12.12.2006 |
MT |
Il-Ġurnal Uffiċjali ta’ l-Unjoni Ewropea |
721 |
DEĊIŻJONI TAL-KUMMISSJONI
tal-21 ta’ Diċembru 2005
li tawtorizza l-Istati Membri biex jieħdu deċiżjonijiet skond id-Direttiva 1999/105/KE dwar assigurazzjonijiet li jifilħu jagħmlu fir-rigward ta’ materjal riproduttiv tal-foresti prodott f'pajjiżi terzi
(innotifikata taħt dokument numru C(2005) 5485)
(2005/942/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 1999/105/KE tat-22 ta' Diċembru 1999 dwar it-tqegħid fis-suq ta' materjal riproduttiv tal-foresti (1) u partikolarment l-Artikolu 19(3) tagħha,
Billi:
(1) |
Skond l-Artikolu 19(1) tad-Direttiva 1999/105/KE, il-Kunsill fuq proposta tal-Kummissjoni għandu jiddetermina jekk il-materjal riproduttiv tal-foresti prodott f’pajjiż terzi jifilħux l-istess assigurazzjonijiet fir-rigward ta’ l-approvazzjoni tal-materjal bażiku tiegħu u l-miżuri meħuda għall-produzzjoni tiegħu bil-ħsieb li jitqiegħed fis-suq bħall-materjal riproduttiv tal-foresti prodott ġewwa l-Komunità u li jikkonforma mad-dispożizzjonijiet ta’ dik id-Direttiva |
(2) |
Madankollu, it-tagħrif disponibbli bħalissa dwar il-kundizzjonijiet li japplikaw fil-pajjiżi terzi għadu mhux biżżejjed sabiex jippermetti lill-Kummissjoni biex tieħu xi deċiżjoni bħal din dwar xi pajjiż terz |
(3) |
Sabiex jiġi evitat tfixkil fit-tendenzi tal-kummerċ l-Istati Membri għandhom għalhekk, jiġu awtorizzati li jieħdu deċiżjonijiet bħal dawn dwar il-materjal speċifiku importat minn pajjiżi partikolari. L-analiżi tal-Kummissjoni turi li dan il-materjal joffri garanziji ekwivalenti għal dawk applikabbli għall-materjal riproduttiv tal-foresti prodott fil-Komunità skond id-Direttiva 1999/105/KE. |
(4) |
Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar iż-Żrieragħ u l-Materjal ta' Propagazzjoni għall-Agrikoltura, l-Ortikultura u l-Foresti, |
ADOTTAT DIN ID-DEĊIŻJONI:
Artikolu 1
L-Istati Membri huma awtorizzati jiddeċiedu dwar il-pajjiżi terzi mniżżlin fl-Anness, u dwar l-ispeċi, il-kategoriji u t-tipi tal-materjal bażiku stipulat fih jekk materjal riproduttiv tal-foresti prodott f’dawk il-pajjiżi jifilħux għall-istess assigurazzjonijiet dwar l-approvazzjoni għall-materjal bażiku tagħhom u l-miżuri meħuda għall-produzzjoni tiegħu bil-ħsieb li jitqiegħed fis-suq bħall- materjal riproduttiv tal-foresti prodott ġewwa l-Komunità u li jikkonformaw mad-dispożizzjonijiet tad-Direttiva 1999/105/KE.
Il-materjal riproduttiv tal-foresti importati minn dawk il-pajjiżi terzi se jiġu akkumpanjati b’ċertifikat oriġinali jew ċertifikat uffiċjali maħruġ mill-pajjiż ta’ l-oriġini u rekords li jkun fihom dettalji tal-konsenji kollha li jridu jiġu esportati, li jridu jiġu pprovduti mill-fornitur fil-pajjiż terz.
Artikolu 2
L-Istati Membri għandhom javżaw minnufih lill-Kummissjoni u l-Istati Membri l-oħra bi kwalunkwe deċiżjonijiet meħuda skond din id-Deċiżjoni, u ta' kwalunkwe rtirar ta' deċiżjonijiet bħal dawn.
Artikolu 3
L-awtorizzazzjoni prevista fl-Artikolu 1 għandha tapplika mill-1 ta’ Jannar 2006 u għandha tiskadi fil-31 ta' Diċembru 2008.
Artikolu 4
Din id-Deċiżjoni hija indirizzata lill-Istati Membri.
Magħmul fi Brussell, nhar il-21 ta’ Diċembru 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 11, 15.1.2000, p. 17.
ANNESS
Pajjiż ta' l-oriġini |
Speċi |
Kategorija |
Tip ta' materjal bażiku |
||||||||||||||||||||
Belarus |
Picea abies Karst. |
SI |
SS, St |
||||||||||||||||||||
Il-Kanada (British Columbia) |
Abies grandis Lindl. |
SI, Q, T |
SS, St, SO, PF |
||||||||||||||||||||
Picea sitchensis Carr. |
SI, Q |
SS, St, SO |
|||||||||||||||||||||
Pinus contorta Loud. |
SI |
SS, St |
|||||||||||||||||||||
Pseudotsuga menziesii Franco |
SI, Q, T |
SS, St, SO, PF |
|||||||||||||||||||||
Il-Kroazja (I-1. Podravina, Podunavlje, I-2. Posavina) |
Quercus robur L. |
SI |
SS, St |
||||||||||||||||||||
In-Norveġja |
Picea abies Karst. |
SI |
SS, St |
||||||||||||||||||||
Pinus sylvestris L. |
SI |
SS, St |
|||||||||||||||||||||
Quercus petraea Liebl. |
SI |
SS, St |
|||||||||||||||||||||
Quercus robur L. |
SI |
SS, St |
|||||||||||||||||||||
Ir-Rumanija |
Abies alba Mill. |
SI |
SS, St |
||||||||||||||||||||
Acer platanoides L. |
SI |
SS, St |
|||||||||||||||||||||
Fagus sylvatica L. |
SI |
SS, St |
|||||||||||||||||||||
Larix decidua Mill. |
SI |
SS, St |
|||||||||||||||||||||
Picea abies Karst. |
SI |
SS, St |
|||||||||||||||||||||
Pinus nigra Arnold |
SI |
SS, St |
|||||||||||||||||||||
Prunus avium L. |
SI |
SS, St |
|||||||||||||||||||||
Quercus cerris L. |
SI |
SS, St |
|||||||||||||||||||||
Quercus petraea Liebl. |
SI |
SS, St |
|||||||||||||||||||||
Quercus robur L. |
SI |
SS, St |
|||||||||||||||||||||
Quercus rubra L. |
SI |
SS, St |
|||||||||||||||||||||
Robinia pseudoacacia L. |
SI |
SS, St |
|||||||||||||||||||||
L-Iżvizzera |
Fagus sylvatica L. |
SI |
SS, St |
||||||||||||||||||||
It-Turkija |
Cedrus libani A. Richard |
SI, SE |
SS, St |
||||||||||||||||||||
Pinus brutia Ten. |
SI, SE |
SS, St |
|||||||||||||||||||||
L-Istati Uniti ta' l-Amerika (Washington, Oregon, California) |
Abies grandis Lindl. |
SI, Q, T |
SS, St, SO, PF |
||||||||||||||||||||
Picea sitchensis Carr |
SI |
SS, St |
|||||||||||||||||||||
Pinus contorta Loud |
SI |
SS, St |
|||||||||||||||||||||
Pseudotsuga menziesii Franco |
SI, Q, T |
SS, St, SO, PF |
|||||||||||||||||||||
Spjega:
Kategorija tip ta' materjal bażiku SI Sors Identifikat SE Magħżul Q Kwalifikat T Ittestjat SS Sors taż-Żerriegħa St Grupp ta’ siġar uniformi SO Masġar taż-Żrieragħ PF Siġar għall-ġenerazzjoni |