1.1

Kull korp investigattiv għandu jippjana bil-quddiem sabiex jiżgura li, wara n-notifika u matul il-bidu ta' kull investigazzjoni, ma jkunx hemm dewmien bla bżonn minħabba nuqqas ta' informazzjoni, tħejjija jew għarfien rilevanti/prerekwiżit. Pjan ta' tħejjija bħal dan għandu jiżgura li r-riżorsi u l-proċeduri huma, safejn huwa possibbli, disponibbli immedjatament biex jissodisfaw ir-rekwiżiti, inkluż li jkun hemm biżżejjed investigaturi kwalifikati kif xieraq u kwalunkwe koordinazzjoni meħtieġa, nazzjonali u internazzjonali, li jippermettu li, minn meta tasal notifika ta' diżgrazzja jew inċident, jittieħdu azzjonijiet inizjali mill-aktar fis.

1.2

Għandhom ikunu ġew stabbiliti l-arranġamenti biex jiżguraw li l-korp investigattiv tal-aċċident jaslulu notifiki ta' diżgrazzja u inċident mill-aktar fis fuq bażi ta' erbgħa u għoxrin siegħa.

2.1

Mal-wasla tan-notifika, il-korpi investigattivi għandhom jivvalutaw is-sitwazzjoni. Il-valutazzjoni inizjali hija importanti ħafna għall-korpi investigattivi biex jieħdu stampa ġenerali malajr kemm jista' jkun, jimminimizzaw it-telf potenzjali ta' evidenza, u jiddeterminaw l-ambitu ta' informazzjoni meħtieġa biex ikunu jistgħu jieħdu deċiżjoni fuq l-azzjoni xierqa.

2.2

Din il-valutazzjoni għandha tinkludi, safejn huwa possibbli, fehim ta'

Apparti mill-fatturi elenkati fl-Artikolu 5(2) tad-Direttiva 2009/18/KE, dawn li ġejjin, fost oħrajn, jistgħu jiġu kkunsidrati wkoll waqt li jkun qed jiġi deċiz liema diżgrazzji jew inċidenti li ma jkunux serji ħafna se jiġu investigati:

2.3

Wara li tkun ittieħdet deċiżjoni li tiġi investigata diżgrazzja serja jew diżgrazzja jew inċident ieħor tal-baħar, l-investigazzjoni għandha normalment titwettaq bl-istess immedjatezza bħal dik għal diżgrazzja serja ħafna.

Meta tkun se titwettaq investigazzjoni, il-korpi investigattivi għandhom jieħdu azzjoni immedjata safejn huwa prattikabbli biex jiżguraw il-preservazzjoni tal-evidenza, il-koordinazzjoni ma' partijiet interessati sostanzjali u l-ħatra ta' stat investigattiv ewlieni.

3.1

Il-korp investigattiv tal-Istat Membru investigattiv ewlieni, b'kollegamenti mill-qrib ma' dawk tal-Istati oħra sostanzjalment interessati, għandhom jiżviluppaw strateġija mill-aktar fis għall-ambitu, id-direzzjoni u ż-żmien marbut mal-investigazzjoni.

3.2

Il-korp investigattiv għandu jżomm il-pjan taħt reviżjoni matul l-investigazzjoni; sat-tmiem tal-fażi tal-ġabra tal-evidenza, il-korp investigattiv għandu, safejn huwa prattikabbli, jkun żgura l-kompletezza tal-evidenza miż-żoni kollha li setgħu influwenzaw id-diżgrazzja jew l-inċident.

3.3

L-ambitu ta' investigazzjoni ta' sikurezza u l-proċedura li għandha tiġi segwita għandhom ikunu biżżejjed li jeliminaw l-inċertezza u l-ambigwità safejn huwa possibbli sabiex b'hekk ikunu jistgħu jitwettqu l-valutazzjonijiet loġiċi sodi tar-raġunijiet li jkunu wasslu għad-diżgrazzja jew l-inċident tal-baħar.

3.4

Il-korpi investigattivi ta' Stati Membri sostanzjalment interessati għandhom jipprovdu sostenn lill-Istat Membru investigattiv ewlieni, f'waqtu, u safejn huwa prattikabbli.

3.5

L-Istat Membru investigattiv ewlieni għandu jinnomina investigatur biex imexxi l-investigazzjoni, u biex jintużaw ir-riżorsi xierqa u jibda l-ġabra ta' evidenza mill-aktar fis, peress li l-kwalità tal-evidenza, partikolarment dik li toqgħod fuq l-eżattezza tal-memorja ta' individwi, tista' tiddeterjora malajr maż-żmien; u wkoll bir-rikonoxximent li kull bastiment involut f'diżgrazzja jew inċident tal-baħar ma għandux jiddewwem aktar milli huwa assolutament meħtieġa il-ħtieġa tal-ġabra tal-evidenza.

3.6

Matul l-istadju inizjali ta' kull investigazzjoni, l-investigaturi għandhom jiġbru kemm jistgħu mill-evidenza rilevanti li tista' tgħin biex jinftiehem l-inċident u jiġu ddeterminati l-kawżi li wasslu għalih, filwaqt li tibqa' tiġi kkunsidrata l-firxa possibbli ta' kull investigazzjoni.

3.7

Apparti minn dak miksub matul l-istadju inizjali tan-notifika, l-investigaturi għandhom jiksbu l-informazzjoni xierqa ta' sfond u ta' referenza. Din tista' tinkludi l-evidenza jew id-dejta mitluba minn kwalunkwe sistema ta' monitoraġġ, mis-sistema tal-kontroll tat-traffiku, mill-amministrazzjoni marittima, mis-servizzi tas-salvataġġ, mill-kumpaniji tat-trasport bil-baħar u l-bastiment tad-diżgrazzja.

3.8

Fejn xieraq, il-korp investigattiv għandu jistħarreġ bażijiet tad-dejta, inkluża dik tal-Pjattaforma Ewropea tal-Informazzjoni dwar id-Diżgrazzji tal-Baħar, u sorsi oħra ta' informazzjoni biex ikunu ta' għajnuna fl-identifikazzjoni tal-kwistjonijiet potenzjali ta' sikurezza li jistgħu jkunu rilevanti għad-diżgrazzja jew l-inċident tal-baħar taħt investigazzjoni.

3.9

Fil-prinċipju, l-investigaturi għandhom, jekk hu possibbli, iżuru l-post tad-diżgrazzja u/jew tal-okkorrenza biex jiksbu evidenza mhux imbagħbsa u biex jiksbu fehim inizjali tal-inċident. Fejn ma kienx possibbli li l-post jiġi ppreservat, għandhom isiru l-arranġamenti, fejn possibbli, biex tinkiseb dokumentazzjoni xierqa tax-xena pereżempju permezz ta' ritratti, reġistrazzjonijiet awdjoviżivi, abbozzi jew permezz ta' kull mezz disponibbli ieħor bl-objettiv li tinġabar evidenza inportanti u possibbilment jinħolqu mill-ġdid iċ-ċirkustanzi fi stadju iktar tard.

3.10

Fejn ikun hemm installat Reġistratur tad-Dejta dwar il-Vjaġġ (VDR), l-investigaturi għandhom jagħmlu l-isforzi kollha biex jiksbu u jippreservaw l-informazzjoni rreġistrata fuqu. Partikolarment għandhom jieħdu azzjoni bikrija biex jiżguraw li l-VDR jiġi "protett" sabiex ma jitħalliex li tiġi rreġistrata informazzjoni oħra fuqu. Għandhom jagħmlu kull sforz ukoll biex jiksbu kull informazzjoni rilevanti minn sorsi elettroniċi, kemm dawk abbord il-bastiment kif ukoll dawk fuq l-art. Għandhom jirrevedu, fl-ordni li jidhrilhom xierqa, id-dokumenti, il-proċeduri u r-reġistri rilevanti disponibbli kollha.

3.11

L-intervisti għandhom jitwettqu max-xhieda disponibbli kollha li jiġu kkunsidrati rilevanti mill-korp investigattiv ewlieni. L-investigaturi għandhom jidentifikaw liema xhieda għandhom jiġu intervistati inizjalment u jiżviluppaw pjan ta' intervisti. Dan il-pjan għandu, fost affarijiet oħra, jikkunsidra l-għeja (kemm tax-xhieda kif ukoll tal-investigatur), il-fraġilità tal-evidenza umana u l-movimenti intenzjonati tax-xhieda prospettivi.

Ix-xhieda potenzjali jistgħu jinkludu, fost oħrajn:

Jekk ma jkunx possibbli li jitkellem direttament ma' wħud mix-xhieda, il-korp investigattiv ewlieni għandu jieħu passi biex jikseb l-evidenza b'mezzi oħra.

L-evidenza tista' tinkiseb mingħandhom permezz ta' intervisti bit-telefon jew billi jistaqsi investigaturi tas-sikurezza oħra mħarrġin biex iwettqu l-intervista f'isem l-Istat investigattiv ewlieni. Fil-każ ta' dan tal-aħħar, il-persuna li twettaq l-intervista jkun jeħtieġ li jiġi aġġornat bir-reqqa mill-investigatur li qed imexxi l-investigazzjoni. Jista jkun hemm il-ħtieġa li ħafna mix-xhieda ewlenin jerġgħu jiġu intervistati aktar minn darba waħda.

3.12

Fejn hu possibbli l-informazzjoni għandha tiġi vverifikata. Id-dikjarazzjonijiet magħmula minn xhieda differenti jistgħu jkunu konfliġġenti u jaf ikun hemm il-ħtieġa ta' aktar evidenza ta' sostenn. Sabiex jiġi żgurat li jiġu skoperti l-fatti rilevanti kollha, għandhom jiġu mistoqsija l-mistoqsijiet ġenerali ta' "min","xiex", "meta", "kif", u "għalxiex".

3.13

Il-fatturi umani jagħmlu parti integrali mill-biċċa l-kbira tal-investigazzjonijiet, u l-investigaturi ta' sikurezza għandhom jitħarrġu kif xieraq. Is-suċċess tal-investigazzjoni tal-fatturi umani jiddependi fil-biċċa l-kbira fuq it-tip u l-kwalità tal-informazzjoni miġbura. Peress li l-ebda żewġ okkorrenzi huma l-istess, il-korp investigattiv għandu jiddetermina t-tip u l-kwalità tad-dejta li għandha tinġabar u tiġi riveduta. Bħala regola, l-investigatur għandu inizjalment jadotta atteġjament ta' inklużjoni żejda matul il-ġabra tal-informazzjoni u jwarrab id-dejta żejda skont kif tiżvolġi l-investigazzjoni.

3.14

Jekk ikun meħtieġ, il-korp investigattiv għandu jiżgura xi evidenza fiżika f'ordni partikolari biex jikseb eżaminazzjoni, spezzjoni jew ittestjar xjentifiku fuq l-art. F'dawn il-każijiet, l-investigaturi għandhom iżommu f'moħħhom li ż-żmien jista' jikkorrompi l-evidenza disponibbli u b'hekk għandhom ineħħuha kif xieraq. Jekk possibbli, qabel it-tneħħija, din l-evidenza għandha jittieħdulha ritratti fuq il-post. It-tneħħija u l-preservazzjoni tal-evidenza għandhom isiru bil-prekawzjonijiet xierqa sabiex jiġi evitat li jaffetwaw l-eżaminazzjoni tagħha.

3.15

Jekk l-evidenza tidher li tkun rilevanti għall-okkorrenza bħala parti mill-investigazzjoni tagħhom, il-korpi investigattivi jistgħu jwettqu jew jordnaw eżaminazzjoni speċjalizzata, partikolarment eżaminazzjoni teknika tal-bastiment u tas-sistemi u tagħmir differenti abbord, jekk ikun meħtieġ mill-esperti xierqa.

3.16

Waqt il-ġabra tal-evidenza, il-korpi investigattivi għandhom jipprovaw jidentifikaw kwalunkwe evidenza nieqsa.

4.1

Wara li tkun inġabret l-evidenza u d-dejta addizzjonali relatata, il-korp investigattiv tal-Istat Membru investigattiv ewlieni, għandu janalizzaha bil-għan li jidentifika fatturi każwali u fatturi li jikkontribwixxu, f'kooperazzjoni ma' Stati oħra interessati sostanzjalment kif xieraq.

F'dak ir-rigward, l-investigaturi għandhom jikkunsidraw il-valur varjabbli tal-evidenza li jkunu ġabru u għandhom jikkunsidraw kif isolvu bl-aħjar mod kull ambigwità jew konflitt tal-evidenza.

4.2

Identifikazzjoni xierqa tal-fatturi każwali teħtieġ investigazzjoni f'waqtha u metodika, li tmur lil hinn mill-evidenza immedjata u tfittex għal kundizzjonijiet bażiċi, li jistgħu jkunu mbiegħdin mill-post tad-diżgrazzja jew l-inċident tal-baħar, u li jistgħu jikkawżaw diżgrazzji jew inċidenti tal-baħar oħra fil-ġejjieni. Għalhekk l-investigazzjonijiet tas-sikurezza tal-baħar għandhom, fil-prinċipju, iservu bħala mezz ta' identifikazzjoni mhux biss tal fatturi każwali immedjati iżda wkoll ta' kundizzjonijiet li jistgħu jkunu preżenti fil-proċess operattiv kollu. Biex jinkiseb dan, l-analiżi tal-evidenza miġbura għandha ssir bir-reqqa u b'mod iterattiv.

4.3

F'każ li nuqqas ta' informazzjoni li ma jistax jiġi solvut jimtela b'estrapolazzjoni loġika u suppożizzjonijiet raġonevoli, estrapolazzjoni u suppożizzjonijiet bħal dawn għandhom jintwerew b'mod ċar fil-kitba tar-rapport. Għodda utli f'dan il-proċess tista' tkun l-identifikazzjoni tal-għażliet kollha u t-tneħħija analitika tagħhom biex tintlaħaq l-ipoteżi li l-aktar tirrifletti r-realtà.

5.1

Kull rakkomandazzjoni dwar is-sikurezza għandha tkun ibbażata fuq l-analiżi. Ir-rakkomandazzjonijiet għandhom ikunu indirizzati lil dawk l-organizzazzjonijiet jew l-individwi li jkunu fl-aqwa pożizzjoni li jieħdu azzjoni ta' rimedju.

5.2

Dawn għandhom ikunu ibbażati fuq investigazzjonijiet ta' sikurezza, jew fuq riċerka u analiżi ta’ dejta astratta. Il-formulazzjoni tagħhom tista' tinkiseb b'kooperazzjoni u konsultazzjoni mal-partijiet interessati rilevanti peress li dawn ta' spiss ikunu f'pożizzjoni tajba biex jidentifikaw u jimplimentaw azzjonijiet ta' sikurezza xierqa. Id-deċiżjoni finali dwar il-kontenut u d-destinatarji tar-rakkomandazzjonijiet ta’ sikurezza għandha, madankollu, tittieħed mill-korp investigattiv ewlieni.

5.3

Meta fattur każwali jew fattur li jikkontribwixxi jitqies tant serju li għandu jiġi indirizzat b'mod urġenti, għandha tittieħed azzjoni ta' segwitu xierqa bħal, pereżempju, l-għoti ta' rakkomandazzjoni ta' sikurezza interim.

5.4

Sabiex jiġu ffaċilitati kemm jista' jkun l-aċċettazzjoni u l-implimentazzjoni mir-riċevituri, kull rakkomandazzjoni għandha tkun:

6.1

Il-korp investigattiv tal-Istat Membru investigattiv ewlieni għandu jipproduċi abbozz ta' rapport b'kollegamenti mill-qrib ma' Stati oħra sostanzjalment interessati. Dan l-abbozz għandu jippreżenta bi stil ċar, konsistenti u konċiż, il-fatti u l-analiżi li huma użati biex jappoġġaw il-konklużjonijiet u r-rakkomandazzjonijiet.

6.2

Fejn prattikabbli, l-abbozz tar-rapport, jew partijiet xierqa minnu, għandhom jiġu ċċirkolati b'mod konfidenzjali għall-konsultazzjoni minn kull persuna jew organizzazzjoni li tista' tiġi affetwata minnhom. Il-korp investigattiv għandu jippubblika r-rapport finali, emendat kif xieraq.