|
12.10.2005
|
MT
|
Il-Ġurnal Uffiċjali ta’ l-Unjoni Ewropea
|
134
|
ID-DEĊIŻJONI TAL-KUMMISSJONI
tas-16 ta' Settembru 2004
li temenda d-Deċiżjoni tal-Kummissjoni 2001/376/KE dwar id-dispaċċ ta' prodotti li jittieklu li ġejjin minn laħam u għadam imfarrak ta' origini mammifera u prodotti relatati mill-Portugall
(innotifikata fid-dokument bin-numru C(2004) 3463)
(Test b'relevanza għaż-ŻEE)
(2004/653/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jwaqqaf il-Komunità Ewropea,
Wara li kkunsidrat id-Direttiva tal-Kunsill 89/662/KEE tal-11 ta' Diċembru 1989 dwar il-verifiki veterinarji fil-kummerċ intra-Komunitarju bil-ħsieb li s-suq intern ikun komplut (1), u l-aktar l-Artiklu 9(4) miġjub fiha,
Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar il-verifiki veterinarji u żootekniċi li jgħoddu għall-kummerċ intra-Komunitarju f'ċerti annimali ħajjin u prodotti bil-ħsieb li s-suq intern ikun komplut (2), u l-aktar l-Artiklu 10(4) miġjub fiha,
Billi:
|
(1)
|
Id-Deċiżjoni tal-Kummissjoni 2001/376/KE tat-18 ta' April 2001 dwar il-miżuri li saru meħtieġa minħabba l-firxa ta' l-enċefalopatija sponġiformi fl-annimali bovini fil-Portugall u li timplementa skema ta' esportazzjoni bbażata fuq id-dati (3) fiha ċerti dispożizzjonijiet addottati biex ikun hemm ħarsien mill-enċefalopatija sponġiformi fl-annimali bovini (ESB) minħabba t-tifqigħa ta' dik il-marda fil-Portugall.
|
|
(2)
|
Dik id-Deċiżjoni tistabbilixxi regoli speċifiċi li kienu meħtieġa minħabba l-firxa ta' l-ESB fil-Portugall, inkluż il-projbizzjoni fuq id-dispaċċ ta' prodotti li jittieklu li ġejjin minn laħam imfarrak, prodotti li jittieklu li ġejjin minn għadam imfarrak u prodotti li jittieklu li ġejjin minn laħam u għadam imfarrak ta' oriġini mammifera, kif ukoll għalf għall-bhejjem u fertilizzanti li jkollhom dawn il-prodotti (“prodotti li jittieklu li ġejjin minn laħam u għadam imfarrak u prodotti relatati”) minn dak l-Istat Membru lejn Stati Membri oħra jew pajjiżi terzi.
|
|
(3)
|
Madankollu, id-Deċiżjoni 2001/376/KE tipprovdi li l-Portugall jista', taħt ċerti kundizzjonijiet, jawtorizza d-dispaċċ ta' prodotti li jittieklu li ġejjin minn laħam u għadam imfarrak u prodotti relatati lejn Stati Membri oħra li jkunu taw l-awtorizzazzjoni tagħhom.
|
|
(4)
|
Ir-Regolament (KE) Nru 1774/2002 tal-Parlament Ewropew u l-Kunsill tat-3 ta' Ottubru 2002, li jistabbilixxi r-regoli tas-saħħa dwar prodotti sekondarji ta' l-annimali li mhumiex maħsuba għall-konsum mill-bniedem (4), jistabbilixxi l-kundizzjonijiet għall-kategorizzazzjoni, il-ġbir, il-ġarr, id-disponiment, l-ipproċessar, l-użu u l-ħażna intermedja ta' prodotti sekondarji ta' l-annimali. Taħt dak ir-Regolament il-prodotti li jittieklu li ġejjin minn laħam u għadam imfarrak u oħrajn relatati li jkollhom materjal minn annimali suspetatti jew ikkonfermati li huma nfettati mill-ESB, jew minn annimali maqtula taħt miżura ta' qerda ta' l-ESB għandhom jitqiesu bħala skart, u għandu jsir disponiment minnhom bl-inċinerazzjoni jew il-ko-inċinerazzjoni f'impjant approvat ta' l-inċinerazzjoni jew il-ko-inċinerazzjoni.
|
|
(5)
|
Il-Portugall m'għandux kapaċità biżżejjed biex iwettaq l-inċinerazzjoni jew il-ko-inċinerazzjoni ta' prodotti li jittieklu li ġejjin minn laħam u għadam imfarrak u ta' prodotti relatati li jkunu ġejjin minn annimali suspettati jew ikkonfermati li huma nfettati bl-ESB, jew minn annimali maqtula taħt miżura ta' qerda ta' l-ESB. It-tiġmigħ ta' ħażniet ta' dak il-materjal jista' jkun ta' riskju għas-saħħa pubblika u ta' l-annimali.
|
|
(6)
|
Huwa meħtieġ li l-kundizzjonijiet li hemm fid-Deċiżjoni 2001/376/KE jiġu emendati għad-dispaċċ ta' prodotti li jittieklu li ġejjin minn laħam u għadam imfarrak u prodotti relatati mill-Portugall. Għalhekk, dik id-Deċiżjoni għandha tiġi emendata kif xieraq.
|
|
(7)
|
Il-miżuri li hemm f'din id-Deċiżjoni jaqblu ma' l-opinjoni tal-Kumitat Permanenti fuq il-Katina ta' l-Ikel u s-Saħħa ta' l-Annimali,
|
ADOTTAT DIN ID-DEĊIŻJONI:
Artikolu 1
L-Anness II għad-Deċiżjoni 2001/376/KE qed jiġi emendat kif indikat fl-Anness għal din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmula fi Brussell, fis-16 ta' Settembru 2004.
Għall-Kummissjoni
David BYRNE
Membru tal-Kummissjoni
(1) ĠU L 395, tat-30.12.1989, p. 13. Direttiva kif emendata l-aħħar bir-Regolament (KE) Nru 806/2003 (ĠU L 122, is-16.5.2003, p. 1).
(2) ĠU L 224, tat-18.8.1990, p. 29. Direttiva kif emendata l-aħħar bid-Direttiva 2002/33/KE tal-Parlament Ewropew u l-Kunsill (ĠU L 315, tad-19.11.2002, p. 14).
(3) ĠU L 132, tal-15.5.2001, p. 17.
(4) ĠU L 273, ta' l-10.10.2002, p. 1. Regolament kif emendat l-aħħar bir-Regolament tal-Kummissjoni (KE) Nru 668/2004 (ĠU L 112, tad-19.4.2004, p. 1).
ANNESS
Il-Parti B ta' l-Anness II qed jinbidel b'dan li ġej:
Test ta 'immaġni
‘B. ĊERTIFIKAT UFFIĊJALI
għall-prodotti li jittieklu li ġejjin minn laħam imfarrak, prodotti li jittieklu li ġejjin minn għadam imfarrak u prodotti li jittieklu li ġejjin minn laħam u għadam imfarrak ta' oriġini mammifera, kif ukoll għalf għall-bhejjem u fertilizzanti li jkollhom dan il-materjal u li huma maħsuba għall-inċinerazzjoni jew il-ko-inċinerazzjoni.
L-Istat Membru tad-Destinazzjoni:
Nru. tar-Referenza taċ-ċertifikat uffiċjali:
L-Istat Membru ta' l-Oriġini:
Il-Ministeru Responsabbli:
Id-Dipartiment li jiċċertifika:
I. L-IDENTIFIKAZZJONI TAL-KUNSINNA
Natura tal-pakketti:
Numru ta' pakketti1:
Piż nett:
II. L-ORIĠINI TAL-KUNSINNA
L-Indirizz ta' l-istabbiliment:
III. ID-DESTINAZZJONI TAL-KUNSINNA
L-iskart ta' l-annimal mammiferu se jintbagħat
mill-:
(il-post tat-tagħbija)
lejn:
(il-pajjiż u l-post tad-destinazzjoni)
b'dan il-mezz ta' ġarr li ġej:
Tip:
Il-pjanċa tan-numru jew l-isem tal-bastiment:
Nru tas-siġill:
L-isem u l-indrizz tal-kunsinnatarju:
L-isem u l-indrizz tal-destinatarju:
1 Jgħodd biss jekk mhux fi kwantitajiet kbar.
Test ta 'immaġni
DIKJARAZZJONI
Il-veterinarju uffiċjali hawn taħt iffirmat jiċċertifika li l-prodott deskritt hawn fuq fih laħam imfarrak f'biċċiet, għadam imfarrak f'biċċiet jew laħam u għadam imfarrak f'biċċiet ta' oriġini mammifera jew għalf għall-annimali jew fertilizzanti li fihom dan il-materjal, u li ma jistgħux jintużaw għal għanijiet oħra jekk mhux l-inċinerazzjoni jew il-ko-inċinerazzjoni2.
Magħmul f' …………………………………….. , nhar
(post) (data)
……………………………………………………
Timbru3(firma tal-veterinarju uffiċjali)3
……………………………………………………….
(isem b'ittri kbar, il-kwalifiki u t-titlu)’
2 Kif speċifikat fil-punt 2 (b) ta' l-Artikolu 4 tar-Regolament (KE) 1774/2002 tal-Parlament Ewropew u l-Kunsill tat-3 ta' Ottubru 2002 li jistabbilixxi r-regoli dwar prodotti sekondarji ta' l-annimali li mhumiex maħsuba għall-konsum mill-bniedem (ĠU L 273, l-10.10.2002, p. 1).
3 Il-firma u t-timbru għandhom ikunu b'kulur differenti minn dak ta' l-istampar.