9.12.2008   

MT

Il-Ġurnal Uffiċjali ta’ l-Unjoni Ewropea

472

(1)

Skont l-Artikolu 27(5) u l-Anness IV(h) tal-Ftehim ta' Stabilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Repubblika tal-Kroazja, min-naħa l-oħra (2), kif emendat mill-Protokoll approvat mid-Deċiżjoni tal-Kunsill (KE) Nru 2006/882/KE, tat-13 ta' Novembru 2006 (3), il-Komunità għandha tippermetti l-aċċess mingħajr dazju fil-Komunità ta' prodotti li joriġinaw fil-Kroazja li jaqgħu fil-kodiċijiet NM 1701 u 1702, fil-limitu tal-kwantità annwa ta' 180 000 tunnellata (piż nett).

(2)

Il-Protokoll għall-Ftehim ta' Stabilizzazzjoni u Assoċjazzjoni mal-Kroazja jidħol fis-seħħ fl-1 ta' Jannar 2007.

(3)

Il-kwota tariffarja għall-prodotti taz-zokkor li joriġinaw fil-Kroazja għandha għalhekk tinfetaħ minn dik id-data. Dik il-kwota għandha tinfetaħ u tkun amministrata skont ir-Regolament tal-Kummissjoni Nru 950/2006 tat-28 ta' Ġunju 2006 li jistipula regoli dettaljati għall-applikazzjoni għas-snin tas-suq 2006/2007, 2007/2008 u 2008/2009 għall-importazzjoni u rraffinar ta' prodotti taz-zokkor taħt ċerti kwoti tarriffarji u ftehimiet preferenzjali (4), bħaz “Zokkor tal-Balkani” fit-tifsira ta' dak ir-Regolament. Billi l-Artikolu 28 ta' dak ir-Regolament jiftaħ il-kwoti tariffarji għaz-zokkor tal-Balkani fuq bażi ta' sena tas-suq, il-kwota tariffarja annwa għall-prodotti taz-zokkor li joriġinaw fil-Kroazja għandha tiġi aġġustata għall-kumplament tad-disa' xhur tas-sena tas-suq 2006/2007.

(4)

Għaldaqstant, ir-Regolament (KE) Nru 950/2006 għandu jiġi emendat f'dan is-sens.

(5)

Il-miżuri stipulati f'dan ir-Regolament huma konformi mal-opinnjoni tal-Kumitat tal-Ġestjoni taz-Zokkor,

(1)

Fl-Artikolu 1(1), il-punt li jmiss għandu jiġi miżjud:

(2)

L-Artikolu 1(2) hu sostitwit b'dan li ġej:

“2.   Il-kwantitajiet importati skont id-dispożizzjonjiet imsemmija fil-paragrafu 1(c) sa (h) (minn issa 'l quddiem imsejħin ‘kwoti tariffarji’), u d-dispożizzjonjiet msemmija fil-punti (a) u (b) ta' dak il-paragrafu (minn issa 'l quddiem imsejħin ‘obbligi tal-kunsinna’) għas-snin tas-suq 2006/2007, 2007/2008 u 2008/2009 se jkollhom in-numri tas-serje tal-kwoti murija fl-Anness I.”

(3)

Il-punt (d) tal-Artikolu 2, huwa sostitwit b'dan li ġej:

(4)

L-Artikolu 28 hu sostitwit b'dan li ġej:

“Artikolu 28

1.   Għal kull sena tas-suq, kwoti tariffarji ħielsa mid-dazju għal total ta' 380 000 tunnellata ta' prodotti taz-zokkor li jaqgħu fil-kodiċijiet NM 1701 u 1702 għandhom jinfetħu bħala zokkor tal-Balkani.

Madanakollu, għas-sena tas-suq 2006/2007 il-kwantità għandha tkun 381 500 tunnellata ta' prodotti taz-zokkor li jaqgħu fil-kodiċijiet NM 1701 u 1702.

2.   Il-kwantitajiet msemmija fil-paragrafu 1 għandhom ikunu allokati skont il-pajjiż tal-oriġini kif ġej:

Madanakollu, għas-sena tas-suq 2006/2007 l-allokazzjoni skont il-pajjiż tal-oriġini għandha tkun:

Il-kwoti għall-Ex-Repubblika Jugoslava tal-Maċedonja u l-Kroazja għas-sena tas-suq 2006/2007 għandhom jinfetħu mill-1 ta' Jannar 2007 biss.”

(5)

L-Artikolu 29(2) huwa sostitwit b'dan li ġej:

“2.   L-applikazzjonjiet għal-liċenzji tal-importazzjoni għaz-zokkor tal-Balkani mit-territorji doganali tal-Montenegro, is-Serbja, il-Kosovo, jew il-Kroazja għandhom ikunu akkumpanjati mill-oriġinali tal-liċenzja tal-esportazzjoni maħruġa mill-awtoritajiet kompetenti tat-territorji doganali tal-Montenegro, is-Serbja, il-Kosovo jew il-Kroazja inkonformità mal-mudell fl-Anness II għal kwantità ekwivalenti għal dik fl-applikazzjoni għal-liċenzja.”

(6)

L-Anness I qed jiġi emendat skont l-Anness ta' dan ir-Regolament.