5.6.2007 |
MT |
Il-Ġurnal Uffiċjali ta’ l-Unjoni Ewropea |
227 |
DEĊIŻJONI TAL-KUMMISSJONI
tal-5 ta' Ottubru 2006
li temenda d-Deċiżjoni 2003/43/KE li tistabbilixxi l-klassijiet ta' prestazzjoni tar-reazzjoni għan-nar għal ċerti prodotti tal-bini fir-rigward tat-twavel tal-ġipsum
(innotifikata taħt dokument numru C(2006) 4360)
(Test b'rilevanza għaż-ŻEE)
(2006/673/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 89/106/KEE tal-21 ta' Diċembru 1988 dwar l-approssimazzjoni ta' liġijiet, regolamenti u dispożizzjonijiet amministrattivi ta' l-Istati Membri dwar il-prodotti tal-bini (1), u b'mod partikolari l-Artikolu 20 (2) tiegħu,
Billi:
(1) |
Id-Deċiżjoni tal-Kummissjoni 2003/43/KE (2) li tistabbilixxi l-klassijiet ta' prestazzjoni tar-reazzjoni għan-nar għal ċerti prodotti tal-bini, jiġifieri pannelli bbażati fuq l-injam. |
(2) |
Id-Deċiżjoni 2003/43/KE għandha tiġi addattata biex tqis il-progress tekniku li jikkonċerna t-twavel tal-ġipsum. |
(3) |
Id-Deċiżjoni 2003/43/KE għandha għalhekk tiġi emendata skond dan. |
(4) |
Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar il-Bini, |
ADOTTAT DIN ID-DEĊIŻJONI:
Artikolu 1
L-Anness tad-Deċiżjoni 2003/43/KE huwa emendat kif stabbilit fl-Anness ta' din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, nhar il-5 ta' Ottubru 2006.
Għall-Kummissjoni
Günter VERHEUGEN
Viċi-President
(1) ĠU L 40, 11.2.1989, p. 12. Direttiva kif l-aħħar emendata mir-Deċiżjoni tal-Kunsill (KE) Nru 2006/190/KE (ĠU L 66, 8.3.2006, p. 47).
(2) ĠU L 13, 18.1.2003, p. 35. Deċiżjoni kif emendata mid-Deċiżjoni 2003/593/KE (ĠU L 201, 8.8.2003, p. 25).
ANNESS
Fl-Anness tad-Deċiżjoni 2003/43/KE, it-Tabella 2 u n-nota jinbidlu b'dan li ġej:
“TABELLA 2
Klassijiet ta' prestazzjoni tar-reazzjoni għan-nar ta' twavel tal-ġipsum
Tavla tal-ġipsum |
Ħxuna nominali tat-tavla (mm) |
Qalba tal-ġipsum |
Kontenut ta' karti (1) (g/m2) |
Sottostrat |
Klassi (2) (bl-esklużjoni tal-kisi għall-art) |
|
Densità (kg/m3) |
Klassi ta' reazzjoni għan-nar |
|||||
Konformi ma' l-EN 520 (minbarra twavel bit-toqob) |
≥ 6,5 < 9,5 |
≥ 800 |
A1 |
≤ 220 |
Kwalunkwe prodott ibbażat fuq l-injam b'densità ta' ≥ 400 kg/m3 jew kwalunkwe prodott għall-inqas tal-klassi A2-s1, d0 |
A2-s1, d0 |
> 220 ≤ 320 |
B-s1, d0 |
|||||
≥ 9,5 |
≥ 600 |
≤ 220 |
Kwalunkwe prodott ibbażat fuq l-injam b'densità ta' ≥ 400 kg/m3 jew kwalunkwe prodott għall-inqas tal-klassi A2-s1, d0 jew kwalunkwe prodott ta' insulazzjoni ta' għall-inqas il-klassi E-d2 immuntat skond il-metodu 1 |
A2-s1, d0 |
||
> 220 ≤ 320 |
B-s1, d0 |
Nota: Immuntar u twaħħil
It-twavel tal-ġipsum għandhom jiġu mmuntati u jitwaħħlu permezz ta' wieħed mit-tliet metodi li ġejjin:
|
Metodu 1 – Imwaħħla mekkanikament ma' sottostruttura ta' sostenn It-twavel tal-ġipsum, jew (fil-każ ta' sistemi b'diversi saffi) għall-inqas is-saff tal wiċċ tat-twavel, għandu jitwaħħal mekkanikament ma' sottostruttura tal-metall (magħmula minn komponenti ddettaljati f'EN 14195) jew sottostruttura ta' l-injam (skond l-EN 336 u l-EN 1995-1-1). Meta s-sottostruttura jkollha traversi ta' sostenn f'direzzjoni waħda biss, id-distanza massima bejn it-traversi ta' sostenn m'għandhiex tkun aktar minn 50 darba l-ħxuna tat-twavel tal-ġipsum. Meta s-sottostruttura tipprovdi traversi ta' sostenn f'żewġ direzzjonijiet, id-distanza massima fi kwalunkwe direzzjoni m'għandhiex tkun ta' aktar minn 100 darba l-ħxuna tat-twavel tal-ġipsum. L-ingasti mekkaniċi għandhom ikunu viti, stejpils jew imsiemer li għandhom jitwaħħlu billi jgħaddu mill-ħxuna tat-twavel tal-ġipsum għal ġewwa s-sottostruttura f'ċentri ta' mhux aktar minn 300 mm mkejla għat-tul ta' kull waħda mit-traversi ta' appoġġ. Wara t-twavel tal-ġipsum jista' jkun hemm spazju ta' arja, jew prodott ta' insulazzjoni. Is-sottostrat jista' jkun:
Kull ġonta bejn twavel tal-ġipsum ma' ġenb xulxin għandu jkollha vojt ta' ≤ 4 mm wisgħa. Din id-dispożizzjoni tapplika għal kwalunkwe ġonta indipendentement minn jekk il-ġonta tkunx sostnuta direttament minn traversa ta' sostenn fis-sottostruttura u indipendentement minn jekk il-ġonta tkunx mimlija b'materjali li jġonġu. Fil-każijiet a) u b) kull ġonta bejn twavel tal-ġipsum ma' ġenb xulxin, li ma tkunx sostnuta direttament minn traversa ta' sostenn fis-sottostruttura u li għandha vojt ta' > 1 mm wisgħa, għandha timtela kompletament b'materjal li jġonġi kif speċifikat fl-EN 13963 (il-ġonot l-oħra jistgħu ma jimtlewx). Fil-każ c) il-ġonot kollha bejn it-twavel ma' ġenb xulxin għandhom jimtlew kompletament b'materjal li jġonġi kif speċifikat fl-EN 13963. |
|
Metodu 2 – Imwaħħla mekkanikament ma' sottostrat solidu bbażat fuq l-injam It-twavel tal-ġipsum għandhom jitwaħħlu mekkanikament ma' sottostrat solidu bbażat fuq l-injam b'densità ta' ≥ 400 kg/m3. M'għandu jkun hemm l-ebda kavità bejn it-twavel tal-ġipsum u s-sottostrat. L-ingasti mekkaniċi għandhom ikunu viti, stejpils u msiemer. Id-distanza bejn l-ingasti mekkaniċi għandu jikkorrispondi mar-regoli mogħtija hawn fuq għall-metodu 1. Kull ġonta bejn twavel tal-ġipsum ma' ġenb xulxin għandu jkollha vojt ta' ≤ 4 mm wisgħa u tista' ma timteliex. |
|
Metodu 3 – Imwaħħla jew inkullati mekkanikament ma' sottostrat solidu (sistema ‘dry lining’) It-twavel tal-ġipsum għandhom jitwaħħlu direttament ma' sottostrat solidu bi klassifika tar-reazzjoni għan-nar li hi għall-inqas tal-klassi A2-s1, d0. It-twavel tal-ġipsum jistgħu jitwaħħlu permezz ta' viti jew imsiemer li jgħaddu mill-ħxuna tat-twavel għall-ġewwa s-sottostrat solidu jew jistgħu jiġu inkullati mas-sottostrat permezz ta' ‘dabs’ ta' kolla ibbażat fuq il-ġipsum kif speċifikat fl-EN 14496. Fi kwalunkwe każ il-viti jew l-imsiemer jew id-‘dabs’ għat-twaħħil għandhom jitqiegħdu f'ċentri weqfin jew mimdudin b'massimu ta' 600mm. Il-ġonot kollha bejn it-twavel tal-ġipsum jistgħu ma jimtlewx.” |
(1) Determinat skond l-EN ISO 536 u b'mhux aktar minn kontenut ta' 5 % addittiv organiku.
(2) Klassijiet kif previsti fit-Tabella 1 ta' l-Anness tad-Deċiżjoni 2000/147/EC.