Official Journal L 138 , 22/05/2001 P. 0012 - 0014
Ir-Regolament tal-Kummissjoni (KE) Nru 991/2001 tal-21 ta' Mejju 2001 li jemenda l-Anness I tad-Direttiva tal-Kunsill 92/14/KEE fuq il-limitazzjoni ta' l-operazzjoni ta' ajruplani koperti mill-Parti II, il-Kapitolu 2, il-Volum 1 ta' l-Anness 16 għall-Konvenzjoni dwar l-Avjazzjoni Ċivili Internazzjonali, it-tieni edizzjoni (1988) (Test b'relevanza għaż-ŻEE) IL-KUMMISSJONI TA' L-UNJONI EWROPEA, Wara li kkunsidrat it-Trattat li jistabbilixxi il-Komunità Ewropea, Wara li kkunsidrat id-Direttiva tal-Kunsill 92/14/KEE tat-2 ta' Marzu 1992 dwar il-limitazzjoni ta' l-operazzjoni ta' ajruplani koperti mill-Parti II, il-Kapitolu 2, il-Volum 1 ta' l-Anness 16 għall-Konvenzjoni dwar l-Avjazzjoni Ċivili Internazzjonali, it-tieni edizzjoni (1988) [1], emendata l-aħħar bid-Direttiva tal-Kummissjoni 1999/28/KE [2], u b'mod partikolari bl-Artikolu 9a tiegħu, Billi: (1) L-Artikolu 3 tad-Direttiva 92/14/KEE teżenta l-ajruplani mniżżla fl-Anness ta' din, sakemm, b'mod partikolari, dawn ikomplu jintużaw minn persuni fiżiċi jew ġuridiċi stabbiliti fil-pajjiż li fih dawn l-ajruplani jkunu ġew reġistrati matul perjodu tar-referenza speċifiku. (2) L-Artikolu 9a tad-Direttiva 92/14/KEE, emendat mid-Direttiva tal-Kunsill 98/20/KE [3], jistabbilixxi proċedura simplifikata biex jiġi emendat l-Anness, bil-ħsieb li jiżgura konformità sħiħa mal-kriterji ta' eliġibilità. (3) Minn meta d-Direttiva 1999/28/KE daħlet fis-seħħ, li kienet emendat l-Anness għad-Direttiva 92/14/KEE fuq il-bażi ta' proċedura simplifikata, xi ajruplani inklużi f'dan l-Anness ġew meqruda, waqt li oħrajn tneħħew mir-reġistru tal-pajjiż relevanti; l-iskrizzjonijiet korrispondenti ta' ajruplani bħal dawn, għalhekk, għandhom jitneħħew mill-Anness. (4) Sas-sena 2001 xi ajruplani li jikkwalifikaw ikunu laħqu l-25 sena ta' servizz; l-iskrizzjonijiet xierqa, għalhekk, għandhom jiddaħħlu fl-Anness. (5) Ikun tajjeb ukoll jekk l-Anness jiġi aġġornat fid-dawl ta' xi tibdiliet li jistgħu jseħħu wara fir-rigward tal-kodiċi ta' reġistrazzjoni, jew l-operatur, ta' ajruplan diġà inkluż. (6) In-natura limitata u l-iskop ta' l-emendi ta' l-Anness kif ukoll l-urġenza jiġġustifikaw bidla fit-tip ta' strument legali użat. (7) Minħabba raġunijiet ta' urġenza huwa neċessarju li dan ir-Regolament jidħol fis-seħħ, sabiex jagħmel disponibbli għal partijiet interessati, mingħajr dewmien, l-eżenzjonijiet minnu stabbiliti. (8) Il-miżuri stabbiliti f'dan ir-Regolament huma konformi ma' l-opinjoni tal-Kumitat Regolatorju dwar is-Sigurtà tal-Avjazzjoni [4] stabbilit bir-Regolament tal-Kunsill (KEE) Nru 3922/91 tas-16 ta' Diċembru 1991 dwar l-armonizzazzjoni ta' kriterji tekniċi u proċeduri amministrattivi fil-kamp ta' l-avjazzjoni ċivili [5], emendat l-aħħar mir-Regolament tal-Kummissjoni (KE) Nru 2871/2000 [6], ADOTTAT DAN IR-REGOLAMENT: L-Artikolu 1 L-Anness għad-Direttiva 92/14/KEE huwa emendat kif stabbilit fl-Anness ta' dan ir-Regolament. L-Artikolu 2 Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali tal-Komunità Ewropea. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fil-21 ta' Mejju 2001. Għall-Kummissjoni Franz Fischler Membru tal-Kummissjoni [1] ĠU L 76, tat-23.3.1992, p. 21. [2] ĠU L 118, tas-6.5.1999, p. 53. [3] ĠU L 107, tas-7.4.1998, p. 4. [4] Il-Kumitat Regolatorju dwar is-Sigurtà ta' l-Avjazzjoni, konsultazzjoni miktuba tal-15 ta' Marzu 2001. [5] ĠU L 373, tal-31.12.1991, p. 4. [6] ĠU L 333, tad-29.12.2000, p. 47. -------------------------------------------------- L-ANNESS L-Anness għad-Direttiva 92/14/KEE huwa emendat kif ġej: 1. L-iskrizzjonijiet li ġejjin għandhom jitneħħew: L-ALĠERIJA In-numru tas-serje | It-tip | Reġistrazzjoni | Operatur | 20955 | B727-2D6 | 7T-VEH | Air Algérie | L-EĠITTU In-numru tas-serje | It-tip | Reġistrazzjoni | Operatur | 21195 | B737-266 | SU-AYL | Egypt Air | 21227 | B737-266 | SU-AYO | Egypt Air | IT-TUNEŻIJA In-numru tas-serje | It-tip | Reġistrazzjoni | Operatur | 20545 | B727-2H3 | TS-JHN | Tunis Air | 20948 | B727-2H3 | TS-JHQ | Tunis Air | 2. L-iskrizzjonijiet li ġejjin għandhom jiddaħħlu: L-ALĠERIJA In-numru tas-serje | It-tip | Reġistrazzjoni | Operatur | 21212 | B737-2D6 | 7T-VEO | Air Algérie | 21286 | B737-2D6 | 7T-VER | Air Algérie | L-ARABJA SAWDITA In-numru tas-serje | It-tip | Reġistrazzjoni | Operatur | 21275 | B737-268 | HZ-AGH | Saudia | 21276 | B737-268 | HZ-AGI | Saudia | 21277 | B737-268 | HZ-AGJ | Saudia | 21280 | B737-268 | HZ-AGK | Saudia | 212281 | B737-268 | HZ-AGL | Saudia | 212283 | B737-268 | HZ-AGN | Saudia | 21360 | B737-268 | HZ-AGO | Saudia | IS-SIRJA In-numru tas-serje | It-tip | Reġistraz-zjoni | Operatur | 21203 | B727-294 | YK-AGA | Syrianair | 21204 | B727-294 | YK-AGB | Syrianair | 21205 | B727-294 | YK-AGC | Syrianair | IL-JEMEN In-numru tas-serje | It-tip | Reġistraz-zjoni | Operatur | 21296 | B737-2N8 | 70-ACU | Yemen Airways | 3. L-iskrizzjoni msejħa l- "Uganda" għandha tinbidel b'dan li ġej: L-UGANDA Numru tas-serje | It-tip | Reġistrazzjoni | Operatur | 19821 | B707-379C | 5X-GLA | Air Alexander | --------------------------------------------------