28.11.2006 |
MT |
Il-Ġurnal Uffiċjali ta’ l-Unjoni Ewropea |
333 |
REGOLAMENT TAL-KUMMISSJONI (KE) Nru 590/2006
tat-12 ta’ April 2006
li jemenda l-Anness II tar-Regolament (KE) Nru 998/2003 tal-Parlament Ewropew u tal-Kunsill fir-rigward tal-lista tal-pajjiżi u t-territorji
(Test b'rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 998/2003 tal-Parlament Ewropew u tal-Kunsill tas-26 ta' Mejju 2003 dwar il-ħtiġiet rigward is-saħħa ta' l-annimali li japplikaw għall-moviment mhux kummerċjali tal-pets u li jemenda d-Direttiva tal-Kunsill 92/65/KEE (1) u b'mod partikolari l-Artikoli 10 u 21 tiegħu,
Billi:
(1) |
Ir-Regolament (KE) Nru 998/2003 jistipola lista ta’ pajjiżi u territorji terzi minn fejn il-moviment ta’ l-annimali domestiċi (pets) lejn il-Komunità jista’ jiġi awtorizzat, sakemm jiġu sodisfatti ċerti rekwiżiti. |
(2) |
Lista provviżorja ta' pajjiżi terzi ġiet stabbilita mir-Regolament (KE) Nru 998/2003, kif emendat mir-Regolament tal-Kummissjoni (KE) Nru 592/2004 (2). |
(3) |
Dik il-lista provviżorja, li diġà ġiet emendata diversi drabi, tinkludi pajjiżi u territorji terzi li huma ħielsa mill-marda ta’ l-idrofobija (tar-rabja) u pajjiżi u territorji terzi fejn ir-riskju li tidħol il-marda ta’ l-idrofobija fil-Komunità bħala riżultat tal-movimenti minn dawk il-pajjiżi u t-territorji terzi nstab li mhuwiex ikbar mir-riskju assoċjat mal-movimenti bejn l-Istati Membri. |
(4) |
Mill-informazzjoni li ressqu l-Bosnja u Ħerzegovina u l-Bulgarija, jidher li r-riskju li l-marda ta’ l-idrofobija tidħol fil-Komunità bħala riżultat tal-movimenti ta' annimali domestiċi minn dawn il-pajjiżi nstab li mhuwiex ikbar mir-riskju assoċjat mal-movimenti bejn l-Istati Membri jew minn pajjiżi terzi li diġà huma elenkati fir-Regolament (KE) Nru 998/2003. Għalhekk, dawk il-pajjiżi terzi għandhom jiġu inklużi fil-lista provviżorja ta' pajjiżi u territorji terzi stipulata fil-Parti C fl-Anness II tar-Regolament (KE) Nru 998/2003. |
(5) |
Għal finijiet ta' ċarezza, il-lista ta’ pajjiżi u territorji stipulata fir-Regolament (KE) Nru 998/2003 għandha tinbidel kollha kemm hi. |
(6) |
Għalhekk, ir-Regolament (KE) Nru 998/2003 għandu jiġi emendat skond dan. |
(7) |
Il-miżuri previsti f'dan ir-Regolament huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DAN IR-REGOLAMENT:
Artikolu 1
L-Anness II tar-Regolament (KE) Nru 998/2003 huwa mibdul bit-test fl-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u jkun applikabbli direttament fl-Istati Membri kollha.
Magħmul fi Brussell, nhar it-12 ta’ April 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 146, 13.6.2003, p. 1. Regolament kif emendat l-aħħar mir-Regolament tal-Kummissjoni (KE) Nru 18/2006 (ĠU L 4, 7.1.2006, p. 3).
ANNESS
“ANNESS II
LISTA TA' PAJJIŻI U TERRITORJI
PARTI A
IE |
l-Irlanda |
MT |
Malta |
SE |
l-Iżvezja |
UK |
ir-Renju Unit |
PARTI B
Sezzjoni 1
(a) |
DK – Id-Danimarka, inklużi GL - Greenland u FO - Il-Gżejjer Faeroe |
(b) |
ES – Spanja, inklużi t-territorju kontinentali, il-Gżejjer Baleariċi, il-Gżejjer Kanarji, Ceuta u Melilla; |
(c) |
FR – Franza, inklużi GF- il-Ginea Franċiża, GP - Guadeloupe, MQ - Martinique u RE - Réunion; |
(d) |
GI – Ġibiltà; |
(e) |
PT – Il-Portugall, inklużi t-territorju kontinentali, il-Gżejjer Azzorri u l-Gżejjer ta' Madeira; |
(f) |
Stati Membri minbarra dawk imniżżla fil-Parti A u l-punti (a), (b) (c) u (e) ta’ din is-Sezzjoni. |
Sezzjoni 2
AD |
Andorra |
CH |
l-Iżvizzera |
IS |
l-Iżlanda |
LI |
Liechtenstein |
MC |
Monako |
NO |
in-Norveġja |
SM |
San Marino |
VA |
l-Istat tal-Belt tal-Vatikan |
PARTI C
AC |
il-Gżira ta’ Ascension |
AE |
L-Emirati Għarab Magħquda |
AG |
Antigwa u Barbuda |
AN |
L-Antilli Olandiżi |
AR |
l-Arġentina |
AU |
l-Awstralja |
AW |
Aruba |
BA |
il-Bosnja u Ħerzegovina |
BB |
Barbados |
BG |
il-Bulgarija |
BH |
Baħrejn |
BL |
il-Belarus |
BM |
Bermuda |
CA |
il-Kanada |
CL |
iċ-Ċilì |
FJ |
Fiġi |
FK |
il-Gżejjer Falkland |
HK |
Ħong Kong |
HR |
il-Kroazja |
JM |
il-Ġamajka |
JP |
il-Ġappun |
KN |
Saint Kitts u Nevis |
KY |
il-Gżejjer Cayman |
MS |
Montserrat |
MU |
il-Mawrizju |
MX |
il-Messiku |
NC |
New Caledonia |
NZ |
New Zealand |
PF |
il-Polineżja Franċiża |
PM |
Saint Pierre u Miquelon |
RO |
ir-Rumanija |
RU |
il-Federazzjoni Russa |
SG |
Singapor |
SH |
Saint Helena |
TT |
Trinidad u Tobago |
TW |
it-Tajwan |
US |
l-Istati Uniti ta’ l-Amerika (inkluż GU-Guam) |
VC |
Saint Vincent u l-Grenadines |
VU |
Vanuatu |
WF |
Wallis u Futuna |
YT |
Mayotte” |