|
22.10.2009 |
MT |
Il-Ġurnal Uffiċjali tal-Unjoni Ewropea |
L 277/47 |
DEĊIŻJONI TAL-KUMITAT KONĠUNT TAŻ-ŻEE
Nru 92/2009
tat-3 ta' Lulju 2009
li temenda l-Protokoll 31 tal-Ftehim taż-ŻEE, dwar il-kooperazzjoni f'oqsma speċifiċi barra mill-erba' libertajiet
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn 'il quddiem imsejjaħ “il-Ftehim”, u b'mod partikolari l-Artikoli 86 u 98 tiegħu,
Billi:
|
(1) |
Il-Protokoll 31 tal-Ftehim ġie emendat bid-Deċiżjoni tal-Kumitat Konġunt taż-ŻEE Nru 131/2007 tat-28 ta' Settembru 2007 (1). |
|
(2) |
Huwa xieraq li l-kooperazzjoni tal-Partijiet Kontraenti fil-Ftehim tiġi estiża biex tinkludi d-Deċiżjoni Nru 1098/2008/KE tal-Parlament Ewropew u tal-Kunsill tat-22 ta' Ottubru 2008 dwar is-Sena Ewropea għall-Ġlieda Kontra l-Faqar u l-Esklużjoni Soċjali (2010) (2). |
|
(3) |
Il-Protokoll 31 tal-Ftehim għandu għalhekk jiġi emendat sabiex din l-estensjoni ta' kooperazzjoni tkun tista' sseħħ mill-1 ta' Jannar 2009, |
IDDEĊIEDA KIF ĠEJ:
Artikolu 1
L-Artikolu 5 tal-Protokoll 31 tal-Ftehim għandu jiġi emendat kif ġej:
|
(1) |
Il-paragrafu 5 għandu jiġi ssostitwit b’dan li ġej: “5. L-Istati tal-EFTA għandhom jieħdu sehem fil-programmi u azzjonijiet tal-Komunità msemmijin fl-ewwel żewġ inċiżi tal-paragrafu 8 mill-1 ta' Jannar 1996, fil-programm imsemmi fit-tielet inċiż mill-1 ta' Jannar tas-sena 2000, fil-programm imsemmi fir-raba' inċiż mill-1 ta' Jannar tal-2001, fil-programmi msemmijin fil-ħames u s-sitt inċiżi mill-1 ta' Jannar tal-2002 u fil-programmi msemmijin fis-seba' u t-tmien inċiżi mill-1 ta' Jannar tal-2004, fil-programmi msemmijin fid-disa', l-għaxar u l-ħdax-il inċiżi mill-1 ta' Jannar tal-2007 u fil-programm imsemmi fit-tnax-il inċiż mill-1 ta' Jannar tal-2009.” |
|
(2) |
L-inċiż li ġej għandu jiġi miżjud fil-paragrafu 8:
|
Artikolu 2
Din id-Deċiżjoni għandha tidħol fis-seħħ fil-ġurnata wara l-aħħar notifika lill-Kumitat Konġunt taż-ŻEE skont l-Artikolu 103(1) tal-Ftehim (*).
Għandha tapplika mill-1 ta' Jannar 2009.
Artikolu 3
Din id-Deċiżjoni għandha tkun ippubblikata fis-Sezzjoni ŻEE u fis-Suppliment ŻEE ta’ Il-Ġurnal Uffiċjali tal-Unjoni Ewropea.
Magħmul fi Brussell, it-3 ta’ Lulju 2009.
Għall-Kumitat Konġunt taż-ŻEE
Il-President
Oda Helen SLETNES
(1) ĠU L 47, 21.2.2008. p. 67.
(2) ĠU L 298, 7.11.2008, p. 20.
(*) L-ebda rekwiżiti kostituzzjonali m'huma indikati.