18.10.2005   

MT

Il-Ġurnal Uffiċjali ta’ l-Unjoni Ewropea

151

(1)

Taħt id-Direttiva 88/378/KEE, il-ġugarelli jitqiesu li huma konformi mal-ħtiġijiet essenzjali tas-sigurtà msemmija f' Artikolu 3 ta' dik id-Direttiva jekk jikkonformaw ma' l-istandards nazzjonali applikabbli għalihom li jittrasponu l-istandards armonizzati li n-numri ta' referenza tagħhom ġew ppubblikati fil-Ġurnal Uffiċjali ta' l-Unjoni Ewropea.

(2)

L-Istati Membri huma meħtieġa jippubblikaw in-numri ta' referenza ta' l-istandards nazzjonali li jittrasponu dawk l-istandards armonizzati li n-numri ta' referenza tagħhom ġew ppubblikati fil-Ġurnal Uffiċjali ta' l-Unjoni Ewropea.

(3)

Il-Kumitat Ewropew ta' l-Istandardizzazzjoni (CEN), taħt mandat mill-Kummissjoni, fassal u adotta l-istandard armonizzat EN 71-1:1998 “Sigurtà tal-Ġugarelli — Parti 1: propjetajiet mekkaniċi u fiżiċi” fil-15 ta' Lulju 1998, li r-referenzi tagħhom ġew ippubblikati għall-ewwel darba fil-Ġurnal Uffiċjali ta' l-Unjoni Ewropea tat-28 ta' Lulju 1999 (3).

(4)

Skond il-Klawsola 4.6 ta' dak l-istandard armonizzat, il-ġugarelli u l-komponenti tal-ġugarelli magħmulin minn materjali li jespandu li, skond it-test taċ-ċilindru, huma meqjusa bħala partijiet żgħar m'għandhomx jespandu iktar minn 50 % fl-ebda dimensjoni meta ttestjati skond il-Klawsola 8.14, ngħidu aħna, meta jkunu mgħarrqa f' reċipjent taħt ċerti kondizzjonijiet għal perjodu ta' 24 siegħa.

(5)

L-awtoritajiet Spanjoli isostnu li minkejja li jikkonformaw ma' l-istandard armonizzat rilevanti, dawn il-prodotti jistgħu xorta waħda jkunu ta' periklu għas-saħħa tat-tfal jekk il-partijiet żgħar jiġu maqluha u jinbelgħu.

(6)

Wara li jsiru it-testijiet fuq serje ta' ġugarelli magħmula minn materjali li jespandu, l-awtoritajiet kkonkludew li l-ġugarelli jistgħu jkomplu jikbru fid-daqs jekk ikunu mgħarrqa għal perjodu itwal mill-24 siegħa speċifikat fil-Klawsola 8.14. Bil-ħsieb li oġġett jista' jieħu iktar minn 24 siegħa biex jgħaddi mill-apparat gastrointestinali, il-perjodu ta' ħin ta' 24 siegħa speċifikat għall-metodu tat-test jista' ma jkunx biżżejjed biex jiġi ttestjat ir-riskju ta' korriment fiżiku f' każijiet fejn jinbelgħu ġugarelli żgħar jew komponenti ta' ġugarelli.

(7)

Barra minn hekk, ir-riskju ta' korriment fiżiku huwa partikolarment serju meta porzjonijiet jew segmenti żgħar ikunu jistgħu jinqalgħu faċilment. Minkejja li l-Klawsola 4.6 ta' l-istandard armonizzat rilevanti jeħtieġ li l-ġugarelli u l-komponenti tal-ġugarelli jgħaddu t-test taċ-ċilindru, dan ma jikkunsidrax il-possibilità li, fil-każ ta' ċerti ġugarelli li ma jidħlux fiċ-ċilindru u m'għandhom l-ebda parti żgħira, it-tfal jistgħu xorta waħda faċilment jigdmu, jgħawġu jew jaqalgħu porzjonijiet żgħar mill-materjal.

(8)

B' konsegwenza ta' dan, fuq il-bażi ta' l-informazzjoni mressqa mill-awtoritajiet Spanjoli, l-awtoritajiet nazzjonali l-oħra, il-Kumitat Ewropew għall-Istandardizzazzjoni (CEN) u l-Kumitat Permanenti stabbilit mid-Direttiva 98/34/KE, huwa ċar li l-konformità ma' l-istandard armonizzat EN 71-1:1998 “Is-Sigurtà tal-Ġugarelli–Parti 1: propjetajiet mekkaniċi u fiżiċi” ma jistax jitqies aktar li huwa konformi mal-ħtiġijiet essenzjali tas-sigurtà sa fejn għandu x' jaqsam mal-Klawsola 4.6 ta' dak l-istandard, u l-Klawsola 8.14 tagħha, sa fejn għandu x' jaqsam mat-test fejn il-ġugarell jiġi mgħarraq għal 24 siegħa.

(9)

Huwa għalhekk neċessarju li tkun ipprovduta nota xierqa biex tkun mehmuża mal-pubblikazzjoni tar-referenzi ta' l-istandard armonizzat EN 71-1:1998 “Is-Sigurtà tal-Ġugarelli–Parti 1: propjetajiet mekkaniċi u fiżiċi”,