Official Journal L 158 , 30/04/2004 P. 0050 - 0076
Direttiva 2004/37/KE tal-parlament ewropew u l-kunsill tad-29 ta' April 2004 dwar il-protezzjoni tal-ħaddiema minn riskji relatati ma' l-esposizzjoni għal karċinoġeni jew mutaġeni fuq il-post tax-xogħol (Sitt Direttiva individwali fis-sens ta' l-Artikolu 16(1) tad-Direttiva tal-Kunsill 89/391/KEE) (verżjoni kodifikata) (Test relevanti għaż-ŻEE) IL-PARLAMENT EWROPEW U L-KUNSILL TA' L-UNJONI EWROPEA, Wara li kkunsidraw it-Trattat li jistabbilixxi l-Komunità Ewropea, u b'mod partikolari l-Artikolu 137(2) tiegħu, Wara li kkunsidraw il-proposta mill-Kummissjoni, Wara li kkunsidraw l-opinjoni tal-Kumitat Ekonomiku u Soċjali Ewropew [1], Wara li kkonsultaw il-Kumitat tar-Reġjuni, Taġixxi skond il-proċedura stabbilita fl-Artikolu 251 tat-Trattat [2], Billi: (1) Direttiva tal-Kunsill 90/394/KEE tat-28 ta' Ġunju 1990 dwar il-protezzjoni tal-ħaddiema minn riskji relatati ma' l-esposizzjoni għal karċinoġeni fuq il-post tax-xogħol (Sitt Direttiva invidwali fis-sens ta' l-Artikolu 16(1) tad-Direttiva 89/391/KEE) [3] ġiet sostanzjalment emendata diversi drabi [4]. Fl-interessi taċ-ċarezza u r-razzjonalità, d-Direttiva msemmija għandha għalhekk tiġi kkodifikata. (2) Tħaris tal-ħtieġijiet minimi ddisinjati biex jiggarantixxu standard aħjar ta' saħħa u sigurtà fir-rigward tal-protezzjoni tal-ħaddiema minn riskji relatati ma' l-esposizzjoni għal karċinoġeni jew mutaġeni fuq il-post tax-xogħol hija essenzali biex tiżgura s-saħħa u sigurtà tal-ħaddiema u hija ukoll maħsuba biex tipprovdi livell ta' protezzjoni minima għal ħaddiema kollha fil-Komunità. (3) Din id-Direttiva hija Direttiva individwali fis-sens ta' l-Artikolu 16(1) tad-Direttiva tal-Kunsill 89/391/KEE tat-12 ta' Ġunju 1989 dwar l-introduzzjoni ta' miżuri biex jinkoraġixxu titjieb fis-sigurtà u saħħa tal-ħaddiema fuq il-post tax-xogħol [5]. Għalhekk id-disposizzjonijiet ta' dik id-Direttiva japplikaw bi sħiħ għal esposizzjoni ta' ħaddiema għal karċinoġeni jew mutaġeni, mingħajr preġudizzju għal disposizzjonijiet iktar stretti u/jew speċifiċi li jinsabu f'din id-Direttiva. (4) Livell konsistenti ta' protezzjoni minn riskji relatati ma' karċinoġeni u mutaġeni għandu jiġi stabbilit għal Komunità kollha u dak il-livell ta' protezzjoni għandu jiġi mwaqqaf mhux minn ħtieġijiet preskrittivi dettaljati imma minn kwadru ta' prinċipji ġenerali biex jħalli l-Istati Membri japplikaw il-ħtieġijiet minimi b'mod konsistenti. (5) Mutaġeni ta' ċelloli bijoloġiċi huma sustanzi li jistgħu jikkaġunaw tibdil permanenti fl-ammont jew struttura tal-materjal ġenetiku ta' ċellola li jirriżultaw f'bidla fil-karatteristiċi fenotipiċi ta' dik iċ-ċellola, li tista' tiġi trasferita għal descendent daughter cells. (6) Minħabba l-mekkaniżmi ta' azzjoni tagħhom, mutaġeni ta' ċelloli bijoloġiċi jista' jkollhom effetti karċinoġeniċi. (7) L-Anness VI għad-Direttiva tal-Kunsill 67/548/KEE tas-27 ta' Ġunju 1967 fuq l-approssimazzjoni tal-liġijiet, regolamenti u disposizzjonijiet amministrattivi li jirrelataw mal-klassifikazzjoni, ippakkjar u tikkettar ta' sustanzi perikolużi [6] li fih il-kriterja tal-klassifikazzjoni u l-proċeduri ta' tikkettar dwar kull sustanza. (8) Direttiva 1999/45/KE tal-Parlament Ewropew u l-Kunsill tal-31 ta' Mejju 1999 fuq l-approssimazzjoni tal-liġijiet, regolamenti u disposizzjonijiet amministrattivi ta' l-Istati Membri li jirrelataw mal-klassifikazzjoni, ppakkjar u tikkettar ta' preparazzjonijiet perikolużi [7] fiha partikolaritajiet fuq il-kriterja ta' klassifikazzjoni u l-proċeduri ta' tikkettar dwar dawn l-preparazzjonijiet. (9) Fis-sitwazzjonijiet kollha ta' xogħol l-ħaddiema għandhom ikunu protetti fil-konfront ta' preparazzjonijiet li fihom wieħed jew iktar karċinoġeni jew mutaġeni u minn komposizzjonijiet karċinoġeni jew mutaġeni li jinqalgħu fuq il-post tax-xogħol. (10) Għal xi aġenti huwa neċessarju li jikkonsidraw is-sensieliet ta' reazzjonijiet ta' assorbiment kollha, inkluż il-possibilità ta' penetrazzjoni minn ġol-ġilda, sabiex tiżgura l-aħjar livell possibbli ta' protezzjoni. (11) Għalkemm it-tagħrif xjentifiku kurrenti mhuwiex tali li livell jista' jiġi stabbilit taħt liema riskji għas-saħħa jieqfu jeżistu, riduzzjoni fl-esposizzjoni għal karċinoġeni jew mutaġeni tista' madanakollu tnaqqas dawk ir-riskji. (12) Sabiex tikkontribwixxi għar-riduzzjoni f'dawn ir-riskji, Valuri limitu u disposizzjonijiet direttament relatati oħra għandhom jiġu stabbiliti għal dawk il-karċinoġeni u mutaġeni kollha għal liema l-informazzjoni għad-disposizzjoni, inkluż data xjentifika u teknika, jagħmlu dan possibbli. (13) Il-valuri limitu ta' l-esposizzjoni professjonali għandhom jiġu meqjusa bħala komponent importanti ta' l-arranġamenti ġenerali għall-protezzjoni tal-ħaddiema. Dawn il-valuri limitu għandhom jiġu riveduti kull meta dan isir neċessarju fid-dawl ta' data xjentifika iktar reċenti. (14) Il-prinċipju ta' prekawzjoni għandu jiġi applikat fil-protezzjoni tas-saħħa tal-ħaddiema. (15) Miżuri preventivi għandhom jiġu meħuda għall-protezzjoni tas-saħħa u sigurtà tal-ħaddiema esposti għal karċinoġeni jew mutaġeni. (16) Din id-Direttiva tikkostitwixxi aspett prattiku tar-realizzazzjoni tad-dimensjoni soċjali tas-suq intern. (17) Skond id-Deċiżjoni tal-Kunsill 74/325/KEE [8], il-Kummissjoni kkonsultat mal-Kumitat Konsultattiv dwar is-Sigurtà u s-Saħħa fuq il-Post tax-Xogħol bl-iskop li tfassal proposti għad-Direttivi kkodifikati f'din id-Direttiva. (18) Din id-Direttiva hija mingħajr preġudizzju lejn l-obbligazzjonijiet ta' l-Istati Membri li tikkonċerna l-limiti tal-ħin għat-trasposizzjoni ddikjarat f'Parti B ta' l-Anness IV, ADDOTTAW DIN ID-DIRETTIVA: KAPITOLU I DISPOSIZZJONIJIET ĠENERALI Artikolu 1 Oġġettiv 1. Din id-Direttiva għandha bħala l-għan tagħha l-protezzjoni tal-ħaddiema kontra riskji għas-saħħa u sigurtà tagħhom, inkluż il-prevenzjoni ta' dawn ir-riskji, li jinqalgħu jew li jistgħu jinqalgħu minn esposizzjoni għal karċinoġeni jew mutaġeni fuq il-post tax-xogħol. Tistabbilixxi ħtieġijiet minimi partikolari f'dan il-qasam, inklużi valuri limitu. 2. Din id-Direttiva m'għandiex tapplika għal ħaddiema esposti biss għal radjazzjoni kopruta mit-Trattat li jistabbilixxi l-Komunità Ewropea tal-Enerġija Atomika. 3. Direttiva 89/391/KEE għandha tapplika bi sħiħ għal erja kollha msemija fil-paragrafu 1, mingħajr pregudizzju għal disposizzjonijiet iktar stretti u/jew speċifiċi li jinsabu f'din id-Direttiva. 4. Fir-rigward ta' asbestos, li huwa ttrattatat mid-Direttiva 83/477/KEE [9], d-disposizzjonijiet ta' din id-Direttiva għandhom japplikaw kull meta jkunu iktar favorevoli għas-saħħa u sigurtà fuq il-post tax-xogħol. Artikolu 2 Definizzjonijiet Għall-finijiet ta' din id-Direttiva, (a) "karċinoġenu" tfisser: (i) sustanza li tilħaq il-kriterja għal klassifikazzjoni bħala kategorija 1 jew 2 karċinoġenu ddikjarata fl-Anness VI għad-Direttiva 67/548/KEE; (ii) preparazzjoni komposta minn wieħed jew iktar sustanzi msemmija f'punt (i) fejn il-konċentrazzjoni ta' wieħed jew iktar sustanzi individwali tilħaq il-ħtieġijiet għal limiti ta' konċentrazzjoni għall-klassifikazzjoni ta' preparazzjoni bħal kategorija 1 jew 2 ta' karċinoġenu ddikjarata f'wieħed jew l-ieħor: fl-Anness I għad-Direttiva 67/548/KEE, jew f'Parti B ta' l-Anness II għad-Direttiva 1999/45/KE fejn is-sustanza jew sustanzi ma jidhrux fl-Anness I għad-Direttiva 67/548/KEE jew jidhru fiha mingħajr il-limiti ta' konċentrazzjoni; (iii) sustanza, preparazzjoni jew proċess imsemmija fl-Anness I għal din id-Direttiva kif ukoll bħala sustanza jew preparazzjoni maħruġa bi proċess msemmija f'dak l-Anness; (b) "mutaġenu" tfisser: (i) sustanza li tilħaq il-kriterja għal klassifikazzjoni bħala kategorija 1 jew 2 mutaġenu iddikjarata fl-Anness VI għad-Direttiva 67/548/KEE; (ii) preparazzjoni komposta minn wieħed jew iktar sustanzi msemmija f'punt (i) meta l-konċentrazzjoni ta' wieħed jew iktar sustanzi tilħaq l-ħtieġijiet għal limiti ta' konċentrazzjoni għall-klassifikazzjoni ta' preparazzjoni bħal kategorija 1 jew 2 mutaġenu ddikjarat f'wieħed jew l-ieħor: L-Anness I għad-Direttiva 67/548/KEE, jew Parti B ta' l-Anness II għad-Direttiva 1999/45/KE fejn is-sustanza jew sustanzi ma jidhrux fl-Anness I għad-Direttiva 67/548/KEE jew ma jidhrux fiha mingħajr il-limiti ta' konċentrazzjoni; (ċ) "valur limitu" tfisser, jekk mhux imkien ieħor speċifikat, il-medja kkunsidrat fil-funzjoni tal-ħin tal-limitu tal-konċentrazzjoni għal-"karċinoġenu jew mutaġenu" fl-arja ġewwa iż-żona ta' respirazzjoni ta' ħaddiem imqabbla mal-perjodu ta' referenza speċifiku kif iddikjarat fl-Anness III ta' din id-Direttiva. Artikolu 3 Kamp ta' applikazzjoni – determinazzjoni u stima ta' riskji 1. Din id-Direttiva għandha tapplika għal attivitajiet li fihom il-ħaddiema huma jew jistgħu jiġu esposti għal karċinoġeni jew mutaġeni b'riżultat tax-xogħol tagħhom. 2. Fil-każ ta' kull attività li tista' tinvolvi riskju ta' esposizzjoni għal karċinoġeni jew mutaġeni, n-natura, grad u dewmien ta' l-esposizzjoni tal-ħaddiema għandhom jiġu determinati sabiex jagħmluha possibbli li jistmaw kull riskju għas-saħħa u sigurtà tal-ħaddiema u biex tistabbilixxi l-miżuri li għandhom jittieħdu. L-istima għandha tiġi mġedda regolarment u f'każ meta xi tibdil occurs fil-kondizzjonijiet li jistgħu jaffettwaw l-esposizzjoni tal-ħaddiema għal karċinoġeni jew mutaġeni. Il-prinċipal għandu jipprovdi l-awtoritajiet responsabbli fuq talba tagħhom bl-informazzjoni użata biex jagħmel l-istima. 3. Meta r-riskju qed jiġi stmat, qies għandu jiġi meħud tar-rotot ta' esposizzjoni kollha, bħal assorbiment ġewwa u/jew minn ġol-ġilda. 4. Meta l-istima ta' riskju tiġi esegwita, min iħaddem għandhom jagħtu attenzjoni partikolari għall-effetti kollha li jikkonċernaw is-saħħa u s-sigurtà tal-ħaddiema li qegħdin f'riskju partikolari, inter alia, jieħdu qies tax-xewqa li ma jimpjiegawx dawn il-ħaddiema f'oqsma fejn jistgħu jiġu f'kuntatt ma' karċinoġeni jew mutaġeni. KAPITOLU II OBBLIGAZZJONIJIET TA' MIN IĦADDEM Artikolu 4 Riduzzjoni u sostituzzjoni 1. Min iħaddem għandu jnaqqas l-użu ta' karċinoġenu jew mutaġenu fuq il-post tax-xogħol, b'mod partikolari billi tibdlu, sa fejn hu teknikament possibbli, b' sustanza, preparazzjoni jew proċess li, taħt il-kondizzjonijiet ta' l-użu tagħhom, ma' jkunux perikolużi jew inqas perikolużi għas-saħħa u s-sigurtà tal-ħaddiema, skond kif ikun il-każ. 2. Il-prinċipal għandu, fuq talba, jagħti s-sejbiet ta' l-investigazzjonijiet tiegħu lill-awtoritajiet relevanti. Artikolu 5 Prevenzjoni u riduzzjoni ta' l-esposizzjoni 1. Meta r-riżultati ta' l-istima msemmija fl-Artikolu 3(2) jiżvelaw riskju għas-saħħa u s-sigurtà tal-ħaddiema, l-esposizzjoni tal-ħaddiema għandha tiġi prevenuta. 2. Meta ma jkunx teknikament possibbli li jinbidel il-karċinoġenu jew il-mutaġenu minn sustanza, preparazzjoni jew proċess li, skond il-kondizzjonijiet ta' l-użu, mhuwiex perikoluż jew inqas perikoluż għas-saħħa u s-sigurtà, l-prinċipal għandu jiżgura li l-karċinoġenu jew il-mutaġenu huwa, sa fejn hu teknikament possibbli, mmanifatturat u użat f'sistema magħluqa. 3. Meta sistema magħluqa mhijiex teknikament possibbli, l-prinċipal għandu jiżgura li l-livell ta' esposizzjoni tal-ħaddiema jiġi mnaqqas għal livell kemm jista' jkun baxx kemm hu teknikament possibbli. 4. Esposizzjoni m'għandix tkun iktar mill-valur limitu tal-karċinoġenu kif iddikjarat fl-Anness III. 5. Kull meta karċinoġenu jew mutaġenu huwa użat, il-prinċipal għandu japplika l-miżuri li ġejjin: (a) jillimita il-kwantitajiet ta' karċinoġenu jew mutaġenu fuq il-post tax-xogħol; (b) iżomm baxx kemm jista' jkun in-numru ta' ħaddiema esposti jew li jista' jkunu esposti; (ċ) jiddisinja proċessi ta' ħidma u miżuri ta' kontroll ta' l-inġinerija sabiex jevita jew inaqqas il-ħruġ ta' karċinoġeni jew mutaġeni fil-post tax-xogħol; (d) jevakwa il-karċinoġeni jew mutaġeni mis-sors, mis-sistema ta' estrazzjoni lokali jew mill-ventilazzjoni ġenerali, dawn il-metodi kollha jkunu addattati u kompatibbli bil-ħtieġa li jipproteġu s-saħħa pubblika u l-ambjent; (e) juża proċeduri addattati eżistenti għat-tkejjiel ta' karċinoġeni jew mutaġeni, b'mod partikolari għall-iskoperta bikrija ta' esposizzjonijiet anormali li jirriżultaw minn avveniment mhux previsti jew aċċident; (f) applikazzjoni tal-proċeduri u metodi tax-xogħol addattati; (g) miżuri ta' protezzjoni kollettivi u/jew, meta l-esposizzjoni ma tistax tiġi evitata b'mezzi oħra, miżuri ta' protezzjoni individwali; (h) miżuri ta' iġene, b'mod partikolari tindif regolari ta' l-artijiet, ħitan u superfiċji oħra; (i) informazzjoni lil ħaddiema; (j) demarkazzjoni tal-postijiet ta' riskju u użu ta' sinjali ta' twissija u sigurtà adegwati inklużi sinjali ta' "no smoking" fil-postijiet fejn ħaddiema huma esposti jew jistgħu jkunu esposti għal karċinoġeni jew mutaġeni; (k) tfassil ta' pjani li jitratta ma' emerġenzi li jistgħu jirriżultaw f'esposizzjoni anormalment għolja; (l) mezzi għal ħażna, mmaniġġjar u trasportazzjoni f'kondizzjoni ta' sigurtà, b'mod partikolari bl-użu ta' kontenituri ssiġillatti u tikkettati b' mod ċar u viżibli; (m) mezzi għal ġbir, ħażna u tneħħija ta' skart mill-ħaddiema f'kondizzjoni ta' sigurtà, inkluż l-użu ta' kontenituri ssiġillatti u tikkettati b' mod ċar u viżibli. Artikolu 6 Informazzjoni fuq l-awtorità kompetenti Meta r-riżultati ta' l-istima msemmija fl-Artikolu 3(2) jiżvelaw riskju għas-saħħa jew sigurtà tal-ħaddiema, min iħaddem għandu, meta mitlub, jagħmel għad-disposizzjoni lill-awtoritajiet kompetenti informazzjoni adddattata fuq: (a) l-attivitajiet u/jew proċessi industrijali esegwiti, inklużi r-raġunijiet għal liema l-karċinoġeni jew mutaġeni huma użati; (b) il-kwantitajiet ta' sustanzi jew preparazzjonijet immanifatturati jew użati li fihom karċinoġeni jew mutaġeni; (ċ) in-numru ta' ħaddiema esposti; (d) il-miżuri preventivi meħuda; (e) it-tip ta' apparat protettiv użat; (f) in-natura u l-grad ta' esposizzjoni; (g) il-każi ta' tibdil. Artikolu 7 Esposizzjoni Mhux Prevista 1. F'każ ta' avveniment mhux previst jew aċċident li jista' jirriżulta f'esposizzjoni anormali tal-ħaddiema, l-prinċipal għandu jinforma l-ħaddiema tiegħu. 2. Sakemm is-sitwazzjoni tiġi lura għan-normal u l-kawżi ta' esposizzjoni anormali ġew eliminati: (a) dawk il-ħaddiema biss li huma essenzali għal esegwiment ta' riparazzjonijiet u xogħol neċessarju ieħor għandhom jiġu permessi li jaħdmu fl-postijiet affettwati; (b) il-ħaddiema kkonċernati għandhom jiġu provduti b'ilbies protettiv u apparat individwali għal protezzjoni respiratorja li huma għandhom jilbsu; l-esposizzjoni tista' ma tkunx permanenti u għandha tibqa miżmuma sal-minimu strett tal-ħin neċessarju għal kull ħaddiem; (ċ) ħaddiema mhux protetti m'għandhomx jitħallew jaħdmu fl-postijiet affettwati. Artikolu 8 Esposizzjoni Prevista 1. Għal ċerti attivitajiet bħal manutenzzjoni, li dwarhom huwa previst li hemm il-potenzal għal żieda sinjifikanti fl-esposizzjoni tal-ħaddiema, u li dwarhom kull skop għal miżuri preventivi tekniċi ulterjuri biex jillimitaw l-esposizzjoni tal-ħaddiema ġiet diġa eżawrita, l-prinċipal għandu jiddetermina, wara konsultazzjoni tal-ħaddiema u/jew ir-rappreżentattivi tagħhom fl-impriża jew stabbiliment, mingħjr preġudizzju għar-responsabbilità tal-prinċipal, il-miżuri neċessarji biex inaqqsu d-dewmien ta' l-esposizzjoni tal-ħaddiema għal minimu possibbli u biex tiżgura l-protezzjoni tal-ħaddiema waqt li jkunu okkupati b'dawn l-attivitajiet. Skond l-ewwel subparagrafu, il-ħaddiema konċernati għandhom jiġu provduti b' ilbies protettiv u apparat individwali għal protezzjoni respiratorja li għandhom jilbsu sakemm l-esposizzjoni anormali tippersisti; dik l-esposizzjoni tista' ma tkunx permanenti u għandha tiġi miżmuma għal minimu strett ta' ħin neċessarju għal kull ħaddiem. 2. Miżuri addattati għandhom jiġu meħuda biex jiżguraw li l-postijiet li fihom l-attivitajiet imsemmija fl-ewwel subparagrafu ta' paragrafu 1 isiru huma demarkati b'mod ċar u indikati jew li persuni mhux awtorizzati huma prevenuti b' mezzi oħra milli jkollhom aċċess għal dawn postijiet. Artikolu 9 Aċċess għal postjiet ta' riskju Miżuri addattati għandhom jiġi meħuda minn min iħaddem biex jiżguraw li l-aċċess għall-postijiet li fihom l-attivitajiet li dwarhom ir-riżultati ta' l-istima msemmija fl-Artikolu 3(2) jiżvelaw riskju għas-sigurtà jew saħħa tal-ħaddiema isiru huma aċċessibli unikament għal ħaddiema li, minħabba x-xogħol jew dmirijiet tagħhom, huma meħtieġa li jidħlu fihom. Artikolu 10 Iġene u protezzjoni individwali 1. Min iħaddem għandu l-obbligu, f'każ ta' l-attivitajiet kollha għal liema hemm riskju ta' kontaminazzjoni minn karċinoġeni jew mutaġeni, li jieħdu miżuri addattati biex jiżguraw li: (a) ħaddiema ma jieklux, jixorbux jew ipejjpu fl-postijiet tax-xogħol fejn hemm ir-riskju ta' kontaminazzjoni minn karċinoġeni jew mutaġeni; (b) ħaddiema huma provduti b'ilbies protettiv addattat jew ilbies speċjali addattat; (ċ) postijiet ta' ħażna separata huma provduti għall-ilbies protettiv jew tax-xogħol u għal ħwejjeġ ċivili; (d) ħaddiema huma provduti b'faċilitajiet iġeniċi addattati u adegwati; (e) apparat protettiv huwa maħżun sew f'post definit ċar u huwa ċċekjat u mnaddaf jekk possibbli qabel, u f'kull każ wara, kull użu; (f) apparat diffettuż huwa imsewwi jew mibdul qabel użu ulterjuri. 2. Ħaddiema jistgħu ma jkunux mitluba jħallsu l-ispiża tal-miżuri ddikjarati fil-paragrafu 1. Artikolu 11 Informazzjoni u taħriġ tal-ħaddiema 1. Miżuri addattati għandhom jiġu meħuda mill-prinċipal biex jiżgura li ħaddiema u/jew ir-rapprezentanti tal-ħaddiema fl-impriża jew stabbiliment jirċievu taħriġ suffiċjenti u addattat, fuq il-bażi ta' l-informazzjoni għad-disposizzjoni, b'mod partikolari fil-forma ta' informazzjoni u struzzjoni, li jikkonċernaw: (a) riskji potezjali għas-saħħa, inklużi riskji addizzjonali minħabba konsum ta' tabakk; (b) prekawzjonijiet li għandhom jittieħdu biex jipprevjenu esposizzjoni; (ċ) ħtieġijiet ta' iġene; (d) ilbies u użu ta' apparat u lbies protettiv; (e) passi li għandhom jittieħdu mill-ħaddiema, inklużi ħaddiema ta' salvataġġ, fil-każ ta' inċidenti u biex tipprevjeni inċidenti. It-taħriġ għandu jkun: — addattat biex jieħu qies tar-riskji ġodda jew mibdula, u — ripetut perjodikament jekk neċessarju. 2. Min iħaddem għandu jinformaw lil ħaddiema fuq l-installazzjonijiet u kontenituri relatati li fihom karċinoġeni jew mutaġeni, jiżguraw li l-kontenituri kollha, pakketti u installazzjonijet li fihom karċinoġeni jew mutaġeni huma tikkettati b'mod ċar u li jinqara, u juru sinjali ta' twissija u periklu b'mod ċar u viżibli. Artikolu 12 Informazzjoni għal ħaddiema Miżuri addattati għandhom jittieħdu biex jiżguraw li: (a) ħaddiema u/jew rappreżentanti tal-ħaddiema fl-impriża jew stabbiliment jistgħu jiċċekjaw li din id-Direttiva hija applikata jew tista' tiġi involuta fl-applikazzjoni tagħha, b'mod partikolari fir-rigward ta': (i) il-konsegwenzi għas-sigurtà u saħħa tal-ħaddiema konnessi ma' l-għażla, l-ilbies u l-użu ta' lbies u apparat protettiv, mingħajr preġudizzju għar-responsabbilità tal-prinċipal biex jiddetermina l-effettività ta' l-apparat u l-ilbies protettiv; (ii) il-miżuri determinati mill-prinċipal li huma msemmija fl-ewwel subparagrafu ta' l-Artikolu 8(1), mingħajr preġudizzju lejn ir-responsabbilta tal-prinċipal biex jiddetermina dawn il-miżuri; (b) ħaddiema u/jew rappreżentanti tal-ħaddiema fl-impriża jew stabbiliment huma infurmati malajr kemm jista' jkun dwar esposizzjonijiet anormali, inklużi dawk imsemmija fl-Artikolu 8, fuq il-kawżi tiegħu u fuq il-miżuri meħuda jew li ser jiġu meħuda biex tikkoreġġi s-sitwazzjoni; (ċ) il-prinċipal iżomm lista aġġornata ta' ħaddiema okkupati fl-attivitajiet li dwarhom ir-riżultati ta' l-istima msemmija fl-Artikolu 3(2) jiżvelaw riskju għas-saħħa u sigurtà tal-ħaddiema, li tindika, jekk l-informazzjoni qedgħha għad-diposizzjoni, l-esposizzjoni li ġew suġġetti għaliha; (d) it-tabib u/jew l-awtorità kompetenti kif ukoll l-persuni l-oħra kollha li għandhom responsabbilità għas-saħħa u sigurtà fuq il-post tax-xogħol għandhom aċċess għall-lista msemmija f'punt (ċ); (e) kull ħaddiem għandu aċċess għall-informazzjoni fuq il-lista li tirrelata miegħu personali; (f) ħaddiema u/jew rappreżentanti tal-ħaddiema fl-impriża jew stabbiliment għandhom aċċess għal informazzjoni kollettiva anonima. Artikolu 13 Konsultazzjoni u parteċipazzjoni tal-ħaddiema Konsultazzjoni u parteċipazzjoni tal-ħaddiema u/jew rappreżentanti tagħhom b'konnessjoni ma' materji kopruti minn din id-Direttiva għandhom isiru skond l-Artikolu 11 tad-Direttiva 89/391/KEE. KAPITOLU III DISPOSIZZJONIJIET DIVERSI Artikolu 14 Sorveljanza tas-saħħa 1. L-Istati Membri għandhom jistabbilixxu, skond il-liġijiet nazzjonali u/jew prattika, arranġamenti għal esegwiment ta' sorveljanza tas-saħħa tal-ħaddiema relevanti għal minn ir-riżultati ta' l-istima msemmija fl-Artikolu 3(2) jiżvelaw riskju għas-saħħa u sigurtà. 2. L-arranġamenti msemmija fil-paragrafu 1 għandhom ikunu tali li kull ħaddiem għandu jkun kapaċi li jgħaddi minn, jekk addattat, sorveljanza tas-saħħa relevanti: qabel l-esposizzjoni, f'intervalli regolari wara hekk. Dawk l-arranġamenti għandhom ikunu hekk li huwa direttament possibbli biex timplimenta miżuri ta' iġene individwali u fuq il-post tax-xogħol. 3. Jekk ħaddiem jiġi misjub li qed issoffri minn anormalita li hi suspetta li tkun riżulta ta' esposizzjoni għal karċinoġeni jew mutaġeni, t-tabib jew awtorità responsabbli għas-sorveljanza tas-saħħa tal-ħaddiema jista' jeħtieġ ħaddiema oħra li ġew esposti bħalu biex jgħaddu minn sorveljanza tas-saħħa. F'dak il-każ, stima mill-ġdid tar-riskju ta' esposizzjoni għandu jiġi esegwit skond l-Artikolu 3(2). 4. Fil-każi fejn sorveljanza tas-saħħa hija esegwita, record mediku individwali għandu jiġi miżmum u t-tabib jew awtorità responsabbli għas-sorveljanza tas-saħħa għandhom jipproponu xi miżuri protettivi jew preventivi li għandhom jittieħdu dwar ħaddiema individwali. 5. Informazzjoni u parir għandhom jiġu mogħtija lil ħaddiema rigward kull sorveljanza ta' saħħa li huma jistgħu jgħaddu minnha wara it-tmiem ta' l-esposizzjoni. 6. Skond liġijiet nazzjonali u/jew prattiki: ħaddiema għandhom jkollhom aċċess għar-riżultati tas-sorveljanza tas-saħħa li tikkonċerna lilhom, u il-ħaddiema kkonċernati jew il-prinċipal jistgħu jitolbu reviżjoni tar-riżultati tas-sorveljanza tas-saħħa. 7. Rakkomandazzjonijiet prattiċi għas-sorveljanza tas-saħħa tal-ħaddiema huma mogħtija fl-Anness II. 8. Fil-każi kollha ta' kanċer identifikati skond il-liġijiet u/jew il-prattiċi nazzjonali kif irriżultaw minn esposizzjoni fuq il-post tax-xogħol għal karċinoġeni jew mutaġeni għandhom jiġu notifikati lill-awtoritajiet kompetenti. Artikolu 15 Żamma ta' Records 1. Il-lista msemmija f'punt (ċ) ta' l-Artikolu 12 u r-record mediku msemmi fl-Artikolu 14(4) għandhom jiġu miżmuma għal mill-inqas 40 sena wara t-tmiem ta' l-esposizzjoni, skond il-liġijiet u/jew il-prattiċi nazzjonali. 2. Dawk id-dokumenti għandhom jiġu magħmula għad-disposizzjoni lill-awtorità responsabbli f'każi fejn l-impriża itemm l-attività, skond il-liġijiet u/jew il-prattiċi nazzjonali. Artikolu 16 Valuri limitu 1. Il-Kunsill għandu, skond il-proċedura stabbilita fl-Artikolu 137(2) tat-Trattat, iddikjarat valuri limitu fid-Direttivi fuq il-bażi ta' l-informazzjoni għad-disposizzjoni, inkluż data xjentifka u teknika, li dwarha dawk il-karċinoġeni jew mutaġeni kollha għal liema dan huwa possibbli, u, fejn neċessarju, disposizzjonijiet relatati oħra. 2. Valuri limitu u disposizzjonijiet relatati oħra huma ddikjarati fl-Anness III. Artikolu 17 L-Annessi 1. L-Annessi I u III jistgħu jiġu emendati skond il-proċeduri stabbilita mill-Artikolu 137(2) tat-Trattat biss. 2. Aġġustamenti purament tekniċi għall-Anness II fid-dawl tal-progress tekniku, tibdil fl-ispeċifikazzjonijiet jew regolamenti internazzjonali u sejbiet ġodda fil-qasam ta' karċinoġeni jew mutaġeni għandhom jiġu addottati skond il-proċedura stabbilita fl-Artikolu 17 tad-Direttiva 89/391/KEE. Artikolu 18 Użu ta' data Il-Kummisjoni għandu jkollha aċċess għall-użu magħmul mill-awtoritajiet nazzjonali kompetenti ta' l-informazzjoni msemmija fl-Artikolu 14(8). Artikolu 19 Notifika lill-Kummissjoni L-Istati Membri għandhom jikkomunikaw lill-Kummissjoni d-disposizzjonijiet tal-liġi nazzjonali li huma jaddottaw fil-futur fil-qasam irregolat minn din id-Direttiva. Artikolu 20 Abrogazzjoni Direttiva 90/394/KEE, kif emendat mid-Direttivi msemmija fl-Anness IV, Parti A ta' din id-Direttiva hija abrogata, mingħajr preġudizzju għall-obbligazzjonijiet ta' l-Istati Membri li jikkonċernaw limiti ta' żmien għat-trasposizzjoni ddikjarati fl-Anness IV, Parti B ta' din id-Direttiva. Referenzi għad-Direttiva mibdula għandhom jiġu interpretati bħala referenzi għal din id-Direttiva u għandhom jinqraw skond it-tabella tal-korrelazzjoni fl-Anness V. Artikolu 21 Tidħol fis-seħħ Din id-Direttiva għandha tidħol fis-seħħ fil-għoxrin ġurnata wara dik tal-pubblikazzjoni tagħha fil-Ġurnal Uffiċjali ta' l-Unjoni Ewropea. Artikolu 22 Destinatarji Din id-Direttiva hija indirizzata lill-Istati Membri. Magħmul fi Strassburg, fid-29 ta' April 2004. Għall-Parlament Ewropew Il-President P. Cox Għall-Kunsill Il-President M. McDowell [1] ĠU C 368, ta' l-20.12.1999, p. 18. [2] Opinjoni tal-Parlament Ewropew tat-2 ta' Settembru 2003 (għad mhux ippubblikat fil-Ġurnal Uffiċjali) u Deċiżjoni tal-Kunsill tat-30 ta' Marzu 2004. [3] ĠU L 196, tas-26.7.1990, p. 1. Direttiva kif l-aħħar emendata mid-Direttiva 1999/38/KE (ĠU L 138, ta' l-1.6.1999, p. 66). [4] Ara l-Anness IV, Parti A. [5] ĠU L 183, tad-29.6.1989, p. 1. Direttiva kif emendata mir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, tal-31.10.2003, p. 1). [6] ĠU C 196, tas-16.8.1967, p. 1. Direttiva kif emendata mir-Regolament (KE) Nru 807/2003 (ĠU L 122, tas-16.5.2003, p. 36). [7] ĠU L 200, tat-30.7.1999, p. 1. Direttiva kif emendata mir-Regolament (KE) Nru 1882/2003. [8] ĠU L 185, tad-9.7.1974, p. 15. Deċiżjoni kif mibdula mid-Deċiżjoni tal-Kunsill tat-22 ta' Lulju 2003 (ĠU C 218, tat-13.9.2003, p. 1). [9] Direttiva tal-Kunsill 83/477/KEE tad-19 ta' Settembru 1983 dwar il-protezzjoni tal-ħaddiema mir-riskji relatati ma' l-esposizzjoni għal asbestos fuq il-post tax-xogħol (it-tieni Direttiva individwali fis-sens ta' l-Artikolu 8 tad-Direttiva 80/1107/KEE) (ĠU L 263, ta' l-24.9.1983, p. 25). Direttiva kif l-aħħar emendata mid-Direttiva 2003/18/KE tal-Parlament Ewropew u tal-Kunsill (ĠU L 97, tal-15.4.2003, p. 48). -------------------------------------------------- ANNESS I Lista ta' sustanzi, preparazzjonijiet u proċessi (Artikolu 2(a)(iii)) 1. Manifattura ta' awramin. 2. Xogħol li jinvolvi esposizzjoni għal idrokarbonji poliċikliċi aromatiċi preżenti fin-nugrufun, qatran minerali jew żift. 3. Xogħol li jinvolvi esposizzjoni għal trabijiet, dħaħen u sprejs prodotti waqt xiwi u elettroraffinar ta' materji ta' kuprunikil. 4. Proċess ta' aċidu b'saħħtu fil-manifattura ta' alkoħol isopropiliku. 5. Xogħol li jinvolvi esposizzjoni għal trabijiet ta' injam iebes [1]. [1] Lista ta' Monographs on the Evaluation of Carcinogenic Risks to Humans"Wood Dust and Formaldehyde" xi injam iebes tista' tinsab fil-Volum 62 tal-Monografi dwar l-Evalwazzjoni ta' Riskji Karċinoġeni għal Bniedem "Trab ta' l-Injam u Formaldehyde", ippublikat mill-Aġenzija Internazzjonali għar-Riċerka fuq il-Kanċer, Lyon, 1995. -------------------------------------------------- ANNESS II Rakomandazzjonijiet prattiċi għas-sorveljanza tas-saħħa tal-ħaddiema (Artikolu 14(7)) 1. It-tabib u/jew l-awtorità responsabbli għas-sorveljanza tas-saħħa tal-ħaddiema esposti għal karċinoġeni jew mutaġeni għandhom ikunu familjari mal-kondizzjonijiet jew ċirkostanzi ta' esposizzjoni ta' kull ħaddiem. 2. Sorveljanza tas-saħħa tal-ħaddiema għandha tiġi esegwita skond il-prinċipji u l-prattiċi tal-mediċina tal-post tax-xogħol; għandha tinkludi mill-inqas dawn il-miżuri li ġejjin: iżomm records ta' l-istorja medika u professjoniali tal-ħaddiem, intervista personali, meta addattat, sorveljanza bijoloġika, kif ukoll skoperta ta' effetti bikrija u li jistgħu jinqalbu. Testijiet ulterjuri jistgħu jiġu deċiżi għal kull ħaddiem meta hu jkun s-suġġett tas-sorveljanza tas-saħħa, fid-dawl tat-tagħrif l-iktar reċenti għad-disposizzjoni għal mediċina professjonali. -------------------------------------------------- ANNESS III Valuri limitu u disposizzjonijiet relatati oħra (Artikolu 16) A. VALURI LIMITU GĦALL-ESPOSIZZJONI FUQ IL-POST TAX-XOGĦOL Isem ta' l-aġent | EINECS | SAK | Valuri limitu | Notazzjoni | Miżuri transizzjonali | mg/m3 | ppm | Benżin | 200-753-7 | 71-43-2 | 3,25 | 1 | Ġilda | Valur limitu:3 ppm(= 9,75 mg/m3) (sas-27 ta' Ġunju 2003) | Monomeru tal-vinil klorur | 200-831 | 75-01-4 | 7,77 | 3 | — | — | Trabijiet ta' l-injam iebes | — | — | 5,0 | — | — | — | -------------------------------------------------- ANNESS IV Parti A Direttiva abrogati u l-emendamenti suċċessivi tagħha (msemmija bl-Artikolu 20) Direttiva tal-Kunsill 90/394/KEE | (ĠU L 196, tas-26.7.1990, p. 1) | Direttiva tal-Kunsill 97/42/KE | (ĠU L 179, tat-8.7.1997, p. 4) | Direttiva tal-Kunsill 1999/38/KE | (ĠU L 138, ta' l-1.6.1999, p. 66) | Parti B Żmien perentorju għat-trasposizzjoni fil-liġi nazzjonali (msemmija bl-Artikolu 20) Direttiva | Skadenza għat-trasposizzjoni | 90/394/KEE | fil-31 ta' Diċembru 1992. | 97/42/KE | fis-27 ta' Ġunju 2000. | 1999/38/KE | fid-29 ta' April 2003. | -------------------------------------------------- ANNESS V TABELLA TAL-KORRELAZZJONI Direttiva 90/394/KE | Din id-Direttiva | L-Artikolu 1 | L-Artikolu 1 | L-Artikolu 2(a) | L-Artikolu 2(a) | L-Artikolu 2(aa) | L-Artikolu 2(b) | L-Artikolu 2(b) | L-Artikolu 2(c) | L-Artikoli 3 to 9 | L-Artikolu 3 to 9 | L-Artikolu 10(1)(a) | L-Artikolu 10(1)(a) | L-Artikolu 10(1)(b), l-ewwel sentenza | L-Artikolu 10(1)(b) | L-Artikolu 10(1)(b), it-tieni sentenza | L-Artikolu 10(1)(c) | L-Artikolu 10(1)(c) | L-Artikolu 10(1)(d) | L-Artikolu 10(1)(d), l-ewwel u t-tieni sentenza | L-Artikolu 10(1)(e) | L-Artikolu 10(1)(d), it-tielet sentenza | L-Artikolu 10(1) (f) | L-Artikolu 10(2) | L-Artikolu 10(2) | L-Artikoli 11 sa 18 | L-Artikoli 11 sa 18 | L-Artikolu 19(1) l-ewwel subparagrafu | | L-Artikolu 19(1) it-tieni subpargrafu | | L-Artikolu 19(1) it-tielet subparagrafu | | L-Artikolu 19(2) | L-Artikolu 19 | | L-Artikolu 20 | | L-Artikolu 21 | L-Artikolu 20 | L-Artikolu 22 | L-Anness I | L-Anness I | L-Anness II | L-Anness II | L-Anness III | L-Anness III | | L-Anness IV | | L-Anness V | --------------------------------------------------