9.6.2012 |
MT |
Il-Ġurnal Uffiċjali tal-Unjoni Ewropea |
L 150/71 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 489/2012
tat-8 ta’ Ġunju 2012
li jistabbilixxi regoli ta’ implimentazzjoni għall-applikazzjoni tal-Artikolu 16 tar-Regolament (KE) Nru 1925/2006 tal-Parlament Ewropew u tal-Kunsill dwar iż-żieda ta’ vitamini u minerali u ta’ ċerti sustanzi oħra mal-ikel
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1925/2006 tal-Parlament Ewropew u tal-Kunsill tal-20 ta’ Diċembru 2006 dwar iż-żieda ta’ vitamini u minerali u ta’ ċerti sustanzi oħra mal-ikel (1), u b’mod partikolari l-Artikolu 16 tiegħu,
Billi:
(1) |
L-Artikolu 16 tar-Regolament (KE) Nru 1925/2006 jistabbilixxi li l-Kummissjoni għandha tippreżenta, sal-1 ta’ Lulju 2013, rapport lill-Parlament Ewropew u lill-Kunsill fuq l-effetti tal-implimentazzjoni ta’ dak ir-Regolament. F’dan ir-rigward, l-Istati Membri għandhom jipprovdu l-informazzjoni rilevanti meħtieġa lill-Kummissjoni. |
(2) |
L-informazzjoni rilevanti meħtieġa li trid tiġi pprovduta mill-Istati Membri għandha tkun relatata mal-evoluzzjoni tas-suq fl-ikel miżjud b’vitamini u minerali, inkluża dejta li turi x-xejriet fis-suq sa mill-armonizzazzjoni fil-livell tal-Unjoni tal-livell taż-żieda ta’ vitamini u minerali mal-ikel. |
(3) |
Din l-informazzjoni għandha tinkludi mudelli ta’ konsum tal-ikel miżjud b’vitamini u minerali u informazzjoni dwar il-konsum ta’ vitamini u minerali mill-popolazzjoni u minn gruppi speċifiċi tal-popolazzjoni jekk xieraq. Dan għandu jinkludi informazzjoni li turi bidliet fid-drawwiet djetetiċi sa mill-armonizzazzjoni taż-żieda tal-vitamini u l-minerali fl-ikel. |
(4) |
L-informazzjoni rilevanti li trid tiġi pprovduta mill-Istati Membri għandha tkun relatata wkoll maż-żieda ta’ sustanzi oħra li mhumiex vitamini jew minerali mal-ikel, inklużi supplimenti tal-ikel, kif definit mid-Direttiva 2002/46/KE tal-Parlament Ewropew u tal-Kunsill tal-10 ta’ Ġunju 2002 dwar l-approssimazzjoni tal-liġijiet tal-Istati Membri dwar is-supplimenti tal-ikel (2). Din l-informazzjoni għandha tinkludi informazzjoni dwar il-konsum ta’ ikel ta’ dan it-tip u l-ammonti ta’ sustanzi miżjuda, u dwar kwalunkwe miżuri nazzjonali, leġiżlattivi jew le, li ttieħdu biex jirrestrinġu jew jipprojbixxu l-użu ta’ ċerti sustanzi oħra fl-ikel. |
(5) |
Huwa meħtieġ permezz ta’ dawn ir-regoli ta’ implimentazzjoni li tiġi stabbilita lista tal-informazzjoni rilevanti li l-Istati Membri għandhom jiġbru u jipprovdu lill-Kummissjoni, u li jiġi ffissat format komuni għall-preżentazzjoni ta’ din l-informazzjoni. |
(6) |
Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Suġġett
Dan ir-Regolament jistabbilixxi regoli implimentattivi għall-applikazzjoni tal-Artikolu 16 tar-Regolament (KE) Nru 1925/2006 u b’ mod partikolari dwar l-għoti tal-informazzjoni rilevanti meħtieġa mill-Istati Membri lill-Kummissjoni għall-fini tal-valutazzjoni tal-effetti tal-implimentazzjoni tar-Regolament (KE) Nru 1925/2006.
Artikolu 2
Informazzjoni rilevanti
1. L-Istati Membri għandhom sal-1 ta’ Lulju 2012 jipprovdu lill-Kummissjoni l-informazzjoni rilevanti meħtieġa partikolarment dwar dawn li ġejjin:
(a) |
l-evoluzzjoni tas-suq nazzjonali fl-ikel miżjud b’vitamini u minerali sa mid-data tal-applikazzjoni tar-Regolament (KE) Nru 1925/2006; |
(b) |
mudelli tal-konsum tal-ikel miżjud b’vitamini u minerali; |
(c) |
livelli ta’ konsum tal-vitamini u l-minerali mill-popolazzjoni; |
(d) |
iż-żieda ta’ sustanzi barra mill-vitamini jew il-minerali fl-ikel, inklużi supplimenti tal-ikel kif definiti fil-punt (a) tal-Artikolu 2 tad-Direttiva 2002/46/KE u informazzjoni dwar mudelli ta’ konsum ta’ ikel ta’ dan it-tip kif ukoll l-ammonti ta’ dawn is-sustanzi miżjuda mal-ikel u supplimenti tal-ikel. |
2. L-informazzjoni rilevanti meħtieġa li trid tiġi pprovduta mill-Istati Membri lill-Kummissjoni msemmija fil-paragrafu 1 għandha tinkludi mill-anqas l-informazzjoni speċifikata fl-Anness I ta’ dan ir-Regolament.
L-informazzjoni rilevanti meħtieġa u d-dettalji tagħha għandhom jintbagħtu lill-Kummissjoni fil-format stipulat fl-Anness II ta’ dan ir-Regolament.
3. Stat Membru għandu jinforma lill-Kummissjoni jekk xi informazzjoni speċifikata fl-Anness I ma tkunx disponibbli jew għal kwalunkwe raġuni oħra ma tkunx tista’ tiġi pprovduta lill-Kummissjoni sal-1 ta’ Lulju 2012.
Artikolu 3
Dan ir-Regolament għandu jidħol fis-seħħ l-għada tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta’ Ġunju 2012.
Għall-Kummissjoni
Il-President
José Manuel BARROSO
(1) ĠU L 404, 30.12.2006, p. 26.
(2) ĠU L 183, 12.7.2002, p. 51.
ANNESS I
L-informazzjoni rilevanti meħtieġa biex tiġi pprovduta mill-Istati Membri għall-fini ta’ valutazzjoni tal-effetti tal-implimentazzjoni tar-Regolament (KE) Nru 1925/2006
A. |
Informazzjoni dwar l-evoluzzjoni tas-suq nazzjonali fl-ikel miżjud b’vitamini u minerali għandha tinkludi dan li ġej:
L-informazzjoni msemmija fil-punti 1 u 2 għandha tinkludi l-informazzjoni għall-ikel li fihom l-aktar vitamini u minerali komunement miżjuda u informazzjoni dwar l-ammonti ta’ vitamini u minerali miżjuda fl-ikel. Din l-informazzjoni tista’ tinkiseb minn rapporti tas-suq disponibbli kummerċjalment, miżuri ta’ monitoraġġ nazzjonali u sorsi definiti rilevanti oħrajn. |
B. |
Informazzjoni dwar mudelli ta’ konsum tal-ikel miżjud b’vitamini u minerali għandha tinkludi dan li ġej:
|
C. |
Informazzjoni dwar il-livelli tal-konsum ta’ vitamini u minerali għandha tinkludi dan li ġej:
|
D. |
Informazzjoni dwar iż-żieda ta’ sustanzi barra mill-vitamini jew minerali fl-ikel għandha tinkludi dan li ġej:
|
ANNESS II
Format għall-preżentazzjoni tal-informazzjoni pprovduta mill-Istati Membri
Evoluzzjoni tas-suq fl-ikel miżjud b’vitamini u minerali
Tip ta’informazzjoni li għandha tingħata |
Sors tad-dejta |
Is-sehem mis-suq nazzjonali ta’ prodotti differenti tal-ikel miżjuda b’vitamini u minerali skont il-kategorija tal-ikel, kif definita mill-20 kategorija tal-ikel ewlenija tas-sistema ta’ klassifikazzjoni tal-ikel FoodEx (1), minbarra ikel għal użi nutrittivi partikolari u supplimenti tal-ikel. |
|
Xejriet fid-daqs tas-suq għall-ikel miżjud b’vitamini u minerali, u partikolarment informazzjoni dwar is-suq qabel u wara d-data tal-applikazzjoni tar-Regolament (KE) Nru 1925/2006. |
|
Mudelli tal-konsum tal-ikel miżjud b’vitamini u minerali
Tip ta’informazzjoni li għandha tingħata |
Sors tad-dejta |
||||||
Livelli medji tal-konsum mill-popolazzjoni ta’ ikel miżjud b’vitamini u minerali. Livelli medji tal-konsum ta’ ikel miżjud b’vitamini u minerali skont il-gruppi tal-popolazzjoni li ġejjin:
|
|
||||||
L-ammonti ta’ vitamini u minerali miżjuda mal-ikel, skont l-20 kategorija tal-ikel ewlenija tas-sistema ta’ klassifikazzjoni tal-ikel FoodEx. Din għandha tkun pprovduta bħala ammonti jew firxiet ta’ammonti miżjuda. |
|
||||||
Bidliet osservati fix-xejriet tal-konsum tal-ikel miżjud b’vitamini u minerali inkluża dejta dwar id-dejta tal-linja bażi użata biex jitqabbel il-konsum qabel u wara d-data tal-applikazzjoni tar-Regolament (KE) Nru 1925/2006. |
|
Il-livelli ta’ konsum ta’ vitamini u minerali
Tip ta’informazzjoni li għandha tingħata |
Sors tad-dejta |
||||
Livelli medji ta’ konsum għall-vitamini u l-minerali għall-popolazzjoni. Livelli medji ta’ konsum għall-vitamini u l-minerali skont il-gruppi tal-popolazzjoni li ġejjin:
|
|
||||
Metodoloġija tal-istħarriġ djetetiku (prinċipalment metodi għall-valutazzjoni djetetika, il-gruppi skont l-età, is-sottogruppi tal-popolazzjoni). |
|
||||
Bidliet osservati fil-livelli tal-konsum għall-vitamini u l-minerali inkluża dejta dwar id-dejta tal-linja bażi użata biex jitqabblu l-livelli tal-konsum qabel u wara d-data tal-applikazzjoni tar-Regolament (KE) Nru 1925/2006. |
|
Żieda ta’ sustanzi barra mill-vitamini jew minerali
Tip ta’informazzjoni li għandha tingħata |
Sors tad-dejta |
||||||||||||
Is-sehem mis-suq nazzjonali tal-prodotti tal-ikel, inklużi supplimenti tal-ikel, li jkunu nżidulhom sustanzi oħra, skont il-kategoriji li ġejjin ta’sustanzi użati:
|
|
||||||||||||
Xejriet fid-daqs tas-suq u partikolarment informazzjoni dwar is-suq qabel u wara d-data tal-applikazzjoni tar-Regolament (KE) Nru 1925/2006. |
|
||||||||||||
Miżuri nazzjonali li jikkonċernaw ir-restrizzjoni jew il-projbizzjoni tal-użu ta’ sustanzi oħra fil-manifattura tal-ikel, inklużi supplimenti tal-ikel. |
|
(1) L-Awtorità Ewropea dwar is-Sigurtà fl-Ikel; Il-klassifikazzjoni tal-ikel u s-sistema ta’ deskrizzjoni FoodEx 2 (reviżjoni abbozzata 1). Pubblikazzjonijiet ta’ Sostenn 2011:215. [438 pp.]. Tinstab onlajn: www.efsa.europa.eu