15.8.2007   

MT

Il-Ġurnal Uffiċjali ta’ l-Unjoni Ewropea

L 213/6

(1)

Ir-Regolament tal-Kummissjoni (KE) Nru 996/97 (2) dwar il-ftuħ u l-amministrazzjoni tal-kwota ta’ tariffa ta’ importazzjoni għal falda rqiqa ffriżata ta’ annimali bovini li jaqgħu taħt il-kodiċi NM 0206 29 91.

(2)

L-ewwel paragrafu ta’ l-Artikolu 8 tar-Regolament tal-Kummissjoni (KE) Nru 1301/2006 tal-31 ta’ Awwissu 2006 li jistabbilixxi regoli komuni għall-amministrazzjoni ta’ kwoti tariffarji għall-importazzjoni ta’ prodotti agrikoli ġestiti minn sistema ta’ liċenzji ta’ importazzjoni (3) jipprovdi li l-liċenzji ta’ l-importazzjoni m’għandhomx ikunu validi wara l-aħħar jum tal-perjodu tal-kwota tariffarja għall-importazzjoni.

(3)

Sabiex id-dispożizzjonijiet tar-Regolament (KE) Nru 996/97 jinġiebu konformi ma’ dawk fir-Regolament (KE) Nru 1301/2006, ir-Regolament (KE) Nru 996/97 ġie emendat mir-Regolament (KE) Nru 568/2007, b’mod partikolari billi tħassret id-dispożizzjoni dwar il-perjodu ta’ validità tal-liċenzji ta’ l-importazzjoni.

(4)

Peress li l-Artikolu 3 tar-Regolament tal-Kummissjoni (KE) Nru 1445/95 tas-26 ta’ Ġunju 1995 dwar regoli għall-applikazzjoni ta’ liċenzji ta’ importazzjoni u ta’ esportazzjoni fis-settur tal-laħam taċ-ċanga u l-vitella (4) jipprovdi li l-liċenzji għandhom ikunu validi għal 90 jum mid-data tal-ħruġ tagħhom, jeħtieġ li jiġi ċċarat fir-Regolament (KE) Nru 996/97 li l-liċenzji għandhom ikunu validi sa tmiem il-perjodu tal-kwota tariffarja għall-importazzjoni.

(5)

Ir-Regolament (KE) Nru 996/97 għandu għalhekk jiġi emendat skond dan.

(6)

Sabiex jiġi żgurat li l-liċenzji ta’ l-importazzjoni maħruġa għall-perjodu tal-kwota tariffarja għall-importazzjoni mill-1 ta’ Lulju 2007 sat-30 ta’ Ġunju 2008 huma validi sa tmiem il-perjodu tal-kwota tariffarja għall-importazzjoni, għandu jkun ipprovdut li din l-emenda tapplika sa mill-perjodu tal-kwota li jibda fl-1 ta’ Lulju 2007.

(7)

Il-miżuri pprovduti f’dan ir-Regolament huma skond l-opinjoni tal-Kumitat tal-Ġestjoni taċ-Ċanga u l-Vitella,