1.12.2007   

MT

Il-Ġurnal Uffiċjali ta’ l-Unjoni Ewropea

266

(1)

Skond l-Artikolu 4 tar-Regolament tal-Kummissjoni (KE) Nru 1043/2005 (2), u flimkien mat-tieni subparagrafu ta' l-Artikolu 1(1) tiegħu, ir-Regolament tal-Kummissjoni (KE) Nru 800/1999 tal-15 ta' April 1999 li jistipola regoli dettalljati għall-applikazzjoni tas-sistema ta' rimborsi ta’l-esportazzjoni fuq prodotti agrikoli (3) japplika għall-esportazzjonijiet ta’ prodotti fil-forma ta’ merkanzija li mhix koperta mill-Anness I mat-Trattat.

(2)

Skond it-tieni inċiż ta’ l-Artikolu 3 tar-Regolament (KE) Nru 800/1999, id-dritt għal rimborż ta’ l-esportazzjoni jinkiseb fuq l-importazzjoni f’pajjiż terz speċifiku meta rimborż differenzjat ikun japplika għal dak il-pajjiż terz.

(3)

L-Artikoli 14, 15 u 16 tar-Regolament (KE) Nru 800/1999 jistabbilixxu l-kondizzjonijiet għall-ħlas ta’ rimborż differenzjat, l-iktar fuq dokumenti li jridu jiġu pprovduti bħala prova tal-wasla ta’ l-oġġetti fid-destinazzjoni tagħhom.

(4)

L-Artikolu 17 tar-Regolament (KE) Nru 800/1999 jipprevedi li Stat Membru jista’, f’ċerti ċirkostanzi, jeżenta l-esportaturi milli jipprovdu provi, ħlief id-dokument tat-trasport, li huma meħtieġa skond l-Artikolu 16 ta’ dak ir-Regolament.

(5)

Il-volum ta’ l-applikazzjonijiet speċifiċi fir-rigward ta’ kemm minnhom jingħataw rifużjonijiet skond ir-Regolament (KE) Nru 1043/2005 huwa għoli. Ħafna mill-oġġetti li hima relatati ma’ dawn l-appilkazzjonijiet huma prodotti skond kondizzjonijiet tekniċi speċifiċi, għandhom karatteristiċi u kwalità kostanti, u jsegwu sekwenzi ta’ esportazzjoni regolari u għandhom formuli ta’ manufattura li ġew irreġistrati u kkonfermati mill-awtoritajiet kompetenti.

(6)

Fid-dawl ta’ dawn iċ-ċirkostanzi speċjali u bil-ħsieb ta’ simplifikazzjoni tax-xogħol amministrattiv involut fl-għoti tar-rifużjonijiet fl-esportazzjoni skond ir-Regolament (KE) Nru 1043/2005, huwa xieraq li jiġu adottati dispożizzjonijiet speċjali li jagħtu lill-Istati Membri iktar flessibiltà minn dawk stipolati fl-Artikolu 17 tar-Regolament (KE) Nru 800/1999 sakemm dawn ma jirrigwardawx il-massimi li meta mhux milħuqa l-Istati Membri jistgħu jeżentaw lill-operaturi milli jipprovdu provi meħtieġa skond l-Artikolu 16 ta’ dan l-aħħar Regolament.

(7)

Huwa għalhekk xieraq, fejn il-oġġetti huma ppakkjati għall-bejgħ dirett lill-konsumatur jew fejn l-oġġetti jsegwu sekwenza ta’ esportazzjoni stabbilita sew li tinvolvi esportazzjoni mill-istess esportatur ta’ l-oġġetti ta’ l-istess kodiċi CN lill-istess destinatarju, li tiġi konferita l-flessibiltà, skond id-diskrezzjoni tagħhom, li l-esportaturi jiġu eżentati milli jipprovdu provi meħtieġa skond l-Artikolu 16 tar-Regolament (KE) Nru 800/1999, bil-kondizzjoni li l-eportaturi jkunu meħtieġa li jressqu tali provi fuq bażi ta’ kontrolli fuq il-post.

(8)

Huwa meħtieġ li jkun aċċertat li l-Istati Membri jistgħu jistabbilixxu li l-eżenzjonijiet preċedenti jkunu limitati għall-operazzjonijiet li jkunu maħsuba għalihom filwaqt li minn naħa l-oħra l-esportaturi individwali jkunu jafu minn qabel dwar l-esportazzjonijiet ta’ l-oġġetti u l-operazzjonijiet li għalihom l-Istat Membru huwa lest li jippermetti lilhom li jibbenefikaw minn dawn l-arranġamenti aktar flessibbli. Għalhekk, huwa xieraq li jkun hemm proviżjoni għall-amministrazzjoni mill-Istati Membri ta’ proċedura amministrattiva sabiex ikunu jistgħu jikkontrollaw l-oġġetti u l-operazzjonijiet li huma ppreparati li jippermettu għaliha dawk l-arranġamenti iktar flessibbli.

(9)

Huwa xieraq li jkun previst li l-eżenzjonijiet mogħtija skond tali dispożizzjonijiet jiġu kkunsidrati bħala fatturi ta’ riskju li għandhom jittieħdu in konsiderazzjoni għar-raġunijiet ta’ l-Artikolu 2(1) tar-Regolament tal-Kunsill (KEE) Nru 4045/89 (4), li jirrigawarda l-iskrutinju mill-Istati Membri tat-transazzjonijiet li jagħmlu parti mis-sistema ta’l-iffinanzjar mit-Taqsima tal-Garanziji tal-Fond Ewropew għall-Gwida u l-Garnaziji Agrikoli. Aktar minn hekk, meta Stat Membru jitlob ċerta dokumentazzjoni skond bażi ta’ fatturi ta’ riskju, huwa xieraq wkoll li japplikaw il-prinċipji stabbiliti fir-Regolament tal-Kummissjoni (KE) Nru 3122/94 ta’ l-20 ta’ Diċembru 1994 li jistipola kriterji għall-analiżi tar-riskji fir-rigward tal-prodotti agrikoli li jirċievu r-rifużjonijiet (5).

(10)

Minkejja d-dispożizzjonijiet għall-eżenzjonijiet kif previsti f’dan ir-Regolament, il-provi meħtieġa skond l-Artikolu 16 tar-Regolament (KE) Nru 800/1999 għandhom ikunu obbligatorji f’ċerti każijiet. Minħabba li fis-suġġezzjoni tal-pagamenti tar-rifużjonijiet skond dawn il-kondizzjonijiet jeħtieġ tibdil sostanzjali fil-proċeduri amministrattivi għall-awtoritajiet nazzjonali u għall-esportaturi, din tinkludi implikazzjonijiet amministrattivi u tirrappreżenta piż finanzjarju. Il-ksib tal-provi li jissemmew fl-Artikolu 16 tar-Regolament (KE) Nru 800/1999 jistgħu jippreżentaw diffikoltajiet amministrattivi konsiderevoli f’ċerti pajjiżi. Sabiex jittaffu ċerti restrizzjonijiet amministrattivi u finanzjarji imposti fuq l-esportaturi, u sabiex l-awtoritajiet u l-esportaturi jkunu jistgħu jfasslu arranġamenti ġodda għall-oġġetti kkonċernati u biex jintroduċu proċeduri meħtieġa għall-aċċertament li l-formalitajiet jiffunzjonaw mingħajr problemi, huwa xieraq li jkun hemm proviżjoni għal perijodu ta’ tranżizzjoni li fih il-proviżjoni tal-prova li l-formalitajiet doganali għall-importazzjoni ġew kompluti tkun waħda iktar faċli.

(11)

Ir-Reġolament (KE) 1043/2005 għandu għalhekk jiġi emendat kif jixraq,

(12)

Il-miżuri previsti f’dan ir-Regolament jaqblu ma’ l-opinjoni tal-Kumitat ta’ Tmexxija għall-kwistjonijiet orizzontali dwar il-kummerċ ta’ prodotti agrikoli pproċessati li mhumiex imniżżla fl-Anness I,