Official Journal L 281 , 10/11/1979 P. 0047 - 0052
Finnish special edition: Chapter 15 Volume 2 P. 0200
Greek special edition: Chapter 15 Volume 1 P. 0230
Swedish special edition: Chapter 15 Volume 2 P. 0200
Spanish special edition: Chapter 15 Volume 2 P. 0156
Portuguese special edition Chapter 15 Volume 2 P. 0156
Id-Direttiva tal-Kunsill tat-30 ta’ Ottubru 1979 dwar il-kwalita mehtiega ghall-ilmijiet tal-koltivazzjoni tal-molluski (79/923/KEE) IL-KUNSILL TAL-KOMUNITAJIET EWROPEJ, Wara li kunsidra t-Trattat li jistabbilixxi l-Komunità Ekonomika Ewropea, u partikolarment l-Artikoli 100 u 235 tiegħu, Wara li kunsidra l-proposta mill-Kummissjoni [1], Wara li kunsidra l-opinjoni tal-Parlament Ewropew [2], Wara li kunsidra l-opinjoni tal-Kumitat Ekonomiku u Soċjali [3], Billi l-ħarsien u t-titjib ta’ l-ambjent jirrikjedu miżuri konkreti sabiex jipproteġu l-ilmijiet, inklużi l-ilmijiet tal-koltivazzjoni tal-molluski, kontra t-tniġġis; Billi huwa neċessarju li ċerti popolazzjonijiet ta’ molluski jiġu salvagwardjati minn diversi konsegwenzi perikolużi, li jirriżultaw mit-tnixxija fil-baħar ta’ sustanzi mniġġsa; Billi l-programmi ta’azzjoni tal-komunitajiet ewropej dwar l-ambjent ta’ l-1973 [4] u l-1977 [5] jistipulaw li għandhom jitfasslu għanijiet ta’ kwalità b’mod konġunt billi jiġu stabbiliti l-ħtiġijiet varji li għandhom jintlħqu minn ambjent, b’mod partikolari, id-definizzjoni tal-parametri ta’ l-ilma, inkluż l-ilmijiet tal-koltivazzjoni tal-molluski; Billi d-differenzi bejn id-dispożizzjonijiet diġà fis-seħħ jew fi stadju ta’ preparazzjoni fid-diversi Stati Membri dwar il-kwalità meħtieġa ta’ l-ilmijiet tal-koltivazzjoni tal-molluski jistgħu joħolqu kondizzjonijiet ta’ kompetizzjoni mhux indaqs u allura jistgħu jaffetwaw direttament il-mod ta’ kif jiffunzjona s-suq komuni; billi għaldaqstant għandhom jiġu approssimati l-liġijiet f’dam il-qasam kif stipulat fl-artikolu 100 tat-trattat; Billi huwa neċessarju li din l-approssimazzjoni tal-liġijiet titlaqqa’ ma’ l-azzjoni tal-komunità bl-għan li, permezz ta’ dispożizzjonijiet aktar wiesgħa, jintlaħaq wieħed mill-għanijiet tal-komunità fil-qasam tal-ħarsien ta’ l-ambjent u t-titjib tal-kwalità tal-ħajja; billi f’dan ir-rigward għandhom jiġu stipulati ċerti dispożizzjonijiet speċifiċi; billi, minħabba li l-poteri ta’ azzjoni speċifiċi meħtieġa għal dan il-għan ma kienux previsti fit-trattat, huwa neċessarju li jiġi invokat l-artikolu 235 tieghu; Billi, sabiex jintlaħqu l-għanijiet tad-direttiva, l-Istati membri ser ikollhom jindikaw l-ilmijet li għalihom din ser tkun tapplika u ser ikollhom jistabbilixxu valuri ta’ limitu li jikkorrispondu ma’ ċerti parametri; billi l-ilmijiet hekk indikati għandhom ikunu konformi ma’ dawn il-valuri fi żmien sitt snin minn tali indikazzjoni; Billi sabiex tkun tista’ tiġi spezzjonata l-kwalità meħtieġa ta’ l-ilmijiet tal-koltivazzjoni tal-molluski, għandu jittieħed numru minimu ta’ kampjuni u jitkejlu l-parametri stabbiliti fl-anness; billi dan it-teħid ta’ kampjuni jista’ jitnaqqas jew jitwaqqaf fid-dawl tar-riżultati tal-qisien; Billi ċerti ċirkostanzi naturali m’humiex fil-kontroll ta’ l-istati membri u allura huwa neċessarju li f’certi kazijiet ikun hemm il-possibilità ta’ deroga minn din id-direttiva; Billi l-progress tekniku u xjentifiku jista’ jinneċessita l-adattament ta’ malajr ta’ xi wħud mill-ħtiġijiet imsemmija fl-annessi; billi, għandha tinstab proċedura sabiex tiffaċilita l-introduzzjoni tal-miżuri meħtieġa għal dan il-għan, li tistabbilixxi kooperazzjoni mill-viċin bejn l-istati membri u l-kummissjoni; billi din il-kooperazzjoni għandha ssir fi ħdan il-kumitat dwar l-adattament għall-progress tekniku u xjentifiku imwaqqaf bl-artikolu 13 tad-direttiva tal-kunsill 78/659/KEE tat-18 ta’ Lulju 1978 dwar il-kwalità ta’ l-ilma ħelu li għandu bżonn il-protezzjoni jew it-titjib sabiex isostni l-ħajja tal-ħut [6]; Billi din id-direttiva ma tistax, waħedha, tassigura l-protezzjoni tal-konsumaturi tal-prodotti tal-molluski; billi għal dan il-għan għandhom għalhekk jiġu sottomessi proposti lill-kummissjoni mill-aktar fis possibli, ADOTTAT DIN ID-DIRETTIVA: Artikolu 1 Din id-direttiva tikkonċerna l-kwalità ta’ l-ilmijet tal-koltivazzjoni tal-molluski u tapplika għal dawk l-ilmijiet ta’ mal-kosta u salmastri indikati mill-istati membri bħala li għandhom bżonn protezzjoni jew titjib sabiex isostnu l-ħajja u t-tkabbir tal-molluski (bivalve u gasteropod molluscs) u għaldaqstant sabiex jikkontribwixxu għall-kwalità għolja tal-prodotti tal-molluski li jitieklu direttament mill-bniedem. Artikolu 2 Il-parametri applikabbli għall-ilmijet indikati mill-istati membri jinsabu elenkati fl-Anness. Artikolu 3 1. L-istati membri għandhom jistabbilixxu, għall-ilmijiet indikati, valuri għall-parametri elenkati fl-Anness, sakemm dawn il-valuri jkunu mogħtija fil-kolonna G jew fil-kolonna I. Huma għandhom iħarsu l-kummenti li jinsabu fiż-żewġ kolonni. 2. L-Istati membri m’għandhomx jistabbilixxu valuri inqas rigorużi minn dawk mogħtija fil-kolonna I ta’ l-Anness u għandhom jagħmlu minn kollox sabiex jirrispettaw il-valuri fil-kolonna G, filwaqt li jikkonsidraw il-prinċipju stabbilit fl-Artikolu 8. 3. Għal tnixxijiet li jaqgħu fi ħdan il-parametri "sustanzi organo-aloġenati" u "metalli", l-istandards ta’ l-emissjoni stabbiliti mill-istati membri skond id-Direttiva tal-Kunsill 76/464/KEE ta’ l-4 ta’ Mejju 1976 dwar tniġġis ikkawżat minn ċerti sustanzi perikolużi mnixxija fl-amjbent akwatiku tal-kommunità [7] għandhom japplikaw fl-istess waqt bħala l-għanjiet ta’ kwalità u l-obbligazzjonijiet l-oħra li joħorġu minn din id-direttiva, partikolarment dawk dwar it-teħid ta’ kampjuni. Artikolu 4 1. Għall-bidu, fi żmien sentejn wara n-notifika ta’ din id-dirtettiva, l-Istati membri għandhom jindikaw l-ilmijiet tal-molluski. 2. L-Istati membri jistgħu sussegwentament iżidu ma’ dawn l-indikazzjonijiet. 3. Filwaqt li jieħdu in-konsiderazzjoni l-prinċipju stabbilit fl-Artikolu 8, l-Istati membri jistgħu jirrevedu l-indikazzjonijiet ta’ ċerti ilmijiet partikolarment minħabba fatturi mhux previsti fi żmien l-indikazzjoni. Artikolu 5 L-Istati membri għandhom jistabbilixxu programmi sabiex inaqqsu t-tniġġis u sabiex jassiguraw li l-ilmijiet nominati huma konformi, fi żmien sitt snin wara n-nominazzjoni skond l-Artikolu 4, kemm mal-valuri stabbiliti mill-Istati membri skond l-Artikolu 3 u mal-kummenti li jinsabu f’kolonni G u I ta’ l-Anness. Artikolu 6 1. Għall-iskopijiet ta’ l-implimentazzjoni ta’ l-Artikolu 5, l-ilmijiet indikati għandhom jitqiesu konformi mad-dispożizzjonijiet ta’ din id-direttiva jekk il-kampjuni ta’ dawn l-ilmijiet, meħuda fil-frekwenza minima speċifikata fl-Anness, fl-istess punt tat-teħid tal-kampjuni u tul perjodu ta’ 12-il xahar, juru li huma konformi kemm mal-valuri stabbiliti mill-Istati membri skond l-Artikolu 3 u kemm mal-kummenti li jinsabu fil-kolonni G u I ta’ l-Anness dwar: - 100 % tal-kampjuni għall-parametri tas-"sustanzi organo-aloġenati" u "metalli"; - 95 % tal-kampjuni għall-parametri tas-"salinità" u "ossiġnu maħlul"; - 75 % tal-kampjuni għall-parametri l-oħrajn elenkati fl-Anness. Jekk, skond l-Artikolu 7(2), il-frekwenza tat-teħid tal-kampjuni għall-parametri kollha fl-Anness ħlief għal "sustanzi organo-aloġenati" u "metalli" tkun inqas minn dik indikata fl-Anness, il-valuri u l-kummenti msemmija hawn fuq għandhom jiġu rispettati fil-każ tal-kampjuni kollha. 2. Fejn il-valuri indikati mill-Istati membri skond l-Artikolu 3 jew il-kummenti li jinsabu fil-kolonni G u I ta’ l-Anness ma jiġux rispettati minħabba xi diżastru, dawn m’għandhomx jiġu kunsidrati fil-kalkolu tal-percentwali msemmija fil-paragrafu 1. Artikolu 7 1. L-awtoritajiet kompetenti fl-Istati membri għandhom iwettqu operazzjonijiet ta’ teħid ta’ kampjuni, li l-frekwenza minima tagħhom hija stabbilita fl-Anness. 2. Fejn l-awtorità kompetenti tirreġistra kwalità ta’ l-ilmijiet indikati konsiderevolment ogħla minn dik li tirriżulta mill-applikazzjoni tal-valuri stabbiliti skond l-Artikolu 3 u l-kummenti li jinsabu fil-kolonni G u I ta’ l-anness, il-frekwenza tat-teħid ta’ kampjuni tista’ titnaqqas. Fejn ma jkunx hemm l-ebda tniġġis jew riskju ta’ deterjorament fil-kwalità ta’ l-ilmijiet, l-awtorità kompetenti konċernata tista’ tiddeċiedi li t-teħid ta’ kampjuni m’huwiex meħtieġ. 3. Jekk it-teħid ta’ kampjuni juri li xi valur stabbilit bi qbil ma’ l-Artikolu 3 jew xi kumment li jinsab fil-kolonni G jew I ta’ l-Anness mhux qed jiġi rispettat, l-awtorità kompetenti għandha tistabbilixxi jekk dan hux riżultat ta’ xi kumbinazzjoni, ta’ xi feno menu naturali jew ta’ tniġġis u hekk tieħu l-miżuri xierqa. 4. Il-punt eżatt fejn jittieħdu l-kampjuni, d-distanza minn dan il-punt sa l-eqreb punt fejn ikun hemm tnixxija ta’ tniġġis u l-fond li fih għandhom jittieħdu l-kampjuni għandhom jiġu stabbiliti mill-awtorità kompetenti ta’ kull stat membru partikolarment skond il-kondizzjonijet ambjentali lokali. 5. Il-metodi ta’ referenza ta’ l-analiżi li għandhom jintużaw fil-kalkolu tal-valuri tal-parametri koncernati huma stipulati fl-Anness. Laboratorji li jħaddmu metodi oħrajn għandhom jassiguraw li r-riżultati miksuba jkunu ekwivalenti jew komparabbli għal dawk specifikati fl-Anness. Artikolu 8 L-implimentazzjoni tal-miżuri meħuda skond din id-direttiva ma jistgħu fl-ebda każ iwasslu, direttament jew indirettament, għal żieda fit-tniġġis ta’ l-ilma ta’ mal-kosta u dak salmastru. Artikolu 9 L-Istati membri jistgħu f’kull ħin jistabbilixxu valuri għall-ilmijiet indikati aktar strinġenti minn dawk stabbiliti f’din id-direttiva. Jistgħu ukoll jistipulaw dispożizzjonijiet dwar parametri oħrajn barra dawk previsti f’din id-direttiva. Artikolu 10 Fejn stat membru jikkonsidra li jindika ilmijiet tal-molluski fil-viċinanza immedjata ta’ fruntiera ma’ stat membru ieħor, dawn l-istati jridu jikkonsultaw lil xulxin sabiex jistabbilixxu l-partijiet minn dawn l-ilmijet li għalihom tkun tista’ tapplika din id-direttiva u l-konsegwenzi li għandhom joħorġu mill-għanijiet tal-kwalità komuni; dawn il-konsegwenzi għandhom jiġu deċiżi wara konsultazzjonijiet formali ma’ kull stat koncernat. Il-Kummissjoni tista’ tipparteċipa f’dawn id-deliberazzjonijiet. Artikolu 11 L-Istati membri jistgħu jidderogaw minn din id-direttiva f’każ ta’ temp jew kondizzjonijiet ġeografiċi eċċezzjonali. Artikolu 12 Dawn l-emendi kif inhuma neċessarji għall-adattament għall-progress tekniku u xjentifiku, il-valuri G għall-parametri u l-metodi ta’ analiżi li jinsabu fl-Anness għandhom ikunu adottati mill-kumitat imwaqqaf bis-saħħa ta’ l-Artikolu 13 tad-Direttiva 78/659/kee skond il-proċedura msemmija fl-Artikolu 14 tagħha. Artikolu 13 Bl-iskop li din id-Direttiva tibda tapplika, l-istati membri għandhom jipprovdu informazzjoni lill-Kummissjoni dwar: - l-ilmijiet indikati skond l-artikolu 4(1) u (2), f’forma sommarja, - ir-reviżjoni ta’ l-indikazzjonijiet ta’ ċerti ilmijiet skond l-Artikolu 4(3), - id-dispożizzjonijiet stipulati sabiex jiġu stabbiliti parametri ġodda skond l-Artikolu 9, Fejn Stat membru japplika d-dispożizzjonijiet ta’ l-Artikolu 11, dan għandu jinnotifika minnufih lill-Kummissjoni b’dan, filwaqt li jagħti r-raġunijiet u l-perjodi antiċipati. B’mod aktar ġenerali, l-Istati membri għandhom jipprovdu lill-Kummissjoni, fuq talba raġunata tal-Kummissjoni stess, kull informazzjoni necessarja għall-applikazzjoni ta’ din id-Direttiva. Artikolu 14 1. L-Istati membri għandhom jissottomettu rapport dettaljat lill-Kummissjoni dwar l-ilmijiet indikati u l-karatteristiċi bażiċi tagħhom sitt snin wara l-indikazzjoni inizjali skond l-artikolu 4(1), u sussegwentement f’intervalli regolari. 2. Bil-kunsens minn qabel ta’ l-Istat membru, il-Kummissjoni għandha tippubblika l-informazzjoni miksuba. Artikolu 15 1. L-Istati membri għandhom idaħħlu fis-seħħ il-liġijiet, regolamenti u dispożizzjonijiet amministrattivi meħtieġa, sabiex ikunu konformi ma’ din id-direttiva, fi żmien sentejn min-notifika tagħha (1). Meta jagħmlu dan huma għandhom jinfurmaw lill-Kummissjoni minnufih. 2. L-Istati membri għandhom jikkomunikaw lill-Kummissjoni it-testi tad-dispożizzjonijiet principali tal-liġi nazzjonali li jadottaw fil-qasam regolat b’din id-direttiva. Artikolu 16 Din id-Direttiva hija indirizzata lill-Istati membri. Magħmula fil-Lussemburgu, 30 ta’ Ottubru 1979. Għall-Kunsill Il-President M. O'Kennedy [1] ĠU C 283, tat-30.11.1976, p. 3. [2] ĠU C 133, tas-6.6.1977, p. 48. [3] ĠU C 114, tal-11.5.1977, p. 29. [4] ĠU C 112, ta’ l-20.12.1973, p. 3. [5] ĠU C 139, tat-13.6.1977, p. 3. [6] ĠU L 222, ta’ l-14.8.1978, p. 1. [7] ĠU Nru L 129, 18.5.1976, p. 23. -------------------------------------------------- ANNESS KWALITÀ TA' L-ILMIJIET TAL-KOLTIVAZZJONI TAL-MOLLUSKI Taqsir: G = gwida I = obbligatorju | Parametru | G | I | METODI TA' REFERENZA TA' L-ANALIŻI | FREKWENZA MINIMA TAT-TEHID TA' KAMPJUNI U TAL-KEJL | 1. | pH unità pH | | 7 - 9 | —ElettrometrijaKejl mehud in situ waqt it-tehid tal-kampjuni | Ta' kull kwart tas-sena | 2. | Temperatura °C | Tnixxija li taffettwa l-ilmijiet tal-koltivazzjoni tal-molluski m'għandhiex tgholli t-temperatura ta' l-ilmijiet b'aktar minn 2 oC minn dik ta' l-ilmijiet mhux affettwati | | —TermometrijaKejl meħud in situ waqt it-tehid tal-kampjuni | Ta' kull kwart tas-sena | 3. | Kulur (wara l-filtrazzjoni) mg Pt/l | | Tnixxija li taffettwa l-ilmijiet tal-koltivazzjoni tal-molluski m'għandhiex tikkawża bidla fil-kulur ta' l-ilmijiet wara l-filtrazzjoni b'aktar minn 10 mg pt/l mill-kulur ta' l-ilmijiet mhux affetwati | —Filtru minn membrana ta' 0.45 μmMetodu fotometriku, bl-użu ta' skala tal- platinum/cobalt | Kull tliet xhur | 4. | Solidi sospiżi (mg/l) | | Tnixxija li taffettwa l-ilmijiet tal-koltivazzjoni tal-molluski m'għandhiex tikkawża żieda tal-kontenut tas-solidi sospiżi fl-ilmijiet ta' aktar minn 30 % tal-kontenut ta' l-ilmijiet mhux affetwati | Filtrazzjoni minn membrana ta' 0.45 μm, li tinxef f' 105 oC u tiżenĊentrifugazzjoni (ta' mill-inqas ħames minuti, b'aċċelerazzjoni medja ta' 2800 sa 3200 g), li tnixxef f'105 oĊ u tiżen | Kull tliet xhur | 5. | Salinità ‰ | 12 sa 38 % | = 40 ‰Tnixxija li taffettwa l-ilmijiet tal-koltivazzjoni tal-molluski m'għandhiex tikkawża żieda fis-salinità tagħhom ta' aktar minn 10 % tas-salinità ta' l-ilmijiet mhux affettwati | Konduttimetrija | Darba fix-xahar | 6. | Saturazzjoni ta' l-ossiġnu maħlul % | = 80 % | = 70 %(valur medju)Jekk kejl individwali jindika valur inqas minn 70 %, il-kejl irid jerġa' jsirKejl individwali ma' jistax jindika valur ta' inqas minn 60 % kemm-il darba m'hemmx konsegwenzi ta' ħsara għall-iżvilupp ta' kolonji tal-molluski | Il-metodu "Winkler"Metodu elettrokemikali | Darba fix-xahar, b'minimu ta' kampjun wieħed li jirrappreżenta l- kondizzjonijiet ta' ossiġnu baxx fil-ġurnata tat-teħid tal-kampjuni. Madanakollu, fejn ikun hemm suspetti ta' varjazzjonijiet kbar ta' kuljum, għandu jittieħed minimu ta' żewġ kampjuni kuljum | 7. | Idrokarbonji tal-petrolju | | M'għandux ikun hemm kwantitajiet ta' idrokarbonji fl-ilmijiet tal-koltivazzjoni tal-molluski f'ċerti kwantitajiet li: jipproduċu lega viżibbli f'wiċċ l-ilma u/jew iħallu depożitu fuq il-frott tal-baħar,ikollhom effetti ħżiena fuq il-frott tal-baħar | Eżaminazzjoni viżwali | Kull tliet xhur | 8. | Sustanzi organo-alogenati | Il-konċentrazzjoni ta' kull sustanza fil-laħam tal-molluski għandha tkun limitata b'mod li tikkontribwixxi, skond l-Artikolu 1, għall-kwalità għolja tal-prodotti tal-molluski | Il-konċentrazzjoni ta' kull sustanza fl-ilma tal-koltivazzjoni tal-molluski jew fil-laħam tal-molluski m'għandhiex tilħaq jew taqbeż livell li jkollu effetti ħżiena fuq il-frott tal-baħar u l-larvae | Kromatografija tal-gass wara estrazzjoni b'solventi xierqa u purifikazzjoni | Kull sitt xhur | Fidda | Ag | Arseniku | As | Kadmju | Cd | Kromju | Cr | Ram | Cu | Merkurju | Hg | Nickel | Ni | Comb | Pb | Zingu | Zn | mg/l | Il-konċentrazzjoni ta' kull sustanza fil-laħam tal-molluski għandha tkun limitata b'mod li tikkontribwixxi, skond l-Artikolu 1, għall-kwalità għolja tal-prodotti tal-molluski | Il-konċentrazzjoni ta' kull sustanza fl-ilma tal-koltivazzjoni tal-molluski jew fil-laħam tal-molluski m'għandhiex taqbeż livell li jkollu effetti ta' ħsara fuq il-frott tal-baħar u l-larvae L-effetti sinerġiċi ta' dawn il-metalli għandhom jittieħdu in-konsiderazzjoni | Spettrometrija ta' assorbenza atomika preċeduta, fejn hu xieraq, b'konċentrazzjoni u/jew estrazzjoni | Kull sitt xhur | 10. | Faecal coliforms/100 ml | = 300 fil-laħam tal-molluski u fil-likwidu intervalvulari [1] | | Metodu ta' taħlit mal-fermentazzjoni f'sustanzi likwidi f'mill-inqas tliet tubi fi tliet taħlitiet. It-tubi pożittivi jiġu maħruġa fuq mezz ta' konfermazzjoni. Għadd skond in-NAP (in-numru l-aktar probabbli). It-temperatura ta' l-inkubazzjoni 44 °C b'varjazzjoni żejda jew nieqsa 0.5 °C | Kull tliet xhur | 11. | Sustanzi li jaffettwaw it-togħma tal-molluski | | Konċentrazzjoni anqas minn dik obbligata biex tfixkel it-togħma tal-molluski | Eżaminazzjoni tal-molluski skond it-togħma fejn il-preżenza ta' waħda minn dawn is-sustanzi hija preżunta | | 12. | Saxitoxin (prodott minn dinoflagellates) | | | | | --------------------------------------------------