9.12.2008 |
MT |
Il-Ġurnal Uffiċjali ta’ l-Unjoni Ewropea |
246 |
REGOLAMENT TAL-KUMMISSJONI (KE) Nru 1820/2005
tat-8 ta' Novembru 2005
jemenda r-Regolament (KE) Nru 1623/2000 li jistabbilixxi regoli ddettaljati għall-implementazzjoni tar-Regolament (KE) Nru 1493/1999 dwar l-organizazzjoni komuni tas-suq ta’ l-inbid fir-rigward tal-mekkaniżmi tas-suq
IL-KUMMISSJONI TAL-KOMUNITAJIET EWROPEJ,
Wara li kkunsidrat t-rattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1493/1999 tas-17 ta' Mejju 1999 dwar l-organizzazzjoni tas-suq tal-inbid (1), u b'mod partikolari Artikolu 33 tiegħu,
Billi:
(1) |
Ir-Regolament tal-Kunsill (KE) Nru 1623/2000 (2) jipprovdi għal sistema biex l-alkoħol tal-inbid, b'sejħa għall-offerti, jintuża bħala bijoetanol fis-settur tal-fjuwil tal-Komunità. Sabiex jinkiseb l-ogħla prezz ta' bejgħ għal dan l-alkoħol, il-kundizzjonijiet għall-kompetizzjoni tas-suq fl-alkoħol tal-inbid iridu jittejbu. |
(2) |
Għal dan il-għan, l-ewwelnett, irid jiżdied l-għadd ta' offerenti billi tiġi ssimplifikata l-proċedura tal-approvazzjoni. It-tieni, fejn applikabbli, dawk l-impriżi għandu jkollhom il-possibbiltà jagħżlu liberament fis-suq il-klijenti lil min se jbiegħu l-alkoħol proċessat għall-użu aħħari tiegħu. |
(3) |
Għladaqstant, l-offerenti ma jridx ikollhom bżonn, meta jippreżentaw l-offerti tagħhom, jindikaw id-destinazzjoni u x-xerrejja aħħarija tal-alkoħol, sakemm l-użu aħħari jsir fis-sura ta' bijoetanol fis-settur tal-fjuwil fil-Komunità. |
(4) |
Sabiex ikun żgurat aħjar li dawn jikkonformaw mal-użu aħħari ppjanat tal-alkoħol, l-ammont tal-garanzija ta' l-adempjament għandu jiżdied. |
(5) |
Il-kondizzjonijiet għall-parteċipazzjoni tal-impriżi fuq is-sejħa għall-offerti dwar id-data tal-approvazzjoni tagħhom għandha titniżżel f'aktar dettall. |
(6) |
L-iskambju ta' informazzjoni bejn l-aġenziji ta' intervent, l-Istati Membri u l-Kummissjoni għandhu jsir aktar trasparenti u effiċjenti. |
(7) |
Ir-Regolament (KE) Nru 1623/2000 għandu jiġi emendat skont dan. |
(8) |
Il-miżuri pprovduti għal dan fir-Regolament jaqblu mal-opinjoni tal-Kumitat ta' Tmexxija għall-inbid, |
ADOTTAT DAN IR-REGOLAMENT:
Artikolu 1
Għaldaqstant, ir-Regolament (KE) Nru 1623/2000 huwa emendat kif ġej:
1. |
L-Artikolu 92 huwa emendat kif ġej:
|
2. |
L-Artikolu 94(1) u (2) jinbidel f'dan li ġej: “1. L-offerti għandhom jiġu minn impriżi li jkunu approvati meta jiġi ppublikat l-avviż dwar is-sejħa għall-offerti. 2. L-offerenti jistgħu jibgħatu talba waħda biss għal kull lott li jingħata. Jekk xi proponent jibgħat aktar minn talba waħda għal kull lott, l-ebda minn dawk l-offerti ma jiġu aċċettati.” |
3. |
L-Artikolu 94a(c) tħassar. |
4. |
L-Artikolu 94b(3) jinbidel f'dan li ġej: “3. Il-Kummissjoni tavża lil dawk l-Istati Membri u aġenziji ta' intervent li għandhom l-alkoħol li jkunu saru l-offerti fuqu, dwar id-deċiżjonijiet meħuda skont dan l-Artikolu” |
5. |
L-Artikolu 94c jinbidel f'dan li ġej: “Artikolu 94c Dikkjarazzjoni ta' għotja u avviż lill-Kummissjoni 1. L-aġenzija ta' intervent għandha tinforma lil-proponenti bil-miktub, bla dewmien u b'irċevuta, dwar x'deċiżjoni ttieħdet dwar l-offerti tagħhom. 2. Fi żmien ħamest ijiem tax-xogħol minn meta tirċievi n-notifika msemmija fl-Artikolu 94b(3), l-aġenzija ta' intervent għandha tinforma lill-Kummissjoni bl-isem u l-indirizz tal-proponent għal kull offerta mibgħuta. 3. Fi żmien ġimagħtejn minn meta tirċievi l-avviż tal-informazzjoni msemmi fil-paragrafu 1, l-aġenzija ta' intervent għandha tibgħat lil kull offerent dikjarazzjoni tal-għoti li tiċċertifika li l-offerta tagħhom ġiet aċċettata. 4. Fi żmien ġimgaħtejn minn meta tirċievi l-avviż tal-informazzjoni msemmi fil-paragrafu 1, kull offerent rebbieħ għandu jipprovdi evidenza li ddepożita għand l-aġenzija tal-intervent ikkonċernata garanzija ta’ l-adempjament ta' EUR 40 għal kull ettolitru ta' alkoħol b'volum ta' 100 % biex jiżgura li l-alkoħol kollu mogħti jiġi użat skont l-għan iddikjarat fl-Artikolu 92(1).” |
Artikolu 2
Dan ir-Regolament jidħol fis-seħħ fit-tielet jum wara d-data tal-pubblikazzjoni tiegħu fi Il-Ġurnal Uffiċjali ta' l-Unjoni Ewropea.
Għandu japplika mill-1 ta' Jannar 2006.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 8 ta' Novembru 2005.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 179, 14.7.1999, p. 1. Ir-Regolament kif l-aħħar emendat bir-Regolament tal-Kummissjoni (KE) Nru 1188/2005 (ĠU L 193, 23.7.2005, p. 24).
(2) ĠU L 194, 31.7.2000, p. 45. Ir-Regolament kif l-aħħar emendat bir-Regolament (KEE) Nru 1219/2005 (ĠU L 199, 29.7.2005, p. 45).