11.10.2007 |
MT |
Il-Ġurnal Uffiċjali ta’ l-Unjoni Ewropea |
L 266/23 |
DEĊIŻJONI TAL-KUMITAT KONĠUNT TAŻ-ŻEE
Nru 59/2007
tat-8 ta' Ġunju 2007
li temenda l-Anness XX (l-Ambjent) tal-Ftehim taż-ŻEE
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn 'il quddiem imsejjaħ “il-Ftehim”, u b'mod partikolari l-Artikolu 98 tiegħu,
Billi:
(1) |
L-Anness XX tal-Ftehim kien emendat bid-Deċiżjoni tal-Kumitat Konġunt taż-ŻEE Nru 36/2007 tat-27 ta' April 2007 (1). |
(2) |
Id-Deċiżjoni tal-Kummissjoni 2007/64/KE tal-15 ta' Diċembru 2006 li tistabbilixxi kriterji ekoloġiċi riveduti u r-rekwiżiti relatati ta' valutazzjoni u verifikazzjoni għall-għoti ta' l-eko-tikketta Komunitarja għal mezzi ta' tkabbir (2) għandha tkun inkorporata mal-Ftehim, |
IDDEĊIEDA DAN LI ĠEJ:
Artikolu 1
Il-punt li ġej għandu jiżdied wara l-punt 2d (id-Deċiżjoni tal-Kummissjoni 2001/688/KE) ta' l-Anness I XX tal-Ftehim:
“2da. |
32007 D 0064: Id-Deċiżjoni tal-Kummissjoni 20007/64/KE tal-15 ta' Diċembru 2006 li tistabbilixxi kriteji ekoloġiċi riveduti u l-valutazzjoni relatata u ħtiġiet ta' verifikazzjoni għall-għoti ta' l-eko-tikketta Komunitarja għal mezzi ta' tkabbir (ĠU L 32, 6.2.2007, p. 137).” |
Artikolu 2
It-testi tad-Deċiżjoni 2007/64/KE fil-lingwa Iżlandiża u dik Norveġiża, li għandhom jiġu ppublikati fis-Suppliment taż-ŻEE tal-Ġurnal Uffiċjali tal-Unjoni Ewropea, għandhom ikunu awtentiċi.
Artikolu 3
Din id-Deċiżjoni għandha tidħol fis-seħħ nhar id-9 ta' Ġunju 2007, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE (*).
Artikolu 4
Din id-Deċiżjoni għandha tiġi ppublikata fis-Sezzjoni taż-ŻEE u fis-Suppliment taż-ŻEE tal-Ġurnal Uffiċjali ta' l-Unjoni Ewropea.
Magħmul fi Brussell, 8 ta' Ġunju 2007.
Għall-Kumitat Konġunt taż-ŻEE
Il-President
Alan SEATTER
(1) ĠU L 209, 9.8.2007, p. 65.
(2) ĠU L 32, 6.2.2007, p. 137.
(*) Ebda ħtiġiet kostituzzjonali m'huma indikati.