|
21.7.2012 |
MT |
Il-Ġurnal Uffiċjali tal-Unjoni Ewropea |
L 194/1 |
REGOLAMENT TAL-KUMMISSJONI (UE) Nru 665/2012
tal-20 ta’ Lulju 2012
li jemenda r-Regolament (UE) Nru 454/2011 dwar l-ispeċifikazzjoni teknika għall-interoperabbiltà relatata mas-subsistema “applikazzjonijiet telematiċi għal servizzi tal-passiġġieri” tas-sistema ferrovjarja trans-Ewropea
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li l-kkunsidrat id-Direttiva 2008/57/KE tal-Parlament Ewropew u tal-Kunsill tas-17 ta’ Ġunju 2008 dwar l-interoperabilità tas-sistema ferrovjarja fil-Komunità (1), u b’mod partikolari, l-Artikolu 6(1) tagħha,
Billi:
|
(1) |
Skont l-Artikolu 3(1) tar-Regolament tal-Kummissjoni (UE) Nru 454/2011 tal-5 ta’ Mejju 2011 dwar l-ispeċifikazzjoni teknika għall-interoperabbiltà relatata mas-subsistema “applikazzjonijiet telematiċi għal servizzi tal-passiġġieri” tas-sistema ferrovjarja trans-Ewropea (2), l-Aġenzija Ferrovjarja Ewropea implimentat proċess ta’ ġesjtoni tat-tibdil għad-dokumenti tekniċi msemmija fl-Anness III ta’ dak ir-Regolament. Bħala riżultat, fl-20 ta' Diċembru 2011, l-Aġenzija Ferrovjarja Ewropea issottomettiet rakkomandazzjoni għall-aġġornament tal-Anness III tar-Regolament (UE) Nru 454/2011 sabiex ikun jirreferi għad-dokumenti tekniċi li ġew emendati skont il-proċess ta’ ġestjoni tat-tibdil. |
|
(2) |
Ir-Regolament (UE) Nru 454/2011 għandu għalhekk jiġi emendat kif xieraq. |
|
(3) |
Il-miżuri pprovduti f’dan ir-Regolament huma skont l-opinjoni tal-Kumitat stabbilit skont l-Artikolu 29(1) tad-Direttiva 2008/57/KE, |
ADOTTAT DAN IR-REGOLAMENT:
Artikolu 1
L-Anness III tar-Regolament tal-Kunsill (KEE) Nru 454/2011 huwa sostitwit bl-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-20 ta’ Lulju 2012.
Għall-Kummissjoni
Il-President
José Manuel BARROSO
(1) ĠU L 191, 18.7.2008, p. 1.
(2) ĠU L 123, 12.5.2011, p. 11.
ANNESS
“ANNESS III
Lista ta' dokumenti tekniċi msemmija f’din it-TSI
|
Referenza |
Tabella |
|
B.1. (V1.1.1) |
Ġenerazzjoni kompjuterizzata u skambju ta’ dejta tariffjarja maħsuba għal bejgħ barrani u internazzjonali – biljetti NRT |
|
B.2. (V1.1) |
Ġenerazzjoni kompjuterizzata u skambju ta’ dejta tariffjarja maħsuba għal bejgħ barrani u internazzjonali – Biljetti għal Riservazzjoni Integrata (IRT) |
|
B.3. (V1.1) |
Ġenerazzjoni kompjuterizzata u skambju ta’ dejta maħsuba għal bejgħ barrani jew internazzjonali – Offerti speċjali |
|
B.4. (V1.1.1) |
Gwida ta' implimentazzjoni għal messaġġi EDIFACT li jkopru l-iskambju tad-dejta tat-tabella taż-żmien. |
|
B.5. (V1.1) |
Riservazzjoni elettronika ta’ siġġijiet/postijiet u l-produzzjoni elettronika ta’ dokumenti tal-ivvjaġġar – Skambju ta’ messaġġi |
|
B.6. (V1.1) |
Riservazzjoni elettronika ta' siġġijiet/postijiet u l-produzzjoni elettronika ta' dokumenti tat-trasport (standards RCT2) |
|
B.7. (V1.1.1) |
Biljett internazzjonali tal-ferrovija għall-istampar mid-dar |
|
B.8. (V1.1) |
Kodifikazzjoni numerika standard għall-impriżi ferrovjarji, maniġers tal-infrastruttura u kumpaniji oħra involuti fil-ktajjen ta’ trasport ferrovjarju. |
|
B.9. (V1.1) |
Kodifikazzjoni numerika standard tal-lokalitajiet |
|
B.10 (V1.1) |
Riservazzjoni elettronika tal-assistenza għal persuni b’mobbiltà imnaqqsa – Skambju ta’ messaġġi |
|
B.30. (V1.1) |
Skema – katalgu tal-messaġġi/settijiet tad-dejta meħtieġ għall-komunikazzjoni RU/IM tat-TAP TSI” |