26.9.2008 |
MT |
Il-Ġurnal Uffiċjali ta’ l-Unjoni Ewropea |
L 258/72 |
DEĊIŻJONI TAL-KUMMISSJONI
ta’ l-24 ta’ Settembru 2008
li temenda d-Deċiżjoni 2005/176/KE li twaqqaf l-għamla kkodifikata u l-kodiċi għan-notifika tal-mard tal-annimali skont id-Direttiva tal-Kunsill 82/894/KEE
(notifikata taħt id-dokument numru C(2008) 5175)
(Test b’relevanza għaż-ŻEE)
(2008/755/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 82/894/KEE tal-21 ta’ Diċembru 1982 dwar in-notifika ta’ mard tal-annimali fil-Komunità (1) u b’mod partikolari l-Artikolu 5(1) tagħha,
Billi:
(1) |
Id-Direttiva 82/894/KEE tikkonċerna notifiki ta’ tifqigħat ta’ mard tal-annimali elenkati fl-Anness I tagħha. |
(2) |
Id-Deċiżjoni tal-Kummissjoni 2005/176/KE (2) tistipula l-għamla kkodifikata u l-kodiċi għan-notifika ta’ mard tal-annimali skont id-Direttiva 82/894/KEE. L-Anness V ta’ dik id-Deċiżjoni jelenka l-kodiċijiet għall-mard, filwaqt li l-Annessi X/01, X/03, X/09, X/11, X/12 u X/16 jelenkaw il-kodiċijiet għar-reġjuni veterinarji fil-Ġermanja, l-Italja, id-Danimarka, Spanja, il-Portugall u l-Iżvezja rispettivament. |
(3) |
Il-lista fl-Anness I tad-Direttiva 82/894/KEE, kif emendata mid-Deċiżjoni tal-Kummissjoni 2008/650/KE (3), ġiet aġġornata reċentement biex ċerti mard li jaffettwaw il-ħut elenkati fil-Parti II tal-Anness IV tad-Direttiva tal-Kunsill 2006/88/KE (4) ġew inklużi f’dik il-lista u l-marda Teschen (enċefalomjelite enterovirali porċina), li m’għadhiex marda notifikabbli b’mod obbligatorju skont id-Direttiva tal-Kunsill 92/119/KEE (5) tħassret minn dik il-lista. |
(4) |
Sabiex ikun possibbli li ssir distinzjoni bejn in-notifiki ta’ tifqigħat ta’ deni Afrikan tal-ħnieżer fil-ħnieżer slavaġ u ta’ tifqigħat ta’ dik il-marda fi ħnieżer domestiċi, għandhom jingħataw kodiċijiet differenti għan-notifika ta’ dawk iż-żewġ tipi ta’ tifqigħat. |
(5) |
Għalhekk hemm bżonn li tiġi emendata l-lista ta’ kodiċijiet tal-mard stipulati fl-Anness V tad-Deċiżjoni 2005/176/KE. |
(6) |
Il-Ġermanja, l-Italja, id-Danimarka, Spanja, il-Portugall u l-Iżvezja aġġustaw l-ismijiet u l-fruntieri tar-reġjuni veterinarji tagħhom. L-aġġustament ta’ dawk ir-reġjuni jaffettwa s-Sistema ta’ Notifika tal-Mard tal-Annimali. Ir-reġjuni l-ġodda għandhom għalhekk jissostitwixxu dawk elenkati bħalissa f’dik is-sistema. Għalhekk huwa xieraq li jiġu emendati l-Annessi X/01, X/03, X/09, X/11, X/12 u X/16 tad-Deċiżjoni 2005/176/KE skont dan. |
(7) |
Id-Deċiżjoni 2005/176/KE għandha għalhekk tiġi emendata skont dan. |
(8) |
Sabiex titħares il-kunfidenzjalità tat-tagħrif li jintbagħat, l-Annessi ta’ din id-Deċiżjoni ma għandhomx ikunu ppubblikati fil-Ġurnal Uffiċjali tal-Unjoni Ewropea. |
(9) |
Il-miżuri stipulati f’din id-Deċiżjoni huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Id-Deċiżjoni 2005/176/KE hija emendata kif ġej:
(1) |
L-Anness V qed jinbidel bit-test li hemm fl-Anness I ta’ din id-Deċiżjoni. |
(2) |
L-Anness X/01 qed jinbidel bit-test li hemm fl-Anness II ta’ din id-Deċiżjoni. |
(3) |
L-Anness X/03 qed jinbidel bit-test li hemm fl-Anness III ta’ din id-Deċiżjoni. |
(4) |
L-Anness X/09 qed jinbidel bit-test li hemm fl-Anness IV ta’ din id-Deċiżjoni. |
(5) |
L-Anness X/11 qed jinbidel bit-test li hemm fl-Anness V ta’ din id-Deċiżjoni. |
(6) |
L-Anness X/12 qed jinbidel bit-test li hemm fl-Anness VI ta’ din id-Deċiżjoni. |
(7) |
L-Anness X/16 qed jinbidel bit-test li hemm fl-Anness VII ta’ din id-Deċiżjoni. |
Artikolu 2
Din id-Deċiżjoni hija indirizzata lill-Istati Membri.
Magħmula fi Brussell, 24 ta’ Settembru 2008.
Għall-Kummissjoni
Androulla VASSILIOU
Membru tal-Kummissjoni
(1) ĠU L 378, 31.12.1982, p. 58.
(3) ĠU L 213, 8.8.2008, p. 42.
(4) ĠU L 328, 24.11.2006, p. 14.
(5) ĠU L 62, 15.3.1993, p. 69.