li tistabbilixxi l-kondizzjonijiet li bihom ċerti organiżmi ta’ ħsara, pjanti, prodotti mill-pjanti u oġġetti oħra elenkati fl-Annessi I sa V tad-Direttiva tal-Kunsill 2000/29/KE jistgħu jiddaħħlu jew jiġu mċaqalqa fil-Komunità jew f’ċerti żoni protetti tagħha, għal prova jew għal skopijiet xjentifiċi u għal xogħol fuq selezzjonijiet varjetali

Wara li kkunsidrat id-Direttiva tal-Kunsill 2000/29/KE tat-8 ta’ Mejju 2000 dwar miżuri protettivi kontra d-dħul fil-Komunità ta’ organiżmi ta’ ħsara għal pjanti jew prodotti mill-pjanti u kontra t-tixrid tagħhom fil-Komunità (1), u partikolarment l-Artikoli 3(8), 4(5), 5(5) u 13b(4) tagħha,

1. L-Istati Membri għandhom jassiguraw li għal kull attività ta’ prova jew għal skopijiet xjentifiċi u għal xogħol fuq selezzjonijiet varjetali, minn hawn ‘il quddiem imsejħa “l-attivitajiet”, li jinvolvu l-użu ta’ organiżmi li jagħmlu l-ħsara, pjanti, prodotti mill-pjanti u oġġetti oħrajn skond l-Artikoli 3(8), 4(5), 5(5) jew 13b(4) tad-Direttiva 2000/29/KE, minn hawn ‘il quddiem imsejjaħ “il-materjal”, tintbagħat applikazzjoni lill-korpi uffiċjali responsabbli qabel id-dħul jew il-moviment ta’ kull materjal ta’ din ix-xorta ġewwa Stat Membru jew żoni protetti rilevanti tiegħu.

2. L-applikazzjoni msemmija fil-paragrafu 1, għandha tispeċifika għall-inqas dan li ġej:

1. L-Istati Membri għandhom, malli jirċievu l-applikazzjoni msemmija fl-Artikolu 1, japprovaw l-attivitajiet ikkonċernati, jekk ikun stabbilit li l-kondizzjonijiet ġenerali stabbiliti fl-Anness I jitħarsu.

L-Istati Membri għandhom jirtiraw l-approvazzjoni msemmija f’kull waqt jekk ikun stabbilit li l-kondizzjonijiet imsemmija fl-Anness I ma jibqgħux jitħarsu.

2. Wara l-approvazzjoni ta’ l-attivitajiet imsemmija fil-paragrafu 1, l-Istati Membri għandhom japprovaw id-dħul jew il-moviment fl-Istat Membru jew f’żoni protetti rilevanti tal-materjal imsemmi fl-applikazzjoni, sakemm dan il-materjal ikun akkumpanjat f’kull każ b’ittra ta’ awtorizzazzjoni għal dan id-dħul jew moviment ta’ organiżmi ta’ ħsara, pjanti, prodotti mill-pjanti u oġġetti oħra għal prova jew għal skopijiet xjentifiċi u għal xogħol fuq selezzjonijiet varjetali, minn hawn ‘il quddiem imsejħa “ittra ta’ awtorizzazzjoni”, li tkun skond il-mudell li jidher fl-Anness II u tkun maħruġa mill-korp uffiċjali responsabbli ta’ l-Istat Membru li fih ikunu ser isiru l-attivitajiet, u,

Fil-każijiet kollha l-Istati Membri għandhom jiżguraw li l-materjal jinżamm f’kondizzjonijiet ta’ kwarantina matul id-dħul jew il-moviment imsemmi, u li jittieħed direttament u minnufih lejn is-sit jew siti speċifikati fl-applikazzjoni.

3. Il-korp uffiċjali responsabbli għandu jissorvelja l-attivitajiet approvati u għandu jiżgura li:

4. L-Istati Membri għandhom jiżguraw li għall-attivitajiet li fihom isir użu minn pjanti, prodotti mill-pjanti u oġġetti oħra elenkati fl-Anness III tad-Direttiva 2000/29/KE u li m’humiex koperti mill-Parti A, Sezzjonijiet I, II u III ta’ l-Anness III ta’ din id-Direttiva, għandhom jittieħdu miżuri xierqa ta’ kwarantina, inkluż l-ittestjar. Dawn il-miżuri ta’ kwarantina għandhom ikunu kkomunikati lill-Kummissjoni u lill-Istati Membri l-oħra. Id-dettalji ta’ dawn il-miżuri ta’ kwarantina għandhom jitlestew u jiddaħħlu fl-Anness III ta’ din id-Direttiva malli l-informazzjoni teknika meħtieġa tkun disponibbli.

1. Qabel l-1 ta’ Settembru ta’ kull sena, l-Istati Membri għandhom jibagħtu lill-Kummissjoni u lill-Istati Membri l-oħra lista, bi kwantitajiet, ta’ dħul u movimenti ta’ materjal approvat b’din id-Direttiva matul il-perjodu preċedenti ta’ sena li jintemm fit-30 ta’ Ġunju, u b’kull kontaminazzjoni minn organiżmi ta’ ħsara ta’ materjal bħal dan, li jkun ġie kkonfermat skond il-miżuri ta’ kwarantina, inklużi l-ittestjar li jkunu saru skond l-Anness III, matul l-istess perjodu.

2. L-Istati Membri għandhom jikkooperaw amministrattivament permezz ta’ l-awtoritajiet stabbiliti jew maħtura skond l-Artikolu 1(4) tad-Direttiva 2000/29/KE, fir-rigward ta’ l-għoti tad-dettalji tal-kondizzjonijiet ta’ żamma fi kwarantina u ta’ miżuri imposti għal attivitajiet approvati b’din id-Direttiva.

L-Istati Membri għandhom jikkomunikaw lill-Kummissjoni minnufih id-dispożizzjonijiet kollha tal-liġijiet nazzjonali li huma jadottaw fil-qasam kopert minn din id-Direttiva. Il-Kummissjoni għandha tgħarraf b’dan lill-Istati Membri l-oħra.

Id-Direttiva 95/44/KE, kif emendata mid-Direttiva mniżżla fl-Anness IV, Parti A, hi mħassra, bla ħsara għall-obbligi ta’ l-Istati Membri rigward il-limiti ta’ żmien għat-traspożizzjoni fil-liġi nazzjonali tad-Direttivi mniżżla fl-Anness IV, Parti B.

Referenzi għad-Direttiva mħassra għandhom jinftiehmu bħala referenzi għal din id-Direttiva u għandhom jinqraw skond it-tabella ta’ korrelazzjoni fl-Anness V.

Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha fil-Ġurnal Uffiċjali ta’ l-Unjoni Ewropea.

ANNESS I

Għall-finijiet ta’ l-Artikolu 2(1) ta’ din id-Direttiva għandhom japplikaw il-kondizzjonijiet ġenerali li ġejjin:

—

it-tip u l-għanijiet ta’ l-attivitajiet li għalihom il-materjal għandu jiddaħħal jew jiġi mċaqlaq għandhom ikunu ġew eżaminati mill-korp uffiċjali responsabbli u misjuba konformi mal-kunċett ta’ prova jew skopijiet xjentifiċi u għal xogħol fuq selezzjonijiet varjetali msemmija fid-Direttiva 2000/29/KE,

—	il-kondizzjonijiet dwar żamma fil-kwarantina fil-postijiet u l-faċilitajiet fis-sit jew siti fejn l-attivitajiet għandhom isiru jridu jkunu ġew spezzjonati għal konformità mad-dispożizzjonijiet preskritti f’punt 2 u approvati mill-korp uffiċjali responsabbli,

—	il-korp uffiċjali responsabbli għandu jillimita l-kwantità ta’ materjal għal ammont li jkun adegwat għall-attivitajiet approvati u f’kull każ l-ammont m’għandux ikun aktar minn kwantitajiet stabbiliti, meħud kont tal-faċilitajiet disponibbli ta’ żamma fi kwarantina,

—	il-kwalifiki xjentifiċi u tekniċi tal-persunal li jkun ser jagħmel l-attivitajiet għandhom ikunu ġew eżaminati u approvati mill-korp uffiċjali responsabbli.

Għall-finijiet tal-punt 1, il-kondizzjonijiet ta’ żamma fi kwarantina tal-postijiet u l-faċilitajiet fis-sit jew siti fejn l-attivitajiet ikunu ser isiru għandhom ikunu biżżejjed li jiżguraw immaniġġjar bla periklu tal-materjal b’mod li jinżamm lura kull organiżmu ta’ ħsara u li jkun eliminat ir-riskju ta’ tixrid ta’ dawn l-organiżmi ta’ ħsara. Għal kull attività msemmija fl-applikazzjoni, ir-riskju ta’ tixrid ta’ l-organiżmi ta’ ħsara miżmuma taħt kondizzjonijiet ta’ kwarantina għandu jkun stabbilit mill-korp uffiċjali responsabbli, meħud kont tat-tip ta’ materjal u l-attività li tkun ser issir, u l-bijoloġija ta’ l-organiżmi ta’ ħsara, il-mezzi li bihom jixterdu, l-azzjoni reċiproka ma’ l-ambjent u fatturi rilevanti oħra li jkollhom x’jaqsmu mar-riskju li jġib il-materjal imsemmi. B’riżultat ta’ l-istima tar-riskju, il-korp uffiċjali responsabbli għandu jikkunsidra u jistabbilixxi kif ikun xieraq:

(a)

il-miżuri ta’ kwarantina li ġejjin li jkollhom x’jaqsmu mal-postijiet, il-faċilitajiet u l-proċeduri tax-xogħol:

—	iżolazzjoni fiżika minn kull materjal ieħor ta’ pjanti jew organiżmi ta’ ħsara, inkluż il-ħsieb li tkun ikkontrollata l-veġetazzjoni fiż-żoni ta’ madwarhom,

—	ħatra ta’ persuna responsabbli għall-attivitajiet li tista’ tiġi kkuntattjatha,

—	aċċess ristrett għal persunal indikat biss għall-postijiet u l-faċilitajiet u għaż-żona ta’ madwarhom, kif ikun xieraq,

—	identifikazzjoni xierqa tal-postijiet u l-faċilitajiet li juru t-tip ta’ attivitajiet u l-persunal responsabbli,

—	żamma ta’ reġistru ta’ l-attivitajiet li jkunu saru u manwal ta’ proċeduri ta’ xogħol, inklużi proċeduri f’każ li joħorġu organiżmi ta’ ħsara mill-post fejn ikunu qed jinżammu,

—	sistemi adegwati ta’ sigurtà u twissija,

—	miżuri tajba ta’ kontroll biex iżommu d-dħul u t-tixrid ta’ organiżmi ta’ ħsara fil-postijiet ta’ organiżmi ta’ ħsara,

—	proċeduri kkontrollati għat-teħid ta’ kampjuni u għat-trasferiment tal-materjal bejn postijiet u faċilitajiet,

—	tneħħija kkontrollata kif jixraq ta’ skart, ħamrija u ilma,

—	proċeduri xierqa ta’ iġjene u disinfezzjoni u faċilitajiet għall-persunal, strutturi u tagħmir,

—	miżuri u faċilitajiet xierqa għar-rimi ta’ materjal sperimentali,

—	faċilitajiet u proċeduri xierqa ta’ indiċjar (inkluż ittestjar); u

(b)

aktar miżuri ta’ kwarantina skond il-bijoloġija u l-epidemjoloġija speċifika tat-tip ta’ materjal involut u l-attivitajiet approvati,

—	manutenzjoni f’faċilitajiet b’aċċess separat minn kamra b’ “bieb doppju” għall-persunal,

—	manutenzjoni taħt pressjoni ta’ arja negattiva,

—	manutenzjoni f’kontenituri kontra l-ħruġ fixbieki ta’ daqs xieraq u barrieri oħra e.g. barriera ta’ l-ilma għad-dud, kontenituri tal-ħamrija magħluqa għal nematodi, nases ta’ l-elettriku għall-insetti,

—	manutenzjoni f’iżolazzjoni minn organiżmi u materjal ieħor ta’ ħsara e.g materjal viruliferu ta’ ikel tal-pjanti, materjal li jospita,

—	manutenzjoni ta’ materjal għat-trobbija f’gaġeġ ta’ trobbija b’mezzi ta’ manipulazzjoni,

—	ebda tgħammir ta’ l-organiżmi ta’ ħsara ma’ razez jew speċi indiġeni,

—	tiġi evitata t-trobbija kontinwa ta’ organiżmi ta’ ħsara,

—	manutenzjoni f’kondizzjonijiet li jikkontrollaw strettament il-multiplikazzjoni ta’ l-organiżmu ta’ ħsara, e.g. taħt reġim ambjentali li ma jħallix li jkun hemm dijapawsa,

—	manutenzjoni li ma tħallix li jsir tixrid permezz ta’ propaguli, e.g. kurrenti ta’ arja għandhom ikunu evitati,

—	proċeduri għall-ispezzjoni tal-purità tat-trobbija ta’ l-organiżmi ta’ ħsara għall-ħelsien minn parassiti u organiżmi oħra ta’ ħsara,

—	programmi ta’ kontroll xierqa għall-materjal sabiex ikunu eliminati vektori li jista’ jkun hemm,

—	għal attivitajiet in vitro, immaniġġjar tal-materjal f’kondizzjonijiet sterili: tagħmir ta’ laboratorju biex isiru proċeduri asettiċi,

—	manutenzjoni ta’ organiżmi ta’ ħsara mxerrda minn vektori f’kondizzjonijiet li bihom ma jkunx hemm tixrid permezz tal-vektor e.g. xibka ta’ daqs ikkontrollat, għeluq ta’ ħamrija,

—	iżolazzjoni skond l-istaġuni sabiex ikun żgurat li l-attivitajiet isiru matul perjodi ta’ riskju żgħir għas-saħħa tal-pjanti.

ANNESS III

MIŻURI TA’ KWARANTINA INKLUŻI TESTIJIET FUQ PJANTI, PRODOTTI MILL-PJANTI U OĠĠETTI OĦRA MAĦSUBA GĦAL RILAXX MINN KWARANTINA

PARTI A

Għal ċerti pjanti, prodotti mill-pjanti u oġġetti oħra elenkati fl-Anness III tad-Direttiva 2000/29/KE

Sezzjoni I: Pjanti taċ-Ċitru L., Fortunella Swingle, Poncirus Raf. u l-ibridi tagħhom, esklużi frott u żerriegħa

Il-materjal tal-pjanti, skond il-każ, għandu jkun soġġett għal proċeduri ta’ terapija xierqa, kif stabbilit fil-Linji Gwida Tekniċi ta’ l-FAO/IPGRI.

Il-materjal tal-pjanti, wara l-proċeduri ta’ terapija magħmula skond il- punt 1, għandu jkun soġġett għal proċeduri ta’ indiċjar fl-intier tiegħu. Il-materjal kollu tal-pjanti, inklużi pjanti għall-indiċjar, għandu jinżamm fil-faċilitajiet approvati fil-kondizzjonijiet għal żamma fi kwarantina stabbiliti fl-Anness I. Materjal tal-pjanti maħsub biex ikun approvat għal rilaxx uffiċjali għandu jinżamm f’kondizzjonijiet li jwasslu għal ċiklu normali ta’ tkabbir veġetali u jkun soġġett għal spezzjoni viżwali għal sinjali u sintomi ta’ organiżmi ta’ ħsara inklużi l-organiżmi kollha ta’ ħsara rilevanti elenkati fid-Direttiva 2000/29/KE, mal-wasla u wara, f’ħinijiet xierqa, matul il-perjodu tal-proċeduri ta’ indiċjar.

Għall-finijiet ta’ punt 2, il-materjal tal-pjanti għandu jkun indiċjat għal organiżmi ta’ ħsara (ittestjat u identifikat) skond il-proċeduri li ġejjin:

3.1

It-testijiet għandhom isiru b’metodi xierqa ta’ laboratorju u, skond il-każ, bi pjanti indikaturi, inklużi Citrus sinensis (L.) Osbeck, C. aurantifolia Christm. Swing, C. medica L., C. reticulata Blanco u Sesamum L., biex issir tfittxija għall-inqas għall-organiżmi ta’ ħsara li ġejjin:

(a)	Citrus greening bacterium;

(b)	Citrus variegated chlorosis;

(ċ)	Il-virus Citrus mosaic;

(d)	Il-virus Citrus tristeza (l-iżolati kollha);

(e)	Citrus vein enation woody gall;

(f)

Leprosis;

(g)	Psorosis li jitfirxu b'mod naturali;

(h)	Phoma tracheiphila (Petri) Kanchaveli & Gikashvili;

(i)	Il-virus Satsuma dwarf;

(j)	Spiroplasma citri Saglio et al;

(k)	Il-virus Tatter leaf;

(l)	Witches’ broom (MLO);

(m)	Xanthomonas campestris (ir-razez kollha patoġeniċi għaċ-Ċitru).

3.2

Għal mard bħal Blight jew mard ieħor simili għall-Blight li għalihom m’hemmx proċeduri ta’ indiċjar għal żmien qasir, il-materjal tal-pjanti jrid ikun soġġett mal-wasla tiegħu għat-tilqim tar-rimja fuq ħażniet tan-nebbieta mkabbra f’uċuħ sterili kif indikat fil-Linji Gwida Tekniċi ta’ l-FAO/IPGRI, u l-pjanti li jirriżultaw li kienu soġġetti għal proċeduri ta’ terapija skond il-punt 1.

Il-materjal tal-pjanti soġġett għall-ispezzjonijiet viżwali msemmija fil-punt 2 u li fuqhom kienu ġew osservati sinjali u sintomi ta’ organiżmi ta’ ħsara għandhom ikunu soġġetti għal investigazzjoni inklużi testijiet fejn meħtieġ, sabiex tiġi stabbilita, sa fejn jista’ jkun, l-identità ta’ l-organiżmi ta’ ħsara li huma l-kawża tas-sinjali u s-sintomi.

Sezzjoni II: Pjanti ta’ Cydonia Mill., Malus Mill., Prunus L. u Pyrus L. u l-ibridi tagħhom u Fragaria L., maħsuba għat-tħawwil, għajr taż-żerriegħa

Il-materjal tal-pjanti, skond il-każ, għandu jkun soġġett għal proċeduri ta’ terapija xierqa kif indikata fil-Linji Gwida Tekniċi ta’ l-FAO/IPGRI.

Il-materjal tal-pjanti, wara l-proċeduri ta’ terapija magħmula skond il-punt 1, għandu jkun soġġett għal proċeduri ta’ indiċjar fl-intier tiegħu. Il-materjal kollu tal-pjanti, inklużi pjanti għall-indiċjar, għandu jinżamm fil-faċilitajiet approvati fil-kondizzjonijiet għal żamma fi kwarantina msemmija fl-Anness I. Materjal tal-pjanti maħsub biex ikun approvat għal rilaxx uffiċjali għandu jinżamm f’kondizzjonijiet li jwasslu għal ċiklu normali ta’ tkabbir veġetali u jkun soġġett għal spezzjoni viżwali għal sinjali u sintomi ta’ organiżmi ta’ ħsara inklużi l-organiżmi kollha ta’ ħsara rilevanti elenkati fid-Direttiva 2000/29/KE, mal-wasla u wara, f’ħinijiet xierqa, matul il-perjodu tal-proċeduri ta’ indiċjar.

Għall-finijiet ta’ punt 2, il-materjal tal-pjanti għandu jkun indiċjat għal organiżmi ta’ ħsara (ittestjat u identifikat) skond il-proċeduri li ġejjin:

3.1

Fil-każ ta’ Fragaria L., irrispettivament mill-pajjiż ta’ l-oriġini tal-materjal tal-pjanti, it-testijiet għandhom isiru b’metodi xierqa ta’ laboratorju u, skond il-każ, bi pjanti indikaturi, inklużi Fragaria vesca, F. virginiana u Chenopodium spp. biex issir tfittxija għall-inqas għall-organiżmi ta’ ħsara li ġejjin:

(a)	il-virus Arabis mosaic;

(b)	il-virus Raspberry ringspot;

(ċ)	il-virus Strawberry crinkle;

(d)	il-virus strawberry latent “C”;

(e)	il-virus Strawberry latent ringshot;

(f)	il-virus Strawberry mild yellow edge;

(g)	il-virus Strawberry vein banding;

(h)	Strawberry witches’ broom mycoplasm;

(i)	il-virus Tomato black ring;

(j)	il-virus Tomato ringspot;

(k)	Colletotrichum acutatum Simmonds;

(l)	Phytophthora fragariae Hickman var fragariae Wilcox & Duncan;

(m)	Xanthomonas fragariae Kennedy & King.

3.2

Fil-każ ta’ Malus Mill:

(i)

meta l-materjal tal-pjanti joriġina minn pajjiż li ma jkunx magħruf bħala ħieles minn xi wieħed mill-organiżmi ta’ ħsara li ġejjin:

(a)	Apple proliferation mycoplasm; jew

(b)	il-virus Cherry rasp leaf (Amerikan),

it-testijiet għandhom isiru b’metodi xierqa ta’ laboratorju u, skond il-każ, bi pjanti indikaturi għal tfittxija għall-inqas għall-organiżmi rilevanti ta’ ħsara, u

(ii)

irrispettivament mill-pajjiż ta’ oriġini tal-materjal tal-pjanti, it-testijiet għandhom isiru b’metodi xierqa ta’ laboratorju u, skond il-każ, bi pjanti indikaturi biex issir tfittxija għall-inqas għall-organiżmi ta’ ħsara li ġejjin:

(a)	il-virus Tobacco ringspot;

(b)	il-virus Tomato ringspot;

(ċ)	Erwinia amylovora (Burr.) Winsl. et al.

3.3

Fil-każ ta’ Prunus L., skond kif jixraq għal kull speċi ta’ Prunus:

(i)

meta l-materjal tal-pjanti joriġina minn pajjiż li ma jkunx magħruf li huwa ħieles minn xi wieħed mill-organiżmi ta’ ħsara li ġejjin:

(a)	Apricot chlorotic leafroll mycoplasm;

(b)	il-virus Cherry rasp leaf (Amerikan); jew

(ċ)	Pseudomonas syringae pv. persicae (Prunier et al.) Young et al.,

it-testijiet għandhom isiru b’metodi xierqa ta’ laboratorju u, skond il-każ, bi pjanti indikaturi għal tfittxija għall-inqas għall-organiżmi rilevanti ta’ ħsara; u

(ii)

(a)	Little cherry pathogen (iżolati mhux Ewropej);

(b)	Il-virus Peach mosaic (Amerikan);

(ċ)	Peach phony rickettsia;

(d)	Il-virus Peach rosette mosaic;

(e)	Peach rosette mycoplasm;

(f)	Peach X-disease mycoplasm;

(g)	Peach yellows mycoplasm;

(h)	Il-virus Plum line pattern (Amerikan);

(i)	Il-virus Plum pox;

(j)	Il-virus Tomato ringspot;

(k)	Xanthomonas campestris pv. pruni (Smith) Dye.

3.4

Fil-każ ta’ Cydonia Mill. u Pyrus L. irrispettivament mill-pajjiż ta’ oriġini tal-materjal tal-pjanti, testijiet permezz ta’ metodi xierqa ta’ laboratorju, u, fejn jixraq, bi pjanti indikaturi għal tfittxija għall-inqas għall-organiżmi ta’ ħsara li ġejjin:

(a)	Erwinia amylovora (Burr.) Winsl. et al.;

(b)	Pear decline mycoplasm.

Sezzjoni III: Pjanti ta’ Vitis L., minbarra frott

Il-materjal tal-pjanti għandu jkun soġġett, skond il-każ, għal proċeduri xierqa ta’ terapija kif indikat fil-Linji Gwida Tekniċi ta’ l-FAO/IPGRI.

Il-materjal tal-pjanti, wara l-proċeduri ta’ terapija li jkunu saru skond il-punt 1, għandu jkun soġġett kollu kemm hu għal proċeduri ta’ indiċjar. Il-materjal kollu tal-pjanti, inklużi pjanti ta’ l-indiċjar, għandu jinżamm fil-faċilitajiet approvati fil-kondizzjonijiet ta’ żamma fi kwarantina msemmija fl-Anness I. Materjal tal-pjanti maħsub biex ikun approvat għal rilaxx uffiċjali għandu jinżamm f’kondizzjonijiet li jwasslu għal ċiklu normali ta’ tkabbir veġetali u jkun soġġett għal spezzjoni viżwali għal sinjali u sintomi ta’ organiżmi ta’ ħsara, inklużi dawk ta’ Daktulosphaira vitifoliae (Fitch) u ta’ l-organiżmi kollha ta’ ħsara rilevanti elenkati fid-Direttiva 2000/29/KE, mal-wasla u wara, f’ħinijiet xierqa, matul il-perjodu tal-proċeduri ta’ indiċjar.

Għall-finijiet ta’ punt 2, il-materjal tal-pjanti għandu jiġi indiċjat għal organiżmi ta’ ħsara (ittestjat u identifikat) skond il-proċeduri li ġejjin:

3.1

Meta l-materjal tal-pjanti joriġina minn pajjiż li ma jkunx magħruf bħala ħieles minn xi wieħed mill-organiżmi ta’ ħsara li ġejjin:

(i)	il-marda Ajinashika It-testijiet għandhom isiru b’metodu xieraq ta’ laboratorju. Fil-każ ta’ riżultat negattiv, il-materjal tal-pjanti għandu jkun indiċjat fuq il-varjetà tad-dielja Koshu u miżmum għal osservazzjoni għal mill-inqas żewġ ċikli ta’ veġetazzjoni.

(ii)	Il-virus Grapevine stunt It-testijiet għandhom jużaw pjanti indikaturi xierqa, inkluża l-varjetà tad-dielja Campbell Early, u l-osservazzjoni għandha ssir matul sena waħda.

(iii)

Summer mottle

It-testijiet għandhom isiru bi pjanti indikaturi xierqa inklużi l-varjetajiet tad-dielja Sideritis, Cabernet-Franc u Mission.

3.2

Irrispettivament mill-pajjiż ta’ oriġini tal-materjal tal-pjanti, it-testijiet għandhom isiru b’metodi xierqa ta’ laboratorju u, skond il-każ, bi pjanti indikaturi biex issir tfittxija għall-inqas għall-organiżmi ta’ ħsara li ġejjin:

(a)	il-virus Blueberry leaf mottle;

(b)	Grapevine Flavescence dorée MLO u grapevine yellows oħra;

(ċ)	il-virus Peach rosette mosaic;

(d)	il-virus Tobcco ringspot;

(e)	il-virus Tomato ringspot (razza “yellow vein” u razez oħra);

(f)	Xylella fastidiosa (Well & Raju);

(g)	Xylophilus ampelinus (Panagopoulos) Willems et al.

Il-materjal tal-pjanti soġġett għall-ispezzjonijiet viżwali msemmija fil-punt 2 u li fuqhom kienu ġew osservati sinjali u sintomi ta’ organiżmi ta’ ħsara għandhom ikunu soġġetti għal investigazzjoni inklużi testijiet fejn meħtieġ, sabiex tkun stabbilita, sa fejn jista’ jkun, l-identità ta’ l-organiżmi ta’ ħsara li jkunu l-kawża tas-sinjali u s-sintomi.

Sezzjoni IV: Pjanti ta’ l-ispeċji Solanum L. li jiffurmaw stolon jew tuberi, jew l-ibridi tagħhom, maħsuba biex jiġu mħawwla

Il-materjal tal-pjanti għandu jiġi soġġett, skond il-każ, għal proċeduri ta’ terapija stabbiliti Fil-Linji Gwida Tekniċi ta’ l-FAO/IPGRI.

Kull unità tal-materjal tal-pjanta, wara l-proċeduri ta’ terapija mwettqa skond il-punt 1, għandha tkun soġġetta għal proċeduri ta’ indiċjar. Kull materjal tal-pjanti, inklużi pjanti ta’ indiċjar, għandu jinżamm fil-faċilitajiet approvati fil-kundizzjonijiet ta’ żamma fi kwarantina stipulati fl-Anness I. Materjal tal-pjanti maħsub biex ikun approvat għal rilaxx uffiċjali għandu jinżamm f’ kundizzjonijiet li jwasslu għal ċiklu normali ta’ tkabbir veġetali u għandu jkun soġġett għal spezzjoni viżwali għal sinjali u sintomi ta’ organiżmi ta’ ħsara, inklużi l-organiżmi kollha ta’ ħsara rilevanti u li huma elenkati fid-Direttiva 2000/29/KE u l-marda tal-potato yellow vein, mal-wasla u wara, f’intervalli regolari sax-xjuħija tagħhom, waqt il-perjodu tal-proċeduri ta’ indiċjar.

Il-proċeduri ta’ indiċjar imsemmija fil-punt 2 għandhom isegwu d-dispożizzjonijiet tekniċi stipulati fil-punt 5, sabiex jinstabu ta’ mill-inqas l-organiżmi ta’ ħsara li ġejjin:

—

Batterji

(a)	Clavibacter michiganensis (Smith) Davis et al ssp. sepedonicus (Spieckermann et Kotthoff) Davis et al;

(b)	Ralstonia solanacearum (Smith) Yabuuchi et al.

—

Virus u organiżmi bħal virus

(a)	Virus moħbi tal-patata Andeana;

(b)	Virus Potato black ringspot;

(ċ)	Virojd tar-rukkell tat-tuberu tal-patata;

(d)	Alfamovirus li jikkawża sfurija fil-patata;

(e)	Virus tal-patata T;

(f)	Virus li joħloq tbajja fil-patata Andeana;

(g)	Virus komuni tal-patata A, M, S, V, X u Y (inklużi Yo, Yn u Yc) u virus tal-werqa tal-patata.

Madanakollu, fil-kas taż-żerriegħa vera tal-patata, il-proċeduri ta’ indiċjar għandhom isiru sabiex jinstabu ta’ mill-inqas il-virus u l-organiżmi bħal virus elenkati hawn fuq f’(a) sa (e).

Il-materjal tal-pjanti soġġett għall-ispezzjonijiet viżwali msemmija fil-punt 2 u li fuqu jkun ġew osservati sinjali u sintomi ta’ organiżmi ta’ ħsara, għandu jiġi soġġett għal investigazzjoni li tinkludi testijiet meta meħtieġa, sabiex jiġi stabbilit sa fejn dan hu possibbli, l-identità ta’ l-organiżmi ta’ ħsara li jkunu qegħdin jikkawżaw is-sinjali u s-sintomi.

Id-dispożizzjonijiet tekniċi msemmija fil-punt 3 għandhom ikunu kif ġej:

—

Batterji

1.	Għal tuberi, ittestja in-naħa ta’ l-għarqub ta’ kull tuberu. Id-daqs standard ta’ kull kampjun għandu jkun 200 tuberu. Madanakollu, il-proċedura tista’ tiġi applikata għal kampjuni b’inqas minn 200 tuberi.

2.	Għal pjanti żgħar u tirqid, inklużi mikropjanti, ittestja s-sezzjonijiet ta’ isfel taz-zokk u, fejn xieraq, l-egħruq, għal kull unità tal-materjal tal-pjanta.

3.	Fir-rigward ta’ l-ittestjar ta’ tuberi ta’ proġenija, jew tal-bażi taz-zokk għal speċji li ma jiffurmawx tuberi, huwa rakkomandat ċiklu normali wieħed ta’ tkabbir veġetali wara l-ittestjar imsemmi fil-punti 1 u 2.

Fir-rigward tal-materjal imsemmi fil-punt 1, il-metodu ta’ l-ittestjar għal Clavibacter michiganensis (Smith) Davis et al ssp. sepedonicus (Spieckermann et Kotthoff) Davis et al għandu jkun il-metodu Komunitarju stipulat fl-Anness I tad-Direttiva tal-Kunsill 93/85/KEE (1). Għall-materjal imsemmi fil-punt 2, dan il-metodu ta’ testijiet jista’ jiġi applikat.

5.	Għall-materjal imsemmi fil-punt 1, il-metodu ta’ testijiet għal Ralstonia solanacearum (Smith) Yabuuchi et al. għandha tkun l-iskema ta’ test stipulata fl-Anness II tad- Direttiva tal-Kunsill 98/57/KE (2). Għall-materjal imsemmi fil-punt 2, dan il-metodu ta’ testijiet jista’ jiġi applikat.

—

Virus u organiżmi bħal virus, apparti mill-virojd tar-rukkell tat-tuberu tal-patata

L-ittestjar minimu għal materjal veġetali (tuberi, pjanti żgħar u tirqid, inklużi mikropjanti) għandu jinkludi test seroloġiku magħmul waqt jew qrib il perjodu tal-fjuri għal kull waħda mill-listi speċifikati ta’ organiżmi ta’ ħsara apparti mill-virojd tar-rukkell tat-tuberi tal-patata, u segwit minn test bioloġiku ta’ materjal li jittestja negattiv fit-test seroloġiku. Għall-virus tal-werqa tal-patata, iridu jsiru żewġ testijiet seroloġiċi.

L-ittestjar minimu għal żerriegħa ta’ veru għandu jkun test seroloġiku jew test bioloġiku jekk ebda test seroloġiku ma jkun disponibbli. Huwa rakkomandat ħafna li proporzjoni tal-kampjuni negattivi jerġgħu jiġu eżaminati u li risultati li jkunu joqorbu ħafna lejn il-limitu jiġu ittestjati permezz ta’ metodu ieħor.

It-testijiet seroloġiċi u bioloġiċi msemmija fil-punti 1 u 2 għandhom isiru fuq pjanti mrobbija fis-serrer, li minnhom jittieħdu kampjuni minn ta’ mill-inqas żewġ pożizzjonijiet fuq kull zokk, inkluża werqa żgħira ġdida li tkun infetħet għal kollox mill-quċċata ta’ kull zokk u werqa żgħira iktar xiħa minn x’imkien fin-nofs; għandhom jittieħdu kampjuni minn kull zokk minħabba l-possibiltà ta’ infezzjoni mhux sistematika. Fil-każ ta’ testijiet seroloġiċi, ma jistgħax isir bulking ta’ weraq żgħar minn pjanti separati, ħlief jekk ir-rata tal-bulking tkun ġiet validata għall-metodu ta’ użu; madanakollu, jistgħu jiġu ibbalkjati weraq żgħar minn kull zokk sabiex isir kampjun minn kull pjanta. Fil-każ ta’ testijiet bioloġiċi, il-bulking massimu huwa sa ħames pjanti b’tlaqqim ta’ minimu ta’ pjanti indikaturi duplikati.

4.	Il-pjanti indikaturi xierqa li jridu jintużaw għat-testijiet bioloġiċi msemmija fil-punti 1 u 2 għandhom ikunu dawk elenkati mill-Organizzazzjoni għall-Ħarsien tal-Pjanti Ewropea u Mediterranja (EPPO), jew pjanti indikaturi oħrajn uffiċjalment approvati, li ġew pruvati li juru l-virus.

5.	Materjal li jkun ġie ittestjat direttament biss għandu jinħeles mill-kwarantina. Meta jkun sar indiċjar ta’ l-għajnejn, l-proġenija ta’ l-għajn ittestjata biss tista’ tinħeles. It-tuberu m’għandux jinħeles minħabba problemi possibbli ta’ infezzjoni mhux sistematika.

—

Virojd tar-rukkell tat-tuberu tal-patata

1.	Fir-rigward tal-materjal kollu, pjanti mkabbra fis-serrer għandhom jiġu ittestjati, malli jkunu stabbiliti sew imma qabel ma jagħmlu l-fjuri u l-polline. Testijiet fuq tuberi li jkunu nibtu/pjanti in vitro/żerriegħa żgħar għandu jitqies biss bħala test preliminari.

2.	Għandhom jittieħdu kampjuni minn werqa żgħira li tkun fetħet għal kollox fil-quċċata ta’ kull zokk tal-pjanta.

3.	Il-materjal kollu għall-ittestjar għandu jiġi mkabbar f’temperaturi ta’ mhux inqas minn 18 °C (preferibbilment f’temperaturi iktar għoljin minn 20 °C) u b’ mill-inqas perjodu ta’ ritratti ta’ 16-il siegħa.

4.	It-tesijiet għandhom isiru permezz ta’ sondi ittikkettjati cDNA jew RNA radjuattivi jew mhux radjuattivi, return – PAGE (b’kisja tal-fidda) jew RT - PCR.

5.	Ir-rata massima ta’ bulking għal sondi u return – PAGE hija 5. L- użu ta’ din ir-rata ta’ bulking jew ta’ rati ogħla jrid jiġi validat.

PARTI B

Għal pjanti, prodotti mill-pjanti u oġġetti oħra elenkati fl-Annessi II u IV tad-Direttiva 2000/29/KE

Il-miżuri uffiċjali ta’ kwarantina għandhom jinkludu spezzjoni xierqa jew testijiet għall-organiżmi ta’ ħsara rilevanti elenkati fl-Annessi I u II tad-Direttiva 2000/29/KE u għandhom isiru skond il-ħtiġijiet speċjali stabbiliti fl-Anness IV tad-Direttiva 2000/29/KE għal organiżmi speċifiċi ta’ ħsara, skond il-każ. Dwar dawn il-ħtiġijiet speċjali l-metodi wżati għall-miżuri ta’ kwarantina għandhom ikunu dawk stabbiliti fl-Anness IV tad-Direttiva 2000/29/KE jew miżuri oħra ekwivalenti u uffiċjalment approvati.

Il-pjanti, prodotti mill-pjanti u oġġetti oħra jridu jinstabu ħielsa, skond id-dispożizzjonijiet tal-punt 1, mill-organiżmi ta’ ħsara rilevanti msemmija fl-Annessi I, II u IV tad-Direttiva 2000/29/KE għal dawk il-pjanti, prodotti mill-pjanti u oġġetti oħra.

(1) ĠU L 259, 18.10.1993, p. 1. Id-Direttiva kif emendata bid-Direttiva tal-Kummissjoni 2006/56/KE (ĠU L 182, 4.7.2006, p. 1).

(2) ĠU L 235, 21.8.1998, p. 1. Id-Direttiva kif emendata bid-Direttiva tal-Kummissjoni 2006/63/KE (ĠU L 206, 27.7.2006, p. 36).

Direttiva tal-Kummissjoni 95/44/KE	(ĠU L 184, 3.8.1995, p. 34)
Direttiva tal-Kummissjoni 97/46/KE	(ĠU L 204, 31.7.1997, p. 43)

Direttiva	Limitu ta’ żmien għat-traspożizzjoni
95/44/KE	1 ta’ Frar 1996
97/46/KE	1 ta’ Jannar 1998

Direttiva 95/44/KE	Din id-Direttiva
Artikolu 1(1)	Artikolu 1(1)
Artikolu 1(2), sentenza tal-bidu	Artikolu 1(2), sentenza tal-bidu
Artikolu 1(2), l-ewwel inċiż	Artikolu 1(2)(a)
Artikolu 1(2), it-tieni inċiż	Artikolu 1(2)(b)
Artikolu 1(2), it-tielet inċiż	Artikolu 1(2)(ċ)
Artikolu 1(2), ir-raba’ inċiż	Artikolu 1(2)(d)
Artikolu 1(2), il-ħames inċiż	Artikolu 1(2)(e)
Artikolu 1(2), is-sitt inċiż	Artikolu 1(2)(f)
Artikolu 1(2), is-seba’ inċiż	Artikolu 1(2)(g)
Artikolu 1(2), it-tmien inċiż	Artikolu 1(2)(h)
Artikolu 1(2), id-disa’ inċiż	Artikolu 1(2)(i)
Artikolu 1(2), l-għaxar inċiż	Artikolu 1(2)(j)
Artikoli 2 u 3	Artikoli 2 u 3
Artikolu 4(1)	—
Artikolu 4(2)	Artikolu 4
—	Artikolu 5
Artikolu 5	Artikolu 6
Artikolu 6	Artikolu 7
Annessi I, II u III	Annessi I, II u III
—	Anness IV
—	Anness V