6.10.2006 |
MT |
Il-Ġurnal Uffiċjali ta’ l-Unjoni Ewropea |
208 |
DIRETTIVA TAL-KUMMISSJONI 2005/18/KE
tat-2 ta' marzu 2005
li temenda d-Direttiva 2001/32/KE dwar ċerti żoni protetti fil-Komunità esposti għal riskji partikolari għas-saħħa tal-pjanti
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 2000/29/KE tat-8 ta’ Mejju 2000 dwar miżuri ta' ħarsien kontra d-dħul fil-Komunità ta' organiżmi li jagħmlu ħsara lill-pjanti jew lill-prodotti tal-pjanti u kontra t-tixrid tagħhom fil-Komunità (1), u b’mod partikolari l-ewwel subparagrafu ta' l-Artiklu 2(1)(h) tagħha,
Wara li kkunsidrat it-talbiet magħmula mir-Repubblika Ċeka, id-Danimarka, l-Estonja, l-Greċja, l-Irlanda, l-Italja, l-Iżvezja u r-Renju Unit,
Billi:
(1) |
Minn informazzjoni mogħtija mir-Repubblika Ċeka, id-Danimarka, il-Greċja (fejn jidħlu Kreta u Lesvos), l-Irlanda, l-Isvezja u r-Renju Unit (inklużi ċ-Channel Islands imma mhux l-Isle of Man), jidher li l-Cryphonectria parasitica (Murrill) Barr. m’hix preżenti fit-territorju ta’ dawk il-pajjiżi. Għalhekk dawk il-pajjiżi għandhom ikunu rikonoxxuti bħala żoni protetti fir-rigward tal-Cryphonectria parasitica (Murrill) Barr. |
(2) |
Minn informazzjoni mogħtija mid-Danimarka, ibbażata fuq stħarriġ aġġornat, id-Danimarka m’għandhiex aktar tiġi rikonoxxuta bħala żona protetta fir-rigward tal-Beet necrotic yellow vein virus għaliex jidher li dan l-organiżmu ta' ħsara issa huwa stabbilit fid-Danimarka. |
(3) |
Minn informazzjoni mogħtija mill-Estonja bbażata fuq stħarriġ aġġornat, jidher li l- Erwinia amylovora (Burr.) Winsl. et al. mhumiex preżenti fit-territorju ta’ l-Estonja. Għalhekk, l-Estonja għandha tkun temporanjament rikonoxxuta bħala żona protetta fir-rigward ta' dan l-organiżmu. |
(4) |
Minn informazzjoni mogħtija mir-Renju Unit, ibbażata fuq stħarriġ aġġornat dwar il-preżenza tad-Dendroctonus micans Kugelan, jidher li dan l-organiżmu ta' ħsara issa huwa stabbilit f’ċerti partijiet tar-Renju Unit imma mhux fl-Irlanda ta' Fuq u l-anqas fl-Isle of Man jew Jersey. Iż-żona protetta għandha għalhekk tkun modifikata u ristretta għall-Irlanda ta' Fuq, l-Isle of Man u Jersey. |
(5) |
Minn informazzjoni mogħtija mill-Italja bbażata fuq stħarriġ aġġornat u minn informazzjoni oħra miġbura mill-Uffiċju Alimentari u Veterinarju waqt missjoni fl-Italja f'Mejju ta' l-2004, jidher li dan l-organiżmu ta' ħsara issa huwa stabbilit f’dan il-pajjiż. Għalhekk l-Italja m’għandhiex tkun rikonoxxuta aktar bħala żona protetta fir-rigward tas-Citrus tristeza virus (CTV). |
(6) |
Minn informazzjoni mogħtija mill-Iżvezja, jidher li xi ismijiet ta’ kontei fl-Isvezja rikonoxxuti bħala żoni protetti fir-rigward tal-Leptinotarsa decemlineata Say jinħteġilhom li jigu kkoreġġuti tipografikament. |
(7) |
Id-Direttiva 2001/32/KE (2) għandha għalhekk tiġi emendata f’dan is-sens. |
(8) |
Il-miżuri li dwarhom tiddisponi din id-Direttiva huma fi qbil ma' l-opinjoni tal-Kumitat Permanenti dwar is-Saħħa tal-Pjanti, |
ADOTTAT DIN ID-DIRETTIVA:
Artikolu 1
Id-Direttiva 2001/32/KE hija emendata kif ġej:
1. |
Fl-aħħar ta’ l-Artikolu 1, jiżdied il-paragrafu li ġej: “Fil-każ tal-punt (b)(2) ta' l-Anness, iż-żona msemmija ta' l-Estonja hija rikonoxxuta sal-31 ta' Marzu 2007.” |
2. |
L-Anness huwa emendat skond l-Anness għal din id-Direttiva. |
Artikolu 2
1. L-Istati Membri għandhom jadottaw u jippubblikaw, sa mhux aktar tard mill-14 ta' Mejju 2005, il-liġijiet, regolamenti u dispożiżżjonijiet amministrattivi meħtieġa biex jikkonformaw ma' din id-Direttiva. Huma għandhom japplikaw dawn id-dispożizzjonijiet sa mill-15 ta' Mejju 2005.
Meta l-Istati Membri jadottaw dawn id-dispożizzjonijiet, dawn ta' l-aħħar għandhom jinkludu referenza għal din id-Direttiva jew ikollhom magħhom din ir-referenza meta jiġu ppubblikati uffiċjalment. L-Istati Membri għandhom jiddeċiedu kif għandha ssir din ir-referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tal-liġi nazzjonali li jkunu adottaw fil-qasam li dwaru tiddisponi din id-Direttiva.
Artikolu 3
Din id-Direttiva għandha tidħol fis-seħħ fit-tielet jum wara dak tal-pubblikazzjoni tagħha fil-Ġurnal Uffiċjali ta' l-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmula fi Brussell, nhar it-2 ta' Marzu 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 169, 10.7.2000, p. 1, kif emendata l-aħħar bid-Direttiva tal-Kummissjoni 2004/102/KE, (ĠU L 309, 6.10.2004, p. 9).
(2) ĠU L 127, 9.5.2001, p. 38, kif emendata l-aħħar bid-Direttiva tal-Kummissjoni 2004/32/KE, (ĠU L 85, 23.3.2004, p. 24).
ANNESS
L-Anness għad-Direttiva 2001/32/KE huwa emendat kif ġej:
1. |
Taħt l-intestatura a):
|
2. |
Taħt l-intestatura b), f'punt 2, “l-Estonja” hija miżjuda qabel “Franza (Korsika)”. |
3. |
Taħt l-intestatura c), il-punt li ġej jidħol qabel punt 1:
|
4. |
Taħt l-intestatura d):
|