02022D0151 — MT — 12.12.2022 — 001.001

Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument

►B

DEĊIŻJONI TAL-KUNSILL (PESK) 2022/151

tat-3 ta’ Frar 2022

dwar azzjoni tal-Unjoni Ewropea b’appoġġ għall-evakwazzjoni ta’ ċerti persuni partikolarment vulnerabbli mill-Afganistan

(ĠU L 025 4.2.2022, p. 11)

Emendata bi:

 

 

Il-Ġurnal Uffiċjali

  Nru

Paġna

Data

►M1

DEĊIŻJONI TAL-KUNSILL (PESK) 2022/2442 tat-12 ta’ Diċembru 2022

  L 319

83

13.12.2022



▼B

DEĊIŻJONI TAL-KUNSILL (PESK) 2022/151

tat-3 ta’ Frar 2022

dwar azzjoni tal-Unjoni Ewropea b’appoġġ għall-evakwazzjoni ta’ ċerti persuni partikolarment vulnerabbli mill-Afganistan



Artikolu 1

Objettivi u kamp ta’ applikazzjoni

1.  

L-Unjoni għandha tappoġġa l-evakwazzjoni mill-Afganistan, bejn l-1 ta’ Ġunju 2021 u l- ►M1  31 ta’ Diċembru 2023 ◄ , ta’:

(a) 

eks membri tal-persunal tar-Rappreżentant Speċjali tal-UE fl-Afganistan (RSUE);

(b) 

eks membri tal-persunal tal-EUPOL Afganistan;

(c) 

il-persuni l-oħra partikolarment vulnerabbli segwenti:

— 
uffiċjali jew professjonisti oħra, attivi fis-settur politiku jew tas-sigurtà fl-Afganistan (bħal imħallfin, prosekuturi, uffiċjali tal-pulizija, persunal militari u ġurnalisti), li kienu mħarrġa taħt, jew li kienu involuti fl-implimentazzjoni tal-politiki tal-Unjoni;
— 
membri tal-persunal ta’ eks fornituri tal-EUPOL Afganistan u tar-RSUE;
— 
membri tal-persunal tal-fornituri tad-delegazzjoni tal-Unjoni f’Kabul, impjegati f’dik il-kapaċità f’perijodu bejn is-16 ta’ Awwissu 2019 u l-15 ta’ Awwissu 2021; u,
(d) 

il-konjuġi dipendenti, it-tfal, il-ġenituri u l-aħwa bniet mhux miżżewġa ta’ persuni elenkati fil-punti (a), (b) jew (c).

2.  
L-evakwazzjoni msemmija fil-paragrafu 1 għandha tiġi organizzata u ġestita mis-SEAE, taħt l-awtorità tar-Rappreżentant Għoli għall-Affarijiet Barranin u l-Politika ta’ Sigurtà (ir-Rappreżentant Għoli).
3.  
Ir-Rappreżentant Għoli għandu jkun responsabbli mill-implimentazzjoni ta’ din id-Deċiżjoni.

Artikolu 2

Arranġamenti finanzjarji

1.  
L-ammont ta’ referenza finanzjarja għall-implimentazzjoni ta’ din l-azzjoni għandu jkun ta’ EUR 1 990 000 .
2.  
In-nefqa kollha għandha tiġi amministrata f’konformità mar-regoli u l-proċeduri applikabbli għall-baġit ġenerali tal-Unjoni.
3.  
Il-Kummissjoni għandha tissorvelja l-amministrazzjoni korretta tal-infiq imsemmi fil-paragrafu 2. Għal dak il-għan, hija għandha tikkonkludi l-ftehim meħtieġ mas-SEAE.

Artikolu 3

Dħul fis-seħħ u durata

Din id-Deċiżjoni għandha tidħol fis-seħħ fid-data tal-adozzjoni tagħha.

Għandha tapplika mill-1 ta’ Ġunju 2021.