|
15.8.2008 |
MT |
Il-Ġurnal Uffiċjali ta’ l-Unjoni Ewropea |
L 220/29 |
DEĊIŻJONI TAL-KUMMISSJONI
tat-13 ta’ Awwissu 2008
li temenda d-Deċiżjoni 2005/928/KE dwar l-armonizzazzjoni tal-medda ta’ frekwenzi bejn il-169,4 u l-169,8125 MHz fil-Komunità
(notifikata taħt id-dokument numru C(2008) 4311)
(Test b’relevanza għaż-ŻEE)
(2008/673/KE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni Nru 676/2002/KE tal-Parlament Ewropew u tal-Kunsill tas-7 ta’ Marzu 2002 dwar qafas regolatorju għall-politika dwar l-ispettru tar-radju fil-Komunità Ewropea (Deċiżjoni dwar l-Ispettri tar-Radju) (1), u b'mod partikolari l-Artikolu 4(3) tagħha,
Billi:
|
(1) |
Id-Deċiżjoni tal-Kummissjoni 2005/928/KE (2) tarmonizza l-medda ta’ frekwenzi bejn il-169,4 u l-169,8125 MHz fil-Komunità. |
|
(2) |
Il-pjan tal-frekwenzi inkluż fl-Anness għad-Deċiżjoni 2005/928/KE jiddeskrivi ċ-“channel raster” li l-applikazzjonijiet differenti li joperaw fl-ambitu tal-kundizzjonijiet stabbiliti f'din id-Deċiżjoni għandhom iżommu miegħu. “Channel raster” bħal dan għandu l-għan li jagħmel possibbli l-kompatibbiltà u li jiffaċilita l-koeżistenza ta’ l-applikazzjonijiet permessi f'dawn il-meded. |
|
(3) |
Il-pjan tal-frekwenzi jimponi “channel raster” ta’ 12,5 kHz fil-medda bejn il-169,4000 u l-169,4750 MHz u “channel raster” ta’ 50 kHz fil-medda bejn il-169,4875 u l-169,5875 MHz. |
|
(4) |
Wara l-adozzjoni tad-Deċiżjoni 2005/928/KE, investigazzjonijiet ulterjuri dwar il-parametri definiti f'din id-Deċiżjoni sabu li l-arranġamenti tar-“channel raster” fil-meded 169,4000–169,4750 MHz u 169,4875–169,5875 MHz jitqiesu restrittivi aktar milli meħtieġ meta jitqies l-iżvilupp teknoloġiku. Il-konċessjoni ta’ diversi għażliet taċ-“channel raster” iżżid il-flessibbiltà ta’ l-utenti li jagħżlu l-aħjar wesgħa tal-medda sa 50 kHz skond ir-rekwiżiti tal-kwalità ta’ l-applikazzjoni speċifika. |
|
(5) |
Il-Konferenza Ewropea ta’ l-Amministrazzjonijiet tal-Posta u t-Telekomunikazzjoni (CEPT) ikkonfermat li ż-żieda ta’ l-għażla taċ-“channel raster” f'dawn il-meded tista' u għandha tkun permessa. |
|
(6) |
Id-Deċiżjoni 2005/928/KE għandha għalhekk tiġi emendata skond dan. Billi temenda din id-Deċiżjoni kanali sa 50 kHz ser ikunu possibbli fil-meded 169,4000–169,4750 MHz u 169,4875–169,5875 MHz. |
|
(7) |
Il-miżuri stipulati f'din id-Deċiżjoni huma skond l-opinjoni tal-Kumitat dwar l-Ispettru tar-Radju, |
ADOTTAT DIN ID-DEĊIŻJONI:
Artikolu 1
Id-Deċiżjoni 2005/928/KE hi emendata kif ġej:
|
(1) |
Fir-raba' ringiela tal-pjan tal-frekwenzi fl-Anness, in-numru “12,5” taċ-“channel raster” (f’kHz) għall-kanali 1a, 1b, 2a, 2b, 3a u 3b huwa mibdul bi “sa 50 kHz”. |
|
(2) |
Fir-raba' ringiela tal-pjan tal-frekwenzi fl-Anness, in-numru “50” taċ-“channel raster” (f’kHz) għall-kanali 4b+5+6a u 6b+7+8a huwa mibdul bi “sa 50 kHz”. |
Artikolu 2
L-Artikolu 1 għandu japplika mill-31 ta’ Ottubru 2008.
Artikolu 3
Din id-Deċiżjoni hija indirizzata lill-Istati Membri.
Magħmula fi Brussell, 13 ta’ Awwissu 2008.
Għall-Kummissjoni
Viviane REDING
Membru tal-Kummissjoni
(1) ĠU L 108, 24.4.2002, p. 1.
(2) ĠU L 344, 27.12.2005, p. 47.