|
23.6.2011
|
MT
|
Il-Ġurnal Uffiċjali tal-Unjoni Ewropea
|
L 163/10
|
REGOLAMENT TA’ IMPLIMENTAZZJONI TAL-KUMMISSJONI (UE) Nru 603/2011
tal-20 ta’ Ġunju 2011
dwar il-klassifikazzjoni ta' ċerti prodotti fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni (1), u b’mod partikolari l-Artikolu 9(1)(a) tiegħu,
Billi:
|
(1)
|
Sabiex tiġi żgurata applikazzjoni uniformi tan-Nomenklatura Magħquda mehmuża mar-Regolament (KEE) Nru 2658/87, huwa neċessarju li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ta' dan ir-Regolament.
|
|
(2)
|
Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kwalunkwe nomenklatura oħra li hija bbażata, parzjalment jew kollha kemm hi fuqha, jew li żżid kwalunkwe suddiviżjoni magħha u li hija stabbilita minn dispożizzjonijiet speċifiċi tal-Unjoni, bil-għan tal-applikazzjoni ta’ tariffa u miżuri oħra relatati mal-kummerċ tal-oġġetti.
|
|
(3)
|
Skont dawk ir-regoli ġenerali, il-prodotti msemmija fil-kolonna (1) tat-tabella mniżżla fl-Anness għandhom jiġu kklassifikati taħt il-kodiċi tan-NM indikat fil-kolonna (2), minħabba r-raġunijiet stabbiliti fil-kolonna (3) ta' dik it-tabella.
|
|
(4)
|
Hu f'loku li jkun ipprovdut li informazzjoni tariffarja li torbot u li nħarġet mill-awtoritajiet tad-dwana tal-Istati Membri rigward il-klassifikazzjoni ta' oġġetti fin-Nomenklatura Magħquda, iżda li mhijiex skont dan ir-Regolament, tkun tista', għal perjodu ta' tliet xhur, tibqa’ tkun invokata mid-detentur, skont l-Artikolu 12(6) tar-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali tal-Komunità (2).
|
|
(5)
|
Il-miżuri stipulati f'dan ir-Regolament tfasslu b’konformità mal-opinjoni tal-Kumitat tal-Kodiċi Doganali,
|
ADOTTAT DAN IR-REGOLAMENT:
Artikolu 1
Il-prodotti deskritti fil-kolonna (1) tat-tabella kif tidher fl-Anness għandhom ikunu klassifikati fi ħdan in-Nomenklatura Magħquda taħt il-kodiċi tan-NM indikat fil-kolonna (2) ta' dik it-tabella.
Artikolu 2
Informazzjoni tariffarja li torbot maħruġa mill-awtoritajiet doganali tal-Istati Membri, li mhix konformi ma' dan ir-Regolament, tista' tibqa’ tkun invokata għal perjodu ta' tliet xhur taħt l-Artikolu 12(6) tar-Regolament (KEE) Nru 2913/92.
Artikolu 3
Dan ir-Regolament għandu jidħol fis-seħħ fl-għoxrin ġurnata wara dik tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jkun jorbot fit-totalità tiegħu, u direttament applikabbli fl-Istati Membri kollha.
Magħmul fi Brussell, l-20 ta’ Ġunju 2011.
Għall-Kummissjoni, f'isem il-President,
Algirdas ŠEMETA
Membru tal-Kummissjoni
(1) ĠU L 256, 7.9.1987, p. 1.
(2) ĠU L 302, 19.10.1992, p. 1.
ANNESS
|
Deskrizzjoni tal-prodotti
|
Klassifikazzjoni
(Kodiċi tan-NM)
|
Raġunijiet
|
|
(1)
|
(2)
|
(3)
|
|
Artiklu ddisinjat speċifikament biex jiġi immuntat fit-tagħmir ta' sinjalar ta’ mudell speċifiku ta’ vettura bil-mutur.
L-artiklu għandu l-forma ta' żewġ montaturi ta’ ċirkwiti stampati u interkonnessi, u kull wieħed minnhom fih komponenti passivi (kapasiters u reżisters) u komponenti attivi (diodi, diodi li jemettu d-dawl (LEDs), tranżisters u ċirkwit integrat). Montatura minnhom hi mgħammra b’interfaċċja biex titqabbad mas-sistema tad-dawl mal-vettura b’mutur.
L-LEDs jipprovdu l-effett ta’ sinjalazzjoni.
(*) Ara l-istampa.
|
8512 90 90
|
Il-klassifikazzjoni hija ddeterminata bir-Regoli Ġenerali 1 u 6 għall-interpretazzjoni tan-Nomenklatura Magħquda, in-Nota 2(b) tat-Taqsima XVI u tal-kliem tal-kodiċijiet tan-NM 8512 , 8512 90 u 8512 90 90 .
Minħabba li l-artiklu jikkonsisti f’montaturi ta’ ċirkwiti stampati (ara n-Noti ta’ Spjegazzjoni tan-NM tas-sottointestatura 8443 99 10 li tkopri l-montaturi elettroniċi), ma jissodisfax il-kundizzjonijiet tal-materjali semikondutturi u taċ-ċirkwiti integrati elettroniċi (ara n-Nota 8 tal-Kapitlu 85). Għaldaqstant, il-klassifikazzjoni taħt l-intestaturi 8541 u 8542 hija eskluża.
Minħabba li l-artiklu mhux komplut iżda ddisinjat speċifikament biex jintuża, flimkien ma’ komponenti oħra bħal-lenti, fit-tagħmir ta' sinjalazzjoni ta' vettura b'mutur, il-klassifikazzjoni taħt il-kodiċi tan-NM 8512 20 00 hi eskluża.
L-artiklu għandu għalhekk jiġi kklassifikat bħala parti mid-dawl elettriku jew tagħmir ta’ sinjalazzjoni tat-tip użat għall-vetturi b’magna taħt il-kodiċi tan-NM 8512 90 90 .
|
(*) L-istampa għandha tintuża biss għal raġunijiet ta' informazzjoni.