Official Journal L 100 , 19/04/1994 P. 0037 - 0041
Finnish special edition: Chapter 13 Volume 26 P. 0039
Swedish special edition: Chapter 13 Volume 26 P. 0039
Id-Direttiva 94/11/KE tal-Parlament Ewropew u l-Kunsill tat-23 ta’ Marzu 1994 dwar l-approssimazzjoni tal-liġijiet, ir-regolamenti u d-dispożizzjonijiet amministrattivi ta’ l-Istati Membri li għandhom x’jaqsmu mat-tikkettjar tal-materjali li jintużaw fil-komponenti ewlenin tax-xeddijiet tas-saqajn għall-bejgħ lill-konsumatur IL-PARLAMENT EWROPEW U L-KUNSILL TA’ L-UNJONI EWROPEA, Wara li kkunsidraw it-Trattat li jistabbilixxi l-Komunità Ewropeja, u b’mod partikolari l-Artikolu 100a tiegħu, Wara li kkunsidraw il-proposta tal-Kummissjoni [1], Wara li kkunsidraw l-opinjoni tal-Kumitat Ekonomiku u Soċjali [2], Fiwlaqt li jaġixxu skond il-proċedura riferita fl-Artikolu 189b tat-Trattat, Billi f’ċerti Stati Membri jeżistu Regolamenti dwar it-tikkettjar tax-xeddijiet tas-saqajn li huma mmirati biex jipproteġu u jgħarrfu lill-pubbliku kif ukoll biex jiżguraw l-interessi legittimi ta’ l-industrija; Billi n-nuqqas ta’ qbil bejn dawn ir-Regolamenti jheddu illi joħolqu ostakoli għall-kummerċ ġewwa l-Komunità, u b’hekk jippreġudika l-ħidma tas-suq intern; Billi, sabiex jiġu evitati l-problemi minħabba s-sistemi differenti, l-intestaturi ta’ sistema komuni tat-tikkettjar tax-xeddijiet tas-saqajn għandhom jiġu ddefiniti b’mod preċiż; Billi r-riżoluzzjoni tal-Kunsill tad-9 ta’ Novembru 1989 dwar il-prijoritajiet gejjiena biex terġa’ titnieda l-politika dwar il-protezzjoni tal-konsumatur [3] titlob li jkun hemm sforzi sabiex jitjieb it-tagħrif għall-konsumatur dwar il-prodotti; Billi hu fl-interess kemm tal-konsumaturi u kemm ta’ l-industrija tax-xeddijiet tas-saqajn illi tiġi introdotta sistema li tnaqqas ir-riskju ta’ frodi billi tkun indikata n-natura preċiża tal-materjali wżati fil-komponenti prinċipali tax-xeddijiet tar-riġlejn; Billi, fir-riżoluzzjoni tal-Kunsill tal-5 ta’ April 1993 fuq l-azzjoni gejjiena dwar it-tikkettjar tal-prodotti fl-interess tal-konsumatur [4], it-tikkettjar hu meqjus bħala mezz importanti sabiex ikun hemm tagħrif aħjar u trasparenza akbar għall-konsumatur u biex ikun żgurat illi s-suq intern jaħdem b’mod armonjuż; Billi t-tqarrib lejn xulxin tal-leġislazzjonijiet nazzjonali huwa l-mod approprjat sabiex jitneħħew dawn l-ostakoli għall-kummerċ ħieles; billi dan l-għan ma jistax jintlaħaq b’mod sodisfaċenti mill-Istati Membri individwalment; billi din id-Direttiva tistabbilixxi biss dawk il-ħtiġiet illi huma indispensabbli għall-moviment ħieles tal-prodotti li għalihom tapplika, ADOTTAW DIN ID-DIRETTIVA: Artikolu 1 1. Din id-Direttiva għandha tapplika għat-tikkettjar tal-materjali wżati fil-komponenti prinċipali tax-xeddijiet tas-saqajn għal-bejgħ lill-konsumatur. Għall-għanijiet ta’ din id-Direttiva, ‘xeddijiet tas-saqajn’ ifissru l-oġġetti kollha li jkollhom qiegħ applikat iddisinjat sabiex jipproteġi jew jgħatti s-sieq, inklużi l-partijiet mqiegħda fis-suq separatament li hemm referenza għalihom fl-Anness I. Lista mhux magħluqa tal-prodotti koperti bid-Direttiva tidher fl-Anness II. Dawn li ġejjin għandhom jiġu esklużi mid-Direttiva: - ix-xeddijiet tas-saqajn użati, milbusa, - ix-xeddijiet tas-saqajn protettivi koperti bid-Direttiva 89/686/KEE [5], - ix-xeddijiet tas-saqajn koperti bid-Direttiva 76/769/KEE [6], - ix-xeddijiet tas-saqajn ġugarelli. 2. It-tagħrif dwar il-kompożizzjoni tax-xeddijiet tas-saqajn għandu jingħata permezz tat-tikkettjar kif speċifikat fl-Artikolu 4. (i) It-tikkettjar għandu jagħti tagħrif dwar it-tliet partijiet tax-xeddijiet tas-saqajn kif imfisser fl-Anness I, jiġifieri: (a) il-parti ta’ fuq; (b) l-inforra u s-suletta; u (ċ) il-pett. (ii) Il-kompożizzjoni tax-xeddijiet tas-saqajn għandha tkun indikata kif speċifikat fl-Artikolu 4 imsejsa fuq il-piktogrammi jew l-indikazzjonijiet bil-miktub għall-materjali speċifiċi, kif hemm stabbilit fl-Anness I. (iii) Fil-każ tal-wiċċ tax-xedd, il-klassifika tal-materjali għandha tiġi deċiża fuq il-bażi tad-dispożizzjonijiet li jinsabu fl-Artikolu 4(1) u fl-Anness I, mingħajr ma jiġu kkunsidrati l-aċċessorji jew it-tisħiħ bħal ma huma l-irqajja għall-għekiesi, borduri, ornamenti, bokkli, udieni, ħoloq li jsaħħu t-toqob fil-materjali jew oġġetti simili li jitwaħħlu max-xedd. (iv) Fil-każ tal-pett, il-klassifika għandha tkun imsejsa fuq il-volum tal-materjali li jinsabu fih, skond l-Artikolu 4. Artikolu 2 1. L-Istati Membri għandhom jieħdu l-miżuri kollha meħtieġa sabiex jiżguraw illi x-xeddijiet tas-saqajn kollha imqiegħda fis-suq jilħqu l-ħtiġiet tat-tikkettjar ta’ din id-Direttiva mingħajr preġudizzju għad-dispożizzjonijiet rilevanti l-oħra tal-Komunità. 2. Meta xeddijiet tas-saqajn li ma jkunux konformi mad-dispożizzjonijiet dwar il-ħtiġiet tat-tikkettjar jiġu mqiegħda fis-suq, l-Istat Membru kompetenti għandu jieħu l-azzjoni approprjata speċifikata fil-leġislazzjoni nazzjonali tiegħu. Artikolu 3 Mingħajr preġudizzju għad-dispożizzjonijiet rilevanti oħra Komunitarji, l-Istati Membri ma għandhomx jipprojbixxu jew jimpedixxu t-tqegħid fis-suq tax-xeddijiet tas-saqajn li jħarsu l-ħtiġiet tat-tikkettjar ta’ din id-Direttiva, bl-użu tad-dispożizzjonijiet nazzjonali mhux armonizzati li jirregolaw it-tikkettjar ta’ ċerti tipi ta’ xeddijiet tas-saqajn jew tax-xeddijiet tas-saqajn in ġenerali. Artikolu 4 1. It-tikkettjar għandu jagħti tagħrif dwar il-materjal, stabbilit skond l-Anness I, li jikkostitwixxi mill-inqas 80 % tal-wiċċ tal-parti ta’ fuq, u ta’ l-inforra u s-suletta, tax-xedd, u mill-inqas 80 % tal-volum tal-pett. Jekk l-ebda materjal ma jammonta għal mill-inqas 80 %, it-tagħrif għandu jingħata fuq iż-żewġ materjali prinċipali wżati fil-kompożizzjoni tax-xedd. 2. It-tagħrif għandu jingħata fuq ix-xedd. Il-fabbrikant jew l-aġent awtorizzat tiegħu stabbilit fil-Komunità jista’ jagħżel rappreżentazzjoni bil-piktogrammi jew indikazzjonijiet bil-miktub f’mill-inqas l-ilsien jew l-ilsna li jistgħu jintagħżlu mill-Istat Membru konsumatur b’konformità mat-Trattat, kif imfisser u muri fl-Anness I. L-Istati Membri, fid-dispożizzjonijiet nazzjonali tagħhom għandhom jiżguraw illi l-konsumaturi huma infurmati sew bit-tifsir ta’ din ir-rappreżentazzjoni bil-piktogrammi, filwaqt li jiżguraw illi dawk id-dispożizzjonijiet ma joħolqux ostakoli għall-kummerċ. 3. Għall-għan ta’ din id-Direttiva, it-tikkettjar għandu jkun jikkonsisti fit-twaħħil tat-tagħrif meħtieġ fuq mill-inqas wieħed mill-par tax-xeddijiet. Dan jista’ jsir permezz ta’ stampar, twaħħil, ibbozzar jew billi titwaħħal tikketta. 4. It-tikkettja għandha tkun tidher, imwaħħla sew u aċċessibbli u l-qisien tal-piktogrammi għandhom ikunu kbar biżżejjed sabiex jagħmluha faċli illi wieħed jifhem it-tagħrif li jkun hemm fihom. Ma għandux ikun possibbli illi t-tikketta tqarraq bil-konsumatur. 5. Il-fabbrikant jew l-aġent awtorizzat tiegħu stabbiliti fil-Komunità għandhom ir-responsabbiltà li jfornu t-tikketta u għar-reqqa tat-tagħrif illi din ikun fiha. Jekk la l-fabbrikant u lanqas l-aġent awtorizzat tiegħu ma jkunu stabbiliti fil-Komunità, dan l-obbligu għandu jmiss lill-persuna responsabbli mill-ewwel tqegħid fis-suq Komunitarju tax-xeddijiet tas-saqajn. Il-bejjiegħ bl-imnut għandu jibqa’ responsabbli sabiex jiżgura illi x-xeddijiet mibjugħa minnu jkollhom it-tikkettjar approprjat preskritt minn din id-Direttiva. Artikolu 5 Tagħrif testwali addizzjonali, imwaħħal, jekk ikun meħtieġ, fuq it-tikkettjar jista’ jiżdied mat-tagħrif meħtieġ f’din id-Direttiva. Madankollu, l-Istati Membri ma jistgħux jipprojbixxu jew jimpedixxu t-tqegħid fis-suq tax-xeddijiet tas-saqajn li jikkonformaw mal-ħtiġiet ta’ din id-Direttiva, skond l-Artikolu 3. Artikolu 6 1. L-Istati Membri għandhom jadottaw u jippubblikaw il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma’ din id-Direttiva mhux aktar tard mit-23 ta’ Settembru 1995. Għandhom jgħarrfu bihom lill-Kummissjoni minnufih. 2. L-Istati Membri għandhom japplikaw il-miżuri riferiti fil-paragrafu 1 mit-23 ta’ Marzu 1995. Il-ħażniet li tkun inħarġitilhom il-fattura jew li jkunu ġew ikkunsinnati lill-bejjiegħ bl-imnut qabel din id-data ma għandhomx ikunu bla ħsara għall-miżuri msemmija sat-23 ta’ Settembru 1997. 3. Meta l-Istati Membri jadottaw dawn il-miżuri, dawn għandu jkun fihom referenza għal din id-Direttiva jew għandhom ikunu akkumpanjati b’din ir-referenza fl-okkażjoni tal-pubblikazzjoni uffiċjali tagħhom. Il-metodi dwar kif għandha ssir din ir-referenza għandhom jiġu stabbiliti mill-Istati Membri. 4. Il-Kummissjoni għandha tissottometti lill-Kunsill, tliet snin wara li din id-Direttiva tkun daħlet fis-seħħ, rapport ta’ stima li jikkunsidra kull diffikultà illi setgħet ġiet iltaqgħu magħha l-operaturi meta kienu qegħdin iħaddmu d-dispożizzjonijiet ta’ din id-Direttiva u għandhom jippreżentaw, jekk ikun hemm il-ħtieġa, proposti approprjati għar-reviżjoni. Artikolu 7 Din id-Direttiva hija indirizzata lill-Istati Membri. Magħmula fi Brussel, fit-23 ta’ Marzu 1994. Għall-Parlament Ewropew Il-President E. Klepsch Għall-Kunsill Il-President TH. Pangalos [1] ĠU Ċ 74, 25.3.1992, p. 10. [2] ĠU Ċ 287, 4.11.1992, p. 36. [3] ĠU Ċ 294, 22.11.1989, p. 1. [4] ĠU Ċ 110, 20.4.1993, p. 3. [5] ĠU L 399, 30.12.1989, p. 18. [6] ĠU L 262, 27.9.1976, p. 201. -------------------------------------------------- ANNESS I 1. Id-definizzjoni u l-piktogrammi korrispondenti jew l-indikazzjonijiet bil-miktub dwar il-partijiet tax-xeddijiet tas-saqajn li għandhom ikunu identifikati | Ir-rappreżentazzjoni bil-piktogrammi | L-indikazzjonijiet bil-miktub | +++++ TIFF +++++ (a)Il-parti ta’ fuq;Din hi l-faċċata ta’ barra ta’ l-element strutturali li jkun imwaħħal mal-pett. | | F:Tige;D:Obermaterial;IT:Tomaia;NL:Bovendeel;EN:Upper;DK:Overdel;GR:ΕΠΑΝΩ ΜΕΡΟΣ;ES:Empeine;P:Parte superior. | +++++ TIFF +++++ (b)L-inforra u s-sulettaDawn huma l-inforra tal-parti ta’ fuq u tas-suletta, li jiffurmaw il-parti ta’ ġewwa tax-xedd tas-saqajn. | | F:Doublure et semelle de propreté;D:Futter und Decksohle;IT:Fodera e Sottopiede;NL:Voering en inlegzool;EN:Lining and sock;DK:Foring og bindsål;GR:ΦΟΑΡΕΣES:Forro y plantilla;P:Forro e Palmilha. | +++++ TIFF +++++ (c)Il-pettDin hi l-parti tal-qiegħ tax-xedd tas-saqajn, li hi suġġetta li tittiekel u li hija mwaħħla mal-parti ta’ fuq. | | F:Semelle extérieure;D:Laufsohle;IT:Suola esterna;NL:Buitenzool;EN:Outer sole;DK:Ydersål;GR:ΣΟΛΑ;ES:Suela;P:Sola. | 2. Id-definizzjoni u r-rappreżentazzjoni bil-piktogrammi korrispondenti tal-materjali Ir-rappreżentazzjoni bl-istampi li tinteressa l-materjal għandha tidher fuq it-tikketta ħdejn l-istampi li għandhom x’jaqsmu mat-tliet partijiet tax-xedd tar-riġel speċifikati fl-Artikolu 4 u fil-parti 1 ta’ dan l-Anness. | Ir-rappreżentazzjoni bil-piktogrammi | L-indikazzjonijiet bil-miktub | +++++ TIFF +++++ (a)(i) Il-ĠildaEspressjoni ġenerali li tirreferi għall-ġilda li jkollha l-fibra strutturali oriġinali tagħha ftit jew wisq mhux mimsusa, ikkonzata biex ma tnawwarx. Ix-xagħar jew is-suf jista’ jkun jew jista’ ma jkunx imneħħi. Il-ġilda tista’ tkun ukoll magħmula minn ġild li jkun ġie maqsum f’safef jew issegmentat qabel jew wara li jkun ġie kkonzat. Madankollu, jekk il-ġild ikkonzat jiġi ddiżintegrat b’mod mekkaniku u/jew kimiku fi frak fibruż, biċċiet żgħar jew trab u mbagħad, bi jew mingħajr iż-żieda ta’ aġent li jgħaqqad, jiġi magħmul f’folji jew f’għamliet oħra, dawn il-folji jew forom ma jkunux ġilda. Jekk il-ġilda jkollha kisja fil-wiċċ, tkun kif tkun applikata,jew raffinatura mwaħħla bil-kolla, dawn is-safef tal-wiċċ ma jistgħux ikunu ħoxnin aktar minn 0,15 mm. Għalhekk, il-ġlud kollha huma koperti mingħajr preġudizzju għall-obbligazzjonijiet l-oħra legali, eż. il-Konvenzjoni ta’ Washington.Jekk jintuża t-terminu ‘ġilda bil-grana sħiħa’ fit-tagħrif addizzjonali bil-miktub li mhux obbligatorju riferit fl-Artikolu 5, dan jgħodd għall-ġilda li jkollha l-wiċċ oriġinali tagħha mikxuf bit-tneħħija tar-rita ta’ barra tal-ġilda u bl-ebda parti mill-wiċċ imneħħi permezz tal-ibbaffjar, snuffing jew qsim. | | F:Cuir;D:Leder;IT:Cuoio;NL:Leder;EN:Leather;DK:Læder;GR:ΔΕΡΜΑ;ES:Cuero;P:Couros e peles curtidas. | +++++ TIFF +++++ (a)(ii) Ġilda Miksijaġilda fejn il-kisja tal-wiċċ tal-ġilda ma taqbiżx terz tal-ħxuna totali tal-prodott iżda jaqbez iż-0,15 mm. | | F:Cuir enduit;D:Beschichtetes Leder;IT:Cuoio rivestito;NL:Gecoat leder;EN:Coated leather;DK:Overtrukket læder;GR:ΕΠΕΝΔΕΔΥΜΕΝΟ ΔΕΡΜΑ;ES:Cuero untado;P:Couro revestido. | +++++ TIFF +++++ (b)Tessuti naturali minsuġa u tessuti sintetiċi jew mhux minsuġa‘Tessuti’ għandhom ifissru l-prodotti kollha koperti bid-Direttiva 71/307/KEE u l-emendi tagħha. | | F:Textile;D:Textil;IT:Tessili;NL:Textiel;EN:Textile;DK:Tekstil-materialer;GR:ΥΦΑΣΜΑ;ES:Textil;P:Téxteis. | +++++ TIFF +++++ (c)Il-materjali l-oħra kollha | | F:Autres matériaux;D:Sonstiges Material;IT:Altre materie;NL:Overige materialen;EN:Other materials;DK:Andre materialer;GR:ΑΛΛΑ ΥΛΙΚΑ;ES:Otros materiales;P:Outros materiais. | -------------------------------------------------- ANNESS II EŻEMPJI TAX-XEDDIJIET TAS-SAQAJN KOPERTI MINN DIN ID-DIRETTIVA "Ix-xeddijiet tas-saqajn" jistgħu jvarjaw minn qrieq bil-parti ta’ fuq tagħhom tikkonsisti sempliċement f’lazzijiet jew żagarelli li jistgħu jiġu aġġustati sa buzijiet għolja illi l-parti ta’ fuq tagħhom tkun tkopri r-riġel u l-koxxa. Fost il-prodotti inklużi għalhekk hemm: (i) ix-xeddijiet tas-saqajn ċatti jew b’takkuna għolja għalbiex jintlibsu ġewwa jew barra mid-dar; (ii) il-buzijiet sa l-għaksa, il-buzijiet qosra, il-buzijiet sa’ l-irkobba, u l-buzijiet għolja; (iii) il-qrieq ta’ tipi diversi, l-‘espadrilles’ (xedd tas-saqajn bil-parti ta’ fuq tal-luna u l-pett magħmul minn materjal veġetali maħdum), iż-żraben tat-teNnis, iz-żraben tal-ġiri u sport ieħor, is-sandlijiet tal-għawm u xeddijiet tas-saqajn ta’ kuljum oħra; (iv) iż-żraben sportivi speċjali li huma ddisinjati għall-attività sportiva u li għandhom, jew għandhom provvediment għat-twaħħil ta’, msiemer bil-ponta mqabbża, tappini, klippijiet, biċċiet tal-metall jew oġġetti simili u ż-żraben ta’ l-iskejz, iż-żraben ta’ l-iskì u ż-żraben ta’ l-iskijjar fit-tul, iż-żraben tal-lotta, iż-żraben tal-boksing u ż-żraben għas-sewqan tar-rota. Inklużi wkoll hemm oġġetti komposti magħmula minn xeddijiet is-saqajn li jkollhom pattini jew skejtz bir-roti mwaħħlin; (v) l-iskarpini taż-żfin; (vi) ix-xeddijiet tas-saqajn magħmula minn biċċa waħda, b’mod partikolari billi jiġi mmudellat il-lastiku jew il-plastik, iżda li ma jinkludux oġġetti li jintremew wara l-użu u li jkunu magħmula minn materjal ħafif u rqiq (karta, plastik irqiq ħafna, eċċ., mingħajr pettijiet imwaħħla); (vii) il-galoxxi illi jintlibsu fuq xedd tas-saqajn ieħor, illi xi drabi ma jkollhomx takkuna; (viii) ix-xeddijiet tas-saqajn illi jintremew wara l-użu, illi jkollhom pettijiet imwaħħla, ġeneralment ddisinjati sabiex jintużaw darba waħda biss; (ix) ix-xeddijiet tas-saqajn ortopediċi. Għal raġunijiet ta’ omoġeneità u ċarezza, u mingħajr ħsara għad-dispożizzjonijiet imsemmija fid-deskrizzjoni tal-prodotti koperti b’din id-Direttiva, il-prodotti koperti bil-Kapitolu 64 tan-nomenklatura magħquda (‘CN’) jistgħu, bħala regola ġenerali, ikunu meqjusa illi jaqgħu taħt din id-Direttiva. --------------------------------------------------