li jistabbilixxi l-kundizzjonijiet għall-użu tal-alumina għat-tneħħija tal-fluworidu mill-ilmijiet minerali naturali u mill-ilmijiet tan-nixxigħat

Wara li kkunsidrat id-Direttiva 2009/54/KE tal-Parlament Ewropew u tal-Kunsill (1) tat-18 ta’ Ġunju 2009 dwar l-isfruttament u t-tqegħid fis-suq ta’ ilmijiet minerali naturali, u b'mod partikulari l-Artikolu 4(1)(c) u l-Artikolu 12(d) tiegħu,

1. It-trattament tal-ilmijiet minerali naturali u l-ilmijiet tan-nixxigħat bl-alumina attivat biex jitneħħa l-fluworidu, minn hawn 'il quddiem “it-trattament tat-tneħħija tal-fluworidu”, għandu jkun permess.

L-ilmijiet minerali naturali u l-ilmijiet tan-nixxiegħa flimkien nirreferu għalihom minn hawn 'il quddiem bħala “ilma”.

2. It-trattament tat-tneħħija tal-fluworidu għandu jitwettaq skont il-ħtiġijiet tekniċi kif iffissat fl-Anness.

L-introduzzjoni tal-fdalijiet fl-ilma bħala riżultat tat-trattament tat-tneħħija tal-fluworidu għandha tkun baxxa kemm huwa teknikament vijabbli skont l-aħjar prattiċi u m'għandhiex tippreżenta riskju lis-saħħa pubblika. Biex ikun żgurat dan, l-operatur għandu jimplimenta u jissorvelja l-istadji kritiċi tal-proċess stabbiliti fl-Anness.

1. L-applikazzjoni ta' trattament tat-tneħħija tal-fluworidu għandha tkun notifikata lill-awtoritajiet kompetenti tliet xhur qabel l-użu.

2. Bin-notifika, l-operatur għandu jikkomunika lill-awtoritajiet kompetenti relevanti l-informazzjoni, id-dokumentazzjoni u r-riżultati analitiċi dwar it-trattament li juru li jikkonforma mal-Anness.

It-tikketta fuq l-ilma li kien suġġett għal trattament tat-tneħħija tal-fluworidu għandha tinkludi, qrib l-istqarrija tal-kompożizzjoni analitika, l-indikazzjoni “ilma li ġie suġġett għal teknika tal-assorbiment awtorizzat”.

Dan ir-Regolament għandu jidħol fis-seħħ fl-20 jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Il-prodotti li kienu introdotti fis-suq sal-10 ta’ Awissu 2010 u li ma jikkonformawx mal-Artikolu 4, jistgħu jitħallew fis-suq sal-10 ta’ Awissu 2011.

ANNESS

Ħtiġijiet tekniċi għall-użu tal-alumina attivata għat-tneħħija tal-fluworidu mill-ilmijiet minerali naturali u mill-ilmijiet tan-nixxigħat

L-istadji kritiċi tal-proċess li ġejjin għandhom ikunu implimentati u ssorveljati kif inhu xieraq:

1.	Qabel ma tintuża l-alumina attivata għat-trattament tal-ilma, għandha tkun soġġetta għal proċedura ta' inizjazzjoni li tinkludi l-użu ta' kimiċi aċidużi jew alkalini biex jitneħħew kwalunkwe fdalijiet u tlaħliħa biex jitneħħa frak żgħir ħafna.

Għandha tkun applikata proċedura ta' riġenerazzjoni f'intervalli ta' minn ġimgħa għal erba' ġimgħat skont il-kwalità tal-ilma u l-ammont ipproċessat. Din għandha tinkludi l-użu ta' kimiċi xierqa li jneħħu l-joni assorbiti sabiex tkun restawrata l-kapaċità ta' assorbiment tal-alumina attivata, u biex jitneħħew kwalunkwe biofilms possibbli li jkunu ffurmaw. Din il-proċedura għandha titwettaq fit-tliet stadji li ġejjin:

—	Trattament bl-idrossidu tas-sodju biex ineħħi l-joni tal-fluworidu u jinbidlu bl-joni tal-idrossidu.

—	Trattament b'aċtu li jneħħi il-fdal tal-idrossidu tas-sodju u jattiva l-aġent.

—	It-tlaħliħ bl-ilma tax-xorb jew demineralizzat u l-ikkundizzjonar bl-ilma bħala l-aħħar stadju sabiex ikun żgurat li l-filtru m'għandux impatt fuq il-kontenut minerali ġenerali tal-ilma ttrattat.

3.	Il-kimiċi u r-reaġenti użati għall-proċeduri ta' inizjalizzazzjoni u r-riġenerazzjoni għandhom jikkonformaw mal-istandards Ewropej relevanti (1) jew l-istandards nazzjonali applikabbli għall-purità tar-reaġenti kimiċi użati fit-trattament tal-ilma intiż għall-konsum mill-bniedem.

L-alumina attivata għandha tikkonforma mal-istandard Ewropew għat-testijiet tat-tlissija (EN 12902) (2) biex ikun żgurat li l-ebda fdal mhu introdott fl-ilma li jirriżulta f'konċentrazzjonijiet li jaqbżu il-limiti stabbiliti bid-Direttiva 2003/40/KE jew fl-assenza ta' limiti f'dik id-Direttiva, il-limiti stabbiliti bid-Direttiva 98/83/KE jew fil-leġiżlazzjoni nazzjonali applikabbli. L-ammont totali tal-joni tal-aluminju fl-ilma ttrattat bħala riżultat wara ir-rilaxx tal-aluminju, il-komponent ewlieni tal-alumina attivata, m'għandux jaqbeż il-200 microg/L, kif stabbilit fid-Direttiva tal-Kunsill 98/83/KE. L-ammont għandu jkun iċċekkjat regolarment skont id-Direttiva tal-Kunsill.

5.	L-istadji tal-proċess għandhom ikunu suġġetti għal prattiċi tajba ta' manifattura u l-prinċipji tal-HACCP stabbiliti bir-Regolament (KE) Nru 852/2004 tal-Parlament Ewropew u tal-Kunsill dwar l-iġjene tal-oġġetti tal-ikel (3).

6.	L-operatur għandu jistabbilixxi programm ta' sorveljanza sabiex ikun żgurat il-funzjonar proprju tal-istadji tal-proċess b'mod partikulari fir-rigward taż-żamma tal-karatteristiċi essenzjali tal-ilma u l-kontenut tal-fluworidu tiegħu.

(1) Standards Ewropej żviluppati mill-Kumitat Ewropew għall-Istandardizzazzjoni (CEN).

(2) Standard Ewropew EN 12902 (2004) Prodotti użati għat-trattament tal-ilma intiż għall-konsum tal-bniedem. Materjal ta' appoġġ u inorganiku ta' filtraġġ.

(3) ĠU L 139, 30.4.2004, p. 1.