Official Journal L 087 , 25/03/2004 P. 0013 - 0015
Ir-Regolament tal-Kummissjoni (KE) Nru 546/2004 ta’ l-24 ta’ Marzu 2004 li jemenda l-Annessi I, II u III tar-Regolament tal-Kunsill (KEE) Nru 2377/90 li jistabbilixxi l-proċedura Komunitarja għat-twaqqif tal-limiti massimi ta’ residwi ta’ prodotti mediċinali veterinarji fl-oġġetti ta’ l-ikel li joriġinaw mill-annimali (Test b’relevanza tal-ŻEE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament tal-Kummissjoni (KEE) Nru 2377/90 tas-26 ta’ Ġunju 2004 li jistabilixxi l-proċedura tal-Komunità għat-twaqqif ta’ limiti massimi ta’ residwi ta’ prodotti mediċinali veterinarji fl-oġġetti ta’ l-ikel ta’ oriġini mill-annimali [1], kif l-aħħar emendat bir-Regolament tal-Kummissjoni (KE) Nru 324/1999 [2], u partikolarment l-Artikoli 6, 7 u 8 tiegħu, Billi: (1) Skond ir-regolament (KEE) Nru 2377/90, limiti massimi ta’ residwi għandhom ikunu stabbiliti progressivament għas-sustanzi farmakoloġikament attivi kollha li huma wżat fi ħdan il-Komunità fi prodotti mediċinali veterenarji intiżi għall-amministrazzjoni ta’ l-annimali li jipproduċu l-ikel. (2) Il-limiti massimi ta’ residwi għandhom ikunu stabbiliti biss wara l-eżaminazzjoni fi ħdan il-Kumitat għall-Prodotti Mediċinali Veterinarji ta’ l-informazzjoni relevanti kollha li tikkonċerna s-sigurtà tar-residwi tas-sustanzi kkonċernati għal-konsumatur ta’ l-oġġetti ta’ l-ikel ta’ l-oriġini mill-annimali u l-impatt tar-residwi fuq l-industrija tal-ipproċċessar ta’ l-oġġetti ta’ l-ikel. (3) Fittwaqqif tal-limiti tar-residwi massimi għal residwi tal-prodotti mediċinali veterinarji fl-oġġetti ta’ l-ikel ta’ l-oriġini mill-annimali, huwa meħtieġ li jkunu speċifikati l-ispeċje ta’ l-annimali li fihom ir-residwi jistgħu jkunu preżenti, il-livelli li jistgħu jkunu preżenti f’kull waħda mill-insiġ taċ-ċelloli akwistati minn annimali ttrattati (iċ-ċelloli mira) u n-natura tar-residwi li hija relevanti għall-monitoraġġ tar-residwi (ir-residwi mmirati). (4) Għall-kontroll tar-residwi, kif hemm provvediment dwar dan fil-leġislazzjoni xierqa tal-Komunità, il-limiti massimi tar-residwi għandhom normalment ikunu stabbiliti għaċ-ċelloli mmirati tal-fwied jew tal-kliewi. B’dana kollu, il-fwied u l-kliewi ta’ spiss huma mneħħija mill-karkassi li jkunu ttrasportati fil-kummerċ internazzjonali, u l-limiti massimi ta’ residwi għandhom għalhekk ikunu wkoll stabbiliti għall-muskoli u ċ-ċelloli tax-xaħam. (5) Fil-każ ta’ prodotti mediċinali veterinarji intiżi għall-użu fit-tjur tal-bajd, fl-annimali tal-ħalib jew fin-naħal ta’ l-għasel, il-limiti massimi tar-residwi għandhom ukoll ikunu stabbiliti għal-bajd, għall-ħalib u għall-għasel. (6) In-nafċillin għandu jkun miżjud fl-Anness I tar-Regolament (KEE) Nru 2377/90. (7) L-aċidu ossiliku għandu jkun miżjud fl-Anness II tar-Regolament (KEE) Nru 2377/90. (8) Sabiex jippermetti għall-finalizzar tal-istudji xjentifi1i, l-aċidu ossiliniku għandu jkun miżjud fl-Anness III tar-Regolament (KEE) Nru 2377/90. (9) Perijodu adekwat għandu jkun imħolli qabel id-dħul fis-seħħ ta’ dan ir-Regolament sabiex jippermetti lill-Istati Membri li jwettqu xi aġġustamenti li jistgħu jkunu meħtieġa għall-awtorizzazzjonijiet li jseħħu fil-prodotti mediċinali veterinarji kkonċernati fis-suq li jkunu ġew mogħtija bi qbil mad-Direttiva 2001/82/KE [3] tal-Parlament Ewropew u tal-Kunsill sabiex ikunu meqjusa d-dispożizzjonijiet ta’ dan ir-Regolament. (10) Il-miżuri li hemm provvediment dwarhom f’dan ir-Regolament huma bi qbil ma l-opinjoni tal-Kumitat Permanenti dwar il-Prodotti Mediċinali Veterinarji, ADOTTAT DAN IR-REGOLAMENT LI ĠEJ: Artikolu 1 L-Annessi I, II u III tar-Regolament (KEE) 2377/90 huma b’dan emendati kif stabbilit fl-Anness ta’ dan. Artikolu 2 Dan ir-Regolament għandu jidħol fis-seħħ fit-tielet jum li jiġi wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea. Għandu jkun japplika mis-60 jum li jiġi wara l-pubblikazzjoni tiegħu. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fl-24 ta’ Marzu 2004. Ghall-Kummissjoni Erkki Liikanen Membru tal-Kummissjoni [1] ĠU L 224, tat-18.8.1990, p. 1. [2] ĠU L 58, tas-26.2.2004, p. 16. [3] ĠU L 311, tat-28.11.2001, p. 1. -------------------------------------------------- L-ANNESS A. Is-sustanza(i) li ġejjin huma miżjuda fl-Anness I tar-Regolament (KEE) Neu 2377/90 1. Aġenti ta’ kontra l-infezzjoni 1.2. Antibiotiċi 1.2.1. Penisillini Sustanza(i) faramkoloġikalment attivi | Residwi mmirati | Speċje ta' l-annimali | MRL/LRM | Celloli mmirati | Nafċillin | Nafċillin | Ir-ruminanti kollha | 300 µg/kg | Muskolu | 300 µg/kg | Xaħam | 300 µg/kg | Fwied | 300 µg/kg | Kliewi | 30 µg/kg | Ħalib | Sustanza(i) faramkoloġikalment attivi | Speċje ta' l-annimali | Aċidu ossiliku | Naħal ta' l-għasel | C. Is-sustanza(i) li ġejjin huma miżjuda fl-Anness III tar-Regolament (KEE) Neu 2377/90 1. Aġenti ta’ kontra l-infezzjoni 1.2. Antibiotiċi 1.2.6. Kwinolini Sustanza(i) faramkoloġikalment attivi | Residwi mmirati | Speċje ta' l-annimali | MRL/LRM | Celloli mmirati | Aċidu ossiliku | Aċidu ossiliku | Bovini | 100 µg/kg | Muskolu | 50 µg/kg | Xaħam | 150 µg/kg | Fwied | 150 µg/kg | Kliewi | --------------------------------------------------