5.6.2007   

MT

Il-Ġurnal Uffiċjali ta’ l-Unjoni Ewropea

817

(1)

Id-Deċiżjoni tal-Kummissjoni 2005/176/KE tistipula l-forma kodifikata u l-kodiċi għan-notifikazzjoni ta' mard ta' l-annimali skond id-Direttiva 82/894/KEE (2).

(2)

Minħabba l-Adeżjoni tal-Bulgarija u r-Rumanija, huwa adegwat li tiġi addattata d-Deċiżjoni 2005/176/KE.

(3)

Id-Deċiżjoni Nru 1/2001 tal-Kumitat Konġunt tal-KE u l-Gżejjer Faeroe tal-31 ta' Jannar 2001 tistipula d-dispożizzjonijiet sabiex timplimenta l-Protokoll dwar kwistjonijiet veterinarji li jissuplimenta l-Ftehim bejn il-Komunità Ewropea fuq naħa waħda u l-Gvern tad-Danimarka u l-Gvern Reġjonali tal-Gżejjer Faeroe fuq in-naħa l-oħra (3), tgħid li l-Gżejjer Faeroe għandhom jieħdu sehem fis-Sistema tan-Notifika tal-Mard ta' l-Annimali (sistema ADNA).

(4)

Il-Gżejjer Faeroe ssottomettew lill-Kummissjoni lista ta' reġjuni li se jużaw fis-sistema ADNS. Għalhekk dawn ir-reġjuni għandhom jiżdiedu mad-Deċiżjoni 2005/176/KE.

(5)

Spanja aġġustat l-ismijiet u l-konfini tar-reġjuni veterinarji tagħha. L-aġġustament tar-reġjuni ta' Spanja jolqot is-sistema ANDS stipulata fid-Deċiżjoni 2005/176/KE. Ir-reġjuni l-ġodda għandhom għalhekk jissostitwixxu dawk presenti fis-sitema ADNS.

(6)

L-Organizzazzjoni Dinjija għas-Saħħa ta' l-Annimali (OIE) f'Mejju 2005 fl-Assemblea Ġenerali tagħha adottat reviżjoni ta' Kapitolu għall-influwenza tat-tjur, fejn għamlitha obbligatorja mill-1 ta' Jannar 2006 sabiex tinnotifika kemm influwenza tat-tjur patoġenika għolja u wkoll influwenza tat-tjur patoġenika baxxa lill-OIE. Sabiex tippermetti n-notifikazzjoni lis-sistema ADNS ta' tifqigħa ta' influenza tat-tjur patoġenika għolja sabiex tkun tingħaraf minn notifikazzjonijiet ta' tifqigħa ta' influenza tat-tjur patoġenika baxxa, għandhom jingħataw kodiċi differenti ta' mard għal dan il-mard.

(7)

Barra minn hekk, biex tipperemetti n-notifikazzjoni ta' tifqigħa ta' influenza tat-tjur fi tjur slavaġ biex tkun tingħaraf minn dawk fi tjur domestiċi, għandhom jingħataw kodiċi differenti lil dawn l-avvenimenti separati.

(8)

Id-Deċiżjoni 2005/176/KE għandha għalhekk tiġi emendata skond dan.

(9)

Sabiex titħares il-konfidenzjalità ta' l-informazzjoni trażmessa, l-Annessi li jinsabu ma' din id-Deċiżjoni m' għandhomx jiġu ppubblikati.

(10)

Il-miżuri previsti f'din id-Deċiżjoni huma fi qbil ma' l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali,

(1)

Annessi IV, V u X/11 huma mibdula bit-test fl-Anness I ta' din id-Deċiżjoni.

(2)

It-test fl-Anness II ta' din id-Deċiżjoni huwa miżjud fl-Anness X.