Ir-Regolament tal-Kummissjoni (KE) Nru 599/2004

tat-30 ta’ Marzu 2004

li jikkonċerna l-adozzjoni ta’ mudell armonizzat ta’ ċertifikat u rapport ta’ l-ispezzjoni marbuta mal-kummerċ intra-Komunitarju fl-annimali u l-prodotti li joriġinaw mill-annimali

(Test b’relevanza tal-ŻEE)

IL-KUMMISSJONI TAL-KOMUNITAJIET EWROPEJ,

Wara li kunsidrat it-Trattat li jistabbilixxi l-Komunità Ewropea,

Wara li kunsidrat id-Direttiva tal-Kunsill 90/425/KEE of 26 Ġunju 1990 li tikkonċerna l-verifiki veterinarji u żootekniċi applikabbli fil-kummerċ intra-Komunità f’ċerti annimali ħajjin u prodotti bil-għan tat-twettieq tas-suq intern [1], partikolarment, l-Artikolu 20(3) tagħha,

Wara li kunsidrat id-Direttiva tal-Kunsill 89/662/KEE tal-11 ta’ Diċembru 1989 li tikkonċerna l-verifiki veterinarji u żootekniċi applikabbli fil-kummerċ intra-Komunità bil-għan tat-twettieq tas-suq intern [2], partikolarment, l-Artikolu 16(3) tagħha,

Wara li kunsidrat id-Direttiva tal-Kunsill 91/628/KEE tad-19 ta’ Novembru 1991 dwar il-protezzjoni ta’ l-annimali matul it-trasport u li temenda d-Direttivi 90/425/KEE u 91/496/KEE [3], u partikolarment l-Artikolu 15 tagħha,

Wara li kunsidrat id-Deċiżjoni tal-Kunsill tat-13 ta’ Lulju 1992 dwar il-komputerizzazzjoni tal-proċeduri veterinarji dwar l-importazzjoni (Proġett Shift), li temenda d-Direttivi 90/675/KEE, 91/496/KEE, 91/628/KEE u d-Deċiżjoni 90/424/KEE, u li tħassar id-Deċiżjoni 88/192/KEE [4], u partikolarment l-Artikolu 12 tagħha,

Billi:

(1) L-Armonizzazzjoni tal-preżentazzjoni taċ-ċertifikati tas-saħħa li huma meħtieġa fil-kummerċ intra-Komunità hija vitali għall-introduzzjoni tas-sistema Traces, kif hemm provvediment dwar dan fid-Diċtiżjoni tal-Kummissjoni 2003/623/KE li tikkonċerna l-iżvilupp tas-sistema veterinarja komputerizzata integrata magħrufha bħala Traces [5], hekk li l-informazzjoni akkwistata tista tkun amministrata u proċessata sewwa sabiex ittejjeb is-sigurtà tas-saħħa fil-Komunità.

(2) L-introduzzjoni tal-mudell armonizzat għall-ġbir tar-riżultati ta’ l-ispezzjonijiet imwettqa permezz tad-Direttivi 89/662/KEE, 91/628/KEE u 90/425/KEE huwa meħtieġ sabiex dik l-informazzjoni tista tkun ipproċessata b’meżżi elettroniċi, u tikkostitwixxi l-bażi tal-preżentazzjoni standardizzata tar-riżultati, kif meħtieġ b’dawk id-Direttivi.

(3) Il-preżentazzjoni tal-mudelli tad-dokumenti meħtieġa bil-leġislazzjoni tal-Komunità f’dawn l-atti li ġejjin għandha tkun armonizzata:

- L-Anness F tad-Direttiva tal-Kunsill 64/432/KEE tas-26 ta’ Ġunju 1964 rigward il-problemi tas-saħħa ta’ annimali li jaffettwaw il-kummerċ intra-Komunità fl-annimali tal-ifrat u l-majjali [6];

- L-Annessi D1 u D2 tad-Direttiva tal-Kunsill 88/407/KEE tal-14 ta’ Ġunju 1988 li tistabbilixxi l-ħtiġiet dwar is-saħħa ta’ l-annimali applikabli fil-kummerċ intra-Komunità fi u dwar l-importazzjoni ta’ semen ta’ annimali domestiċi ta’ l-ispeċie tal-ifrat [7];

- L-Anness C tad-Direttiva tal-Kunsill 89/556/KEE tal-25 ta’ Settembru 1989 dwar kundizzjonijiet tas-saħħa ta’ l-annimali li jirregolaw il-kummerċ intra-Komunità fi u l-importazzjoni minn pajjiżi terzi ta’ embrijuni ta’ l-annimali domestiċi ta’ l-ispeċie tal-ifrat [8];

- L-Anness C tad-Direttiva tal-Kunsill 90/426/KEE tas-26 ta’ Ġunju 1990 dwar il-kundizzjonijiet tas-saħħa ta’ l-annimali li jirregolaw il-moviment u l-importazzjoni minn pajjiżi terzi ta’ equidae [9];

- L-Anness D tad-Direttiva tal-Kunsill 90/429/KEE tas-26 ta’ Ġunju 1990 li tistabbilixxi l-ħtiġiet dwar is-saħħa ta’ l-annimali applikabbli fil-kummerċ intra-Komunità fi u dwar l-importazzjoni ta’ semen ta’ annimali domestiċi ta’ l-ispeċie porċini [10];

- L-Anness IV tad-Direttiva tal-Kunsill 90/539/KEE tal-15 ta’ Ottubru 1990 dwar il-kondizzjonijiet tas-saħħa ta’ l-annimali li jirregolaw il-kummerċ intra-Komunità fi u l-importazzjoni minn pajjiżi terzi ta’ tjur u bajt tat-tfaqqis [11];

- L-Anness E tad-Direttiva tal-Kunsill 91/67/EEC tat-28 ta’ Jannar 1991 li tikkonċerna l-kundizzjonijiet tas-saħħa ta’ l-annimali li jirregolaw it-tqegħid fuq is-suq ta’ l-annimali u l-prodotti ta’ l-akwakoltura [12];

- L-Anness E tad-Direttiva tal-Kunsill 91/68/KEE tat-28 ta’ Jannar 1991 dwar il-kundizzjonijiet tas-saħħa ta’ l-annimali li jirregolaw il-kummerċ intra-Komunità fl-annimali ovini u kaprini [13];

- L-Anness E tad-Direttiva tal-Kunsill 92/65/KEE tat-13 ta’ Lulju 1992 li jistabbilixxi l-ħtiġiet tas-saħħa ta’ l-annimali li jirregolaw il-kummerċ u l-importazzjoni fil-Komunità ta’ l-annimali, tas-semen, tal-ova u l-embrijoni li ma humiex suġġetti għall-ħtiġiet tas-saħħa ta’ l-annimali stabbiliti fir-regoli speċifiċi tal-Komunità referuti fl-Anness A (I) tad-Direttiva 90/425/KEE [14];

- L-Anness tad-Deċiżjoni tal-Kummissjoni 94/273/KE tat-18 ta’ April 1994 li tikkonċerna ċ-ċertifikazzjoni veterinarja għat-rqegħid fis-suq tar-Renju Unit u l-Irlanda tal-klieb u l-qtates li ma joriġinawx minn dawk il-pajjiżi [15];

- L-Anness tad-Deċiżjoni tal-Kummissjoni 95/294/KE tal-24 ta’ Lulju 1995 li tiddetermina l-kampjun taċ-ċertifikat tas-saħħa ta’ l-annimali għall-kummerċ bil-ova u l-embrijuni ta’ l-ispeċie ekwini [16];

- L-Anness tad-Deċiżjoni tal-Kummissjoni 95/307/KE tal-24 ta’ Lulju 1995 li tiddetermina l-kampjun taċ-ċertifikat tas-saħħa ta’ l-annimali għall-kummerċ fis-emen tal-ispeċie ekwini [17];

- L-Annessi I u II tad-Deċiżjoni tal-Kummissjoni 95/388/KE tad-19 ta’ Settembru 1995 li tiddettermina l-kampjun taċ-ċertifikat għall-kummerċ intra-Komunità għall-kummerċ fis-semen, il-ova u l-embrijuni ta’ l-ispeċie ovini u kaprini [18];

- L-Anness tad-Deċiżjoni tal-Kummissjoni 95/483/KE tad-9 ta’ Novembru 1995 li tiddetermina l-kampjun taċ-ċertifikat għall-kummerċ intra-Komunità fil-ova u l-embrijuni ta’ l-ispeċje tal-majjali [19];

- L-Annessi I u II tad-Deċiżjoni tal-Kummissjoni 1999/657/KE tas-27 ta’ Lulju 1999 li tistabbilixxi l-mudell taċ-ċertifikat referut fl-Artikolu 16(1) tad-Direttiva tal-Kunsill 91/67/KEE [20];

- L-Anness I tad-Deċiżjoni tal-Kummissjoni 2003/390/KE tat-23 ta’ Mejju 2003 li tistabbilixxi kundizzjonijiet speċjali għat-tqegħid fis-suq ta’ l-ispeċie ta’ l-akwakoltura meqjusa bħala suxxettibbli għal ċertu mard u l-podotti tagħhom [21];

- L-Anness IV tad-Direttiva tal-Kunsill 64/433/KEE tas-26 ta’ Ġunju 1964 dwar il-kundizzjonijiet tas-saħħa għall-produzzjoni u l-marketing ta’ laħam frisk [22];

- L-Anness VI tar-Direttiva tal-Kunsill 71/118/KEE tal-15 ta’ Frar 1971 dwar il-problemi tas-saħħa li jaffettwaw il-produzzjoni u t-tqegħid fis-suq tal-laħam frisk tat-tjur [23];

- L-Anness D tad-Direttiva tal-Kunsill 77/9/KEE tal-21 ta’ Diċembru 1976 dwar il-problemi tas-saħħa li jaffettwaw il-produzzjoni u l-marketing ta’ prodotti tal-laħam u ċerti prodotti oħrajn ta’ l-oriġini ta’ l-annimali [24];

- L-Anness IV tad-Direttiva tal-Kunsill 91/495/KEE tas-27 ta’ Novembru 1991 li tikkonċerna l-problemi tas-saħħa pubblika u s-saħħa ta’ l-annimali li jaffettwaw il-produzzjoni u t-tqegħid fis-suq tal-laħam tal-fenek u tal-laħam ta’ l-għasafar tal-kaċċa mrobbija fl-irziezet [25];

- L-Anness II tad-Direttiva tal-Kunsill 92/45/KEE tas-16 ta’ Ġunju 1992 rigward il-problemi tas-saħħa pubblika u tas-saħħa ta’ l-annimali li jirrigwardjaw il-qtil tal-kaċċa ferjali u t-tqegħid fis-suq ta’ laħam tal-kaċċa ferjali [26];

- L-Anness V tad-Direttiva tal-Kunsill 94/65/KEE tal-14 ta’ Diċembru 1994 li tistabbilixxi l-ħtiġiet għall-produzzjoni u t-tqegħid fis-suq tal-laħam kappuljat u l-preparazzjonijiet tal-laħam [27].

(4) L-iskambji ta’ l-informazzjoni bejn l-awtoritajiet kompetenti li hemm provvediment dwarhom fir-Regolament (KE) Nru 1774/2002 tal-Parlament Ewropew u tal-Kunsill tat-3 ta Ottubru 2002 li jistabbilixxi r-regoli tas-saħħa li jikkonċernaw il-prodotti sekondarji mill-annimali li mhumiex intiżi għall-konsum uman [28] għandhom ikunu armonizzati f’dak li jirrigwardja l-forniment tal-prodotti sekondarji mill-annimali u tal-prodotti proċessati.

(5) Il-miżuri li hemm provvediment dwarhom f’dan ir-Regolament huma b’konformità ma l-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali,

ADOTTAT DAN IR-REGOLAMENT:

Artikolu 1

Id-diversi ċertifikati tas-saħħa meħtieġa fil-kuntest tal-kummerc intra-Komunitarju, bl-eċċezzjoni taċ-ċertifikati tas-saħħa għal equidae irreġistrati, għandhom ikunu preżentati fuq il-bażi tal-mudell armonizzat anness hawnhekk.

Dan il-mudell ta’ ċertifikat jinkludi:

1. il-parti I standardizzata, "dettalji tal-konsenja",

2. il-parti II, "ċertifikazzjoni", iddisinjata sabiex turi l-ħtiġiet taħt il-leġislazzjoni speċifika għal kull speċie, tip ta’ produzzjoni u tip ta’ prodott, u

3. il-parti III standardizzata, "verifiki", li tirreġistra r-riżultati ta’ l-ispezzjonijiet imwettqa b’konformità mar-regoli fis-seħħ.

Artikolu 2

Dan ir-Regolament għandu jidħol fis-seħħ fil-31 ta’ Diċembru 2004.

B’danakollu, l-Istati Membri li hekk jixtiequ, jistgħu jagħmlu użu mill-preżentazzjoni taċ-ċertifikati sa mill-1 ta’ April 2004 il-quddiem fil-kuntest tas-sistema Traces.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-30 ta’ Marzu 2004.

Ghall-Kummissjoni

David Byrne

Membru tal-Kummissjoni

[1] ĠU L 224, tat-18.8.1990, p. 29. Id-Direttiva kif l-aħħar emendata bid-Direttiva 2002/33/KE tal-Parlament Ewropew u tal-Kunsill.

[2] ĠU L 395, tat-30.12.1989, p. 13. Id-Direttiva kif l-aħħar emendata bir-Regolament tal-Kunsill (KE) Nru 806/2003.

[3] ĠU L 340, tal-11.12.1991, p. 17. Id-Direttiva kif l-aħħar emendata bir-Regolament tal-Kunsill (KE) Nru 806/2003.

[4] ĠU L 243, tal-25.8.1992, p. 27.Id-Deċiżjoni kif l-aħħar emendata bid-Deċiżjoni 95/1/KE.

[5] ĠU L 216, tat-28.8.2003, p. 58.

[6] ĠU C 121, tad-29.7.1964, p. 1977/64. Id-Direttiva kif l-aħħar emendata bir-Regolament tal-Kunsill (KE) Nru 21/2004.

[7] ĠU L 194, tat-22.7.1988, p. 10. Id-Direttiva kif l-aħħar emendata bid-Deċiżjoni tal-Kummissjoni 2004/101/KE.

[8] ĠU L 302, 19.10.89, p. 1. Id-Direttiva kif l-aħħar emendata bir-Regolament tal-Kunsill (KE) Nru 806/2003.

[9] ĠU L 224, tat-18.8.1990, p. 42. Id-Direttiva kif l-aħħar emendata bir-Regolament tal-Kunsill (KE) Nru 806/2003.

[10] ĠU L 224, tat-18.8.1990, p. 62. Id-Direttiva kif l-aħħar emendata bir-Regolament tal-Kunsill (KE) Nru 806/2003.

[11] ĠU L 303, tal-31.10.1990, p. 6. Id-Direttiva kif l-aħħar emendata bir-Regolament tal-Kunsill (KE) Nru 806/2003.

[12] ĠU L 46, tad-19.2.1991, p. 1. Id-Direttiva kif l-aħħar emendata bir-Regolament tal-Kunsill (KE) Nru 806/2003.

[13] ĠU L 46, tad-19.2.1991, p. 19. Id-Direttiva kif l-aħħar emendata bid-Deċiżjoni tal-Kummissjoni 2003/708/KE.

[14] ĠU L 268, ta’ l-14.9.1992, p. 54. Id-Direttiva kif l-aħħar emendata bir-Regolament tal-Kummissjoni (KE) Nru 1398/2003.

[15] ĠU L 102, tat-12.4.1, p. 63. Id-Direttiva kif l-aħħar emendata bid-Deċiżjoni tal-Kummissjoni 2001/298/KE.

[16] ĠU L 182, tat-2.8.1995, p. 27.

[17] ĠU L 185, ta' l-4.8.1995, p. 58.

[18] ĠU L 234, tat-3.10.1995, p. 30.

[19] ĠU L 275, tat-18.11.1995, p. 30.

[20] ĠU L 216, ta’ l-14.8.1999, p. 13.

[21] ĠU L 135, tat-3.6.2003, p. 19.

[22] ĠU C 121, tad-29.7.1964, p. 2012/64. Id-Direttiva kif l-aħħar emendata bir-Regolament tal-Kunsill (KE) Nru 806/2003.

[23] ĠU L 55, tat-8.3.1971, p. 23. Id-Direttiva kif l-aħħar emendata bir-Regolament tal-Kunsill (KE) Nru 807/2003.

[24] ĠU L 26, tal-31.1.1977, p. 85. Id-Direttiva kif l-aħħar emendata bir-Regolament tal-Kunsill (KE) Nru 807/2003.

[25] ĠU L 268, 24.9.91, p. 41. Id-Direttiva kif l-aħħar emendata bir-Regolament tal-Kunsill (KE) Nru 806/2003.

[26] ĠU L 268, ta’ l-14.9.1992, p. 35. Id-Direttiva kif l-aħħar emendata bir-Regolament tal-Kunsill (KE) Nru 806/2003.

[27] ĠU L 368, tal-31.12.1994, p. 10. Id-Direttiva kif l-aħħar emendata bir-Regolament tal-Kunsill (KE) Nru 806/2003.

[28] ĠU L 273, ta’ l-10.10.2002, p. 1.

--------------------------------------------------

L-ANNESS

+++++ TIFF +++++

--------------------------------------------------

32004R0599