4.11.2009 |
MT |
Il-Ġurnal Uffiċjali tal-Unjoni Ewropea |
L 288/24 |
DEĊIŻJONI TAL-KUNSILL
tal-21 ta’ Ottubru 2009
li taħtar membru supplenti Spanjol tal-Kumitat tar-Reġjuni
(2009/807/KE)
IL-KUNSILL TAL-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 263 tiegħu,
Wara li kkunsidra l-proposta tal-Gvern Spanjol,
Billi:
(1) |
Fl-24 ta’ Jannar 2006, il-Kunsill adotta d-Deċiżjoni 2006/116/KE li taħtar il-membri u l-membri supplenti tal-Kumitat tar-Reġjuni għall-perijodu mis-26 ta’ Jannar 2006 sal-25 ta’ Jannar 2010 (1). |
(2) |
Post ta’ membru supplenti fil-Kumitat tar-Reġjuni sar vakanti wara tmiem il-mandat tas-Sur Enrique OJEDA VILA. |
IDDEĊIEDA KIF ĠEJ:
Artikolu 1
Dan li ġej huwa b’dan maħtur fil-Kumitat tar-Reġjuni bħala membru supplenti għall-bqija tal-mandat attwali, li jirrikorri sal-25 ta’ Jannar 2010:
— |
Is-Sur Miguel LUCENA BARRANQUERO, Segretarju Ġenerali tal-Azzjoni Esterna, Andalusija. |
Artikolu 2
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fil-Lussemburgu, il-21 ta’ Ottubru 2009.
Għall-Kunsill
Il-President
A. CARLGREN
(1) ĠU L 56, 25.2.2006, p. 75.