12.4.2011 |
MT |
Il-Ġurnal Uffiċjali tal-Unjoni Ewropea |
L 97/49 |
DEĊIŻJONI TAL-KUMMISSJONI
tal-11 ta’ April 2011
li temenda d-Deċiżjoni 2000/367/KE li tistabbilixxi sistema ta’ klassifika għar-reżistenza għan-nar tal-prodotti tal-bini, xogħlijiet ta’ bini u partijiet minnhom
(notifikata bid-dokument numru C(2011) 2417)
(Test b’relevanza għaż-ŻEE)
(2011/232/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 89/106/KEE tal-21 ta’ Diċembru 1988 dwar l-approssimazzjoni ta’ liġijiet, regolamenti u dispożizzjonijiet amministrattivi tal-Istati Membri dwar il-prodotti għall-bini (1), u b’mod partikolari l-Artikolu 20(2) tagħha,
Wara konsultazzjoni mal-Kumitat Permanenti għall-Bini,
Billi:
(1) |
Id-Deċiżjoni tal-Kummissjoni 2000/367/KE tat-3 ta’ Mejju 2000 li timplimenta d-Direttiva tal-Kunsill 89/106/KEE fir-rigward tal-klassifika ta’ reżistenza għan-nar ta’ prodotti għall-bini, xogħlijiet ta’ bini u partijiet minnhom (2) għandha tiġi emendata biex jitqies il-progress tekniku fl-iżvilupp tal-metodi relevanti għat-testijiet u sabiex jiġu inklużi l-ostakoli tan-nar (cavity barriers). |
(2) |
Id-Deċiżjoni 2000/367/KE għandha għalhekk tiġi emendata skont dan, |
ADOTTAT DIN ID-DEĊIŻJONI:
Artikolu 1
L-Anness tad-Deċiżjoni 2000/367/KE huwa emendat skont l-Anness ta’ din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, il-11 ta’ April 2011.
Għall-Kummissjoni
Antonio TAJANI
Viċi-President
(1) ĠU L 40, 11.2.1989, p. 12.
(2) ĠU L 133, 6.6.2000, p. 26.
ANNESS
L-Anness tad-Deċiżjoni 2000/367/KE hu emendat kif ġej:
1. |
Fit-taqsima 3 “Prodotti u sistemi għall-protezzjoni ta’ elementi li jifilħu t-tagħbija jew partijiet tax-xogħlijiet”, it-tabella tal-klassifikazzjoni marbuta ma’ “Soqfa mingħajr resistenza indipendenti għan-nar” tinbidel bit-tabella li ġejja:
|
2. |
Fit-taqsima 3 “Prodotti u sistemi għall-protezzjoni ta’ elementi li jifilħu t-tagħbija jew partijiet tax-xogħlijiet”, it-tabella tal-klassifikazzjoni marbuta ma’ “kisi, rivestimenti u grilji ta’ protezzjoni kontra n-nar” tinbidel bit-tabella li ġejja:
|
3. |
Fit-taqsima 4 “Elementi li ma jifilħux it-tagħbija jew partijiet tax-xogħlijiet u prodotti għalhekk”, it-tabella tal-klassifikazzjoni marbuta ma’ “partizzjonijiet (inklużi dawk li jinkorporaw porzjonijiet mhux insulati)” tinbidel bit-tabella li ġejja:
|
(*) Għall-ostakoli tan-nar (cavity barriers) minbarra dan l-istandard hemm ukoll EOTA TR 031.”