“mejns” jew “mejns tal-elettriku” tfisser il-provvista tal-elettriku mill-grid ta’ 230 (± 10 %) Volt ta’ AC b’ 50HZ;

“apparat refriġeranti” tfisser kabinett insulat b’kompartiment wieħed jew aktar b’temperatura speċifika kkontrollata, imkessħa b’konvezzjoni naturali jew sfurzata fejn it-tkessiħ jinkiseb b’mezz wieħed jew aktar li jikkonsma l-enerġija;

“kompartiment” tfisser spazju magħluq f’apparat refriġeranti, separat minn kompartimenti oħra permezz ta’ diviżjoni, kontenitur jew kostruzzjoni simili, li jkun direttament aċċessibbli minn bieba esterna waħda jew aktar u li jista’ jkun diviż f’subkompartimenti. Għall-finijiet ta’ dan ir-Regolament, sakemm ma jiġix speċifikat mod ieħor, “kompartiment” tirreferi kemm għall-kompartimenti kif ukoll għas-subkompartimenti;

“bieba esterna” hija l-parti tal-kabinett li tista’ tiġi spostjata jew titneħħa biex tal-inqas tippermetti li t-tagħbija tiddaħħal jew tinħareġ mill-kabinett;

“subkompartiment” tfisser spazju magħluq f’kompartiment, li jkollu medda tat-temperatura tat-tħaddim differenti minn dik tal-kompartiment li jifforma parti minnu;

“volum totali” (V) tfisser il-volum tal-ispazju fuq ġewwa tal-kisi intern tal-apparat refriġeranti, ekwivalenti għall-ammont totali tal-volumi tal-kompartiment, espress f’dm3 jew litri;

“volum tal-kompartiment” (Vc ) tfisser il-volum tal-ispazju fuq ġewwa tal-kisi intern tal-kompartiment, espress f’dm3 jew litri;

“kabinett tal-ħżin refriġeranti professjonali” tfisser apparat refriġeranti insulat li jintegra kabinett wieħed jew aktar aċċessibbli permezz ta’ bieba jew kexxun wieħed jew aktar, li kapaċi jżomm kontinwament it-temperatura tal-oġġetti tal-ikel fil-limiti preskritti f’temperatura tat-tħaddim ta’ tkessiħ jew iffriżar, bl-użu taċ-ċiklu tal-kompressjoni tal-fwar, u li jintuża għall-ħżin ta’ oġġetti tal-ikel f’ambjenti mhux domestiċi iżda mhux għall-wiri jew għall-aċċess għall-konsumaturi, kif definit fir-Regolament tal-Kummissjoni (UE) 2015/1095 ( 1 );

“kabinett ta’ refriġerazzjoni rapida” tfisser apparat refriġeranti insulat primarjament intenzjonat biex ikessaħ b’mod rapidu oġġetti tal-ikel sħan għal temperatura aktar baxxa minn 10 °C fil-każ ta’ tkessiħ u għal temperatura aktar baxxa minn -18 °C fil-każ ta’ ffriżar, kif definit fir-Regolament (UE) 2015/1095;

“chest freezer professjonali” tfisser freezer li l-kompartiment(i) tiegħu ikun(u) aċċessibbli min-naħa ta’ fuq tal-apparat jew li għandu kemm kompartimenti tat-tip li jinfetħu minn fuq kif ukoll tat-tip wieqaf, iżda li l-volum gross tal-kompartiment(i) tat-tip li jinfetħu minn fuq ikun aktar minn 75 % tal-volum gross totali tal-apparat, li jintuża għall-ħżin ta’ oġġetti tal-ikel f’ambjenti mhux domestiċi;

“freezer” tfisser apparat refriġeranti li jkollu kompartimenti 4-star biss;

“kompartiment ta’ freezer” jew “kompartiment 4-star” tfisser kompartiment tal-friża b’temperatura mira u kundizzjonijiet ta’ ħżin ta’ -18 °C u li jissodisfa r-rekwiżiti għall-kapaċità tal-iffriżar;

“kompartiment tal-friża” tfisser tip ta’ kompartiment b’temperatura mira ta’ 0 °C jew aktar baxxa; li jkun kompartiment 0-star, 1-star, 2-star, 3-star jew 4-star, kif stabbilit fit-Tabella 3 tal-Anness IV;

“tip ta’ kompartiment” tfisser it-tip ta’ kompartiment iddikjarat konformi mal-parametri tal-prestazzjoni tar-refriġerazzjoni Tmin, Tmax, Tc u ma’ parametri oħra kif stabbilit fit-Tabella 3 tal-Anness IV;

“temperatura mira” (Tc) tfisser it-temperatura ta’ referenza ġewwa l-kompartiment waqt l-ittestjar, kif stabbilita fit-Tabella 3 tal-Anness IV, u hija t-temperatura għall-ittestjar tal-konsum tal-enerġija espressa bħala l-medja fuq perjodu ta’ żmien u fuq sett ta’ sensuri;

“temperatura minima” (Tmin) tfisser it-temperatura minima ġewwa l-kompartiment waqt l-ittestjar tal-ħżin, kif stabbilit fit-Tabella 3 tal-Anness IV;

“temperatura massima” (Tmax) tfisser it-temperatura massima ġewwa l-kompartiment waqt l-ittestjar tal-ħżin, kif stabbilit fit-Tabella 3 tal-Anness IV;

“kompartiment 0-star” u “kompartiment li jagħmel is-silġ” tfisser kompartiment tal-friża b’temperatura mira u kundizzjonijiet ta’ ħżin ta’ 0 °C, kif stabbilit fit-Tabella 3 tal-Anness IV;

“kompartiment 1-star” tfisser kompartiment tal-friża b’temperatura mira u kundizzjonijiet ta’ ħżin ta’ -6 °C, kif stabbilit fit-Tabella 3 tal-Anness IV;

“kompartiment 2-star” tfisser kompartiment tal-friża b’temperatura mira u kundizzjonijiet ta’ ħżin ta’ -12 °C, kif stabbilit fit-Tabella 3 tal-Anness IV;

“kompartiment 3-star” tfisser kompartiment tal-friża b’temperatura mira u kundizzjonijiet ta’ ħżin ta’ -18 °C, kif stabbilit fit-Tabella 3 tal-Anness IV;

“apparat refriġeranti b’funzjoni ta’ bejgħ dirett” tfisser apparat refriġeranti li jintuża għall-funzjonijiet ta’ wiri u bejgħ ta’ oġġetti b’temperaturi speċifiċi aktar baxxi mit-temperatura ambjentali lill-konsumaturi, li jkun direttament aċċessibbli minn ġnub li jinfetħu jew minn bieba waħda jew aktar, jew minn kxaxen, jew mit-tnejn, inklużi wkoll il-kabinetti b’żoni speċifiċi għall-ħżin jew għas-servizz assistit ta’ oġġetti mhux aċċessibbli għall-konsumaturi u esklużi l-minibars u l-apparat għall-ħżin tal-inbid, kif definit fir-Regolament tal-Kummissjoni (UE) 2019/2024 ( 2 );

“minibar” tfisser apparat refriġeranti b’volum totali massimu ta’ 60 litru, li huwa primarjament intenzjonat għall-ħżin u l-bejgħ ta’ oġġetti tal-ikel fi kmamar ta’ lukandi u fi stabbilimenti simili;

“apparat għall-ħżin tal-inbid” tfisser apparat refriġeranti ddedikat għall-ħżin tal-inbid, b’kontroll preċiż tat-temperatura għall-kundizzjonijiet ta’ ħżin u tat-temperatura mira ta’ kompartiment għall-ħżin tal-inbid, kif definit fit-Tabella 3 tal-Anness IV, u mgħammar b’mezzi kontra l-vibrazzjonijiet;

“apparat refriġeranti ddedikat” tfisser apparat refriġeranti b’tip ta’ kompartiment wieħed biss;

“kompartiment għall-ħżin tal-inbid” tfisser kompartiment mhux tal-friża b’temperatura mira ta’ 12 °C, b’medda ta’ umdità interna ta’ bejn 50 % u 80 % u kundizzjonijiet ta’ ħżin li jvarjaw bejn 5 °C u 20 °C, kif definit fit-Tabella 3 tal-Anness IV;

“kompartiment mhux tal-friża” tfisser tip ta’ kompartiment b’temperatura mira ta’ 4 °C jew ogħla; li jkun kompartiment pantry, għall-ħżin tal-inbid, kantina jew għall-ikel frisk b’kundizzjonijiet ta’ ħżin u temperaturi mira, kif stabbilit fit-Tabella 3 tal-Anness IV;

“kompartiment pantry” tfisser kompartiment mhux tal-friża b’temperatura mira ta’ 17 °C u kundizzjonijiet ta’ ħżin li jvarjaw bejn 14 °C u 20 °C, kif stabbilit fit-Tabella 3 tal-Anness IV;

“kompartiment kantina” tfisser kompartiment mhux tal-friża b’temperatura mira ta’ 12 °C u kundizzjonijiet ta’ ħżin li jvarjaw bejn 2 °C u 14 °C, kif stabbilit fit-Tabella 3 tal-Anness IV;

“kompartiment għall-ikel frisk” tfisser kompartiment mhux tal-friża b’temperatura mira ta’ 4 °C u kundizzjonijiet ta’ ħżin li jvarjaw bejn 0 °C u 8 °C, kif stabbilit fit-Tabella 3 tal-Anness IV;

“apparat refriġeranti mobbli” tfisser apparat refriġeranti li jista’ jintuża meta ma jkunx hemm aċċess għall-grid tal-mejns tal-elettriku u li juża elettriku b’voltaġġ baxx ħafna (< 120 V DC) jew fjuwils fossili jew it-tnejn bħala s-sors ta’ enerġija għall-funzjoni tar-refriġerazzjoni, inkluż apparat refriġeranti li, minbarra li jitħaddem bl-elettriku b’voltaġġ baxx ħafna jew bi fjuwils fossili, jew bit-tnejn, jista’ jitħaddem ukoll bil-mejns tal-elettriku permezz ta’ konvertitur estern AC/DC li għandu jinxtara separatament. L-apparat imqiegħed fis-suq u li jkollu konvertitur AC/DC mhuwiex apparat refriġeranti mobbli;

“oġġetti tal-ikel” tfisser ikel, ingredjenti, xorb inkluż inbid u oġġetti oħra primarjament użati għall-konsum li jirrikjedu refriġerazzjoni f’temperaturi speċifikati;

“punt tal-bejgħ” tfisser il-post fejn l-apparat refriġeranti jitqiegħed għall-wiri jew jiġi offrut għall-bejgħ, għall-kiri jew biex jinxtara bin-nifs.

“apparat inkorporat” tfisser apparat refriġeranti li jkun iddisinjat, ittestjat u kkummerċjalizzat b’mod esklussiv:

“Indiċi tal-Effiċjenza Enerġetika” (EEI) tfisser numru tal-indiċi għall-effiċjenza enerġetika relattiva tal-apparat refriġeranti, espress bħala perċentwali, kif stabbilit fil-punt 5 tal-Anness IV.

kull apparat refriġeranti, fil-punt tal-bejgħ, inkluż fil-fieri kummerċjali, ikollu t-tikketta mogħtija mill-fornituri skont il-punt 1(a) tal-Artikolu 3, u li għall-apparati inkorporati t-tikketta tintwera b’tali mod li tkun viżibbli b’mod ċar, filwaqt li għall-apparati refriġeranti l-oħra kollha b’tali mod li tkun viżibbli b’mod ċar fuq in-naħa ta’ barra ta’ quddiem jew ta’ fuq tal-apparat refriġeranti;

fil-każ ta’ bejgħ mill-bogħod, it-tikketta u l-iskeda tal-informazzjoni dwar il-prodott jingħataw skont l-Annessi VII u VIII;

kwalunkwe reklamar viżiv għal mudell speċifiku ta’ apparat refriġeranti, inkluż fuq l-Internet, ikollu l-klassi tal-effiċjenza enerġetika u l-firxa tal-klassijiet ta’ effiċjenza enerġetika disponibbli fuq it-tikketta, f’konformità mal-Anness VII;

kwalunkwe materjal promozzjonali tekniku li jikkonċerna mudell speċifiku ta’ apparat refriġeranti, inkluż materjal promozzjonali tekniku fuq l-Internet, li jiddeskrivi l-parametri tekniċi speċifiċi tiegħu jkun jinkludi l-klassi tal-effiċjenza enerġetika u l-firxa tal-klassijiet ta’ effiċjenza enerġetika disponibbli fuq it-tikketta, f’konformità mal-Anness VII.

jindirizza aspetti tal-ekonomija ċirkolari;

jintroduċi ikoni għal kompartimenti li jistgħu jgħinu biex titnaqqas il-ħela tal-ikel; u

jintroduċi ikoni għall-konsum tal-enerġija annwali.

“kodiċi ta’ rispons rapidu (Kodiċi QR - Quick Response)” tfisser barcode matriċi li tkun fuq it-tikketta tal-enerġija ta’ mudell tal-prodott li tkun relatata mal-informazzjoni dwar il-mudell fil-parti pubblika tal-bażi tad-data tal-prodott;

“konsum tal-enerġija annwali” (AE) tfisser il-konsum tal-enerġija kuljum medju mmultiplikat bi 365 (jiem fis-sena) espress bħala kilowatt-siegħa fis-sena (kWh/sena), kif ikkalkulat skont il-punt 3 tal-Anness IV;

“konsum tal-enerġija kuljum” (Edaily ) tfisser l-elettriku li jintuża minn apparat refriġeranti f’24 siegħa fil-kundizzjonijiet ta’ referenza espress f’kilowatt-siegħa kull 24 siegħa (kWh/24h), ikkalkulat skont il-punt 3 tal-Anness IV;

“kapaċità tal-iffriżar” tfisser l-ammont ta’ prodotti tal-ikel frisk li jista’ jiġi ffriżat f’kompartiment ta’ freezer f’ 24 siegħa; din ma għandhiex tkun inqas minn 4,5 kg/24 h kull 100 litru ta’ volum ta’ kompartiment ta’ freezer, b’minimu ta’ 2,0 kg/24h;

“kompartiment chiller” tfisser kompartiment li kapaċi jikkontrolla t-temperatura medja tiegħu f’medda speċifika mingħajr aġġustamenti tal-kontroll tiegħu mill-utent, b’temperatura mira ta’ 2 °C, u b’kundizzjonijiet ta’ ħżin li jvarjaw bejn -3 °C u 3 °C, kif stabbilit fit-Tabella 3 tal-Anness IV;

“emissjoni ta’ storbju akustiku fl-arja” tfisser il-livell tal-qawwa tal-ħoss ta’ apparat refriġeranti, espress f’dB(A) re 1 pW (b’ponderazzjoni-A);

“ħiter antikondensazzjoni” tfisser ħiter li jippreveni l-kondensazzjoni fuq l-apparat refriġeranti;

“ħiter antikondensazzjoni b’kontroll ambjentali” tfisser ħiter li jippreveni l-kondensazzjoni u li l-kapaċità tat-tisħin tiegħu tiddependi fuq it-temperatura ambjentali jew fuq l-umdità ambjentali jew fuq it-tnejn li huma;

“enerġija awżiljari” (Eaux ) tfisser l-enerġija li tintuża minn ħiter antikondensazzjoni b’kontroll ambjentali, espressa f’kilowatt-siegħa per annum (kWh/a);

“distributur” tfisser komponent li jiddistribwixxi tagħbija mkessħa jew iffriżata minn apparat refriġeranti, bħalma huma d-distributuri tas-silġ jew id-distributuri tal-ilma mkessaħ;

“kompartiment b’temperatura varjabbli” tfisser kompartiment maħsub għall-użu bħala żewġ (jew aktar) tipi ta’ kompartimenti alternattivi (pereżempju, kompartiment li jista’ jservi bħala kompartiment għall-ikel frisk jew bħala kompartiment ta’ freezer) u li jkun jista’ jiġi ssettjat mill-utent biex iżomm il-medda tat-temperatura tat-tħaddim applikabbli b’mod kontinwu għal kull tip ta’ kompartiment iddikjarat. Kompartiment li jkun maħsub għall-użu bħala tip ta’ kompartiment singolu li jista’ jissodisfa wkoll il-kundizzjonijiet ta’ ħżin ta’ tipi ta’ kompartimenti oħra (pereżempju, kompartiment chiller li jista’ jissodisfa wkoll ir-rekwiżiti ta’ kompartiment 0-star) mhuwiex kompartiment b’temperatura varjabbli;

“netwerk” tfisser infrastruttura ta’ komunikazzjoni b’topoloġija ta’ konnessjonijiet, arkitettura, inkluż il-komponenti fiżiċi, prinċipji organizzattivi, proċeduri u formati tal-komunikazzjonijiet (protokolli);

“żona 2-star” tfisser parti minn kompartiment 3-star jew 4-star li ma jkollhiex bieba jew għatu tal-aċċess individwali tagħha stess u b’temperatura mira u kundizzjonijiet ta’ ħżin ta’ - 12 °C;

“klassi klimatika” tfisser il-medda ta’ temperaturi ambjentali, kif stabbilita fil-punt 1(j) tal-Anness IV, li l-apparati refriġeranti huma maħsuba li jintużaw fiha, u li għaliha jiġu ssodisfati simultanjament fil-kompartimenti kollha l-kundizzjonijiet ta’ ħżin meħtieġa speċifikati fit-Tabella 3 tal-Anness IV;

“perjodu ta’ defrost u ta’ rkupru” tfisser il-perjodu minn meta jinbeda ċ-ċiklu ta’ kontroll tad-defrost sakemm jerġgħu jiġu stabbiliti kundizzjonijiet tat-tħaddim stabbli;

“defrost awtomatiku” tfisser funzjoni li permezz tagħha l-kompartimenti jiġu defrostjati mingħajr l-intervent tal-utent biex tinbeda t-tneħħija tal-akkumulazzjoni tas-silġ fil-konfigurazzjonijiet kollha tal-kontroll tat-temperatura jew biex jiġi stabbilit mill-ġdid it-tħaddim normali, fejn ir-rimi tal-ilma tad-defrost isir b’mod awtomatiku;

“tip ta’ defrost” tfisser il-metodu li bih titneħħa l-akkumulazzjoni tas-silġ minn fuq l-evaporatur(i) ta’ apparat refriġeranti; jiġifieri defrost awtomatiku jew defrost manwali;

“defrost manwali” tfisser li ma jkunx hemm defrost awtomatiku;

“apparat refriġeranti b’livell baxx ta’ storbju” tfisser apparat refriġeranti mingħajr kompressjoni tal-fwar u b’emissjoni ta’ storbju akustiku fl-arja ta’ inqas minn 27 decibel b’ponderazzjoni A b’referenza għal 1 picowatt (dB(A) re 1 pW);

“konsum tal-enerġija elettrika f’kundizzjonijiet stabbli” (P ss) tfisser il-konsum tal-enerġija medju f’kundizzjonijiet stabbli, espress f’watts (W);

“konsum tal-enerġija inkrementali għad-defrost u għall-irkupru” (ΔΕ d-f ) tfisser il-konsum tal-enerġija medju supplimentari għal funzjoni ta’ defrost jew ta’ rkupru, espress f’watt hour (Wh);

“intervall ta’ defrost” (td-f ) tfisser l-intervall medju rappreżentattiv, espress f’sigħat (h), ta’ bejn il-ħin tal-attivazzjoni tal-ħiter tad-defrost u tal-attivazzjoni sussegwenti tiegħu, f’żewġ ċikli sussegwenti ta’ defrost u ta’ rkupru; jew jekk ma jkunx hemm ħiter tad-defrost, l-intervall ta’ bejn il-ħin tad-diżattivazzjoni tal-kumpressur u tad-diżattivazzjoni sussegwenti tiegħu, f’żewġ ċikli sussegwenti ta’ defrost u ta’ rkupru;

“fattur ta’ tagħbija” (L) tfisser fattur li jqis it-tagħbija ta’ tkessiħ supplimentari (aktar milli diġà antiċipata bl-ogħla temperatura ambjentali medja għall-ittestjar) dovuta għall-introduzzjoni ta’ oġġetti tal-ikel sħan, bil-valuri kif stabbilit fil-punt 3(a) tal-Anness IV;

“konsum tal-enerġija annwali standard” (SAE) tfisser il-konsum tal-enerġija annwali ta’ referenza ta’ apparat refriġeranti espress bħala kilowatt-siegħa fis-sena (kWh/a), kif ikkalkulat skont il-punt 4 tal-Anness IV;

“parametru ta’ kombinament” (C) tfisser parametru ta’ mmudellar li jqis l-effett ta’ sinerġija ta’ meta tipi ta’ kompartimenti differenti jkunu kkombinati f’apparat wieħed, bil-valuri kif stabbilit fit-Tabella 4 tal-Anness IV;

“fattur ta’ telf tas-sħana mill-bieba” (D) tfisser fattur ta’ kumpens għal apparati kkombinati skont in-numru ta’ kompartimenti b’temperaturi differenti jew in-numru ta’ bibien esterni, liema minnhom ikun l-iżgħar u kif stabbilit fit-Tabella 5 tal-Anness IV. Għal dan il-fattur, “kompartiment” ma tirreferix għal subkompartiment;

“apparat ikkombinat” tfisser apparat refriġeranti li jkollu aktar minn tip wieħed ta’ kompartimenti, u li mill-inqas wieħed minnhom ikun kompartiment mhux tal-friża;

“fattur tad-defrost” (Ac ) tfisser fattur ta’ kumpens li jqis jekk l-apparat refriġeranti jkollux defrost awtomatiku jew defrost manwali, bil-valuri kif stabbilit fit-Tabella 5 tal-Anness IV;

“fattur ta’ apparat inkorporat” (Bc ) tfisser fattur ta’ kumpens li jqis jekk l-apparat refriġeranti jkunx inkorporat jew awtonomu, bil-valuri kif stabbilit fit-Tabella 5 tal-Anness IV;

“apparat awtonomu” tfisser apparat refriġeranti li ma jkunx apparat inkorporat;

“Mc” u “Nc” ifissru parametri ta’ mmudellar li jqisu d-dipendenza tal-konsum tal-enerġija fuq il-volum, bil-valuri kif stabbilit fit-Tabella 4 tal-Anness IV;

“parametru termodinamiku” (rc ) tfisser parametru ta’ mmudellar li jikkoreġi l-konsum tal-enerġija annwali standard għal temperatura ambjentali ta’ 24 °C, bil-valuri kif stabbilit fit-Tabella 4 tal-Anness IV;

“dimensjonijiet kumplessivi” tfisser l-ispazju okkupat mill-apparat refriġeranti (għoli, wisa’ u fond) bil-bibien jew għotjien magħluqa, espress f’millimetri (mm);

“ħin li jittieħed sabiex togħla t-temperatura” tfisser il-ħin li jittieħed, wara li t-tħaddim tas-sistema ta’ refriġerazzjoni jkun ġie interrott, biex it-temperatura ġewwa kompartiment 3-star jew 4-star titla’ minn – 18 għal – 9 °C, espress f’sigħat (h);

“konfigurazzjoni tax-xitwa” tfisser funzjoni ta’ kontroll għal apparat ikkombinat b’kumpressur wieħed u termostat wieħed, li skont l-istruzzjonijiet tal-manifattur jista’ jintuża f’temperaturi ambjentali ta’ inqas minn +16 °C, u li jkun magħmul minn komponent tal-iswiċċjar jew funzjoni tal-iswiċċjar li jiggarantixxi, anke jekk dan ma jkunx meħtieġ għall-kompartiment ta’ fejn jinstab it-termostat, li l-kumpressur ikompli jaħdem biex jinżammu t-temperaturi tal-ħżin xierqa fil-kompartimenti l-oħra;

“iffriżar rapidu” tfisser funzjoni li l-utent aħħari jista’ jattiva skont l-istruzzjonijiet tal-fornitur biex inaqqas it-temperatura tal-ħżin tal-kompartiment(i) tal-freezer biex jiffriża l-oġġetti tal-ikel mhux iffriżati fi żmien iqsar;

“kompartiment ta’ freezer” jew “kompartiment 4-star” tfisser kompartiment tal-friża b’temperatura mira u kundizzjonijiet ta’ ħżin ta’ -18 °C u li jissodisfa r-rekwiżiti għall-kapaċità tal-iffriżar;

“mekkaniżmu tad-displej” tfisser kwalunkwe skrin, inkluż skrins tattili, jew teknoloġija viżiva oħra li tintuża biex jintwera kontenut tal-Internet lill-utenti;

“skrin tattili” tfisser skrin li jiġi attivat meta jintmess, bħall-iskrin ta’ tablets, ta’ kompjuters tat-tip slate jew ta’ smartphones;

“displej ta’ immaġni f’oħra” tfisser interfaċċa viżiva li fiha wieħed ikollu aċċess għal immaġni jew sett tad-data billi jagħfas fuq immaġni oħra jew sett tad-data ieħor bil-maws, jew billi jmur bil-maws fuq dik l-immaġni l-oħra jew fuq dak is-sett tad-data l-ieħor jew billi jwessa’ dik l-immaġni l-oħra jew dak is-sett tad-data l-ieħor fuq l-iskrin tattili;

“test alternattiv” tfisser test provdut bħala alternattiva għal grafika li jippermetti li l-informazzjoni tiġi ppreżentata f’forma mhux grafika meta l-apparat tad-displej ma jkunx jista’ jtella’ l-grafika, jew bħala għajnuna għall-aċċessibbiltà bħal pereżempju fejn jakkumpanja applikazzjonijiet b’sinteżi tal-vuċi;

“valuri ddikjarati” tfisser il-valuri mogħtija mill-fornitur għall-parametri tekniċi ddikjarati, ikkalkolati jew imkejla, f’konformità mal-Artikolu 3(3) tar-Regolament (UE) 2017/1369 u f’konformità mal-Artikolu 3(1)(d) u l-Anness VI ta’ dan ir-Regolament, għall-verifika tal-konformità mill-awtoritajiet tal-Istati Membri.

il-kodiċi QR;

isem il-fornitur jew il-marka kummerċjali tiegħu;

l-identifikatur tal-mudell tal-fornitur;

l-iskala tal-klassijiet tal-effiċjenza enerġetika minn A sa G;

il-klassi tal-effiċjenza enerġetika, determinata skont l-Anness II;

il-konsum tal-enerġija annwali (AE), espress f’kWh fis-sena u mqarreb sal-eqreb numru sħiħ;

l-emissjonijiet ta’ storbju akustiku fl-arja espressi f’dB(A) re 1 pW u mqarrba sal-eqreb numru sħiħ. Il-klassi tal-emissjonijiet tal-istorbju akustiku fl-arja, kif stabbilit fit-Tabella 2;

in-numru ta’ dan ir-Regolament, jiġifieri 2019/2016.

il-kodiċi QR;

isem il-fornitur jew il-marka kummerċjali tiegħu;

l-identifikatur tal-mudell tal-fornitur;

l-iskala tal-klassijiet tal-effiċjenza enerġetika minn A sa G;

il-klassi tal-effiċjenza enerġetika, determinata skont l-Anness II;

AE, espress f’kWh fis-sena u mqarreb sal-eqreb numru sħiħ;

in-numru ta’ fliexken tal-inbid standard li jistgħu jiġu maħżuna fl-apparat għall-ħżin tal-inbid;

l-emissjonijiet ta’ storbju akustiku fl-arja espressi f’dB(A) re 1 pW u mqarrba sal-eqreb numru sħiħ. Il-klassi tal-emissjonijiet tal-istorbju akustiku fl-arja, kif stabbilit fit-Tabella 2;

in-numru ta’ dan ir-Regolament, jiġifieri 2019/2016

It-tikketti għandu jkollom wisa’ ta’ mill-inqas 96 mm u għoli ta’ mill-inqas 192 mm. Jekk it-tikketta tiġi stampata f’format ikbar, il-kontenut tagħha xorta waħda għandu jibqa’ proporzjonat mal-ispeċifikazzjonijiet ta’ hawn fuq.

L-isfond tat-tikketta għandu jkun 100 % abjad.

It-tipi tal-karattri għandhom ikunu Verdana u Calibri.

Id-dimensjonijiet u l-ispeċifikazzjonijiet tal-elementi li jikkostitwixxu t-tikketta għandhom ikunu kif indikat fid-disinji tat-tikketta għall-apparati refriġeranti u għall-apparati għall-ħżin tal-inbid.

Il-kuluri għandhom ikunu dawk bil-kodiċi CMYK – blu jagħti fl-aħdar (“cyan”), maġenta, isfar u iswed – bħal f’dan l-eżempju: 0,70,100,0: 0 % cyan, 70 % maġenta, 100 % isfar, 0 % iswed.

It-tikketta għandha tissodisfa r-rekwiżiti kollha li ġejjin (in-numri jirreferu għall-figuri ta’ hawn fuq):

għall-apparati refriġeranti b’ħiters antikondensazzjoni li jistgħu jinxtegħlu jew jintfew mill-utent aħħari, il-ħiters antikondensazzjoni għandhom jinxtegħlu u — jekk ikunu aġġustabbli — jiġu ssettjati fuq it-tisħin massimu u inklużi fil-konsum tal-enerġija annwali (AE) bħala konsum tal-enerġija kuljum (Edaily );

▼M1

Meta parametru jiġi ddikjarat skont l-Artikolu 3(3) tar-Regolament (UE) 2017/1369 u f’konformità mat-Tabella 7 tal-Anness VI, il-valur dikjarat tiegħu għandu jintuża mill-fornitur għall-kalkoli f’dan l-Anness.

▼B

għall-apparat refriġeranti b’ħiters antikondensazzjoni b’kontroll ambjentali, il-ħiters antikondensazzjoni tal-elettriku b’kontroll ambjentali għandhom jintfew jew jiġu diżattivati, fejn possibbli, waqt il-kejl tal-konsum tal-enerġija;

għall-apparati refriġeranti b’distributuri li jistgħu jinxtegħlu jew jintfew mill-utent aħħari, id-distributuri għandhom jinxtegħlu waqt it-test tal-konsum tal-enerġija, iżda ma jkunux qed jaħdmu;

għall-kejl tal-konsum tal-enerġija, il-kompartimenti b’temperatura varjabbli għandhom ikunu qed jaħdmu bl-aktar temperatura baxxa li tista’ tiġi ssettjata mill-utent aħħari biex tinżamm il-medda tat-temperatura, kif stabbilit fit-Tabella 3, tat-tip ta’ kompartiment li jkollu l-aktar temperatura baxxa;

għall-apparati refriġeranti li jistgħu jiġu konnessi man-netwerk, il-modulu ta’ komunikazzjoni għandu jkun attivat iżda waqt it-test tal-konsum tal-enerġija mhux meħtieġ li jkun hemm xi tip speċifiku ta’ komunikazzjoni u/jew ta’ skambju ta’ data. Waqt it-test tal-konsum tal-enerġija jrid jiġi żgurat li l-unità tkun konnessa man-netwerk;

għall-prestazzjoni ta’ kompartimenti chillers:

għal kompartimenti b’volum aġġustabbli, meta l-volumi ta’ żewġ kompartimenti jkunu jistgħu jiġu aġġustati wieħed relattivament mal-ieħor mill-utent aħħari, il-konsum tal-enerġija u l-volum għandhom jiġu ttestjati meta l-volum tal-kompartiment bl-ogħla temperatura mira jkun aġġustat għall-volum minimu tiegħu;

il-kapaċità tal-iffriżar ta’ kompartiment tiġi kkalkulata bħala l-piż tat-tagħbija ħafifa ta’ dak il-kompartiment, immultiplikat bi 24 u diviż bil-ħin tal-iffriżar meħtieġ biex it-temperatura tat-tagħbija ħafifa titbaxxa minn +25 għal 18 °C f’temperatura ambjentali ta’ 25 °C, espressa f’kg/24h u mqarrba sal-ewwel pożizzjoni deċimali;

għall-kompartimenti 4-star, il-ħin tal-iffriżar meħtieġ biex it-temperatura tat-tagħbija ħafifa titbaxxa minn +25 għal - 18 °C f’temperatura ambjentali ta’ 25 °C, għandu jkun tali li l-kapaċità tal-iffriżar li tirriżulta tikkonforma mar-rekwiżiti fil-punt 4 tal-Anness I;

biex jiġu ddeterminati l-klassijiet klimatiċi, l-akronimu għall-medda ta’ temperaturi ambjentali, jiġifieri SN, N, ST jew T:

il-piż tat-tagħbija ħafifa għal kull kompartiment 4-star għandu jkun:

fil-każ li l-apparat refriġeranti jinkludi kombinazzjoni ta’ kompartimenti 3-star u 4-star, it-total tal-piżijiet tat-tagħbija ħafifa għandu jiżdied biex it-total tal-piżijiet tat-tagħbija ħafifa għall-kompartiment 4-star kollha jkun:

Għall-apparati refriġeranti kollha, għajr għall-apparati refriġeranti b’livell baxx ta’ storbju:

Il-konsum tal-enerġija għandu jiġi ddeterminat permezz ta’ ttestjar f’temperatura ambjentali ta’ bejn 16 °C u 32 °C.

Biex jiġi ddeterminat il-konsum tal-enerġija, it-temperaturi medji tal-arja f’kull kompartiment għandhom ikunu daqs jew inqas mit-temperaturi mira speċifikati fit-Tabella 3 għal kull tip ta’ kompartiment kif iddikjarati mill-manifattur. Valuri ogħla jew aktar baxxi mit-temperaturi mira jistgħu jintużaw biex jiġi stmat il-konsum tal-enerġija bit-temperatura mira għal kull kompartiment rilevanti permezz ta’ interpolazzjoni, fejn ikun xieraq.

Il-komponenti ewlenin tal-konsum tal-enerġija li jridu jiġu ddeterminati huma:

Għall-apparati refriġeranti b’livell baxx ta’ storbju:

Il-konsum tal-enerġija għandu jiġi ddeterminat kif previst fil-punt 3(a), iżda b’temperatura ambjentali ta’ 25 °C minflok ta’ 16 °C u ta’ 32 °C.

Edaily , espressa f’kWh/24h u mqarrba sa tliet pożizzjonijiet deċimali għall-kalkolu tal-AE imbagħad isir kif ġej:

Edaily = E25

fejn E25 hija ET b’temperatura ambjentali ta’ 25 °C u tiġi derivata permezz ta’ interpolazzjoni tat-testijiet tal-enerġija bit-temperaturi mira stabbiliti fit-Tabella 3.

Għall-apparati refriġeranti kollha:

SAE, espress f’kWh/a, u mqarreb sa żewġ pożizzjonijiet deċimali, jiġi kkalkulat kif ġej:

▼C1

SAE = C × D × Σ n c = 1 Ac × Bc ×[Vc/V] × (Nc + V × rc × Mc)

▼B

fejn

Waqt it-twettiq tal-kalkoli ta’ hawn fuq, għall-kompartimenti b’temperatura varjabbli, jintgħażel it-tip ta’ kompartiment bl-aktar temperatura mira baxxa li jkun iddikjarat xieraq għaliha.

Parametri ta’ mmudellar għal kull tip ta’ kompartiment għall-kalkolu ta’ SAE:

Il-parametri ta’ mmudellar huma stabbiliti fit-Tabella 4.

Il-fatturi ta’ kumpens għal kull tip ta’ kompartiment għall-kalkolu ta’ SAE:

Il-fatturi ta’ kumpens huma stabbiliti fit-Tabella 5.

deskrizzjoni ġenerali tal-mudell li tippermetti li jiġi identifikat b’mod ċar u faċli;

referenzi għall-istandards armonizzati applikati jew standards ta’ kejl oħrajn li jintużaw;

il-prekawzjonijiet speċifiċi li jridu jittieħdu meta jiġi armat, installat, issirlu manutenzjoni jew jiġi ttestjat il-mudell;

il-valuri għall-parametri tekniċi huma stabbiliti fit-Tabella 7; dawn il-valuri jitqiesu bħala l-valuri ddikjarati għall-fini tal-proċedura ta’ verifika fl-Anness IX;

id-dettalji u r-riżultati tal-kalkoli mwettqa skont l-Anness IV;

kondizzjonijiet ta’ ttestjar jekk ma jkunux deskritti biżżejjed fil-punt (b);

mudelli ekwivalenti, jekk jeżistu, inklużi l-identifikaturi tal-mudell;

minn mudell li jkollu l-istess karatteristiċi tekniċi rilevanti għall-informazzjoni teknika li għandha tiġi pprovduta iżda huwa mudell prodott minn manifattur differenti; jew

permezz ta’ kalkolu abbażi ta’ disinn jew ta’ estrapolazzjoni minn mudell ieħor tal-istess manifattur jew ta’ manifattur differenti; jew tat-tnejn li huma.

vleġġa, li fiha jkollha l-ittra tal-klassi tal-effiċjenza enerġetika b’kulur 100 % abjad u b’tipa grassa Calibri, u b’daqs tat-tipa li jkun mill-inqas ekwivalenti għal dak tal-prezz, meta jintwera l-prezz;

il-kulur tal-vleġġa li jaqbel mal-klassi tal-effiċjenza enerġetika;

il-medda tal-klassijiet tal-effiċjenza enerġetika disponibbli, b’kulur 100 % iswed; u,

id-daqs għandu jkun tali li l-vleġġa tkun tidher u tinqara b’mod ċar. L-ittra fil-vleġġa tal-klassi tal-effiċjenza enerġetika għandha tiġi ppożizzjonata fiċ-ċentru tal-parti rettangolari tal-vleġġa, b’bordura ħxuna ta’ 0,5 pt u b’kulur 100 % iswed madwar il-vleġġa u l-ittra tal-klassi tal-effiċjenza enerġetika.

tkun vleġġa li jkollha l-istess kulur bħal dak tal-klassi tal-effiċjenza enerġetika tal-prodott muri fuq it-tikketta;

tindika l-klassi tal-effiċjenza enerġetika tal-prodott fuq il-vleġġa, b’kulur 100 % abjad, b’tipa grassa Calibri u f’daqs ta’ tipa li jkun ekwivalenti għal dak tal-prezz;

ikollha l-medda tal-klassijiet tal-effiċjenza enerġetika disponibbli, b’kulur 100 % iswed; u,

ikollha wieħed minn dawn iż-żewġ formati li ġejjin, u d-daqs tagħha għandu jkun tali li l-vleġġa tkun tidher u tinqara b’mod ċar. L-ittra fil-vleġġa tal-klassi tal-effiċjenza enerġetika għandha tiġi ppożizzjonata fiċ-ċentru tal-parti rettangolari tal-vleġġa, b’bordura viżibbli b’kulur 100 % iswed ippożizzjonata madwar il-vleġġa u l-ittra tal-klassi tal-effiċjenza enerġetika:

Figura 2
Vleġġa lejn il-lemin/ix-xellug ikkulurita, bil-medda tal-klassijiet tal-effiċjenza enerġetika indikata

l-immaġni msemmija fil-punt 2 ta’ dan l-Anness għandha tintwera fuq il-mekkaniżmu tad-displej qrib il-prezz tal-prodott;

l-immaġni għandha sservi ta’ link għat-tikketta stabbilita fl-Anness III;

it-tikketta għandha tintwera wara li l-utent jagħfas l-immaġni bil-maws, jew imur bil-maws fuq l-immaġni jew iwessa’ dik l-immaġni fuq l-iskrin tattili;

it-tikketta għandha tintwera billi tinfetaħ kaxxa oħra, tab ġdida jew paġna ġdida fuq l-iskrin, jew billi tintwera permezz ta’ skrin ieħor fuq l-istess skrin;

għat-tkabbir tat-tikketta fuq l-iskrins tattili, għandhom japplikaw il-konvenzjonijiet tal-apparat għat-tkabbir tattili;

it-tikketta għandu jkollha għażla biex tingħalaq jew mekkaniżmu ieħor standard biex tingħalaq sabiex ma tibqax tintwera;

it-test alternattiv għall-grafika, li għandu jintwera jekk it-tikketta ma tintweriex, għandu jkun il-klassi tal-effiċjenza enerġetika tal-prodott, muri bl-istess daqs ta’ tipa bħal dak tal-prezz.

L-awtoritajiet tal-Istati Membri għandhom jivverifikaw unità waħda tal-mudell.

Il-mudell għandu jitqies bħala konformi mar-rekwiżiti applikabbli, jekk:

Jekk ma jinkisbux ir-riżultati msemmija fil-punti 2(a) u (b), il-mudell u l-mudelli ekwivalenti kollha għandhom jitqiesu li mhumiex konformi ma’ dan ir-Regolament.

Jekk ma jinkisibx ir-riżultat imsemmi fil-punt 2(c), l-awtoritajiet tal-Istati Membri għandhom jagħżlu tliet unitajiet oħra tal-istess mudell biex jiġu ttestjati. Bħala alternattiva, it-tliet unitajiet l-oħra magħżula jistgħu jkunu ta’ xi wieħed jew aktar mill-mudelli ekwivalenti.

Il-mudell għandu jitqies konformi mar-rekwiżiti applikabbli jekk, għal dawn it-tliet unitajiet, il-medja aritmetika tal-valuri ddeterminati tkun fi ħdan it-tolleranzi tal-verifika rispettivi mogħtija fit-Tabella 8.

Jekk ma jinkisibx ir-riżultat imsemmi fil-punt 5, il-mudell u l-mudelli ekwivalenti kollha għandhom jitqiesu li mhumiex konformi ma’ dan ir-Regolament.

Wara li tittieħed id-deċiżjoni dwar in-nuqqas ta’ konformità tal-mudell skont il-punti 3, 6 jew it-tieni paragrafu ta’ dan l-Anness, l-awtoritajiet tal-Istat Membru għandhom jipprovdu kull informazzjoni rilevanti lill-awtoritajiet tal-Istati Membri l-oħra u lill-Kummissjoni mingħajr dewmien.