31.12.2008   

MT

Il-Ġurnal Uffiċjali ta’ l-Unjoni Ewropea

549

(1)

Id-Direttiva tal-Kunsill 69/466/KEE tat-8 ta' Diċembru 1969 dwar il-kontroll tas-San José Scale (3) ġiet emendata sostanzjalment (4). Għal raġunijiet ta’ ċarezza u ta’ razzjonalità jkun aħjar illi ssir il-kodifikazzjoni ta’ l-imsemmija Direttiva

(2)

Il-produzzjoni tal-pjanti dikotiledoni ta’ l-injam u l-frott tagħhom għandha post importanti fil-biedja tal-Komunità.

(3)

Il-frott ta’ din il-produzzjoni huwa konstantement mhedded minn organiżmi li jagħmlu ħsara.

(4)

Permezz tal-protezzjoni ta’ dawn il-pjanti kontra organiżmi bħal dawn li jagħmlu ħsara, mhux biss għandha tinżamm il-kapaċità produttiva iżda wkoll tiżdied il-produttività fil-biedja.

(5)

Miżuri protettivi li jħarsu kontra d-dħul ta’ l-organiżmi li jagħmlu ħsara fl-Istati Membri individwali jkollhom biss effett limitat jekk dawn l-organiżmi ma jiġux fl-istess ħin ikkontrollati b’mod simultanju u metodiku kullimkien fil-Komunità u jekk ma jiġux imwaqqfa milli jinfirxu.

(6)

Wieħed mill-organiżmi li l-aktar jagħmel ħsara lill-pjanti dikotiledoni ta’ l-injam huwa s-San José Scale (Quadraspidiotus perniciosus Comst.).

(7)

Dan l-organiżmu li jagħmel il-ħsara nstab f’diversi Stati Membri u hemm żoni fil-Komunità li huma kkontaminati.

(8)

Hemm riskju permanenti għall-koltivazzjoni tal-pjanti dikotiledoni ta’ l-injam fil-Komunità kollha jekk ma jittieħdux miżuri effettivi sabiex dan l-organiżmu li jagħmel il-ħsara jiġi kkontrollotat u sabiex dan jitwaqqaf milli jinfirex.

(9)

Sabiex dan l-organiżmu li jagħmel il-ħsara jinqered għal kollox, għandhom jiġu adottati dispożizzjonijiet minimi għall-Komunità. Fejn hu meħtieġ, l-Istati Membri għandhom ikunu jistgħu jadottaw dispożizzjonijiet ulterjuri jew aktar stretti.

(10)

Din id-Direttiva għandha tkun mingħajr preġudizzju għall-obbligi ta’ l-Istati Membri relatati mal-limiti ta' żmien għat-trasposizzjoni fil-liġi nazzjonali tad-Direttivi mniżżla fil-Parti B ta' l-Anness I,

(a)

“pjanti” tfisser pjanti ħajjin u partijiet ħajjin ta’ pjanti bl-eċċezzjoni tal-frott u ż-żerriegħa;

(b)

“pjanti jew frott ikkontaminati” tfisser pjanti jew frott li fuqhom jinstabu wieħed jew aktar mill-insetti San José Scale, sakemm ma jiġix ikkonfermat li dawn ikunu mejta;

(ċ)

“Pjanti li jospitaw is-San José Scale” tfisser il-pjanti tal-ġeneru Acer L., Cotoneaster Ehrh., Crataegus L., Cydonia Mill., Euonymus L., Fagus L., Juglans L., Ligustrum L., Malus Mill., Populus L., Prunus L., Pyrus L., Ribes L., Rosa L., Salix L., Sorbus L., Syringa L., Tilia L., Ulmus L., Vitis L.;

(d)

“imxietel” tfisser il-pjantazzjonijiet fejn jitkabbru l-pjanti maħsuba sabiex jiġu maqtugħa u mħawla post ieħor, immultiplikati jew imqassma bħala pjanti b’għeruq individwali.

(a)

il-pjanti kkontaminati kollha fl-imxietel għandhom jinqerdu;

(b)

il-pjanti l-oħra kollha kkontaminati jew li hemm suspett li huma kkontaminati u li jkunu qed jikbru f’żona kkontaminata għandhom jiġu ttrattati b’mod li dawk il-pjanti u l-frott frisk tagħhom ma jkunux għadhom ikkontaminati meta jiġu mċaqalqa;

(ċ)

il-pjanti kollha bl-għeruq li jospitaw is-San José Scale li jkunu qed jikbru f’żona kkontaminata, u partijiet minn dawn il-pjanti li huma maħsuba għall-multiplikazzjoni u li huma prodotti f’dik iż-żona jistgħu jiġu miżrugħa mill-ġdid fiż-żona kontaminata jew trasportati ’l barra minnha biss jekk ma jkunx instab li kienu kkontaminati u jekk ikunu ġew ittrattati b’mod li kull insett tas-San José Scale li jista’ jkun għadu preżenti jinqered.

(a)

derogi mill-miżuri msemmija fl-Artikoli 4 u 5, l-Artikolu 7(1) u l-Artikolu 9 għal finijiet xjentifiċi u pitosanitarji, testijiet u xogħol ta’ għażla;

(b)

b’deroga mill-punt (b) ta' l-Artikolu 5 u l-Artikolu 7(1), l-ipproċessar minnufih tal-frott frisk ikkontaminat;

(ċ)

b’deroga mill-punt (b) ta' l-Artikolu 5 u Artikolu 7(1), iċ-ċaqliq ta' frott frisk ikkontaminat fiż-żona kkontaminata.