|
22.11.2008 |
MT |
Il-Ġurnal Uffiċjali ta’ l-Unjoni Ewropea |
149 |
REGOLAMENT TAL-KUMMISSJONI (KE) Nru 1546/2006
ta' l-4 ta' Ottubrun 2006
li jemenda r-Regolament (KE) Nru 622/2003 li jistabbilixxi l-miżuri sabiex jiġu implimentati l-istandards bażiċi komuni dwar is-sigurtà fl-avjazzjoni
(Test b'rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 2320/2002 tal-Parlament Ewropew u tal-Kunsill tas-16 ta’ Diċembru 2002 li jistabbilixxi regoli komuni fil-qasam tas-sigurtà fl-avjazzjoni ċivili (1), u b’mod partikolari l-Artikolu 4(2) tiegħu,
Billi:
|
(1) |
Skont ir-Regolament (KE) Nru 2320/2002, il-Kummissjoni jeħtiġilha tadotta miżuri biex jiġu implimentati l-istandards bażiċi komuni tas-sigurtà fl-avjazzjoni fil-Komunità kollha. Ir-Regolament tal-Kummissjoni (KE) Nru 622/2003 tal-4 ta’ April 2003 li jistabbilixxi l-miżuri sabiex jiġu implimentati l-istandards bażiċi komuni dwar is-sigurtà fl-avjazzjoni (2) kien l-ewwel att li jistabbilixxi miżuri bħal dawn. |
|
(2) |
Hemm il-ħtieġa ta' miżuri li jippreċiżaw l-istandards bażiċi komuni, partikolarment biex tiġi indirizzata ż-żieda fir-riskju tal-isplussivi likwidi li qed jiġu introdotti fuq l-inġenji tal-ajru. Dawn il-miżuri għandhom jiġu analizzati kull 6 xhur fid-dawl tal-iżviluppi tekniċi, l-implikazzjonijeit operattivi fl-ajruporti u l-impatt fuq il-passiġġieri. |
|
(3) |
Skont ir-Regolament (KE) Nru 2320/2002 u sabiex ikunu evitati atti illegali ta’ interferenza, il-miżuri stabbiliti fl-Anness għar-Regolament (KE) Nru 622/2003 għandhom ikunu sigrieti u ma għandhomx jiġu ppubblikati. L-istess regola tapplika neċessarjament għal kwalunkwe att li jemenda. Madankollu l-passiġġieri għandhom ikunu informati b'mod ċar dwar ir-regoli fir-rigward ta' oġġetti pprojbiti milli jinġarru fuq l-inġenji tal-ajru. |
|
(4) |
Ir-Regolament (KE) Nru 622/2003 għandu jiġi emendat skont dan. |
|
(5) |
Il-miżuri pprovduti f'dan ir-Regolament huma skont l-opinjoni tal-Kumitat dwar is-Sigurtà tal-Avjazzjoni Ċivili, |
ADOTTAT DAN IR-REGOLAMENT:
Artikolu 1
L-Anness għar-Regolament (KE) Nru 622/2003 huwa emendat kif stipulat fl-Anness għal dan ir-Regolament.
L-Artikolu 3 ta’ dak ir-Regolament għandu japplika fir-rigward tan-natura kunfidenzjali ta’ dan l-Anness.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussel, 4 ta' Ottubrun 2006.
Għall-Kummissjoni
Jacques BARROT
Membru tal-Kummissjoni
(1) ĠU L 355, 30.12.2002, p. 1.
(2) ĠU L 89, 5.4.2003, p. 9. Ir-Regolamet kif emendat l-aħħar bir-Regolament (KE) Nru 831/2006 (ĠU L 150, 3.6.2006, p. 4).
ANNESS
Skont l-Artikolu 1 l-Anness huwa sigriet u ma għandux jiġi ppubblikat f'Il-Ġurnal Uffiċjali tal-Unjoni Ewropea.