Ir-Regolament tal-Kunsill (KEE) Nru 827/68

tat-28 Ġunju 1968

dwar l-organizzazzjoni komuni tas-suq f’ċerti prodotti elenkati fl-Anness II għat-Trattat

IL-KUNSILL TAL-KOMUNITAJIET EWROPEJ

Wara li kkunsidra t-Trattat li jistabbilixxi l-Komunità Ekonomika Ewropea, u partikolarment l-Artikoli 42 u 43 tiegħu;

Wara li kkunsidra l-proposta mill-Kummissjoni;

Wara li kkunsidra l-Opinjoni tal-Parlament Ewropew;

Billi organizzazzjoni komuni tas-suq, li tinvolvi sistema speċjali ta’ regoli ġiet stabbilita jew dalwaqt għandha tiġi stabbilita għal ħafna mill-prodotti elenkati fl-Anness II tat-Trattat; billi disposizzjonijiet approprjati għandhom ukoll jiġu adottati, fil-kwadru ta’ organizzazzjoni komuni tas-swieq, sabiex jippermettu l-istabbiliment ta' suq wieħed għall-prodotti l-oħrajn kollha elenkati f’dak l-Anness;

Billi l-istabbiliment ta’ dan is-suq wieħed jinvolvi l-introduzzjoni ta’ sistema waħda ta’ negozju fil-fruntieri esterni tal-Komunità; billi l-essenza ta’ din is-sistema tista' tiġi espressa bħala l-applikazzjoni integrali tat-Tariffa Doganali Komuni u l-liberalizzazzjoni tan-negozju;

Billi, madankollu, f’ċirkostanzi eċċezzjonali, il-protezzjoni li tirriżulta mill-applikazzjoni tat-Tariffa Doganali Komuni tista' tirriżulta difettuża; billi, f’dawn il-każijiet, sabiex is-suq tal-Komunità ma’ jitħalliex mingħajr difiża kontra disturbi li jistgħu jinħolqu minnhom wara li l-barrieri ta' l-importazzjoni li jkunu eżistew qabel ikunu ġew aboliti, il-Komunità għandha tkun tista' tieħu l-miżuri kollha neċessarji mingħajr dewmien;

Billi l-istabbiliment ta’ suq wieħed għall-prodotti kollha in kwistjoni jinvolvi t-tneħħija fil-fruntieri interni tal-Komunità ta' l-ostakoli kollha għall-moviment ħieles ta’ dawn l-oġġetti;

Billi l-istabbiliment ta’ dan is-suq wieħed jista' jiġi pperikolat bl-għoti ta' ċerti għajnuniet; billi, għalhekk, id-disposizzjonijiet tat-Trattat li jippermettu l-istima ta' għajnuniet mogħtija mill-Istati Membri u l-projbizzjoni ta’ dawk li huma inkompatibbli mas-suq komuni, għandhom jiġu applikati għall-prodotti koperti b’dan ir-Regolament;

Billi, sabiex tiġi ffaċilitata l-implimentazzjoni tal-miżuri proporti, għandha tiġi provduta proċedura biex tistabbilixxi kooperazzjoni mill-qrib bejn l-Istati Membri u l-Kummissjoni fil-Kumitat Amministrattiv;

Billi t-transizzjoni mis-sistema fis-seħħ fl-Istati Membri għal dik stabbilita b'dan ir-Regolament għandha ssir bl-aktar mod lixx possibli; billi, għal dak l-iskop, miżuri transitorji jistgħu jkunu neċessarji;

Billi l-organizzazzjoni komuni tas-suq fil-prodotti koperti b’dan ir-Regolament għandha fl-istess ħin, tieħu kont approprjat, tal-miri indikati fl-Artikoli 39 u 110 tat-Trattat;

ADOTTA DAN IR-REGOLAMENT:

Artikolu 1

L-organizzazjoni komuni tas-suq stabbilita b' dan ir-Regolament għandha tkopri l-prodotti elenkati fl-Anness.

Artikolu 2

1. It-Tariffa Doganali Komuni għandha tapplika mill-1 Lulju 1968, mingħajr preġudizzju għad-disposizzjonijiet tal-Ftehim ta’ Assoċjazzjoni.

2. Ħlief kif provdut xort’ oħra f’dan ir-Regolament u salv derogi deċiżi mill-Kunsill waqt li jaġixxi skond il-proċedura ta' votazzjoni stabbilita fl-Artikolu 43 (2) tat-Trattat fuq proposta mill-Kummissjoni, u soġġett għall-obbligi li jirriżultaw minn ftehim internazzjonali fir-rigward tal-prodotti elenkati fl-Anness, dan li ġej għandu jiġi pprojbit fin-negozju ma’ pajjiżi terzi:

- l-imposta ta’ kull piż li jkollu effett ekwivalenti għal dazju doganali, u

- l-applikazzjoni ta’ kull restrizzjoni kwantitattiva jew miżura li jkollha effett ekwivalenti, soġġett għad-disposizzjonijiet tal-Protokoll dwar il-Gran Dukat tal-Lussemburgu.

Artikolu 3

1. Jekk minħabba importazzjoni jew esportazzjoni s-suq fil-Komunità għal prodott wieħed jew aktar elenkati fl-Anness ikollu jew jiġi mhedded b’disturbi serji li jistgħu jipperikolaw il-miri stabbiliti fl-Artikolu 39 tat-Trattat, miżuri approprjati jistgħu jiġu applikati fin-negozju ma’ pajjiżi terzi sakemm dan id-disturb jew dan it-theddid ta' disturb jieqaf.

Il-Kunsill, waqt li jaġixxi skond il-proċedura tal-votazzjoni msemmija fl-Artikolu 43 (2) tat-Trattat fuq proposta tal-Kummissjoni, għandu jadotta regoli dettaljali għall-applikazzjoni ta’ dan il-paragrafu u jiddefinixxi l-każijiet u l-limiti li fihom Stati Membri jistgħu jieħdu miżuri protettivi.

2. Jekk is-sitwazzjoni msemmija fil-paragrafu 1 isseħħ, il-Kummissjoni għandha, fuq talba ta’ Stat Membru jew fuq l-inizjattiva proprja tagħha, tiddeċidi dwar il-miżuri neċessarji; il-miżuri għandhom jiġu kkominikati lill-Istati Membri u għandhom jiġu applikati immedjatament. Jekk il-Kummissjoni tirċievi talba minn Stat Membru, hija għandha tiddeċiedi fuq din it-talba fi żmien erbgħa u għoxrin siegħa minn meta tkun irċevietha.

3. Il-Miżuri li tkun ħadet deċiżjoni fuqhom il-Kummissjoni jistgħu jiġu riferuti lill-Kunsill minn kull Stat Membru fi żmien tlett ijiem utli wara l-jum li fih kienu kkomunikati. Il-Kunsill għandu jiltaqa’ mingħajr dewmien. Huwa jista' jemenda jew jħassar il-miżuri in kwistjoni skond il-proċedura ta’ votazzjoni stabbilita fl-Artikolu 43 (2) tat-Trattat.

Artikolu 4

1. Dan li ġej għandu jiġi pprojbit fin-negozju intern tal-Komunità:

- l-imposta ta' kull dazju doganali jew piż li jkollu effett ekwivalenti;

- kull restrizzjoni kwantitattiva jew miżura li jkollha effett ekwivalenti, salvi d-disposizzjonijiet tal-Protokoll dwar il-Gran Dukat tal-Lussemburgu;

- rikors għall-Artikolu 44 tat-Trattat.

2. Il-merkanzija msemmija fl-Anness li hija fabbrikata jew derivata minn prodotti li mhumiex fis-sitwazzjoni speċifikata fl-Artikolu 9 (2) u fl-Artikolu 10 (1) tat-Trattat m’għandhiex tiġi ammessa għal ċirkolazzjoni libera fil-Komunità.

Artikolu 5

L-Artikoli 92, 93 u 94 tat-Trattat għandhom japplikaw għall-produzzjoni ta’ u negozju fil-prodotti elenkati fl-Anness.

Artikolu 6

Meta ssir referenza għall-proċedura stabbilita f’dan l-Artikolu, il-proċedura stabbilita fl-Artikolu 26 tar-Regolament tal-Kunsill Nru 120/67/KEE [1] tat-13 Ġunju 1967 dwar l-organizzazjoni komuni tas-suq taċ-ċereali, jew kull proċedura simili oħra stabbilita f’Regolamenti oħrajn dwar l-organizzazzjoni komuni tas-suq fil-prodotti agrikoli, għandha tapplika. Il-Kunsill, waqt li jaġixxi skond il-proċedura tal-votazzjoni stabbilita fl-Artikolu 43 (2) tat-Trattat fuq proposta tal-Kummissjoni, għandu jaħtar Kumitat Amministrattiv għal kull prodott.

Artikolu 7

Dan ir-Regolament għandu japplika b’mod li jittieħed kont approprjat, fl-istess ħin, tal-miri stabbiliti fl-Artikoli 39 u 110 tat-Trattat.

Artikolu 8

Dan ir-Regolament għandu japplika mingħajr preġudizzju għad-disposizzjonijiet Komunitarji adottati jew li għandhom jiġu adottati bl-iskop li jarmonizzaw il-liġijiet, ir-regolamenti u l-azzjoni amministrattiva ta' Stati Membri li l-iskop tagħhom hu li jżommu jew itejbu l-livell tekniku jew ġenetiku tal-produzzjoni ta' ċerti prodotti elenkati fl-Anness u intiżi speċifikament għar-riproduzzjoni.

Artikolu 9

Fil-każ li jkunu neċessarji miżuri transitorji sabiex jiffaċilitaw it-transizzjoni mis-sistema fis-seħħ fl-Istati Membri għall-dik ta' dan ir-Regolament, partikolarment jekk l-introduzzjoni ta’ din is-sistema fid-data prevista tkun tikkawża diffikultajiet sostanzjali fir-rigward ta' ċerti prodotti, dawn il-miżuri għandhom jiġu adottati skond il-proċedura stabbilita fl-Artikolu 6. Għandhom ikunu applikabbli sa mhux iktar tard mit-30 Ġunju 1969.

Artikolu 10

Dan ir-Regolament għandu jidħol fis-seħħ fl-1 Lulju 1968.

Dan ir-Regolament għandu jorbot fl-intier tiegħu u jkun direttament applibbli fl-Istati Membri kollha.

Magħmul fil-Lussemburgu, it-28 Ġunju 1968.

Għall-Kunsill

Il-President

E. Faure

[1] ĠU Nru 117, 19.6.1967, p. 2269/67.

--------------------------------------------------

ANNESS

Intestatura TDK Nru | Deskrizzjoni tal-merkanzija |

Ex 01.01 | Żwiemel, ħmir, bgħula, bgħula taż-żwiemel, ħajjin, barra żwiemel għall-qatla |

01.02 | Annimali ħajja ta' l-ispeċi bovina, |

| A.Speċi domestika |

| I.Annimali tar-razza pura [1] |

| B.Oħrajn |

01.03 | Majjali ħajjin |

| A.Speċi domestika |

| I.Annimali tar-razza pura [1] |

| B.Oħrajn |

01.04 | Nagħaġ u mogħoż ħajjin |

| A.Speċi domestika: |

| I.Nagħaġ |

| (a)annimali tar-razza pura [1] |

| II.Mogħoż: |

| B.Oħrajn |

01.06 | Annimali oħrajn ħajjin |

02.01 | Laħam u interjuri li jittieklu ta' l-annimali li jidħlu fl-intestaturi Nri 01.01 sa 01.04, friski, imkessħa jew iffriżati |

| A.Laħam |

| ex I.Tal-ħmir, tal-bgħula u bgħula taż-żwiemel |

| II.Ta' annimali bovini: |

| (b)Oħrajn |

| III.Tal-Majjal: |

| (b)Oħrajn |

| ex IV.Oħrajn, ħlief muntun u ħaruf: |

| B.Interjuri: |

| I.Taż-żwiemel, ħmir, bgħula u bgħula taż-żwiemel |

| ex II.Ta' annimali bovini u majjali, barra milli domestiċi |

| ex III.Oħrajn, barra l-interjuri tan-nagħaġ, li mhux intiżi għall-fabbrikazzjoni ta' prodotti farmaċewtiċi |

02.04 | Laħam ieħor u interjuri li jittieklu oħra friski, imkessħa u ffriżati |

02.06 | Laħam u interjuri li jittieklu (ħlief fwied tat-tjur) immellaħ, fis-salmura, imnixxef, jew iffumigat: |

| C.Oħrajn |

| ex II.Oħrajn ħlief laħam u interjuri tan-nagħaġ domestiċi |

04.05 | Bajd ta' l-għasafar u l-isfar tal-bajd frisk, imnixxef, jew ippreservat mod ieħor kemm jekk mogħti z-zokkor u kemm jekk le |

| A.Bajd fil-qoxra, frisk jew ippreservat. |

| II.Bajd ieħor |

| B.Bajd mhux fil-qoxra; isfar tal-bajd: |

| II.Oħrajn |

05.04 | Imsaren, vexxiki, u stonku ta' annimali (barra minn ħut) sħaħ, jew biċċiet minnhom |

ex 05.15 B | Prodotti mill-annimali mhux speċifikati jew inklużi band' oħra; Annimali mejta tal-Kapitolu I mhumiex tajba għall-ikel mill-bniedem |

ex 07.05 | Legumi imnixxfa, mingħajr fosdqa, kemm jekk imqaxxra jew maqsuma u kemm jekk le, ħlief dawk intiżi għaż-żrigħ. Artichokes u prodotti simili b'kontenut għoli ta' inulina, patata ħelwa, |

ex 07.06 | imnixxfa jew imfella u l-ilbieba tas-sago. |

ex 08.01 | Tamal, mango, mangostana, avokado, gwava, ġewż ta' l-Indi, ġewż tal-Brażil, ġewż ta' l-anakardju, friski jew imnixxfa, imqaxxra jew le |

ex Kapitolu 9 | Té u ħwawar barra l-maté |

11.03 | Dqiq tal-legumi li jaqgħu taħt l-intestatura Nru 07.05 |

11.04 | Dqiq mill-frottijiet li jaqgħu taħt l-intestatura fil-Kapitolu 8 |

11.08 B | Inulina |

12.07 | Pjanti u partijiet ta' siġar, sgajjar, arbuxxelli jew pjanti oħra (inklużi żrieragħ u frott) bħala merkanzija tat-tip li tintuża l-iktar għall-fwejjaħ fil-farmaċija jew inkella għall-insettiċidi funġiċidi jew skopijiet simili, friski jew imnixxfa, sħaħ, maqsuma, magħsura, mitħuna jew magħmula trab |

12.08 | Ħarrub frisk jew imnixxef kemm jekk imqatta' biċċiet żgħar kemm jekk mitħun iżda mhux ippreparat iktar; L-Għadma tal-frott u prodotti oħrajn veġetali tat-tip użat primarjament għall-ikel u li ma jaqa' taħt l-ebda intestatura oħra. |

12.09 | Tiben taċ-ċereali, fosdqiet mhux ippreparati jew imqatta' iżda mhux ippreparati iktar. |

ex 12.10 | Nevew, nevew isfar, u għeruq ta' l-għalf; ħuxlief, nifel barri, silla, sainfoin, kaboċċi ta' l-għalf, lupini, ġulbiena u prodotti simili ta' l-għalf ħlief dqiq mill-għalf aħdar deidrat. |

ex 15.02 | Xaħam ta' dam inkluż il-jus premier prodott mix-xaħam tal-mogħoż |

15.03 | Stearina tas-sonża, stearina taż-żejt u stearina tax-xaħam ta' dam; żejt mis-sonża, żejt miż-żejt, u żejt mix-xaħam ta' dam, mhux emulsifikat jew imħawwad jew ippreparat b'xi mod. |

ex 16.01 | Zalzett u simili, tal-laħam, ta' l-interjuri tal-laħam jew tad-demm ta' l-annimali, ħlief dak li jkun fih laħam jew interjuri tal-majjal, ta' l-annimali bovini jew tan-nagħaġ |

ex 16.02 | Laħam ippreparat jew ippreservat kif ukoll interjuri oħrajn |

| ex A.Tal-fwied, barra minn dak tal-majjal, ta' l-annimali bovini u tan-nagħaġ |

| ex B.Oħrajn ħlief dawk li fihom laħam u interjuri ta' tjur domestiċi, majjali, annimali bovini jew nagħaġ |

16.03 | Estratti tal-laħam u meraq tal-laħam |

18.01 | Fażola tal-kawkaw, sħaħ jew miksura, nejja jew inkaljati |

18.02 | Qxur, fosdqiet, rita u skart tal-kawkaw |

22.07 | Xorb ieħor iffermentat (per eżempju ċidru, perry, u mead) |

23.01 A | Dqiq u għalf ta' laħam u interjuri; mhux tajjeb għall-ikel tal-bniedem |

ex 23.02 | Granza, taqxir u fdal ieħor mill-għarbiel, mit-tħin, jew mill-ħdim ta' legumi |

ex 23.03 | Naqal u skart ieħor, mill-fabbrikazzjoni tal-birra u mid-distillazzjoni; Fdal tal-fabbrikazjoni ta' lamtu u fdal ieħor. |

23.06 | Prodotti ta' oriġini veġetali tat-tip użat għall-ikel ta' l-annimali li mhux speċifikat jew inkluż band' oħra. |

| ex A.Ġandar, qastan ta' l-Indja, fdal ta' l-għasir tal-frott ħlief dak ta' l-għeneb. |

| ex B.Oħrajn |

23.07 | Għalf mogħti z-zokkor; preparati ta' tip uża għall-għalf ta' l-annimali |

| A.A Solubili mill-ħut jew mill-balieni |

| ex B.Oħrajn, ħlief prodotti li fihom il-glukosju jew xiropp tal-glukosju li jaqgħu taħt is-subintestaturi 17.02 B u 17.05 B u prodotti li fihom il-lamtu (amidon) jew prodotti tal-ħalib [2] |

[2] Għall-iskop ta' l-intetstatura ex 23.07 B "prodotti tal-ħalib" tfisser il-prodotti li jaqgħu taħt l-intestaturi 04.01, 04.02, 04.03, 04.04 u s-subintestaturi 17.02 A u 17.05 A

--------------------------------------------------