Id-Deċiżjoni tal-Kunsill

tas-17 ta' Mejju 1999

dwar il-konklużjoni tal-Ftehim mar-Repubblika ta' l-Islanda u r-Renju tan-Norveġja li jikkonċerna l-assoċjazzjoni ta' dawn ta' l-aħħar ma' l-implimentazzjoni, applikazzjoni u żvilupp tal-acquis ta' Schengen

(1999/439/KE)

IL-KUNSILL TA' L-UNJONI EWROPEA,

Wara li kkunsidra l-Artikolu 6(1) tal-Protokoll, anness bit-Trattat ta' Amsterdam mat-Trattat dwar l-Unjoni Ewropea u t-Trattat li jwaqqaf il-Komunità Ewropea li jintegra l-acquis ta' Schengen fil-qafas ta' l-Unjoni Ewropea;

IDDEĊIEDA DAN LI ĠEJ:

Artikolu Uniku

Il-Ftehim mar-Repubblika ta' l-Islanda u r-Renju tan-Norveġja li jikkonċerna l-assoċjazzjoni ta' dawn ta' l-aħħar ma' l-implimentazzjoni, l-applikazzjoni u l-iżvilupp tal-acquis ta' Schengen inklużi l-Annessi, l-Att Finali tiegħu, id-Dikjarazzjonijiet u l-Bdil ta' Ittri annessi miegħu huma b'dan approvati.

It-test ta' l-Atti msemmija fl-ewwel subparagrafu huwa mehmuż ma' din id-Deċiżjoni

Magħmula fi Brussel, fis-17 ta' Mejju 1999.

Għall-Kunsill

Il-President

J. Fischer

--------------------------------------------------