24.4.2009 |
MT |
Il-Ġurnal Uffiċjali tal-Unjoni Ewropea |
L 104/51 |
DEĊIŻJONI TAL-KUMMISSJONI
tat-23 ta’ April 2009
li temenda d-Deċiżjoni 2003/467/KE fir-rigward tad-dikjarazzjoni li ċerti reġjuni amministrattivi fl-Italja huma uffiċjalment ħielsa mit-tuberkulożi bovina, il-bruċellożi bovina u l-lewkożi bovina enżootika, li ċerti reġjuni amministrattivi tal-Polonja huma uffiċjalment ħielsa mil-lewkożi bovina enżootika u li l-Polonja u s-Slovenja huma uffiċjalment ħielsa mit-tuberkulożi bovina
(notifikata taħt id-dokument numru C(2009) 2972)
(Test b’relevanza għaż-ŻEE)
(2009/342/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 64/432/KEE tas-26 ta’ Ġunju 1964 dwar il-problemi tas-saħħa tal-annimali li jaffettwaw il-kummerċ ta’ annimali bovini u suwini ġewwa l-Komunità (1), u b’mod partikolari l-Anness A(I)(4), l-Anness A(II)(7) u l-Anness D(I)(E) tagħha,
Billi:
(1) |
Id-Direttiva 64/432/KEE tipprovdi li Stat Membru jew parti minn Stat Membru jista’ jiġi ddikjarat bħala uffiċjalment ħieles mit-tuberkolożi bovina, mill-bruċellożi bovina u mil-lewkożi bovina enżootika rigward merħliet bovini suġġett għall-konformità ma’ ċerti kondizzjonijiet stabbiliti f’din id-Direttiva. |
(2) |
Il-listi tar-reġjuni tal-Istati Membri ddikjarati bħala ħielsa mit-tuberkulożi bovina, il-bruċellożi bovina u l-lewkożi bovina enżootika huma stipulati fid-Deċiżjoni tal-Kummissjoni 2003/467/KE tat-23 ta’ Ġunju 2003 li tistabbilixxi l-kwalifika ta’ uffiċjalment ħielsa mit-tuberkolosi, bruċellosi u lewkosi bovina enżootika ta’ xi Stati Membri u reġjuni fl-Istati Membri rigward annimali bovini (2). |
(3) |
L-Italja ressqet quddiem il-Kummissjoni dokumentazzjoni li turi konformità mal-kondizzjonijiet xierqa stipulati fid-Direttiva 64/432/KEE rigward il-provinċja ta’ Oristano fir-reġjun ta’ Sardegna sabiex dan ir-reġjun jista’ jitqies reġjun uffiċjalment ħieles mit-tuberkulożi bovina tal-Italja. |
(4) |
L-Italja ressqet quddiem il-Kummissjoni dokumentazzjoni li turi konformità mal-kondizzjonijiet xierqa stipulati fid-Direttiva 64/432/KEE rigward il-provinċji kollha tar-reġjun ta’ Marche u l-provinċja ta’ Cuneo, l-aħħar provinċja li fadal tar-reġjun ta’ Piemonte li għad mhix inkluża fil-Kapitolu 2 tal-Anness II tad-Deċiżjoni 2003/467/KE, sabiex dawn ir-reġjuni kollha jkunu jistgħu jitqiesu reġjuni uffiċjalment ħielsa mill-bruċellożi bovina tal-Italja. |
(5) |
L-Italja ressqet quddiem il-Kummissjoni dokumentazzjoni li turi konformità mal-kondizzjonijiet xierqa stipulati fid-Direttiva 64/432/KEE rigward il-provinċji kollha tar-reġjun ta’ Sardegna sabiex dan ir-reġjun jista’ jitqies reġjun uffiċjalment ħieles mil-lewkożi bovina enżootika tal-Italja. |
(6) |
Wara l-valutazzjoni tad-dokumentazzjoni li tressqet mill-Italja, il-provinċja u r-reġjuni kkonċernati għandhom jiġu rikonoxxuti bħala uffiċjalment ħielsa mit-tuberkulożi bovina, mill-bruċellożi bovina, u mil-lewkożi bovina enżootika rispettivament. |
(7) |
Il-Polonja ressqet quddiem il-Kummissjoni dokumentazzjoni li turi konformità mal-kundizzjonijiet xierqa previsti fid-Direttiva 64/432/KEE fir-rigward tat-territorju sħiħ sabiex dan l-Istat Membru jista’ jiġi kkunsidrat bħala Stat Membru uffiċjalment ħieles mit-tuberkolożi bovina. |
(8) |
Il-Polonja ressqet ukoll dokumentazzjoni quddiem il-Kummissjoni li turi konformità mal-kondizzjonijiet xierqa stipulati fid-Direttiva 64/432/KEE fir-rigward ta’ 11-il reġjun amministrattiv (powiaty) fi ħdan l-unitajiet amministrattivi superjuri (voivodship) ta’ Podlaskie u Pomorskie sabiex dawn ir-reġjuni jkunu jistgħu jitqiesu bħala reġjuni uffiċjalment ħielsa mil-lewkożi bovina enżootika tal-Polonja. |
(9) |
Wara l-valutazzjoni tad-dokumentazzjoni li tressqet mill-Polonja, it-territorju sħiħ tal-Polonja għandu jiġi rikonoxxut bħala Stat Membru uffiċjalment ħieles mit-tuberkulożi bovina u r-reġjuni (powiaty) tal-Polonja għandhom jiġu rikonoxxuti bħala reġjuni uffiċjalment ħielsa mil-lewkożi bovina enżootika ta’ dan l-Istat Membru. |
(10) |
Is-Slovenja ressqet quddiem il-Kummissjoni dokumentazzjoni li turi konformità mal-kundizzjonijiet xierqa previsti fid-Direttiva 64/432/KEE fir-rigward tat-territorju sħiħ sabiex dan l-Istat Membru jista’ jiġi kkunsidrat bħala Stat Membru uffiċjalment ħieles mit-tuberkolożi bovina. |
(11) |
Wara l-valutazzjoni tad-dokumentazzjoni li tressqet mis-Slovenja, it-territorju sħiħ tas-Slovenja għandha tiġi rikonoxxuta bħala Stat Membru uffiċjalment ħieles mit-tuberkolożi bovina. |
(12) |
Id-Deċiżjoni 2003/467/KE għandha għalhekk tiġi emendata skont dan. |
(13) |
Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
L-Annessi I, II u III tad-Deċiżjoni 2003/467/KE huma emendati skont l-Anness ta’ din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, 23 ta’ April 2009.
Għall-Kummissjoni
Androulla VASSILIOU
Membru tal-Kummissjoni
(1) ĠU 121, 29.7.1964, p. 1977/64.
(2) ĠU L 156, 25. 6. 2003, p. 74.
ANNESS
L-Annessi I, II u III għad-Deċiżjoni 2003/467/KE huma emendati kif ġej:
1) |
L-Anness I jinbidel b’dan li ġej: “ANNEX I KAPITOLU 1 Stati Membri uffiċjalment ħielsa mit-tuberkolożi
KAPITOLU 2 Reġjuni tal-Istati Membri uffiċjalment ħielsa mit-tuberkulożi Fl-Italja:
|
2) |
Il-Kapitolu 2 tal-Anness II qed jinbidel b’dan li ġej: “KAPITOLU 2 Ir-reġjuni tal-Istati Membri uffiċjalment ħielsa mill-bruċellożi Fl-Italja:
Fil-Portugall:
Fir-Renju Unit:
|
3) |
Il-Kapitolu 2 tal-Anness III qed jinbidel b’dan li ġej: “KAPITOLU 2 Reġjuni ta’ Stati Membri uffiċjalment ħielsa mil-lewkożi bovina enżootika Fl-Italja:
Fil-Polonja:
|