|
23.6.2005 |
MT |
Il-Ġurnal Uffiċjali ta’ l-Unjoni Ewropea |
1 |
IR-REGOLAMENT (KE) Nru 932/2005 TAL-PARLAMENT EWROPEW U TAL-KUNSILL
tat-8 ta' Ġunju 2005
li jemenda r-Regolament (KE) Nru 999/2001 li jistabbilixxi regoli għall-prevenzjoni, il-kontroll u l-eradikazzjoni ta' ċertu enċifalopatija sponġiformi li tinxtered fir-rigward ta' l-estensjoni tal-perjodu għall-miżuri transitorji
(Test b'rilevanza għaż-ŻEE)
IL-PARLAMENT EWROPEW U L-KUNSILL TA' L-UNJONI EWROPEA,
Wara li kkunsidaw it-Trattat li jistabbilixxi l-Komunità Ewropea, u b'mod partikolari l-Artikolu 152(4)(b) tiegħu,
Wara li kkunsidraw il-proposta mill-Kummissjoni,
Wara li kkonsultaw il-Kumitat Ekonomiku u Soċjali Ewropew,
Wara li kkonsultaw il-Kumitat tar-Reġjuni,
Waqt li jaġixxu skond il-proċedura stabbilita fl-Artikolu 251 tat-Trattat (1),
Billi:
|
(1) |
Ir-Regolament (KE) Nru 999/2001 (2) hu maħsub biex jipprovdi qafas legali wieħed għal enċifalopatija sponġiformi li tinxtered (TSEs) fil-Komunità. |
|
(2) |
Ir-Regolament (KE) Nru 1128/2003 tal-Parlament Ewropew u tal-Kunsill tas-16 ta' Ġunju 2003 li jemenda r-Regolament (KE) Nru 999/2001 dwar l-estensjoni tal-perjodu għal miżuri transitorji (3) tawwal il-perjodu ta' applikazzjoni għal miżuri transitorji previsti fir-Regolament (KE) Nru 999/2001 sa l-1 ta' Lulju 2005 l-aktar tard. |
|
(3) |
Sabiex ikun hemm ċertezza legali lil hinn mill-iskadenza ta' miżuri transitorji stabbiliti fir-Regolament (KE) Nru 999/2001 u sakemm il-miżuri permanenti kif ukoll il-ħolqien ta' strateġija kompluta fuq TSEs jiġu riveduti, huwa xieraq li dawk il-miżuri transitorji jiġu estiżi sal-1 ta' Lulju 2007. |
|
(4) |
Fl-interess ta' ċertezza legali u sabiex ikunu protetti l-aspettativi leġittimi tal-operaturi ekonomiċi, dan ir-Regolament għandu jidħol fis-seħħ fl-1 ta' Lulju 2005, sakemm issir reviżjoni sostantiva tar-Regolament (KE) Nru 999/2001. |
|
(5) |
Ir-Regolament (KE) Nru 999/2001 għandu jiġi emendat skond dan, |
ADOTTAW DAN IR-REGOLAMENT:
Artikolu 1
It-tieni paragrafu ta' l-Artikolu 23 tar-Regolament (KE) Nru 999/2001 għandu jiġi mibdul b' dan:
“Skond dik il-proċedura, miżuri transitorji għandhom jiġu adottati għal perjodu li jispiċċa fl-1 ta' Lulju 2007 l-aktar tard, biex jippermetti l-bidla mill-arranġamenti kurrenti għall-arranġamenti stabbiliti b'dan ir-Regolament.”
Artikolu 2
Dan ir-Regolament għandu jidħol fis-seħħ fl-1 ta' Lulju 2005.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Strasburgu, fit-8 ta' Ġunju 2005.
Għall-Parlament Ewropew
Il-President
J. P. BORRELL FONTELLES
Għall-Kunsill
Il-President
N. SCHMIT
(1) Opinjoni tal-Parlament Ewropew tal-10 ta' Mejju 2005 (għadha mhux pubblikata fil-Ġurnal Uffiċjali) u Deċiżjoni tal-Kunsill tat-30 ta' Mejju 2005.
(2) ĠU L 147, tal-31.5.2001, p. 1. Regolament kif emendat l-aħħar bir-Regolament tal-Kummissjoni (KE) Nru 260/2005 (ĠU L 46, tas-17.2.2005, p. 31).
(3) ĠU L 160, tat-28.6.2003, p. 1.