li jistabbilixxi, skond ir-Regolament (KE) Nru 842/2006 tal-Parlament Ewropew u tal-Kunsill, ir-rekwiżiti minimi u l-kundizzjonijiet għall-għarfien reċiproku għaċ-ċertifikazzjoni tal-kumpaniji u tal-persunal f’dak li għandu x’jaqsam ma’ sistemi stazzjonarji ta’ protezzjoni min-nar u ma’ pompi tat-tifi tan-nar li fihom ċerti gassijiet serra fluworinati

Wara li kkunsidrat ir-Regolament (KE) Nru 842/2006 tal-Parlament Ewropew u tal-Kunsill tas-17 ta’ Mejju 2006 dwar ċerti gassijiet serra fluworinati (1), u b’mod partikulari l-Artikolu 5(1) tiegħu,

Dan ir-Regolament jistabbilixxi r-rekwiżiti minimi għaċ-ċertifikazzjoni msemmija fl-Artikolu 5(1) tar-Regolament (KE) Nru 842/2006 f’dak li għandu x’jaqsam ma’ sistemi stazzjonarji ta’ protezzjoni min-nar u ma’ pompi tat-tifi tan-nar li fihom ċerti gassijiet serra fluworinati, kif ukoll il-kundizzjonijiet għall-għarfien reċiproku ta’ ċertifikati maħruġa skond dawn ir-rekwiżiti.

1. Dan ir-Regolament għandu japplika għall-persunal li jkun qed jagħmel ix-xogħol li ġej f’dak li għandu x’jaqsam mas-sistemi ta’ protezzjoni min-nar:

2. Għandu japplika wkoll għall-kumpaniji li jkunu qed jagħmlu x-xogħol li ġej f’dak li għandu x’jaqsam mas-sistemi ta’ protezzjoni min-nar:

3. Dan ir-Regolament ma għandux japplika għal kwalunkwe xogħol ta’ manifattura jew tiswija li jsir fil-postijiet ta’ manifattura fuq kontenituri jew elementi relatati mas-sistemi stazzjonarji ta’ protezzjoni min-nar li fihom ċerti gassijiet serra fluworinati.

Għall-finijiet ta’ dan ir-Regolament, għandhom jgħoddu t-tifsiriet li ġejjin:

1. Il-persunal li jkun qed jagħmel ix-xogħol imsemmi fl-Artikolu 2(1) għandu jkollu ċertifikat kif imsemmi fl-Artikoli 5 jew 6.

2. Għal żmien massimu ta’ sena, il-Paragrafu 1 ma għandux japplika għall-persunal li qed jagħmel xi wieħed mix-xogħlijiet imsemmija fl-Artikolu 2(1), li qed isegwi kors ta’ taħriġ sabiex jikseb ċertifikat li jkopri x-xogħol relevanti, dejjem jekk ikun issorveljat minn persuna ċċertifikata fix-xogħol relevanti waqt li jkun qed jagħmel dan ix-xogħol.

3. L-Istati Membri jistgħu jiddeċiedu li l-paragrafu 1 ma għandux japplika għal perjodu li ma jdumx iktar mid-data msemmija fl-Artikolu 5(4) tar-Regolament (KE) Nru 842/2006, għall-persunal li, qabel id-data msemmija fl-Artikolu 5(2) tar-Regolament (KE) Nru 842/2006, ikun diġà qed jagħmel xi wieħed jew iktar mix-xogħlijiet ipprovduti fl-Artikolu 2(1) ta’ dan ir-Regolament.

Għall-finijiet tar-rekwiżiti tar-Regolament (KE) Nru 842/2006, għall-perjodu msemmi fl-ewwel subparagrafu, dan il-persunal għandu jitqies iċċertifikat f’dak li għandu x’jaqsam ma’ dawk ix-xogħlijiet.

1. Kif imsemmi fl-Artikolu 10, korp ta’ ċertifikazzjoni għandu joħroġ ċertifikat lill-persunal li jkun għadda minn eżami teoretiku u prattiku li jkopri l-ħiliet minimi u l-għarfien imniżżlin fl-Anness, u li jkun organizzat minn korp ta’ evalwazzjoni kif imsemmi fl-Artikolu 11.

3. Fejn diġà teżisti sistema ta’ ċertifikazzjoni bbażata fuq l-eżamijiet li tkopri l-ħiliet minimi u l-għarfien imniżżlin fl-Anness u li tissodisfa r-rekwiżiti ta’ l-Artikoli 10 u 11, imma l-attestazzjoni relatata magħha ma tinkludix l-elementi stipulati fil-paragrafu 2 ta’ dan l-Artikolu, korp ta’ ċertifikazzjoni msemmi fl-Artikolu 10 jista’ joħroġ ċertifikat lil min diġà għandu din il-kwalifika mingħajr il-ħtieġa li dan jirrepeti l-eżami.

4. Fejn diġà teżisti sistema ta’ ċertifikazzjoni bbażata fuq l-eżamijiet li tissodisfa r-rekwiżiti ta’ l-Artikoli 10 u 11, u li tkopri parzjalment il-ħiliet minimi mniżżlin fl-Anness, il-korpi ta’ ċertifikazzjoni jistgħu joħorġu ċertifikat jekk l-applikant jgħaddi minn eżami addizzjonali dwar il-ħiliet u l-għarfien li ma jkunux koperti miċ-ċertifikazzjoni eżistenti, u li jkun organizzat mill-korp ta’ evalwazzjoni msemmi fl-Artikolu 11.

1. L-Istati Membri jistgħu jużaw is-sistema ta’ ċertifikazzjoni provviżorja tal-persunal msemmija fl-Artikolu 2(1) skond il-paragrafi 2 jew 3, jew il-paragrafi 2 u 3, ta’ dan l-Artikolu.

Iċ-ċertifikati provviżorji msemmija fil-paragrafi 2 u 3 għandhom jibqgħu validi sa mhux aktar tard mill-4 ta’ Lulju 2010.

2. Il-persunal li għandu attestazzjoni għax-xogħlijiet imsemmija fl-Artikolu 2(1) maħruġa taħt skemi ta’ kwalifika li diġà jeżistu, għandu jitqies li għandu ċertifikat provviżorju.

L-Istati Membri għandhom jidentifkaw l-attestazzjonijiet li jitqiesu bħala ċertifikati provviżorji għax-xogħlijiet imsemmija fl-Artikolu 2(1) li jista’ jagħmel min għandu dan iċ-ċertifkat.

3. Il-persunal li għandu esperjenza professjonali ta’ dawn ix-xogħlijiet miksuba qabel id-data msemmija fl-Artikolu 5(2) tar-Regolament (KE) Nru 842/2006, għandu jinħariġlu ċertifikat provviżorju minn entità maħtura mill-Istat Membru.

Iċ-ċertifikat provviżorju għandu juri x-xogħlijiet koperti u d-data ta’ skadenza.

1. Il-kumpaniji msemmija fl-Artikolu 2(2) għandhom ikollhom ċertifikat kif imsemmi fl-Artikoli 8 jew 9.

2. L-Istati Membri jistgħu jiddeċiedu li l-paragrafu 1 ma għandux japplika għal perjodu li ma jdumx iktar mid-data msemmija fl-Artikolu 5(4) tar-Regolament (KE) Nru 842/2006, għall-kumpaniji li, qabel id-data msemmija fl-Artikolu 5(2) tar-Regolament (KE) Nru 842/2006, ikunu nvoluti f’xi wieħed jew iktar mix-xogħlijiet ipprovduti fl-Artikolu 2(2) ta’ dan ir-Regolament.

1. Kif imsemmi fl-Artikolu 10, korp ta’ ċertifikazzjoni għandu joħroġ ċertifikat lil kumpanija għal wieħed jew iktar mix-xogħlijiet imsemmija fl-Artikolu 2(2), dejjem jekk din tissodisfa r-rekwiżiti li ġejjin:

1. L-Istati Membri jistgħu jużaw is-sistema ta’ ċertifikazzjoni provviżorja tal-kumpaniji msemmija fl-Artikolu 2(2) skond il-paragrafi 2 jew 3, jew il-paragrafi 2 u 3, ta’ dan l-Artikolu.

Iċ-ċertifikati provviżorji msemmija fil-paragrafi 2 u 3 għandhom jibqgħu validi sa mhux aktar tard mill-4 ta’ Lulju 2010.

2. Il-kumpaniji ċċertifikati taħt skemi ta’ kwalifika li diġà jeżistu għax-xogħlijiet imsemmija fl-Artikolu 2(2), għandhom jitqiesu li għandhom ċertifikat provviżorju.

L-Istati Membri għandhom jidentifikaw l-attestazzjonijiet li jitqiesu bħala ċertifikati provviżorji għax-xogħlijiet imsemmija fl-Artikolu 2(2) li jista’ jagħmel min għandu dan iċ-ċertifikat.

3. Għandu jinħareġ ċertifikat provviżorju minn entità maħtura mill-Istat Membru lill-kumpaniji li jimpjegaw persunal li għandu ċertifikat għax-xogħlijiet li jeħtieġu ċ-ċertifikazzjoni skond l-Artikolu 2(2).

Iċ-ċertifikat provviżorju għandu juri x-xogħlijiet li tista’ tagħmel il-kumpanija li nħarġilha ċ-ċertifikat u d-data ta’ skadenza.

1. Fil-liġijiet jew regolamenti nazzjonali għandu jinħaseb għal korp ta’ ċertifikazzjoni li jkollu l-permess li joħroġ ċertifikati lill-persunal jew lill-kumpaniji nvoluti f’wieħed jew iktar mix-xogħlijiet imsemmija fl-Artikolu 2. Dan il-korp jista’ jinħatar inkella mill-awtorità kompetenti ta’ Stat Membru jew minn entitajiet oħrajn li għandhom id-dritt jagħmlu dan.

Il-korp ta’ ċertifikazzjoni għandu jkun indipendenti u imparzjali fit-twettiq ta’ ħidmietu.

2. Il-korp ta’ ċertifikazzjoni għandu jistabbilixxi u jimplimenta proċeduri għall-ħruġ, għall-waqfien u għall-irtirar taċ-ċertifikati.

3. Il-korp ta’ ċertifikazzjoni għandu jżomm reġistru li jippermetti l-verifika ta’ l-istat tal-persuna jew tal-kumpanija ċċertifikata. Ir-reġistru għandu juri li l-proċess ta’ ċertifikazzjoni twettaq b’mod effettiv. Ir-reġistru għandu jinżamm għal perjodu minimu ta’ ħames snin.

1. Korp ta’ evalwazzjoni maħtur mill-awtorità kompetenti ta’ Stat Membru jew minn entitajiet oħrajn li għandhom id-dritt jagħmlu dan għandu jorganizza l-eżamijiet għall-persunal imsemmi fl-Artikolu 2(1). Il-korp ta’ ċertifikazzjoni msemmi fl-Artikolu 10 jista’ wkoll jikkwalifika bħala korp ta’ evalwazzjoni.

Il-korp ta’ evalwazzjoni għandu jkun indipendenti u imparzjali fit-twettiq ta’ ħidmietu.

2. L-eżamijiet għandhom ikunu ppjanati u strutturati b’mod li jiżguraw li jkunu koperti l-ħiliet minimi u l-għarfien imniżżlin fl-Anness.

3. Il-korp ta’ evalwazzjoni għandu jadotta proċeduri ta’ rrappurtar u jżomm reġistru sabiex ikun hemm id-dokumentazzjoni dwar il-persuna u dwar ir-riżultati globali ta’ l-evalwazzjoni.

4. Il-korp ta’ evalwazzjoni għandu jiżgura li l-eżaminaturi li jkunu ntgħażlu għal xi eżami jkollhom għarfien xieraq tal-metodi u tad-dokumenti relevanti għall-eżami, kif ukoll kompetenza xierqa fil-qasam li se jiġi eżaminat. Huwa għandu jiżgura wkoll li t-tagħmir, l-għodda u l-materjali meħtieġa għall-eżamijiet prattiċi jkunu disponibbli.

1. L-Istati Membri għandhom jgħarrfu lill-Kummissjoni sa l-4 ta’ Lulju 2008 dwar il-ħsieb tagħhom li jużaw sistema ta’ ċertifikazzjoni provviżorja skond l-Artikoli 6 jew 9, jew skond it-tnejn li huma.

2. Sa l-4 ta’ Jannar 2009, jekk applikabbli, l-Istati Membri għandhom jgħarrfu lill-Kummissjoni dwar il-korpi maħtura li jkollhom id-dritt joħorġu ċertifikati provviżorji u dwar id-dispożizzjonijiet nazzjonali stabbiliti sabiex fuqhom jitqiesu bħala ċertifikati provviżorji dawk id-dokumenti maħruġin permezz ta’ sistemi ta’ ċertifikazzjoni li diġà jeżistu.

3. Sa l-4 ta’ Jannar 2009, l-Istati Membri għandhom jgħarrfu lill-Kummissjoni wkoll dwar l-ismijiet u d-dettalji tal-kuntatt tal-korpi ta’ ċertifikazzjoni tal-persunal u tal-kumpaniji koperti mill-Artikolu 10, u tat-titli taċ-ċertifikati tal-persunal li huma konformi mar-rekwiżiti ta’ l-Artikolu 5 u tal-kumpaniji li huma konformi mar-rekwiżiti ta’ l-Artikolu 8, billi jużaw il-format stabbilit bir-Regolament (KE) Nru 308/2008.

4. L-Istati Membri għandhom jaġġornaw in-notifika mressqa skond il-paragrafu 3 b’tagħrif ġdid relevanti u jgħadduha lill-Kummissjoni mingħajr telf ta’ żmien.

1. L-għarfien reċiproku taċ-ċertifikati maħruġa fi Stati Membri oħrajn għandu japplika biss fil-każ ta’ ċertifikati maħruġa skond l-Artikolu 5 għall-persunal u skond l-Artikolu 8 għall-kumpaniji.

2. L-Istati Membri jistgħu jitolbu lil min għandu ċertifikat maħruġ fi Stat Membru ieħor jipprovdi traduzzjoni taċ-ċertifikat f’lingwa oħra uffiċjali tal-Komunità.

Dan ir-Regolament għandu jidħol fis-seħħ fl-għoxrin jum wara l-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

ANNESS

Ir-rekwiżiti minimi f’dak li għandu x’jaqsam mal-ħiliet u l-għarfien li għandhom jiġu koperti mill-korpi ta’ evalwazzjoni

L-eżami msemmi fl-Artikoli 5(1) u 11(2) għandu jinkludi dan li ġej:

(a)	eżami teoretiku b’mistoqsija waħda jew iktar dwar dik il-ħila jew dak l-għarfien, kif muri b’(T) fil-kolonna msejħa “It-Tip ta’ Eżami”;

(b)	eżami prattiku li matulu l-applikant għandu jagħmel il-biċċa xogħol korrispondenti bil-materjal, l-għodda u t-tagħmir relevanti, kif muri b’(P) fil-kolonna msejħa “It-Tip ta’ Eżami”.

L-Għarfien u l-Ħiliet Minimi		It-Tip ta’ Eżami
1.	Għarfien bażiku tal-kwistjonijiet ambjentali relevanti (it-tibdil fil-klima, il-Protokoll ta’ Kjoto, il-potenzjal ta’ tisħin globali mill-gassijiet serra fluworinati)	T
2.	Għarfien bażiku ta’ l-istandards tekniċi relevanti	T
3.	Għarfien bażiku tad-dispożizzjonijiet relevanti tar-Regolament (KE) Nru 842/2006 u tar-Regolamenti relevanti li jimplimentaw id-dispożizzjonijiet tar-Regolament (KE) Nru 842/2006	T
4.	Għarfien tajjeb tat-tipi differenti ta’ tagħmir għall-protezzjoni min-nar li hawn fis-suq li fihom il-gassijiet serra fluworinati	T
5.	Għarfien tajjeb tat-tipi ta’ valvijiet, tal-mekkaniżmi ta’ tħaddim, ta’ l-immaniġġjar b’mod sikur, u ta’ l-evitar ta’ ħruġ u ta’ tnixxija.	T
6.	Għarfien tajjeb tat-tagħmir u ta’ l-għodda meħtieġa għal prattiki sikuri ta’ l-immaniġġjar u ta’ ħidma	T
7.	Il-ħila li wieħed jinstalla kontenituri tas-sistemi ta’ protezzjoni min-nar iddisinjati biex ikun fihom il-gassijiet serra fluworinati	P
8.	Għarfien ta’ prattiki tajbin taċ-ċaqliq ta’ kontenituri taħt pressjoni għolja li jkun fihom il-gassijiet serra fluworinati	T
9.	Il-ħila li wieħed jiċċekkja r-reġistri dwar is-sistema qabel ma jagħmel kontroll għal xi tnixxija u li wieħed jidentifika t-tagħrif relevanti dwar xi kwistjonijiet rikorrenti jew xi oqsma problematiċi li wieħed għandu jagħti każ	T
10.	Il-ħila li wieħed jagħmel kontroll tas-sistema għal xi tnixxija b’mod viżwali u manwali, b’konformità mar-Regolament tal-Kummissjoni (KE) Nru 1497/2007 tat-18 ta’ Diċembru 2007 li jistabbilixxi, b’segwitu għar-Regolament (KE) Nru 842/2006 tal-Parlament Ewropew u tal-Kunsill, ir-rekwiżiti standard għal kontrolli ta’ tnixxija minn sistemi stazzjonarji ta’ protezzjoni min-nar li fihom ċerti gassijiet serra fluworinati (1)	P
11.	Għarfien ta’ prattiki għall-irkupru ta’ gassijiet serra fluworinati mis-sistemi ta’ protezzjoni min-nar u ta’ prattiki għat-tqabbid ta’ dawn is-sistemi li ma jagħmlux ħsara lill-ambjent	T

(1) ĠU L 333, 19.12.2007, p. 4.