11.6.2009   

MT

Il-Ġurnal Uffiċjali tal-Unjoni Ewropea

L 148/27

(1)

Id-Direttiva 2002/95/KE tesiġi li l-Kummissjoni tevalwa ċerti sustanzi perikolużi pprojbiti skont l-Artikolu 4(1) ta’ dik id-Direttiva.

(2)

Ċerti materjali u komponenti li fihom iċ-ċomb u l-kadmju għandhom jkunu eżentati mill-projbizzjoni, minħabba li l-eliminazzjoni ta’ dawn is-sustanzi perikolużi f’dawk il-materjali u l-komponenti speċifiċi għadha teknikament u xjentifikament mhux prattikabbli.

(3)

Is-sostituzzjoni taċ-ċomb fl-istann li jintuża għall-istannjar ta’ wajers irqaq tar-ram ta’ dijametru ta’ 100 μm u inqas fit-trasformers tal-enerġija għadu mhuwiex prattikabbli.

(4)

Għad mhemmx disponibbli sostituzzjonijiet prattikabbli għaċ-ċomb fis-saff tal-kisi ta’ diodes ta’ vultaġġ għoli abbażi ta’ korp tal-ħġieġ tal-borat taż-żingu.

(5)

Is-sostituzzjoni tal-kadmju u tal-ossidu tal-kadmju f’pejsts ta’ saff oħxon użati fuq ossidu tal-berilju marbut mal-aluminju mhijiex prattikabbli attwalment.

(6)

Teknoloġiji ta’ sostituzzjoni biex jinbidlu ċirkwiti analogi tal-ipproċessar tal-ħoss sabiex jiġi evitat l-użu ta’ optocouplers abbażi tal-kadmju fl-applikazzjonijiet kollha ta’ awdjo professjonali għandhom isiru prattikabbli sal-31 ta’ Diċembru 2009.

(7)

Is-sostituzzjoni ta’ merkurju użat bħala inibitur tat-textix fl-iskrins tal-plażma DC li jkun fihom sa massimu ta’ 30 mg għal kull skrin attwalment mhuwiex teknikament prattikabbli, iżda għandu jkun prattikabbli sal-1 ta’ Lulju 2010.

(8)

Għalhekk id-Direttiva 2002/95/KE għandha tiġi emendata skont dan.

(9)

Skont l-Artikolu 5(2) tad-Direttiva 2002/95/KE, il-Kummissjoni kkonsultat il-partijiet rilevanti.

(10)

Il-miżuri stipulati f’din id-Deċiżjoni huma skont l-opinjoni tal-Kumitat stabbilit bl-Artikolu 18 tad-Direttiva 2006/12/KE tal-Parlament Ewropew u tal-Kunsill (2).