28.2.2009 |
MT |
Il-Ġurnal Uffiċjali tal-Unjoni Ewropea |
L 56/15 |
DEĊIŻJONI TAL-KUNSILL
tas-26 ta’ Frar 2009
li temenda d-Deċiżjoni tal-Kunsill tas-27 ta’ Marzu 2000 li tawtorizza lid-Direttur tal-Europol jidħol f’negozjati dwar ftehimiet ma’ Stati terzi u korpi mhux relatati mal-UE
(2009/167/KE)
IL-KUNSILL TAL-UNJONI EWROPEA,
Wara li kkunsidra l-Artikolu 42(2), l-Artikolu 10(4) u l-Artikolu 18 tal-Konvenzjoni dwar l-istabbiliment ta’ Uffiċċju Ewropew tal-Pulizija (Konvenzjoni tal-Europol) (1),
Wara li kkunsidra l-Att tal-Kunsill tat-3 ta’ Novembru 1998 li jistabbilixxi regoli li jirregolaw ir-relazzjonijiet esterni tal-Europol ma’ Stati terzi u korpi mhux relatati mal-Unjoni Ewropea (2), u b’mod partikolari l-Artikolu 2 ta’ dak l-Att,
Wara li kkunsidra l-Att tal-Kunsill tat-3 ta’ Novembru 1998 li jistabbilixxi regoli li jikkonċernaw ir-riċeviment ta’ informazzjoni mill-Europol mingħand partijiet terzi (3), u b’mod partikolari l-Artikolu 2 ta’ dak l-Att,
Wara li kkunsidra l-Att tal-Kunsill tat-12 ta’ Marzu 1999 li jadotta r-regoli li jirregolaw it-trasmissjoni ta’ data personali mill-Europol lil Stati terzi u korpi terzi (4), u b’mod partikolari l-Artikoli 2 u 3 ta’ dak l-Att,
Billi:
(1) |
Fis-27 ta’ Marzu 2000 il-Kunsill adotta d-Deċiżjoni li tawtorizza lid-Direttur tal-Europol sabiex jidħol f’negozjati dwar ftehimiet ma’ Stati terzi u ma’ korpi mhux relatati mal-UE (5). |
(2) |
Hemm interessi operattivi li jitolbu li l-Indja tiżdied mal-lista ta’ Stati terzi li magħhom id-Direttur tal-Europol huwa awtorizzat jibda negozjati. |
(3) |
Id-Deċiżjoni tas-27 ta’ Marzu 2000 għandha għalhekk tiġi emendata skont dan, |
IDDEĊIEDA KIF ĠEJ:
Artikolu 1
Id-Deċiżjoni tas-27 ta’ Marzu 2000 hi hawn emendata kif gej:
fl-Artikolu 2(1), taħt l-intestatura “Stati Terzi”, l-Istati li ġejjin għandhom jiġu miżjuda mal-lista alfabetika:
“— |
Indja”. |
Artikolu 2
Din id-Deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea.
Artikolu 3
Din id-Deċiżjoni għandha tidħol fis-seħħ fil-jum wara li tiġi adottata.
Magħmula fi Brussell, 26 ta’ Frar 2009.
Għall-Kummissjoni
Il-President
I. LANGER
(1) ĠU C 316, 27.11.1995, p. 2. Edizzjoni Speċjali bil-Malti Kapitolu 19 Volum 08.
(2) ĠU C 26, 30.1.1999, p. 19. Edizzjoni Speċjali bil-Malti Kapitolu 19 Volum 01.
(3) ĠU C 26, 30.1.1999, p. 17. Edizzjoni Speċjali bil-Malti Kapitolu 19 Volum 01.
(5) ĠU C 106, 13.4.2000, p. 1.