9.12.2008 |
MT |
Il-Ġurnal Uffiċjali ta’ l-Unjoni Ewropea |
299 |
REGOLAMENT TAL-KUMMISSJONI (KE) Nru 643/2006
tas-27 ta' April 2006
li jemenda r-Regolament (KE) Nru 1622/2000 li jistabbilixxi r-regoli dettaljati għall-implimentazzjoni tar-Regolament (KE) Nru 1493/1999 dwar l-organizzazzjoni komuni tas-suq tal-inbid u li jistabbilixxi kodiċi tal-Komunità ta’ prattiċi u proċessi enoloġiċi, u r-Regolament (KE) Nru 884/2001 li jistabbilixxi regoli dettaljati tal-applikazzjoni li jikkonċerna d-dokumenti li jakkumpanjaw il-ġarr ta’ prodotti tal-inbid u r-rekords li għandhom ikunu miżmuma fis-settur tal-inbid
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1493/1999 tas-17 ta’ Mejju 1999 dwar l-organizzazzjoni komuni tas-suq tal-inbid (1), u b’mod partikolari l-Artikolu 46(1) u l-Artikolu 70(3) tiegħu,
Billi:
(1) |
Ir-Regolament tal-Kummissjoni (KE) Nru 1622/2000 (2) partikolarment jistabbilixxi l-limiti u ċerti kundizzjonijiet għall-użu tas-sustanzi li l-użu tagħhom huwa awtorizzat bir-Regolament (KE) Nru 1493/1999. Il-limiti tal-użu tas-sustanzi msemmija jidhru fl-Anness IV tiegħu. Wara ż-żieda fil-lista tal-prattiċi enoloġiċi awtorizzati fl-Anness IV tar-Regolament (KE) Nru 1493/1999, biż-żieda ta’ aċidu assorbiku u ta’ dimethyl dicarbonate, hu meħtieġ li jiġu ffissati l-limiti u l-kundizzjonijiet ta’ użu għal dawn is-sustanzi. |
(2) |
Ir-Regolament tal-Kummissjoni (KE) Nru 884/2001 (3) jistabbilixxi r-regoli relatati maż-żamma tar-reġistri tad-dħul u tal-ħruġ u jipprevedi notevolment l-indikazzjoni ta’ ċerti manipulazzjonijiet fir-reġistri. Il-karatteristiċi partikolari taż-żieda tal-dimethyl dicarbonate fl-inbejjed jeħtieġu li l-użu tagħha jkun indikat fir-reġistri. |
(3) |
Hemm lok li jiġu emendati r-Regolamenti (KE) Nru 1622/2000 u (KE) Nru 884/2001 bħala konsegwenza. |
(4) |
Il-miżuri pprovduti f’dan ir-Regolament huma skont l-opinjoni tal-Kumitat tal-Immaniġġjar għall-Inbid, |
ADOTTA DAN IR-REGOLAMENT:
Artikolu 1
Ir-Regolament (KE) Nru 1622/2000 emendat skont kif ġej:
1) |
L-Artikolu 15(a) li ġej hu inserit: “Artikolu 15a Dimethyl dicarbonate Iż-żieda tad-dimethyl dicarbonate, prevista fl-Anness IV il-paragrafu 3 il-punt zc) tar-Regolament (KE) Nru 1493/1999, ma jistax jitwettaq ħlief fil-limiti stabbiliti fl-Anness IV ta’ dan ir-Regolament u jekk din tisssodisfa l-preskrizzjonijiet li jidhru fl-Anness IX(a) ta’ dan ir-Regolament.” |
2) |
L-Anness IV qed jiġi sostitwit bit-test li jidher fl-Anness I ta’ dan ir-Regolament; |
3) |
It-test li qed jidher fl-Anness II ta’ dan ir-Regolament hu mdaħħal bħala l-Anness Ixa. |
Artikolu 2
Fl-Artikolu 14(1), l-ewwel subparagrafu, tar-Regolament (KE) Nru 884/2001, għandu jiżdied l-inċiż li ġej:
“— |
iż-żieda ta’ dimethyl dicarbonate (DMDC) mal-inbejjed” |
Artikolu 3
Din ir-Regolament jidħol fis-seħħ fis-seba’ jum wara l-pubblikazzjoni tiegħu f’Il-Ġurnal Ufficjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 27 ta' April 2006.
Mill-Kummissjoni
Mariann FISCHER BOEL
Membru tal-Kummissjoni
(1) ĠU L 179, 14.7.1999, p. 1. Ir-Regolament kif emendat l-aħħar bir-Regolament (KE) Nru 2165/2005 (ĠU L 345, 28.12.2005, p. 1).
(2) ĠU L 194, 31.7.2000, p. 1. Ir-Regolament kif emendat l-aħħar bir-Regolament (KE) Nru 1163/2005 (ĠU L 188, 20.7.2005, p. 3).
(3) ĠU L 128, 10.5.2001, p. 32. Ir-Regolament kif emendat l-aħħar bir-Regolament (KE) Nru 908/2004 (ĠU L 163, 30.4.2004, p. 56).
ANNESS I
“ANNESS IV
Restrizzjonijiet dwar l-użu ta’ ċerti sustanzi
(L-Artikolu 5 ta’ dan ir-Regolament)
Il-limiti massimi għall-użu tas-sustanzi msemmija fl-Anness IV tar-Regolament (KE) Nru 1493/1999, u fil-kundizzjonijiet imsemmija, huma li ġejjin:
Sustanzi |
Użu għall-għeneb frisk, most tal-għeneb, most tal-għeneb fil-fermentazzjoni, most tal-għeneb fil-fermentazzjoni magħmul minn għeneb imqadded, most konċentrati tal-għeneb u nbid ġdid li jkun għadu fil-fermentazzjoni |
Użu għall-most tal-għeneb li jkun parzjalment iffermentat użat għall-konsum dirett mill-bnedmin bħala tali, inbid addattat għall-produzzjoni tal-inbid tal-mejda, inbid tal-mejda, inbid frizzanti, inbid frizzanti bil-gass, inbid semi-frizzanti, inbid semi-frizzanti bil-gass, inbid likuruż u nbejjed ta’ kwalità psr |
Tħejjija tal-qoxra taċ-ċellola tal-ħmira |
40 g/hl |
40 g/hl |
Dijossidu tal-karbonju |
|
il-kontenut massimu tal-inbid ittrattat b’dan il-mod: 2 g/l |
Aċidu L-assorbiku |
250 mg/l |
250 mg/l; il-kontenut massimu tal-inbid ittrattat b’dan il-mod ma għandux ikun aktar minn 250 mg/l |
Aċidu ċitriku |
|
il-kontenut massimu tal-inbid ittrattat b’dan il-mod: 1 g/l |
Aċidu metatartariku |
|
100 mg/l |
Sulfat tar-ram |
|
1 g/hl bil-kundizzjoni li l-prodott ittrattat b’dan il-mod ma jkollux kontenut ta’ ram li jkun aktar minn 1 mg/l |
Faħam għal użu oenoloġiku |
100 g tal-prodott xott għal kull hl |
100 g tal-prodott xott għal kull hl |
Imluħa nutrittivi, dijammonju fosfat, jew ammonju sulfat |
1 g/l (espress bħala melħ) (*) |
0,3 g/l (espress bħala melħ), għat-tħejjija ta’ nbejjed frizzanti |
Ammonju sulfit jew ammonju bisulfit |
0,2 g/l (espress bħala melħ) (*) |
|
Fatturi ta’ tkabbir: Tiamina fil-forma ta’ tiamina idroklorida |
0,6 mg/l (espress bħala tiamina) |
0,6 mg/l (espress bħala tiamina), għat-tħejjija ta’ nbejjed frizzanti |
Polyvinylpolypyrrolidone |
80 g/hl |
80 g/hl |
Tartrat tal-kalċju |
|
200 g/hl |
Fitjat tal-kalċju |
|
8 g/hl |
Lysozyme |
500 mg/l (**) |
500 mg/l (**) |
Dimethyl dicarbonate |
|
200 mg/l; residwi mhux traċċabbli fl-inbejjed imqiegħda fis-suq. |
(*) Dawn il-prodotti jistgħu jkunu wkoll użati flimkien mal-limitu globali ta’ 1 g/l, bla ħsara għal-limitu ta’ 0,2 g/l ikkwotat.
(**) Meta ż-żieda titwettaq fil-most u fl-inbid, il-kwantità akkumulata ma tistax tkun aktar mil-limitu ta’ 500 mg/l.”
ANNESS II
“ANNESS IXa
Rekwiżiti għad-dimethyl dicarbonate
(L-Artikolu 15(a) ta’ dan ir-Regolament)
QASAM TA’ APPLIKAZZJONI
Id-dimethyl dicarbonate jista’ jiżdied mal-inbid bl-għan li ġej: li tiġi żgurata l-istabbilizzazzjoni mikrobijoloġika tal-inbid fil-flixkun li jkollu zokkor li jista’ jiffermenta.
REKWIŻITI
— |
Iż-żieda għandha ssir biss ftit tal-ħin qabel it-tqegħid fil-flixken |
— |
It-trattament ma jistax japplika għall-inbejjed li għandhom kontenut ta’ zokkor li jkun ugwali jew aktar minn 5 g/l. |
— |
Id-doża massima ta’ użu hi stabbilita fl-Anness IV ta’ dan ir-Regolament u l-prodott ma jistax ikun traċċabbli fl-inbid li jitqiegħed fis-suq. |
— |
Il-prodott użat għandu jirrispetta l-kriterji ta’ purità stipulati fid-Direttiva 96/77/KE. |
— |
Dan it-trattament għandu jiġi rrekordjat fir-reġistru li għalih jirreferi l-Artikolu 70(2) tar-Regolament (KE) Nru 1493/1999.” |