|
9.12.2008
|
MT
|
Il-Ġurnal Uffiċjali ta’ l-Unjoni Ewropea
|
468
|
REGOLAMENT TAL-KUMMISSJONI (KE) Nru 2000/2006
tal-20 ta’ Diċembru 2006
li jemenda r-Regolament (KE) Nru 1870/2005 minħabba fl-adeżjoni tal-Bulgarija u r-Rumanija fl-Unjoni Ewropea
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat tal-Adeżjoni tal-Bulgarija u r-Rumanija, u b'mod partikolari l-Artikolu 4(3) tiegħu,
Wara li kkunsidrat l-Att tal-Adeżjoni tal-Bulgarija u tar-Rumanija, u b’mod partikolari l-Artikolu 41 tiegħu,
Billi:
|
(1)
|
Għandhom jiġu stabbiliti miżuri tranżizzjonali sabiex jippermettu lill-importaturi mill-Bulgarija u r-Rumanija jibbenefikaw minn dispożizzjonijiet inklużi fir-Regolament tal-Kummissjoni (KE) Nru 1870/2005 tas-16 ta' Novembru 2005 li jagħti bidu u jipprovdi għall-amministrazzjoni ta’ kwoti tariffarji u li jintroduċi sistema ta' liċenzji tal-importazzjoni u ta' ċertifikati ta' oriġini għat-tewm impurtat minn pajjiżi terzi (1). Dawn il-miżuri għandhom ikopru b’mod partikolari d-definizzjoni tal-kwantità ta’ referenza u d-definizzjonijiet ta’ importaturi tradizzjonali u ta’ dawk ġodda.
|
|
(2)
|
Ir-Regolament (KE) Nru 1870/2005 għandu għalhekk jiġi emendat skont dan.
|
|
(3)
|
Il-miżuri pprovduti f'dan ir-Regolament huma skont l-opinjoni tal-Kumitat ta’ Ġestjoni għall-Frott u l-Ħxejjex Friski,
|
ADOTTAT DAN IR-REGOLAMENT:
Artikolu 1
Ir-Regolament (KE) Nru 1870/2005 huwa emendat kif ġej:
|
(1)
|
L-Artikolu 2 huwa emendat kif ġej:
|
(a)
|
fil-punt 5 tal-ewwel subparagrafu, il-punt (c) jinbidel b’dan li ġej:
|
“(c)
|
għal importaturi tradizzjonali li importaw it-tewm bejn l-2003 u l-2005 fil-Bulgarija jew fir-Rumanija, il-kwantità massima ta' tewm importat matul:
|
(i)
|
jew is sena kalendarja 2003, 2004 jew l-2005,
|
|
(ii)
|
inkella matul il-perjodi tal-importazzjoni 2003/04, 2004/05 jew 2005/06;
|
|
|
(d)
|
għall-importaturi tradizzjonali li ma jaqgħux taħt il-punti (a), (b) jew (c), il-kwantità massima ta’ tewm impurtat matul wieħed mill-ewwel tliet perjodi ta’ importazzjoni konklużi li matulhom kisbu liċenzji għall-importazzjoni f’konformità mar-Regolament (KE) Nru 565/2002 jew dan ir-Regolament.”
|
|
|
(b)
|
it-tieni paragrafu jinbidel b'dan li ġej:
“It-tewm li joriġina mill-Istati Membri tal-Komunità kif kostitwita fil-31 ta' Diċembru 2006, jew mill-Bulgarija u r-Rumanija, ma għandux jitqies fil-kalkolu tal-kwantità referenzjali.”
|
|
(c)
|
jiżdied il-paragrafu li ġej:
“Il-Bulgarija u r-Rumanija għandhom jagħżlu u japplikaw wieħed miż-żewġ metodi msemmija f'punt (c) għall-importaturi tradizzjonali kollha, skond il-kriterji oġġettivi u b'tali mod li jiġi żgurat it-trattament ugwali bejn l-operaturi.”
|
|
|
(2)
|
Fl-Artikolu 3, jiżdied il-paragrafu 4 li ġej:
“4. Permezz ta’ deroga mill-paragrafi 1 u 2, fir-rigward tal-perjodi ta’ importazzjoni 2006/07, 2007/8 u 2008/09, u fil-Bulgarija u r-Rumanija biss:
|
(a)
|
‘importaturi tradizzjonali’ tfisser importaturi, kemm jekk persuni fiżiċi jew ġuridiċi, individwi jew gruppi ta’ operaturi stabbiliti skont il-liġi nazzjonali, li jistgħu jippruvaw li:
|
(i)
|
jkunu impurtaw it-tewm minn pajjiżi ta’ oriġini barra mill-Istati Membri tal-Komunità kif kienet kostitwita fil-31 ta’ Diċembru 2006 jew il-Bulgarija u r-Rumanija f’tal-anqas tnejn mit-tliet perjodi ta’ importazzjoni preċedenti konklużi;
|
|
(ii)
|
jkunu impurtaw tal-anqas 50 tunnellata ta’ frott u ħaxix kif imsemmi fl-Artikolu 1(2) tar-Regolament (KE) Nru 2200/96 matul is-sena kalendarja preċedenti;
|
|
(iii)
|
l-importazzjonijiet imsemmija fil-punti (i) u (ii) ikunu seħħew fil-Bulgarija u r-Rumanija, fejn ikun jinsab l-uffiċċju ewlieni tal-importatur ikkonċernat.
|
|
|
(b)
|
‘importaturi ġodda’ tfisser importaturi, minbarra dawk tradizzjonali fi ħdan it-tifsira tal-punt (a), sew jekk negozjanti, persuni fiżiċi jew ġuridiċi, individwi jew gruppi ta’ operaturi stabbiliti skont il-liġi nazzjonali, li jistgħu jippruvaw li:
|
(i)
|
jkunu impurtaw tal-anqas 50 tunnellata ta’ frott u ħaxix kif imsemmi fl-Artikolu 1(2) tar-Regolament (KE) Nru 2200/96 matul kull waħda mis-sentejn kalendarji preċedenti minn pajjiżi ta’ oriġini barra l-Istati Membri tal-Komunità kif kienet kostitwita fil-31 ta’ Diċembru 2006 jew il-Bulgarija u r-Rumanija;
|
|
(ii)
|
l-importazzjonijiet imsemmija fil-punt (i) ikunu seħħew fil-Bulgarija jew ir-Rumanija, fejn ikun jinsab l-uffiċċju ewlieni tal-importatur ikkonċernat.”
|
|
|
|
(3)
|
L-Anness II huwa emendat kif ġej:
|
(a)
|
ir-referenza li ġejja tiġi inserita qabel ir-referenza bl-Ispanjol:
|
“—
|
fil-Bulgaru: Мито 9,6 % — Регламент (ЕО) No 1870/2005,”
|
|
|
(b)
|
ir-referenza li ġejja tiġi inserita wara r-referenza bil-Portugiż:
|
“—
|
fir-Rumen: Taxa vamală: 9,6 % — Regulamentul (CE) nr. 1870/2005,”
|
|
|
|
(4)
|
L-Anness III huwa emendat kif ġej:
|
(a)
|
ir-referenza li ġejja tiġi inserita qabel ir-referenza bl-Ispanjol:
|
“—
|
fil-Bulgaru: Лицензия, издадена и валидна само за тримесечие от 1 (месец) до 28/29/30/31 (месец)”
|
|
|
(b)
|
ir-referenza li ġejja tiġi inserita wara r-referenza bil-Portugiż:
|
“—
|
fir-Rumen: licență emisă și valabilă numai pentru trimestrul de la 1 [luna] pana la 28/29/30/31[luna]”
|
|
|
Artikolu 2
Ir-Regolament għandu jidħol fis-seħħ suġġett għal, u fid-data, tad-dħul fis-seħħ tat-Trattat tal-Adeżjoni tal-Bulgarija u r-Rumanija.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 20 ta’ Diċembru 2006.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 300, 17.11.2005, p. 19. Ir-Regolament kif emendat bir-Regolament (KE) Nru 991/2006 (ĠU L 179, 1.7.2006, p. 15).