi għall-magna li turi l-inqas potenza

3.3.   Mutur tal-elettriku

3.3.1.1.   Output massimu fis-siegħa: … kW

3.4.   Kombinazzjoni ta’ magna jew mutur

3.4.1.   Vettura tal-elettriku ibrida: iva/le (1)

3.4.5.4.   Potenza massima: … kW

4.   TRAŻMISSJONI (p)

4.1.   Illustrazzjoni tat-trasmissjoni  (4): …

5.   FUSIEN

5.1.   Deskrizzjoni ta’ kull fus: …

5.2.   Ditta: …

5.3.   Tip: …

5.4.   Pożizzjoni tal-fus(ien) li jista’ jintrefa’: …

5.5.   Pożizzjoni tal-fus(ien) li jista’ jiġi mgħobbi: …

6.   SASPENXIN

6.1.   Illustrazzjoni tal-arranġamenti tas-saspenxins: …

6.2.   Tip u disinn tas-saspenxin ta’ kull fus jew grupp ta’ fusien jew rota: …

6.2.3.   Saspenxin tal-arja għall-fus(ien) misjuq: iva/le (1)

6.2.3.1.   Saspenxin tal-fus(ien) misjuq ekwivalenti għal saspenxin tal-arja: iva/le (1)

6.2.3.2.   Frekwenza u damping tal-oxxillazzjoni tal-massa sospiża: …

6.2.4.   Saspenxin tal-arja għall-fus(ien) mhux misjuq: iva/le (1)

6.2.4.1.   Saspenxin tal-fus(ien) mhux misjuq ekwivalenti għal saspenxin tal-arja: iva/le (1)

6.2.4.2.   Frekwenza u damping tal-oxxillazzjoni tal-massa sospiża: …

6.3.   Distribuzzjoni tal-massa bejn il-fusien li huma parti minn grupp ta’ fusien (fejn meħtieġ, ipprovdi graffs xierqa): …

6.6.   Tajers u roti

6.6.1.   Kombinazzjoni(jiet) tajer/rota (r)

(a)

għat-tajers indika

(i)

id-deskrizzjoni tad-daqs: …

(ii)

l-indiċi tal-kapaċita tat-tagħbija: …

(iii)

is-simbolu tal-kategorija tal-veloċità: …

6.6.1.1.   Fusien

6.6.1.1.1.   Fus 1: …

6.6.1.1.2.   Fus 2: …

eċċ.

9.   KAROZZERIJA

9.1.   Tip ta’ karozzerija bl-użu tal-kodiċijiet definiti fil-Parti C tal-Anness II: …

9.10.3.   Sedili

9.10.3.1.   Numru ta’ postijiet bilqiegħda (s): …

9.10.3.1.1.   Post u arranġament: …

9.10.3.5.   Koordinati jew illlustrazzjoni tal-punt R (t)

9.10.3.5.1.   Sedil tas-sewwieq: …

9.10.3.5.2.   Il-postijiet ta’ bilqiegħda l-oħra kollha: …

9.25.   Apparat iddisinjat biex inaqqas il-ġibda erodinamika

9.25.1.   Illustrazzjoni u deskrizzjoni tal-apparat

11.   KONNESSJONIJIET BEJN IL-VETTURI TAL-IRMONK U T-TREJLERS U S-SEMITREJLERS

11.1.   Klassi u tip tal-apparat(i) tal-agganċ imwaħħal jew li jrid jitwaħħal: …

11.2.   Karatteristiċi D, U, S u V tal-apparat(i) tal-agganċ imwaħħal jew karatteristiċi minimi D, U, S u V tal-apparat(i) tal-agganċ li jrid jitwaħħal: … daN

13.   DISPOŻIZZJONIJIET SPEĊJALI GĦAX-XARABANKIJIET U L-KOWĊIS

13.1.   Klassi tal-vettura: Klassi I/Klassi II/Klassi III/Klassi A/Klassi B (1)

13.2.   Żona għall-passiġġieri (m2)

13.2.1.   Total (S0): …

13.2.2.   Sular ta’ fuq (S0a) (1): …

13.2.3.   Sular ta’ isfel (S0b) (1): …

13.2.4.   Għall-passiġġieri bilwieqfa (S1): …

13.3.   Numru ta’ passiġġieri (bilqiegħda u bilwieqfa)

13.3.1.   Total (N): …

13.3.2.   Sular ta’ fuq (Na) (1): …

13.3.3.   Sular ta’ isfel (Nb) (1): …

13.4.   Numru ta’ passiġġieri bilqiegħda

13.4.1.   Total (A): …

13.4.2.   Sular ta’ fuq (Aa) (1): …

13.4.3.   Sular ta’ isfel (Ab) (1): …

13.4.4.   Numru ta’ postijiet għas-siġġijiet bir-roti għal vetturi tal-kategoriji M2 u M3: …

13.7.   Volum ta’ kumpartimenti għall-bagalji (m3): …

13.12.   Illustrazzjoni bid-dimensjonijiet li juru l-arranġament intern fir-rigward tal-postijiet bilqiegħda, iż-żona għall-persuni bilwieqfa, l-utent(i) tas-siġġijiet bir-roti, il-kumpartimenti għall-bagalji inklużi l-ixkafef u l-kaxxa għall-iski, jekk ikun hemm.

Noti ta’ spjegazzjoni

(b)

Jekk il-mezz ta’ identifikazzjoni tat-tip fih karattri mhux rilevanti biex jiddeskrivu l-vettura, il-komponenti jew it-tipi ta’ unitajiet tekniċi separati koperti minn dan id-dokument ta’ informazzjoni, dawn il-karattri għandhom jiġu rrappreżentati fid-dokumentazzjoni bis-simbolu “?” (pereżempju ABC??123??).

(g3)

—

terminu Nru 6.20.

(g14)

—

terminu Nru 6.9.

(l)

Din iċ-ċifra għandha tiżdied jew titnaqqas sal-eqreb parti minn għaxra ta’ millimetru.

(o)

Mkejla skont ir-rekwiżiti tad-Direttiva tal-Kunsill 80/1268/KEE (4).

PARTI B

Ċertifikat tal-approvazzjoni tat-tip KE

MUDELL

Format: A4 (210 × 297 mm)

ĊERTIFIKAT TAL-APPROVAZZJONI TAT-TIP KE

Timbru tal-awtorità tal-approvazzjoni tat-tip

Komunikazzjoni li tikkonċerna:

—

approvazzjoni tat-tip KE (1)

ta’ tip ta’ vettura fir-rigward tal-mases u d-dimensjonijiet tagħha

—

estensjoni tal-approvazzjoni tat-tip KE (1)

—

rifjut tal-approvazzjoni tat-tip KE (1)

—

irtirar tal-approvazzjoni tat-tip KE (1)

 

fir-rigward tar-Regolament (UE) Nru …/…,

Numru tal-approvazzjoni tat-tip KE:

Raġuni għall-estensjoni:

TAQSIMA I

0.1.   Ditta (isem kummerċjali tal-manifattur):

0.2.   Tip:

0.2.1.   Isem/ismijiet kummerċjali (jekk disponibbli):

0.4.   Kategorija tal-vettura (2):

0.5.   Isem u indirizz il-kumpanija tal-manifattur:

0.8.   Isem/ismijiet u indirizz/i tal-impjant/i tal-assemblaġġ:

0.9.   Isem u indirizz tar-rappreżentant tal-manifattur (jekk applikabbli):

TAQSIMA II

1.   Informazzjoni addizzjonali (fejn applikabbli): ara l-Addendum

2.   Is-servizz tekniku responsabbli mit-twettiq tat-testijiet:

3.   Id-data tar-rapport tat-test:

4.   In-numru tar-rapport tat-test:

5.   Rimarki (jekk ikun hemm):

6.   Post:

7.   Data:

8.   Firma:

Dokumenti mehmuża

:

(1)

Pakkett ta’ informazzjoni (il-paġni kollha għandhom ikollhom it-timbru tal-awtorità tal-approvazzjoni tat-tip).

(2)

Ir-rapport tat-test.

(3)

Għall-vetturi mgħammra b’saspenxin li hija rikonoxxuta li tkun ekwivalenti għal saspenxin tal-arja, ir-rapport tat-test u d-deskrizzjoni teknika tas-saspenxin.

(c)  Ikklassifikati skont id-definizzjonijiet stabbiliti fil-Parti A tal-Anness II.

(e)  “Kontroll minn quddiem” kif iddefinit fil-Punt 2.7 tal-Anness I tad-Direttiva tal-Kunsill 74/297/KEE (1).

(1)  ĠU L 165, 20.6.1974, p. 16.

(f)  Meta hemm verżjoni waħda b’kabina normali u oħra b’kabina tal-irqad, iż-żewġ gruppi ta’ mases u dimensjonijiet għandhom jiġu ddikjarati.

(g)  Standard ISO 612: 1978 - Vetturi tat-triq — Dimensjonijiet tal-vetturi bil-mutur u vetturi rmonkati - termini u definizzjonijiet.

(7)  Għandu jiġi speċifikat it-tagħmir falkoltattiv li jaffettwa d-dimensjonijiet tal-vettura.

(1)  

(g1)

—

terminu Nru 6.4.

(2)  

(g2)

—

terminu Nru 6.19.2.

(3)  

(g4)

—

terminu Nru 6.5.

(4)  

(g5)

—

terminu Nru 6.1 u għall-vetturi għajr dawk tal-kategorija M1.

Fil-każ ta’ trejlers, it-tulijiet għandhom jiġu speċifikati kif imsemmi fit-terminu Nru 6.1.2 tal-Istandard ISO 612: 1978.

(5)  

(g6)

—

terminu Nru 6.17.

(6)  

(g7)

—

terminu Nru 6.2 u għall-vetturi għajr dawk tal-kategorija M1.

(7)  

(g8)

—

terminu Nru 6.3 u għall-vetturi għajr dawk tal-kategorija M1.

(8)  

(g9)

—

terminu Nru 6.6.

(9)  

(g10)

—

terminu Nru 6.10.

(4)  Għall-fini tad-definizzjoni ta’ vetturi off-road biss.

(10)  

(g11)

—

terminu Nru 6.7.

(11)  

(g12)

—

terminu Nru 6.11.

(12)  

(g13)

—

terminu Nru 6.18.1.

(h)  Il-massa tas-sewwieq hija stmata għal 75 kg.

Is-sistemi li fihom il-likwidi (għajr dawk għall-ilma użat li għandhom jibqgħu vojta) jimtlew sa 100 % tal-kapaċità speċifikata mill-manifattur.

L-informazzjoni msemmija fil-punti 2.6(a) u 2.6.1(a) ma għandhiex bżonn tiġi pprovduta għall-vetturi tal-kategoriji N2, N3, M2, M3, O3, u O4.

(i)  Għal trejlers jew semitrejlers, u għal vetturi bi trejler jew semitrejler, li japplikaw tagħbija vertikali sinifikanti fuq l-apparat tal-agganċ jew il-fifth wheel, din it-tagħbija, diviża bl-aċċelerazzjoni standard tal-gravità, hija inkluża fil-massa massima teknikament permissibbli.

(j)  “Sporġenza tal-agganċ” hija d-distanza orizzontali bejn l-agganċ għat-trejlers bil-fus ċentrali u l-linja taċ-ċentru tal-fus(ien) ta’ wara.

(5)  Imniżżla b’tali mod li l-valur reali jkun ċar għal kull konfigurazzjoni teknika tat-tip ta’ vettura.

(k)  Fil-każ ta’ vettura li tista’ taħdem jew bil-petrol, diżil, eċċ., jew inkella b’taħlita ma’ fjuwil ieħor, il-punti għandhom jiġu ripetuti.

Fil-każ ta’ magni u ta’ sistemi mhux konvenzjonali, il-partikolaritajiet ekwivalenti għal dawk imsemmija hawnhekk għandhom jiġu pprovduti mill-manifattur.

(n)  Mkejla skont ir-rekwiżiti tad-Direttiva tal-Kunsill 80/1269/KEE (2).

(2)  ĠU L 375, 31.12.1980, p. 46.

(1)  Ħassar fejn mhux applikabbli (hemm każijiet fejn ma jkun meħtieġ li jitħassar xejn fejn tkun applikabbli aktar minn annotazzjoni waħda).

(p)  Id-dettalji speċifikati għandhom jingħataw għal kwalunkwe varjant propost.

(r)  Għat-tajers tal-kategorija Z maħsuba għal fuq vetturi li l-veloċità massima tagħhom taqbeż it-300 km fis-siegħa għandha tiġi pprovduta informazzjoni ewkivalenti.

(s)  In-numru ta’ postijiet bilqiegħda li jridu jissemmew għandu jkun dak ta’ meta l-vettura tkun miexja. Tista’ tiġi speċifikata medda f’każ ta’ arranġament modulari.

(t)  “Il-punt “R” jew “il-punt ta’ referenza ta’ postijiet bilqiegħda” jfissru punt ta’ disinn iddefinit mill-manifattur tal-vettura għal kull post bilqiegħda u stabbilit fir-rigward tas-sistema tridimensjonali ta’ referenza kif speċifikata fl-Anness III tad-Direttiva 77/649/KEE (3).

(3)  ĠU L 267, 19.10.1977, p. 1.

(4)  OJ L 375, 31.12.1980, p. 36.

Addendum

għaċ-ċertifikat tal-approvazzjoni tat-tip KE Nru …

Rimarki

1.

L-vettura ingħatat approvazzjoni tat-tip skont l-Artikolu 6(1) ta’ dan ir-Regolament (jiġifieri d-dimensjonijiet ta’ barra nett tal-vettura jeċċedu d-dimensjonijiet massimi msemmija fil-Parti A, B, C jew D tal-Anness I): … iva/le (1)

2.

Il-vettura hija mgħammra b’saspenxins tal-arja: … iva/le (1)

3.

Il-vettura hija mgħammra b’saspenxin li hija rikonoxxuta li tkun ekwivalenti għal saspenxin tal-arja: … iva/le (1)

4.

Il-vettura tissodisfa r-rekwiżiti tal-vetturi off-road: … iva/le (1)

Spjegazzjoni:

(2)

Kif iddefinit fl-Anness II, Taqsima A.

(1)  Ħassar fejn ma japplikax

ANNESS VI

Emendi għall-Annessi I, III, IX, u XVI tad-Direttiva 2007/46/KE

Id-Direttiva 2007/46/KE hija emendata kif ġej:

(1)

L-Anness I huwa emendat kif ġej:

(a)

Il-punt 0.5 huwa sostitwit b’dan li ġej:

0.5   Isem u indirizz il-kumpanija tal-manifattur: …”

(b)

Il-punt 1.9 huwa sostitwit b’dan li ġej:

1.9.   Speċifika jekk il-vettura tal-irmonk tkunx maħsuba sabiex tirmonka semitrejlers jew trejlers oħra u jekk it-trejler huwiex semitrejler, trejler b’ganċ għall-irmonk, trejler b’fus ċentrali jew trejler b’ganċ tal-irmonk riġidu: …”

(c)

Il-punt 1.10 li ġej huwa miżjud:

1.10.   Speċifika jekk il-vettura hijiex iddisinjata apposta għall-ġarr ta’ merkanzija f’temperatura kkontrollata: …”

(d)

Il-punt 2 huwa sostitwit b’dan li ġej:

“2.   MASES U DIMENSJONIJIET (f) (g) (7)

(f’kg u mm) (Irreferi għall-illustrazzjoni fejn applikabbli)”

(e)

Il-punti 2.1.1.1, 2.1.1.1.1 u 2.1.1.1.2 huma sostitwiti b’dan li ġej:

“2.1.2.   Vetturi bi tliet fusien jew aktar

2.1.2.1.   L-ispazju bejn fusien konsekuttivi mill-fus ta’ quddiem nett sal fus ta’ wara nett: …

2.1.2.2.   Spazju totali bejn il-fusien: …”

(f)

Il-punti 2.5 u 2.5.1 huma sostitwiti b’dan li ġej:

2.5.   Massa minima fuq il-fus(ien) direzzjonali għall-vetturi mhux kompluti:

…”

(g)

Il-punti 2.6 u 2.6.1. huma sostitwiti b’dan li ġej:

“2.6.   Massa fi stat ta’ tħaddim (h)

(a)

minimu u massimu għal kull varjant: …

(b)

massa ta’ kull verżjoni (għandha tiġi pprovduta matriċi): …

2.6.1.   Distribuzzjoni ta’ din il-massa fost il-fusien u, fil-każ ta’ semitrejler, trejler bil-fus ċentrali jew trejler bil-ganċ tal-irmonk riġidu, il-massa fuq il-punt tal-agganċ: …

(a)

minimu u massimu għal kull varjant: …

(b)

massa ta’ kull verżjoni (għandha tiġi pprovduta matriċi): …”

(h)

Il-punt 2.6.2. li ġej jiddaħħal u jinqara hekk:

2.6.2.   Massa tat-tagħmir fakoltattiv (ara d-definizzjoni stabbilita fil-punt (5) tal-Artikolu 2 tar-Regolament tal-Kummissjoni (UE) Nru 1230/2012 (*): …

(*)  ĠU L 353, 21.12.2012, p. 31.”"

(i)

Il-punt 2.10 huwa sostitwit b’dan li ġej:

2.10.   Massa teknikament permessibbli fuq kull grupp ta’ fusien: …”

(j)

Il-punt 2.11 huwa sostitwit b’dan li ġej:

“2.11.   Massa massima teknikament permissibbli li tista’ tiġi rmunkata tal-vettura tal-irmonk

fil-każ ta’:’

(k)

Il-punt 2.11.4 huwa sostitwit b’dan li ġej:

2.11.4.   Trejler bil-ganċ tal-irmonk riġidu: …”

(l)

Il-punt 2.11.5. huwa sostitwit b’dan li ġej:

2.11.5   Massa mgħobbija massima teknikament permissibbli tal-kombinazzjoni (3): …”

(m)

Il-punti 2.12, 2.12.1 u 2.12.2 huma sostitwiti b’dan li ġej:

“2.12.   Massa massima teknikament permissibbli fuq il-punt tal-agganċ:

2.12.1.   ta’ vettura tal-irmonk: …

2.12.2.   ta’ semitrejler, trejler bil-fus ċentali jew trejler bil-ganċ tal-irmonk riġidu: …”

(n)

Il-punti minn 2.16 sa 2.16.5 huma sostitwiti b’dan li ġej:

“2.16.   Mases massimi permissibbli tar-reġistrazzjoni/fl-użu (fakoltattiv)

2.16.1.   Massa mgħobbija massima permissibbli tar-reġistrazzjoni/fl-użu: …

2.16.2.   Massa massima permissibbli tar-reġistrazzjoni/fl-użu fuq kull fus, u fil-każ ta’ semitrejler jew trejler bil-fus ċentrali, it-tagħbija maħsuba fuq il-punt tal-agganċ iddikjarat mill-manifattur jekk tkun inqas mill-massa massima teknikament permissibbli fuq il-punt tal-agganċ: …

2.16.3.   Massa massima permissibbli tar-reġistrazzjoni/fl-użu fuq kull grupp ta’ fusien: …

2.16.4.   Massa massima permissibbli li tista’ tiġi rmunkata tar-reġistrazzjoni/fl-użu: …

2.16.5.   Massa massima permissibbli tar-reġistrazzjoni/fl-użu tal-kombinazzjoni: …”

(o)

Il-punt 13.12 li ġej huwa miżjud:

13.12.   Illustrazzjoni bid-dimensjonijiet li juru l-arranġament intern fir-rigward tal-postijiet bilqiegħda, iż-żona għall-persuni bilwieqfa, l-utent(i) tas-siġġijiet bir-roti, il-kumpartimenti għall-bagalji inklużi l-ixkafef u l-kaxxa għall-iski, jekk ikun hemm.”

(p)

In-noti ta’ spjegazzjoni huma emendati kif ġej:

(i)

Tiddaħħal in-nota (7) li ġejja:

“(7)

Għandu jiġi speċifikat it-tagħmir falkoltattiv li jaffettwa d-dimensjonijiet tal-vettura.”

(ii)

In-nota (h) hija sostitwita b’dan li ġej:

“(h)

Il-massa tas-sewwieq hija stmata għal 75 kg.

Is-sistemi li fihom il-likwidi (għajr dawk għall-ilma użat li għandhom jibqgħu vojta) jimtlew sa 100 % tal-kapaċità speċifikata mill-manifattur.

L-informazzjoni msemmija fil-punti 2.6(b) u 2.6.1(b) ma għandhiex bżonn tiġi pprovduta għall-vetturi tal-kategoriji N2, N3, M2, M3, O3,u O4.”

(2)

Il-Parti I tal-Anness III hija emendata kif ġej:

(a)

It-Taqsima A hija emendata kif ġej:

(i)

Il-punt 0.5 huwa sostitwit b’dan li ġej:

0.5   Isem u indirizz il-kumpanija tal-manifattur: …”

(ii)

Il-punti 1.9. u 1.10 li ġejjin huma miżjuda:

1.9.   Speċifika jekk il-vettura tal-irmonk tkunx maħsuba sabiex tirmonka semitrejlers jew trejlers oħra u jekk it-trejler huwiex semitrejler, trejler b’ganċ għall-irmonk, trejler b’fus ċentrali jew trejler b’ganċ tal-irmonk riġidu: …

1.10.   Speċifika jekk il-vettura hijiex iddisinjata apposta għall-ġarr ta’ merkanzija f’temperatura kkontrollata: …”

(iii)

Il-punt 2 huwa sostitwit b’dan li ġej:

“2.   MASES U DIMENSJONIJIET (f) (g) (7)

(f’kg u mm) (Irreferi għall-illustrazzjoni fejn applikabbli)”

(iv)

Jiddaħħal il-punt 2.5 li ġej:

2.5.   Massa minima fuq il-fus(ien) direzzjonali għall-vetturi mhux kompluti: …”

(v)

Il-punti 2.6 u 2.6.1 huma sostitwiti b’dan li ġej:

“2.6.   Massa fi stat ta’ tħaddim (h)

(a)

minimu u massimu għal kull varjant: …

(b)

massa ta’ kull verżjoni (għandha tiġi pprovduta matriċi): …

2.6.1.   Distribuzzjoni ta’ din il-massa fost il-fusien u, fil-każ ta’ semitrejler, trejler bil-fus ċentrali jew trejler bil-ganċ tal-irmonk riġidu, il-massa fuq il-punt tal-agganċ:

(a)

minimu u massimu għal kull varjant: …

(b)

massa ta’ kull verżjoni (għandha tiġi pprovduta matriċi): …”

(vi)

Il-punt 2.6.2 li ġej huwa mdaħħal:

2.6.2.   Massa tat-tagħmir fakoltattiv (kif definit fil-punt (5) tal-Artikolu 2 tar-Regolament (UE) Nru 1230/2012: …”

(vii)

Il-punt 2.10 huwa sostitwit b’dan li ġej:

2.10.   Massa teknikament permessibbli fuq kull grupp ta’ fusien: …”

(viii)

Il-punt 2.11 huwa sostitwit b’dan li ġej:

“2.11.   Massa massima teknikament permissibbli li tista’ tiġi rmunkata tal-vettura tal-irmonk

fil-każ ta’:”

(ix)

Il-punt 2.11.4 huwa sostitwit b’dan li ġej:

2.11.4.   Trejler bil-ganċ tal-irmonk riġidu: …”

(x)

Il-punt 2.11.5. huwa sostitwit b’dan li ġej:

2.11.5   Massa mgħobbija massima teknikament permissibbli tal-kombinazzjoni (3): …”

(xi)

Il-punti 2.12, 2.12.1 u 2.12.2 huma sostitwiti b’dan li ġej:

“2.12.   Massa massima teknikament permissibbli fuq il-punt tal-agganċ:

2.12.1.   ta’ vettura tal-irmonk: …

2.12.2.   ta’ semitrejler, trejler bil-fus ċentali jew trejler bil-ganċ tal-irmonk riġidu: …”

(xii)

Il-punti minn 2.16 sa 2.16.5 huma sostitwiti b’dan li ġej:

“2.16.   Mases massimi permissibbli tar-reġistrazzjoni/fl-użu (fakoltattiv)

2.16.1.   Massa mgħobbija massima permissibbli tar-reġistrazzjoni/fl-użu: …

2.16.2.   Massa massima permissibbli tar-reġistrazzjoni/fl-użu fuq kull fus, u fil-każ ta’ semitrejler jew trejler bil-fus ċentrali, it-tagħbija maħsuba fuq il-punt tal-agganċ iddikjarat mill-manifattur jekk tkun inqas mill-massa massima teknikament permissibbli fuq il-punt tal-agganċ: …

2.16.3.   Massa massima permissibbli tar-reġistrazzjoni/fl-użu fuq kull grupp ta’ fusien: …

2.16.4.   Massa massima permissibbli li tista’ tiġi rmunkata tar-reġistrazzjoni/fl-użu: …

2.16.5.   Massa massima permissibbli tar-reġistrazzjoni/fl-użu tal-kombinazzjoni: …”

(b)

It-Taqsima B hija emendata kif ġej:

(i)

Il-punt 0.5 huwa sostitwit b’dan li ġej:

0.5.   Isem u indirizz il-kumpanija tal-manifattur: …”

(ii)

Il-punti 1.9. u 1.10 li ġejjin huma miżjuda:

1.9.   Speċifika jekk il-vettura tal-irmonk tkunx maħsuba sabiex tirmonka semitrejlers jew trejlers oħra u jekk it-trejler huwiex semitrejler, trejler b’ganċ għall-irmonk, trejler b’fus ċentrali jew trejler b’ganċ tal-irmonk riġidu: …

1.10.   Speċifika jekk il-vettura hijiex iddisinjata apposta għall-ġarr ta’ merkanzija f’temperatura kkontrollata: …”

(iii)

Il-punt 2 huwa sostitwit b’dan li ġej:

“2.   MASES U DIMENSJONIJIET (f) (g) (7)

(f’kg u mm) (Irreferi għall-illustrazzjoni fejn applikabbli)”

(iv)

Il-punti 2.6 u 2.6.1. huma sostitwiti b’dan li ġej:

“2.6.   Massa fi stat ta’ tħaddim (h)

(a)

minimu u massimu għal kull varjant: …

(b)

massa ta’ kull verżjoni (għandha tiġi pprovduta matriċi): …

2.6.1.   Distribuzzjoni ta’ din il-massa fost il-fusien u, fil-każ ta’ semitrejler, trejler bil-fus ċentrali jew trejler bil-ganċ tal-irmonk riġidu, il-massa fuq il-punt tal-agganċ: …

(a)

minimu u massimu għal kull varjant: …

(b)

massa ta’ kull verżjoni (għandha tiġi pprovduta matriċi): …”

(v)

Il-punt 2.6.2 li ġej huwa mdaħħal:

2.6.2.   Massa tat-tagħmir fakoltattiv (kif definit fil-punt (5) tal-Artikolu 2 tar-Regolament (UE) Nru 1230/2012: …”

(vi)

Il-punt 2.10 huwa sostitwit b’dan li ġej:

2.10.   Massa teknikament permessibbli fuq kull grupp ta’ fusien: …”

(vii)

Il-punti 2.12 u 2.12.2 huma sostitwiti b’dan li ġej:

“2.12.   Massa massima teknikament permissibbli fuq il-punt tal-agganċ:

2.12.2.   ta’ semitrejler, trejler bil-fus ċentali jew trejler bil-ganċ tal-irmonk riġidu: …”

(viii)

Il-punti minn 2.16 sa 2.16.3 huma sostitwiti b’dan li ġej:

“2.16.   Mases massimi permissibbli tar-reġistrazzjoni/fl-użu (fakoltattiv)

2.16.1.   Massa mgħobbija massima permissibbli tar-reġistrazzjoni/fl-użu: …

2.16.2.   Massa massima permissibbli tar-reġistrazzjoni/fl-użu fuq kull fus, u fil-każ ta’ semitrejler jew trejler bil-fus ċentrali, it-tagħbija maħsuba fuq il-punt tal-agganċ iddikjarat mill-manifattur jekk tkun inqas mill-massa massima teknikament permissibbli fuq il-punt tal-agganċ: …

2.16.3.   Massa massima permissibbli tar-reġistrazzjoni/fl-użu fuq kull grupp ta’ fusien: …”

(ix)

Il-punt 2.16.5 jitħassar.

3.

L-Anness IX huwa emendat kif ġej:

(a)

Fil-“Mudell A1 — Naħa 1 — Vetturi kompluti — Ċertifikat ta’ Konformità KE”, l-annotazzjoni 0.5 hija sostitwita b’dan li ġej:

0.5.   Isem u indirizz il-kumpanija tal-manifattur: …”

(b)

Fil-“Mudell A2 — Naħa 1 — Vetturi kompluti bl-approvazzjoni tat-tip f’serje żgħar — [Sena] — [Numru sekwenzjali] — Ċertifikat ta’ Konformità KE”, l-annotazzjoni 0.5 hija sostitwita b’dan li ġej:

0.5.   Isem u indirizz il-kumpanija tal-manifattur: …”

(c)

Fil-“Mudell B — Naħa 1 — Vetturi kkompletati — Ċertifikat ta’ Konformità KE”, l-annotazzjoni 0.5 tinbidel b’dan li ġej:

0.5.   Isem u indirizz il-kumpanija tal-manifattur: …”

(d)

Fil-“Mudell C1 — Naħa 1 — Vetturi mhux kompluti — Ċertifikat ta’ Konformità KE”, l-annotazzjoni 0.5 hija sostitwita b’dan li ġej:

0.5.   Isem u indirizz il-kumpanija tal-manifattur: …”

(e)

Fil-“Mudell C2 — Naħa 1 — Vetturi mhux kompluti bl-approvazzjoni tat-tip f’serje żgħar — [Sena] — [Numru sekwenzjali] — Ċertifikat ta’ Konformità KE”, l-annotazzjoni 0.5 hija sostitwita b’dan li ġej:

0.5.   Isem u indirizz il-kumpanija tal-manifattur: …”

(f)

Fi “Naħa 2 — Kategorija tal-vetturi M1 (vetturi kompluti u kkompletati)” l-annotazzjoni 13 hija sostitwita b’dan li ġej:

13.   Massa fi stat ta’ tħaddim: …kg”

(g)

Fi “Naħa 2 — Kategorija tal-vetturi M1 (vetturi kompluti u kkompletati)”, tiddaħħal l-annotazzjoni 13.2 li ġejja:

13.2.   Massa reali tal-vettura: …kg”

(h)

Fi “Naħa 2 — Kategorija tal-vetturi M2 (vetturi kompluti u kkompletati)”, l-annotazzjoni 13 hija sostitwita b’dan li ġej:

13.   Massa fi stat ta’ tħaddim: …kg”

(i)

Fi “Naħa 2 — Kategorija tal-vetturi M2 (vetturi kompluti u kkompletati)”, tiddaħħal l-annotazzjoni 13.2 li ġejja:

13.2.   Massa reali tal-vettura: …kg”

(j)

Fi “Naħa 2 — Kategorija tal-vetturi M3 (vetturi kompluti u kkompletati)”, l-annotazzjoni 13 hija sostitwita b’dan li ġej:

13.   Massa fi stat ta’ tħaddim: …kg”

(k)

Fi “Naħa 2 — Kategorija tal-vetturi M3 (vetturi kompluti u kkompletati)”, tiddaħħal l-annotazzjoni 13.2. li ġejja:

13.2.   Massa reali tal-vettura: …kg”

(l)

Fi “Naħa 2 — Kategorija tal-vetturi N1 (vetturi kompluti u kkompletati)”, l-annotazzjoni 13 hija sostitwita b’dan li ġej:

13.   Massa fi stat ta’ tħaddim: …kg”

(m)

Fi “Naħa 2 — Kategorija tal-vetturi N1 (vetturi kompluti u kkompletati)”, tiddaħħal l-annotazzjoni 13.2. li ġejja:

13.2.   Massa reali tal-vettura: …kg”

(n)

Fi “Naħa 2 — Kategorija tal-vetturi N2 (vetturi kompluti u kkompletati)”, l-annotazzjoni 13. hija sostitwita b’dan li ġej:

13.   Massa fi stat ta’ tħaddim: …kg”

(o)

Fi “Naħa 2 — Kategorija tal-vetturi N2 (vetturi kompluti u kkompletati)”, tiddaħħal l-annotazzjoni 13.2. li ġejja:

13.2.   Massa reali tal-vettura: …kg”

(p)

Fi “Naħa 2 — Kategorija tal-vetturi N3 (vetturi kompluti u kkompletati)”, l-annotazzjoni 13 hija sostitwita b’dan li ġej:

13.   Massa fi stat ta’ tħaddim: …kg”

(q)

Fi “Naħa 2 — Kategorija tal-vetturi N3 (vetturi kompluti u kkompletati)”, tiddaħħal l-annotazzjoni 13.2. li ġejja:

13.2.   Massa reali tal-vettura: …kg”

(r)

Fi “Naħa 2 — Kategorija tal-vetturi O1 u O2 (vetturi kompluti u kkompletati)”, l-annotazzjoni 13 hija sostitwita b’dan li ġej:

13.   Massa fi stat ta’ tħaddim: …kg”

(s)

Fi “Naħa 2 — Kategorija tal-vetturi O1 u O2 (vetturi kompluti u kkompletati)”, tiddaħħal l-annotazzjoni 13.2 li ġejja:

13.2.   Massa reali tal-vettura: …kg”

(t)

Fi “Naħa 2 — Kategorija tal-vetturi O3 u O4 (vetturi kompluti u kkompletati)”, l-annotazzjoni 13 hija sostitwita b’dan li ġej:

13.   Massa fi stat ta’ tħaddim: …kg”

(u)

Fi “Naħa 2 — Kategorija tal-vetturi M1 (vetturi mhux kompluti)”, tiddaħħal l-annotazzjoni 13.2 li ġejja:

13.   Massa reali tal-vettura: …kg”

(v)

Fi “Naħa 2 — Kategorija tal-vetturi M1 (vetturi mhux kompluti)” l-annotazzjoni 14 hija sostitwita b’dan li ġej:

14.   Massa reali tal-vettura: …kg”

(w)

Fi “Naħa 2 — Kategorija tal-vetturi M2 (vetturi mhux kompluti)” l-annotazzjoni 14 hija sostitwita b’dan li ġej:

14.   Massa reali tal-vettura: …kg”

(x)

Fi “Naħa 2 — Kategorija tal-vetturi M3 (vetturi mhux kompluti)”, l-annotazzjoni 14 hija sostitwita b’dan li ġej:

14.   Massa reali tal-vettura: …kg”

(y)

Fi “Naħa 2 — Kategorija tal-vetturi N1 (vetturi mhux kompluti)”, tiddaħħal l-annotazzjoni 13:

13.   Massa fi stat ta’ tħaddim: …kg”

(z)

Fi “Naħa 2 — Kategorija tal-vetturi N1 (vetturi mhux kompluti)”, l-annotazzjoni 14 hija sostitwita b’dan li ġej:

14.   Massa reali tal-vettura: …kg”

(aa)

Fi “Naħa 2 — Kategorija tal-vetturi N2 (vetturi mhux kompluti)”, l-annotazzjoni 14 hija sostitwita b’dan li ġej:

14.   Massa reali tal-vettura: …kg”

(ab)

Fi “Naħa 2 — Kategorija tal-vetturi N3 (vetturi mhux kompluti)” l-annotazzjoni 14 hija sostitwita b’dan li ġej:

14   Massa reali tal-vettura: …kg”

(ac)

Fi “Naħa 2 — Kategorija tal-vetturi O1 u O2 (vetturi mhux kompluti)”, l-annotazzjoni 14 hija sostitwita b’dan li ġej:

14   Massa reali tal-vettura: …kg”

(ad)

Fi “Naħa 2 — Kategorija tal-vetturi O3 u O4 (vetturi mhux kompluti)”, l-annotazzjoni 14 hija sostitwita b’dan li ġej:

14   Massa reali tal-vettura: …kg”

(ae)

Fin-“Noti ta’ spjegazzjoni li għandhom x’jaqsmu mal-Anness IX”, in-nota (f) titħassar.

4.

L-Anness XVI huwa emendat kif ġej:

(a)

L-annotazzjoni 44 li ġejja tiddaħħal fil-lista ta’ atti regolatorji:

“44.   Regolament (UE) Nru 1230/2012”

(b)

L-annotazzjoni 44 li ġejja tiddaħħal fl-Appendiċi 2

 

Referenza tal-att regolatorju

Anness u paragrafu

Kundizzjonijiet speċifiċi

“44

Regolament (UE) Nru 1230/2012

It-Taqsimiet 7 u 8 tal-Parti B tal-Anness I

(a)

Verifika tal-konformità mar-rekwiżiti tal-manuvrabilità inkluża l-manuvrabilità tal-vetturi mgħammra b’fusien li jogħlew jew fusien li jistgħu jiġu mgħobbija.

It-Taqsimiet 6 u 7 tal-Parti C tal-Anness I

(b)

Kejl tat-tperpir massimu fuq wara.”

ANNESS VII

“ANNESS XII

LIMITI TA’ SERJE ŻGĦIRA U TA’ TMIEM IS-SERJE

A.   LIMITI TA’ SERJE ŻGĦIRA

1.

In-numru ta’ unitajiet ta’ tip wieħed ta’ vettura li għandhom jiġu rreġistrati, mibjugħa jew jibdew jintużaw kull sena fl-Unjoni Ewropea skont l-Artikolu 22 ma jistax jaqbeż iċ-ċifri li qed jidhru hawn taħt għall-kategorija ta’ vetturi in kwistjoni:

Kategorija

Unitajiet

M1

1 000

M2, M3

0

N1

0

N2, N3

0

O1, O2

0

O3, O4

0

2.

In-numru ta’ unitajiet ta’ tip wieħed ta’ vettura li għandhom jiġu rreġistrati, mibjugħa jew jibdew jintużaw kull sena fi Stat Membru wieħed skont l-Artikolu 23 għandu jiġi ddeterminat minn dak l-Istat Membru iżda ma għandux jaqbeż iċ-ċifri li qed jidhru hawn taħt għall-kategorija ta’ vetturi in kwistjoni:

Kategorija

Unitajiet

M1

75

M2, M3

250

N1

500

N2, N3

250

O1, O2

500

O3, O4

250

3.

In-numru ta’ unitajiet ta’ tip wieħed ta’ vettura li għandhom jiġu rreġistrati, mibjugħa jew jibdew jintużaw kull sena fi Stat Membru wieħed għall-finijiet tal-Artikolu 6(2) tar-Regolament (UE) Nru 1230/2012 għandu jiġi ddeterminat minn kull Stat Membru iżda ma għandux jaqbeż iċ-ċifri li qed jidhru hawn taħt għall-kategorija ta’ vetturi in kwistjoni:

Kategorija

Unitajiet

M2, M3

1 000

N2, N3

1 200

O3, O4

2 000

B.   LIMITI TA’ TMIEM IS-SERJE

In-numru massimu ta’ vetturi kompluti u kkompletati li jibdew jintużaw f’kull Stat Membru skont il-proċedura “Tmiem is-Serje” għandu jiġi ristrett permezz ta’ wieħed mill-modi li ġejjin li għandu jintgħażel mill-Istat Membru:

1.

in-numru massimu ta’ vetturi ta’ tip wieħed jew aktar ma jistax jaqbeż 10 % fil-każ tal-kategorija M1, u ma jistax jaqbeż 30 % tal-vetturi tat-tipi kollha kkonċernati li jibdew jintużaw f’dak l-Istat Membru matul is-sena preċedenti, fil-każ tal-kategoriji l-oħra kollha.

Jekk 10 %, rispettivament 30 %, ikun inqas minn 100 vettura, l-Istat Membru jista’ jippermetti li jibdew jintużaw massimu ta’ 100 vettura.

2.

il-vetturi ta’ kwalunkwe tip għandhom jiġu ristretti għal dawk li għalihom ikun inħareġ ċertifikat ta’ konformità validu fid-data tal-manifattura jew warajha u li jkun baqa’ validu għal mill-inqas tliet xhur wara d-data tal-ħruġ tiegħu iżda li sussegwentement ikun tilef il-validità tiegħu minħabba d-dħul fis-seħħ ta’ att regolatorju.”