12.4.2008 |
MT |
Il-Ġurnal Uffiċjali ta’ l-Unjoni Ewropea |
L 102/25 |
DEĊIŻJONI TAL-KUNSILL 2008/298/PESK
tas-7 ta’ April 2008
li temenda d-Deċiżjoni 2001/80/PESK dwar l-istabbiliment tal-Persunal Militari ta’ l-Unjoni Ewropea
IL-KUNSILL TA’ L-UNJONI EWROPEA,
Wara li kkunsidra t-Trattat dwar l-Unjoni Ewropea, b’mod partikolari l-Artikolu 28(1) tiegħu,
Wara li kkunsidra t-Trattat li jistabbilixxi l-Komunità Ewropea, b’mod partikolari l-Artikolu 207(2) tiegħu,
Billi:
(1) |
“Fit-22 ta’ Jannar 2001, il-Kunsill adotta d-Deċiżjoni 2001/80/PESK (1) (‘UMS’), it-termini ta’ referenza ta’ liema kienu stabbiliti fl-Anness tagħha.” |
(2) |
Fid-19 ta’ Novembru 2007 l-Kunsill approva sett ta’ erba’ miżuri biex titjieb il-kapaċità ta’ l-EUMS biex iwettaq ippjanar militari bikri fil-livell strateġiku għal operazzjonijiet immexxija mill-UE. |
(3) |
It-termini ta’ referenza ta’ l-EUMS għandhom jiġu emendati biex jiġu implimentati dawn il-miżuri, sakemm issir reviżjoni komprensiva tat-termini ta’ referenza wara evalwazzjoni ta’ l-implimentazzjoni ta’ dawn il-miżuri. |
(4) |
Barra minn hekk, it-termini ta’ referenza ta’ l-EUMS għandhom jirriflettu l-bidliet li ġew introdotti fl-istrutturi u l-proċeduri tal-Kunsill ta’ maniġġar ta’ kriżijiet minn meta t-termini ta’ referenza ġew emendati l-aħħar. |
(5) |
Id-Deċiżjoni tal-Kunsill 2001/80/KE għandha tiġi emendata wkoll biex tieħu kont ta’ l-adozzjoni tad-Deċiżjoni tal-Kunsill 2007/829/KE tal-5 ta’ Diċembru 2007 dwar ir-regoli applikabbli għall-esperti nazzjonali u għall-persunal militari ssekondati mas-Segretarjat Ġenerali tal-Kunsill (2), |
IDDEĊIEDA KIF ĠEJ:
Artikolu 1
Id-Deċiżjoni 2001/80/PESK hija b'dan emendata kif ġej:
(1) |
L-Artikolu 4 għandu jiġi sostitwit b'dan li ġej: “Artikolu 4 Il-membri tal-Persunal Militari ta’ l-Unjoni Ewropea għandhom ikunu soġġetti għal regoli stabbiliti fid-Deċiżjoni tal-Kunsill 2007/829/KE tal-5 ta’ Diċembru 2007 dwar ir-regoli applikabbli għall-esperti nazzjonali u għall-persunal militari ssekondati mas-Segretarjat Ġenerali tal-Kunsill (*). |
(2) |
L-Anness għandu jiġi sostitwit mill-Anness għal din id-Deċiżjoni. |
Artikolu 2
Din id-Deċiżjoni għandha tiedħal fis-seħħ mid-data ta’ l-adozzjoni tagħha.
Artikolu 3
Din id-Deċiżjoni għandha tiġi ppubblikata fil-Ġurnal Uffiċjali ta’ l-Unjoni Ewropea.
Magħmul fil-Lussemburgu, 7 ta’ April 2008.
Għall-Kunsill
Il-President
R. ŽERJAV
(1) ĠU L 27, 30.1.2001, p. 7. Id-Deċiżjoni kif emendata bid-Deċiżjoni 2005/395/PESK (ĠU L 132, 26.5.2005, p. 17).
(2) ĠU L 327, 13.12.2007, p. 10.
ANNESS
TERMINI ta’ REFERENZA U ORGANIZZAZZJONI TAL-PERSUNAL MILITARI ta’ L-UNJONI EWROPEA (EUMS) (*)
1. Introduzzjoni
F'Ħelsinki, l-Istati Membri ta’ l-UE ddeċidew li jistabbilixxu fi ħdan il-Kunsill, korpi militari u politiċi ġodda u permanenti, li jippermettu lill-UE tassumi r-responsabbiltajiet tagħha għall-medda sħiħa ta’ prevenzjoni ta’ konflitti u kompiti ta’ maniġġar ta’ kriżijiet kif definiti fit-TUE. Kif previst fir-rapport ta’ Ħelsinki, l-EUMS, “fl-istrutturi tal-Kunsill jipprovdi kompetenza militari u appoġġ lis-CESDP, inkluża t-tmexxija ta’ operazzjonijiet militari ta’ maniġġar ta’ kriżijiet immexxija mill-UE”.
Waqt il-laqgħa tiegħu tat-12 u t-13 ta’ Diċembru 2003, il-Kunsill Ewropew laqa' d-dokument intitolat “Difiża Ewropea, konsultazzjoni, ippjanar u operazzjonijiet NATO/UE”. Fis-16 u s-17 ta’ Diċembru 2004 l-Kunsill Ewropew approva l-proposti dettaljati għall-implimentazzjoni ta’ dan id-dokument.
Fid-19 ta’ Novembru 2007 l-Kunsill laqa' r-rapport mis-Segretarju-Ġenerali/Rappreżentant Għoli (“SĠ/RGħ”) dwar il-kapaċità tal-Persunal Militari ta’ l-UE li jwettaq ippjanar bikri fil-livell strateġiku għal operazzjonijiet immexxijin mill-UE, kif mitlub mill-Kunsill f'Mejju 2007, u approva r-rakkomandazzjonijiet għall-implimentazzjoni, bħala pakkett, ta’ l-erba' miżuri, flimkien ma’ l-azzjonijiet identifikati fil-konsulenza militari.
Il-Mandat ta’ l-EUMS huwa definit kif ġej:
2. Missjoni
Il-Persunal Militari għandu jipprovdi twissija bikrija, valutazzjoni tas-sitwazzjoni u ppjanar strateġiku għall-missjonijiet u l-kompiti msemmija fl-Artikolu 17(2) tat-TUE, inklużi dawk identifikati fl-Istrateġija Ewropea ta’ Sigurtà.
Din tinkludi wkoll l-identifikazzjoni tal-forzi nazzjonali u multinazzjonali Ewropej u l-implimentazzjoni ta’ linji ta’ politika u d-deċiżjonijiet kif diretti mill-EUMC.
3. Rwol
— |
Hu l-fonti tal-kompetenza militari ta’ l-UE. |
— |
Jiżgura l-konnessjoni bejn l-EUMC min-naħa l-waħda u r-riżorsi militari disponibbli għall-UE min-naħa l-oħra, u jipprovdi kompetenza militari lill-korpi ta’ l-UE kif dirett mill-EUMC. |
— |
Iwettaq tliet funzjonijiet operattivi priċipali: twissija bikrija, valutazzjoni tas-sitwazzjoni u ppjanar strateġiku. |
— |
Iwettaq ippjanar bikri f'dettall suffiċjenti, inter alia, biex jippermetti lill-Istati Membri jivvalutaw il-kontributi ta’ forza potenzjali tagħhom u biex l-EUMS jipprovdi l-kompetenza adegwata tul il-proċess ta’ tfassil tad-deċiżjonijiet. |
— |
Jipprovdi kapaċità ta’ twissija bikrija. Jippjana, jivvaluta u jagħmel rakkomandazzjonijiet fir-rigward tal-kunċett tal-maniġġar ta’ kriżijiet u l-istrateġija militari ġenerali u jimplimenta d-deċiżjonijiet u l-gwida ta’ l-EUMC. |
— |
Jappoġġa lill-EUMC fir-rigward tal-valutazzjoni tas-sitwazzjoni u l-aspetti militari ta’ l-ippjanar strateġiku (1), fuq il-medda kollha ta’ missjonijiet u kompiti previsti fl-Artikolu 17(2) tat-TUE, inklużi dawk identifikati fl-Istrateġija Ewropea ta’ Sigurtà, għall-każijiet kollha ta’ operazzjonijiet immexxija mill-UE, kemm jekk l-UE tieħu mill-assi u l-kapaċitajiet tan-NATO kif ukoll jekk le. |
— |
Jappoġġa (fuq talba tal-SĠ/RGħ jew tal-KPS) lil missjonijiet temporanji għal pajjiżi terzi jew organizzazzjonijiet internazzjonali, sabiex jipprovdi, kif meħtieġ, konsulenza u assistenza dwar aspetti militari tal-prevenzjoni ta’ konflitti, maniġġar ta’ kriżijiet u stabbilizzazzjoni wara l-konflitt. |
— |
Jikkontribwixxi għall-proċess ta’ elaborazzjoni, valutazzjoni u reviżjoni tal-miri ta’ kapaċità, b'kont meħud tal-ħtieġa, għal dawk l-Istati Membri kkonċernati, biex tiġi żgurata koerenza mad-DPP tan-NATO u l-PARP tal-PfP skond proċeduri miftiehma. |
— |
Jaħdem f'koordinazzjoni mill-qrib ma’ l-Aġenzija tad-Difiża Ewropea. |
— |
Ikun responsabbli għall-monitoraġġ, valutazzjoni u rakkomandazzjonijiet dwar it-taħriġ, l-eżerċizzji u l-interoperabbiltà, b'konnessjoni mal-forzi u l-kapaċitajiet li l-Istati Membri jqiegħdu għad-disponibbiltà ta’ l-UE. |
— |
Iżomm il-kapaċità biex jirrinforza l-Kwartieri Ġenerali (KĠ) nazzjonali magħżulin biex titmexxa operazzjoni awtonoma ta’ l-UE. |
— |
Ikun responsabbli li jiġġenera l-kapaċità li jippjana u jmexxi operazzjoni militari awtonoma ta’ l-UE, u jżomm il-kapaċità fi ħdan l-EUMS biex jiġi stabbilit rapidament ċentru ta’ operazzjonijiet għal operazzjoni speċifika, partikolarment fejn ikun meħtieġ rispons ċivili/militari konġunt u fejn ma jkun identifikat l-ebda KĠ nazzjonali, ladarba deċiżjoni dwar tali operazzjoni tkun ittieħdet mill-Kunsill, fuq parir ta’ l-EUMC. |
4. Kompiti
— |
Jipprovdi kompetenza militari lis-SĠ/RGħ u lill-korpi ta’ l-UE, taħt it-tmexxija ta’ l-EUMC. |
— |
Jagħmel monitoraġġ tal-kriżijiet potenzjali billi jserraħ fuq kapaċitajiet ta’ intelligence nazzjonali u multinazzjonali adegwati. |
— |
Jikkollabora maċ-Ċentru tas-Sitwazzjoni Konġunt fil-qasam ta’ l-iskambju ta’ l-informazzjoni skond l-arranġament dwar il-Kapaċità Unika ta’ Analiżi ta’ l-Intelligence. |
— |
Iwettaq l-ippjanar militar bil-quddiem fuq il-livell strateġiku. |
— |
Iwettaq ippjanar bikri f'dettall suffiċjenti, inter alia, biex jippermetti lill-Istati Membri jivvalutaw il-kontributi ta’ forza potenzjali tagħhom u biex l-EUMS jipprovdi l-kompetenza adegwata flimkien mal-proċess ta’ tfassil tad-deċiżjonijiet. |
— |
Jidentifika u jelenka l-forzi nazzjonali u multinazzjonali Ewropej għal operazzjonijiet immexxija mill-UE kkoordinati man-NATO. |
— |
Jikkontribwixxi għall-iżvilupp u t-tħejjija (inkluż taħriġ u eżerċizzji) ta’ forzi nazzjonali u multinazzjonali li l-Istati Membri jqiegħdu għad-disponibbiltà ta’ l-UE. Il-modalitajiet tar-relazzjoni man-NATO huma ddefiniti fid-dokumenti rilevanti. |
— |
Jorganizza u jikkoordina l-proċeduri ma’ KĠ nazzjonali u multinazzjonali inklużi dawk il-KĠ tan-NATO disponibbli għall-UE, biex tiġi żgurata, safejn possibbli, il-kompatibbilità mal-proċeduri tan-NATO. |
— |
Jikkontribwixxi għall-aspetti militari tad-dimensjoni tal-PESD tal-ġlieda kontra t-terroriżmu. |
— |
Jikkontribwixxi għall-iżvilupp ta’ kunċetti, duttrina, pjanijiet u proċeduri għall-użu ta’ assi u kapaċitajiet militari għal operazzjonijiet ta’ maniġġar ta’ konsegwenzi ta’ diżastri naturali jew ikkawżati mill-bniedem. |
— |
Jipprogramma, jippjana, imexxi u jivvaluta l-aspetti militari tal-proċeduri ta’ maniġġar ta’ kriżijiet ta’ l-UE, inkluż l-eżerċizzju tal-proċeduri UE/NATO. |
— |
Jipparteċipa fl-estimu finanzjarju ta’ operazzjonijiet u eżerċizzji. |
— |
Jagħmel kollegament mal-KĠ nazzjonali u l-KĠ multinazzjonali tal-forzi multinazzjonali. |
— |
Jistabbilixxi relazzjonijiet permanenti man-NATO skond l-“arranġamenti permanenti UE/NATO”. |
— |
Jospita Grupp ta’ Kollegament man-NATO fl-EUMS u jżomm Ċellola ta’ l-UE f'SHAPE skond ir-Rapport tal-Presidenza dwar il-PESD adottat mill-Kunsill fit-13 ta’ Diċembru 2004. |
— |
Jistabbilixxi relazzjonijiet adatti ma’ korrispondenti identifikati fin-NU kif ukoll organizzazzjonijiet internazzjonali oħrajn, inklużi l-OSKE u l-UA, soġġett għal qbil minn dawn l-organizzazzjonijiet. |
— |
Jikkontribwixxi għall-proċess meħtieġ ta’ analiżi mill-esperjenza miksuba. |
— |
Iwettaq ippjanar strateġiku ta’ kontinġenza fuq l-inizjattiva tal-SĠ/RGħ jew tal-KPS. |
— |
Jikkontribwixxi għall-iżvilupp ta’ korp ta’ duttrina/kunċetti, permezz ta’ l-esperjenza miksuba minn operazzjonijiet u eżerċizzji ċivili/militari. |
— |
Jipprepara kunċetti u proċeduri għaċ-Ċentru Operattiv ta’ l-UE u jiżgura d-disponibbilità u l-prontezza tal-persunal, il-faċilitajiet u t-tagħmir taċ-ċentru operattiv għal operazzjonijiet, eżerċizzji u taħriġ. |
— |
Iwettaq manutenzjoni, aġġornament u sostituzzjoni tat-tagħmir taċ-Ċentru Operattiv ta’ l-UE u jwettaq manutenzjoni ta’ l-istallazzjonijiet. |
a) Kompiti addizzjonali f'sitwazzjonijiet ta’ maniġġar ta’ kriżijiet
— |
Jitlob u jipproċessa informazzjoni speċifika mill-organizzazzjonijiet ta’ l-intelligence u informazzjoni rilevanti oħra mis-sorsi kollha disponibbli. |
— |
Jappoġġa lill-EUMC fil-kontributi tiegħu għal Gwida dwar Ippjanar Inizjali u Direttivi ta’ Ppjanar tal-KPS. |
— |
Jiżviluppa u jipprijoritizza l-għażliet strateġiċi militari bħala l-bażi għall-konsulenza militari mogħtija mill-EUMC lill-KPS permezz ta':
|
— |
Jidentifika f'koordinazzjoni ma’ persunal ta’ ppjanar nazzjonali u, skond il-ħtieġa, in-NATO, il-forzi li jistgħu jipparteċipaw f'operazzjonijiet possibbli mmexxija mill-UE. |
— |
Jassisti lill-kmandant ta’ l-operazzjoni fi skambji tekniċi ma’ pajjiżi terzi li joffru kontributi militari lil operazzjoni mmexxija mill-UE, u fit-tħejjija tal-konferenza tal-ġenerazzjoni ta’ forza. |
— |
Ikompli jagħmel monitoraġġ ta’ sitwazzjonijiet ta’ kriżi. |
— |
Fuq talba mid-DG E lid-DGEUMS, jipprovdi assistenza għall-ippjanar strateġiku politiku-militari ta’ rispons għal kriżijiet imwettaq taħt ir-responsabbiltà tad-DG E (tħejjija ta’ CMC, azzjoni konġunta…). |
— |
Fuq talba mid-DG E lid-DGEUMS, jipprovdi assistenza għall-ippjanar ta’ rispons għal kriżijiet fil-livell strateġiku (Missjonijiet ta’ Sejbien tal-Fatti, CMC) imwettaq taħt ir-responsabbiltà tad-DGE. |
— |
Jikkontribwixxi għall-ippjanar strateġiku ta’ rispons għal kriżi għal operazzjonijiet ċivili/militari konġunti permezz ta’ l-iżvilupp ta’ għażliet strateġiċi kif previsti fi proċeduri ta’ maniġġar ta’ kriżijiet. Dan l-ippjanar jaqa' taħt ir-responsabbiltà diretta tal-DGEUMS u d-DCPCC u l-awtorità ġenerali tas-SĠ/RGħ. |
— |
Fuq talba mid-DCPCC lid-DGEUMS, jipprovdi assistenza għall-ippjanar ta’ rispons għal kriżijiet fil-livell strateġiku u operattiv għal missjonijiet ċivili imwettqa taħt ir-responsabbiltà tad-DCPCC. |
b) Kompiti addizzjonali matul l-operazzjonijiet
— |
L-EUMS jipprovdi, permezz tal-“Kapaċità ta’ Għassa”, kapaċità ta’ 24 siegħa kuljum, sebat'ijiem fil-ġimgħa, ta’ monitoraġġ fuq il-missjonijiet u l-operazzjonijiet kollha tal-PESD biex jiżgura l-passaġġ ta’ informazzjoni speċifika għal operazzjoni b'mod sistematiku. |
— |
L-EUMS, li jaġixxi taħt id-direzzjoni tal-EUMC, jagħmel monitoraġġ kontinwu ta’ l-aspetti militari kollha ta’ l-operazzjonijiet. Hu jwettaq analiżi strateġika f'kollegament mal-kmandant ta’ l-operazzjoni magħżul biex jappoġġa lill-EUMC fir-rwol konsultattiv tiegħu lill-KPS responsabbli mit-tmexxija strateġika. |
— |
Fid-dawl ta’ żviluppi politiċi u operattivi, huwa jipprovdi lill-EUMC għażliet ġodda bħala bażi għall-konsulenza militari ta’ l-EUMC lill-KPS. |
— |
Jikkontribwixxi għan-nukleu ewlieni rinforzat, u għal tkabbir ulterjuri, kif meħtieġ, taċ-Ċentru Operattiv ta’ l-UE. |
— |
Jipprovdi n-nukleu ċentrali permanenti taċ-Ċentru Operattiv ta’ l-UE. |
— |
Jassisti fil-koordinazzjoni ta’ operazzjonijiet ċivili. Tali operazzjonijiet huma ppjanati u mwettqa taħt l-awtorità tad-DCPCC. Jassisti fl-ippjanar, l-appoġġ (inkluż l-użu possibbli ta’ mezzi militari) u t-twettiq ta’ operazzjonijiet ċivili (il-livell strateġiku jibqa' mad-DGE IX). |
5. Organizzazzjoni
— |
L-EUMS jaħdem taħt id-direzzjoni militari ta’ l-EUMC, li lilu jirrapporta. |
— |
Hu dipartiment tas-Segretarjat tal-Kunsill marbut direttament mas-SĠ/RGħ u jaħdem f'kooperazzjoni mill-qrib ma’ dipartimenti oħrajn tas-Segretarjat Ġenerali tal-Kunsill. |
— |
Hu mmexxi mid-DGEUMS, ġeneral bi 3-stilel. |
— |
Huwa magħmul minn persunal sekondat mill-Istati Membri li jaġixxi f'kapaċità internazzjonali, skond ir-regoli applikabbli għall-esperti nazzjonali u l-persunal militari sekondat lis-Segretarjat Ġenerali tal-Kunsill, kif ukoll minn uffiċjali mis-Segretarjat Ġenerali tal-Kunsill u l-uffiċjali ssekondati mill-Kummissjoni. Bil-għan li jitjieb il-proċess ta’ l-għażla ta’ l-EUMS, l-Istati Membri huma mħeġġa jippreżentaw iktar minn kandidat wieħed għal kull post li ssir applikazzjoni għalih. |
— |
Sabiex ikun jista’ jlaħħaq mal-firxa kollha ta’ missjonijiet u kompiti, l-EUMS hu organizzat kif stabbilit fl-Appendiċi “A”. |
— |
F'sitwazzjonijiet jew eżerċizzji ta’ maniġġar ta’ kriżijiet, l-EUMS jista’ tistabbilixxi Skwadri ta’ Ppjanar u Amministrazzjoni, li jibnu fuq il-kompetenza, il-persunal u l-infrastruttura tiegħu. Barra minn dan, huwa jista', jekk meħtieġ, jitlob permezz ta’ l-EUMC persunal għal żieda temporanja mill-Istati Membri ta’ l-UE. |
— |
L-EUMC jipprovdi gwida permezz tad-DGEUMS, dwar l-attivitajiet militari mwettqa mill-EUMS fil-qafas ta’ maniġġar ċivili ta’ kriżijiet. Kontributi mill-EUMS għall-aspetti ċivili tal-maniġġar ta’ kriżijiet jibqgħu taħt ir-responsabbiltà funzjonali tad-DGE IX għall-attivitajiet kollha (ippjanar, Missjonijiet ta’ Sejbien tal-Fatti eċċ.) sa, u inkluż, l-iżvilupp tas-CMC u, fejn adatt, CSO/PSOs. Ladarba tittieħed deċiżjoni biex titnieda missjoni, dawn il-kontributi jaqgħu taħt ir-responsabbiltà funzjonali tad-DCPCC. Rappurtar dwar dawn l-attivitajiet lis-CIVCOM isir skond proċeduri stabbiliti dwar l-aspetti ċivili ta’ maniġġar ta’ kriżijiet. |
6. Relazzjonijiet ma’ pajjiżi terzi
Ir-relazzjonijiet bejn l-EUMS, u l-membri Ewropej tan-NATO li mhumiex fl-UE, Stati terzi oħrajn, u l-kandidati għall-adeżjoni fl-UE huma definiti fid-dokumenti rilevanti dwar ir-relazzjonijiet ta’ l-UE ma’ pajjiżi terzi.
(*) Għat-taqsir tal-kliem f'kull parti ta’ dan id-dokument, ara Appendiċi B.
(1) Definizzjonijiet:
|
Ippjanar strateġiku: Attivitajiet ta’ ppjanar li jibdew hekk kif tkun idenitifikata kriżi, jew kif titfaċċa kriżi u jintemmu meta l-awtoritajiet politiċi ta’ l-UE japprovaw għażla strateġika militari jew sett ta’ għażliet strateġiċi militari. Il-proċess strateġiku jinkludi valutazzjoni tas-sitwazzjoni militari, definizzjoni ta’ qafas tal-POL/MIL u żvilupp ta’ l-għażliet strateġiċi militari. |
|
Għażla Strateġika Militari: azzjoni militari possibbli maħsuba sabiex tikseb l-għanijiet tal-POL/MIL kif elenkati fil-qafas tal-POL/MIL. Għażla strateġika militari tiddeskrivi b'mod ġenerali s-soluzzjoni militari, ir-riżorsa meħtieġa u l-limitazzjonijiet u r-rakkomandazzjonijiet dwar l-għażla tal-Kmandant ta’ l-Operazzjonijiet u l-KĠO. |
Appendiċi A
ORGANIZZAZZJONI ĠENERALI TA' L-EUMS
Appendiċi B
ABBREVJAZZJONIJIET
A
ADMIN Fergħa ta' l-Amministrazzjoni
AU Unjoni Afrikana
C
CESDP Politika Ewropea ta' Sigurtà u ta' Difiża Komuni
CEUMC President tal-Kumitat Militari ta' l-Unjoni Ewropea
CPCC Kapaċità Ċivili ta' Ppjanar u Tmexxija
CIS Taqsima tas-Sistemi ta' Komunikazzjoni u Informazzjoni
CIS POL/REQ Politika u Ħtiġiet ta' Sistemi ta' Komunikazzjoni u Informatika
CIV/MIL CELL Ċellola Ċivili/Militari
CIV/MIL STRAT PLAN Fergħa ta' l-Ippjanar Strateġiku taċ-Ċellola Ċivili/Militari
CIVCOM Kumitat għall-Aspetti Ċivili tal-Maniġġar ta' Kriżijiet
CMC Kunċett ta' Maniġġar ta' Kriżijiet
CMC SPT Appoġġ lill-President tal-Kumitat Militari ta' l-Unjoni Ewropea
COMMS & IS Direttorat tas-Sistemi ta' Komunikazzjoni u Informazzjoni
CONOPS Kunċett ta' Operazzjonijiet
CRISIS RESP/CURRENT OPS Fergħa ta' Rispons għall-Kriżijiet u Operazzjonijiet Attwali
CSO Għażla Strateġika Militari
D
DDG Viċi Direttur Ġenerali
DGEUMS Direttur Ġenerali tal-Persunal Militari ta' l-Unjoni Ewropea
DCPCC Direttur tal-Kapaċità Ċivili ta' Ppjanar u Tmexxija
DPP Proċess ta' Ppjanar ta' Difiża
E
ESDP Politika Ewropea ta' Sigurtà u Difiża
EUMC Kumitat Militari ta' l-Unjoni Ewropea
EUMS Persunal Militari ta' l-Unjoni Ewropea
EU CELL (SHAPE) Ċellola ta' l-Unjoni Ewropea f'SHAPE
EX/TRN/ANL Fergħa ta' Analiżi ta' l-Eżerċizzji u t-Taħriġ
I
INT POLICY Fergħa ta' Politika dwar l-Intelligence
INT PRODUCTION Fergħa ta' Produzzjoni dwar l-Intelligence
INT REQ Rekwiżit ta' l-Intelligence
IT SUPPORT Fergħa ta' Appoġġ għat-Teknoloġija ta' l-Informatika
K
KĠO Kwartieri Ġenerali ta' l-Operazzjonijiet
KPS Kumitat Politiku u ta' Sigurtà
L
LEGAL Konsulent Legali
LOG POLICY Fergħa ta' Politika dwar il-Loġistika
M
MAP Fergħa ta' l-Ippjanar u l-Valutazzjoni Militari
O
OCPS Persunal Permanenti taċ-Ċentru ta' l-Operazzjonijiet
OHQ (ara KĠO)
OP CENTRE PERM STAFF Persunal Permanenti taċ-Ċentru ta' l-Operazzjonijiet
OLPAN Pjan ta' l-Operazzjonijiet
OPSCEN Ċentru ta' l-Operazzjonijiet
OSCE (ara OSKE)
OSKE Organizzazzjoni għas-Sigurtà u l-Kooperazzjoni fl-Ewropa
P
PARP Proċess ta' Ppjanar u Reviżjoni
PfP Sħubija għall-Paċi
POL Fergħa tal-Politika
PSC (ara KPS)
PSO Għażla Strateġika Militari
T
TUE Trattat dwar l-Unjoni Ewropea