|
31.12.2008 |
MT |
Il-Ġurnal Uffiċjali ta’ l-Unjoni Ewropea |
58 |
DEĊIŻJONI TAL-KUNSILL
tal-25 ta’ Ottubru 2004
dwar l-iffirmar, f'isem il-Komunità Ewropea, u dwar l-applikazzjoni proviżorja ta’ ċerti dispożizzjonijiet tal-Ftehim bejn l-Unjoni Ewropea, il-Komunità Ewropea u l-Konfederazzjoni Svizzera rigward l-assoċjazzjoni tal-Konfederazzjoni Svizzera ma’ l-implimentazzjoni, l-applikazzjoni u l-iżvilupp ta’ l-acquis ta’ Schengen
(2004/849/KE)
IL-KUNSILL TA’ L-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikoli 24 u 38 tiegħu,
Billi:
|
(1) |
Wara l-awtorizzazzjoni mogħtija lill-Presidenza, assistita mill-Kummissjoni, fis-17 ta’ Ġunju 2002, in-negozjati ma’ l-Awtoritajiet Svizzeri, dwar l-assoċjazzjoni ta’ l-Isvizzera ma’ l-implimentazzjoni, l-applikazzjoni u l-iżvilupp ta’ l-acquis ta’ Schengen ġew konklużi. |
|
(2) |
Soġġett għall-konklużjoni tiegħu f’data aktar tard, huwa mixtieq li l-Ftehim li ġie inizjalat fil-25 ta’ Ġunju 2004 jiġi ffirmat. |
|
(3) |
Il-Ftehim jipprovdi għall-applikazzjoni proviżorja ta’ ċerti dispożizzjonijiet tiegħu. Dawn id-dispożizzjonijiet għandhom jiġu applikati fuq bażi proviżorja sakemm jidħol fis-seħħ il-Ftehim. |
|
(4) |
Sa fejn għandu x’jaqsam l-iżvilupp ta’ l-acquis ta’ Schengen, li jaqa’ taħt it-Titolu VI tat-Trattat dwar l-Unjoni Ewropea, huwa xieraq li d-dispożizzjonijiet tad-Deċiżjoni tal-Kunsill 1999/437/KE tas-17 ta' Mejju 1999 dwar ċerti arranġamenti għall-applikazzjoni tal-Ftehim konkluż mill-Kunsill ta' l-Unjoni Ewropea u r-Repubblika ta' l-Islanda u r-Renju tan-Norveġja dwar l-assoċjazzjoni ta' dawn iż-żewġ Stati ma' l-implimentazzjoni, l-applikazzjoni u l-iżvilupp ta' l-acquis ta' Schengen (1) isiru applikabbli, mutatis mutandi, għar-relazzjonijiet ma’ l-Isvizzera mal-firma tal-Ftehim. |
|
(5) |
Din id-Deċiżjoni ma tippreġudikax il-pożizzjoni tar-Renju Unit, skond il-Protokoll li jintegra l-acquis ta’ Schengen fil-qafas ta’ l-Unjoni Ewropea anness mat-Trattat dwar l-Unjoni Ewropea u mat-Trattat li jistabbilixxi l-Komunità Ewropea u d-Deċizjoni tal-Kunsill 2000/365/KE tad-29 ta’ Mejju 2000 dwar it-talba tar-Renju Unit tal-Gran Brittanja u Irlanda ta' Fuq biex jieħdu parti f'xi disposizzjonijiet ta' l-acquis ta' Schengen (2). |
|
(6) |
Din id-Deċiżjoni ma tippreġudikax il-pożizzjoni ta' l-Irlanda, skond il-Protokoll li jintegra l-acquis ta’ Schengen fil-qafas ta’ l-Unjoni Ewropea anness mat-Trattat dwar l-Unjoni Ewropea u mat-Trattat li jistabbilixxi l-Komunità Ewropea u d-Deċizjoni tal-Kunsill 2002/192/KE tad-28 ta’ Frar 2002 rigward it-talba ta' l-Irlanda biex tieħu sehem f'xi dispożizzjonijiet ta' l-acquis ta' Schengen (3), |
IDDEĊIEDA KIF ĠEJ:
Artikolu 1
L-iffirmar tal-Ftehim bejn l-Unjoni Ewropea, il-Komunità Ewropea u l-Konfederazzjoni Svizzera dwar l-assoċjazzjoni tal-Konfederazzjoni Svizzera ma’ l-implimentazzjoni, l-applikazzjoni u l-iżvilupp ta’ l-acquis ta’ Schengen, u d-dokumenti relatati li jikkonsistu fl-Att Finali, tal-Ftehim fil-forma ta' Skambju ta’ Ittri dwar il-Kumitati li jassistu lill-Kummissjoni Ewropea fl-eżerċizzju tas-setgħa esekuttiva tagħha, u tad-Dikjarazzjoni Komuni dwar laqgħat konġunti, huwa hawnhekk approvat f’isem l-Unjoni Ewropea, soġġett għall-konklużjoni.
It-testi tal-Ftehim u tad-dokumenti relatati huma mehmuża ma’ din id-Deċiżjoni (4).
Artikolu 2
Il-President tal-Kunsill hu b'dan awtorizzat biex jaħtar il-persuna/i awtorizzata/i biex t/jiffirma(w) il-Ftehim u d-dokumenti relatati f’isem l-Unjoni Ewropea, soġġett għal konklużjoni.
Artikolu 3
Din id-Deċiżjoni tapplika fl-oqsma koperti mid-dispożizzjonijiet elenkati fl-Annessi A u B għall-Ftehim u għall-iżvilupp tagħhom sal-punt li tali dispożizzjonijiet għandhom bażi legali fit-Trattat dwar l-Unjoni Ewropea jew sal-punt li kien stabbilit skond id-Deċiżjoni 1999/436/KE (5) li huma għandhom tali bażi.
Artikolu 4
1. Għandhom japplikaw id-dispożizzjonijiet ta' l-Artikoli 1sa 4 tad-Deċiżjoni 1999/437/KE, bl-istess mod, għall-assoċjazzjoni ta’ l-Isvizzera ma’ l-implimentazzjoni, l-applikazzjoni u l-iżvilupp ta’ l-acquis ta’ Schengen, li jaqa’ taħt it-Titolu VI tat-Trattat dwar l-Unjoni Ewropea.
2. Qabel ma d-delegazzjonijiet li jirrappreżentaw il-membri tal-Kunsill jieħdu sehem f’deċiżjoni tal-Kumitat Imħallat stabbilit mill-Ftehim, skond l-Artikolu 7(4) jew (5) u l-Artikolu 10 tiegħu, huma għandhom jiltaqgħu fil-Kunsill sabiex jiddeterminaw jekk tistax tiġi adottata pożizzjoni komuni.
Artikolu 5
Skond l-Artikolu 14(2) tal-Ftehim, l-Artikoli 1, 3, 4, 5 u 6 u l-ewwel sentenza ta' l-Artikolu 7(2)(a) tiegħu għandhom jiġu applikati fuq bażi proviżorja, sakemm huwa jidħol fis-seħħ.
Magħmul fi Brussell, 25 ta’ Ottubru 2004.
Għall-Kunsill
R. VERDONK
Il-President
(1) ĠU L 176, 10.7.1999, p. 31.
(2) ĠU L 131, 1.6.2000, p. 43.
(4) Council Document 13054/04 is accessible at http://register.consilium.eu.int
(5) ĠU L 176, 10.7.1999, p. 17.