Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument

li jistabbilixxi r-regoli għat-tħaddim tas-sistema ta’ ġestjoni tal-informazzjoni għall-kontrolli uffiċjali u l-komponenti tas-sistema tagħha (“ir-Regolament IMSOC”)

Għall-finijiet ta’ dan ir-Regolament għandhom japplikaw id-definizzjonijiet li ġejjin:

2. Il-komponenti msemmija fil-paragrafu 1 għandhom jaħdmu f’konformità mal-prinċipji ġenerali u mar-regoli dwar il-protezzjoni tad-data stabbiliti f’dan il-Kapitolu.

1. Kull komponent għandu jkollu netwerk li l-Kummissjoni għandha tagħmel parti minnu.

2. Kull membru tan-netwerk għandu jagħżel mill-inqas punt ta’ kuntatt wieħed u jikkomunika dik l-għażla u d-dettalji ta’ kuntatt tiegħu lill-punt ta’ kuntatt tal-Kummissjoni. Għandu jgħarraf minnufih lill-punt ta’ kuntatt tal-Kummissjoni dwar kull tibdil f’dan ir-rigward.

3. Il-punt ta’ kuntatt tal-Kummissjoni għandu jżomm u jaġġorna lista tal-punti ta’ kuntatt u jagħmilha disponibbli għall-membri kollha tan-netwerk.

4. Il-Kummissjoni għandha tistabbilixxi struttura ta’ governanza biex tidderieġi l-iżvilupp, tidentifika l-prijoritajiet u timmonitorja l-implimentazzjoni korretta tal-IMSOC. L-istruttura ta’ governanza għandha tkun magħmula minn:

1. Kull membru tan-netwerk għandu jkun il-proprjetarju u jkun responsabbli għad-data, għall-informazzjoni u għad-dokumenti li l-punt ta’ kuntatt jew l-utenti li jaġixxu taħt ir-responsabbiltà tiegħu jkunu daħħlu jew ipproduċew fil-komponent ikkonċernat.

2. Kull firmatarju, awtorità kompetenti li għaliha jappartjeni firmatarju jew awtorità kompetenti li toħloq siġill elettroniku għandhom ikunu l-proprjetarji tal-parti mid-dokument li jiffirmaw jew jissiġillaw fit-TRACES u jkunu responsabbli minnha.

3. Meta aktar minn firmatarju wieħed jiffirma dokument fit-TRACES, kull firmatarju għandu jkun il-proprjetarju tal-parti tad-dokument li jiffirma u jkun responsabbli minnha.

Skambju ta’ data elettronika bejn il-komponenti u sistemi elettroniċi oħrajn

1. L-iskambji tad-data bejn is-sistemi IMSOC u sistemi elettroniċi oħra, inklużi s-sistemi nazzjonali tal-Istati Membri, għandhom:

3. B’kollaborazzjoni mal-Istati Membri, il-Kummissjoni għandha tfassal ftehim dwar il-livell ta’ servizz li jirregola l-ġestjoni tal-iskambju tad-data elettronika bejn il-komponent ikkonċernat u sistemi elettroniċi oħra, inklużi s-sistemi nazzjonali tal-Istati Membri.

1. Il-Kummissjoni għandha tiżgura t-tħaddim, il-manutenzjoni, l-appoġġ u kull aġġornament jew żvilupp meħtieġ tas-softwer u tal-infrastruttura tal-IT tal-komponenti.

2. Il-Kummissjoni għandu jkollha aċċess għad-data, l-informazzjoni u d-dokumenti kollha f’kull komponent sabiex timmonitorja l-iskambju tad-data, l-informazzjoni u d-dokumenti mdaħħla jew prodotti fihom għall-identifikazzjoni tal-attivitajiet li huma, jew li jidhru li huma, mhux konformi mar-regoli msemmija fl-Artikolu 1(2) tar-Regolament (UE) 2017/625, u

Kundizzjonijiet għall-għoti ta’ aċċess parzjali għall-IMSOC lil pajjiżi terzi u lil organizzazzjonijiet internazzjonali

1. Malli tirċievi applikazzjoni debitament ġustifikata, il-Kummissjoni, b’kollaborazzjoni mal-Istati Membri, tista’ tagħti lill-awtorità kompetenti ta’ pajjiż terz jew lil organizzazzjoni internazzjonali l-aċċess parzjali għall-funzjonalitajiet ta’ komponent wieħed jew aktar, u għal data, informazzjoni u dokumenti speċifiċi mdaħħlin jew prodotti fihom, sakemm l-applikant juri, fir-rigward tal-komponent(i) inkwistjoni, li jissodisfa r-rekwiżiti li ġejjin:

2. L-aċċess parzjali msemmi fil-paragrafu 1 ma għandux jinkludi l-aċċess għad-data personali pproċessata fil-komponent(i) li għalih/għalihom jingħata l-aċċess parzjali.

3. B’deroga mill-paragrafu 2, l-aċċess parzjali jista’ jinkludi aċċess għal data personali meta l-kundizzjonijiet għal trasferimenti legali ta’ data personali stabbiliti permezz tar-Regolamenti (UE) 2016/679 u (UE) 2018/1725 jiġu ssodisfati mill-pajjiż terz jew mill-organizzazzjoni internazzjonali applikanti.

1. Id-data personali għandha tiġi pproċessata f’kull komponent bl-iskop li jitwettqu l-verifiki uffiċjali u attivitajiet uffiċjali oħra. B’mod partikolari, id-data personali għandha tappartjeni għal waħda mill-kategoriji li ġejjin:

2. Huma u jipproċessaw id-data personali skont dan ir-Regolament, l-Istati Membri għandhom jikkonformaw mar-Regolament (UE) 2016/679 u mad-Direttiva (UE) 2016/680 u l-Kummissjoni għandha tikkonforma mar-Regolament (UE) 2018/1725.

1. Il-Kummissjoni u l-awtoritajiet kompetenti tal-Istati Membri għandhom ikunu kontrolluri konġunti ta’ operazzjonijiet tal-ipproċessar tad-data f’kull wieħed mill-komponenti.

3. L-awtoritajiet kompetenti tal-Istati Membri għandhom ikunu responsabbli milli:

4. L-awtoritajiet kompetenti tal-Istati Membri jistgħu jagħżlu kontrolluri konġunti differenti fl-istess Stat Membru bil-għan li jissodisfaw wieħed jew aktar mill-obbligi msemmija fil-paragrafu 3.

Korpi ta’ kollegament responsabbli mill-iskambju ta’ ċerti tipi ta’ informazzjoni

L-Istati Membri għandhom jindikaw liema mill-korpi ta’ kollegament magħżula f’konformità mal-Artikolu 103(1) tar-Regolament (UE) 2017/625 huma responsabbli mill-iskambju ta’ informazzjoni dwar notifiki ta’ frodi alimentari.

1. Il-punt uniku ta’ kuntatt f’kull Stat Membru għandu jkun responsabbli milli:

2. L-Istati Membri jistgħu jinkludu l-punt ta’ kuntatt tan-netwerk kontra l-frodi alimentari tagħhom fil-punt uniku ta’ kuntatt tagħhom.

3. Il-komunikazzjoni fi ħdan in-netwerk tal-RASFF għandha ssir permezz tal-punt uniku ta’ kuntatt.

1. Il-membri tan-netwerk ta’ twissija u ta’ kooperazzjoni għandhom jiżguraw it-tħaddim effiċjenti tan-netwerks tagħhom fil-ġurisdizzjoni tagħhom.

2. Kull punt ta’ kuntatt magħżul tan-netwerk ta’ twissija u ta’ kooperazzjoni għandu jikkomunika informazzjoni dettaljata dwar il-persuni li qed joperawh u d-dettalji ta’ kuntatt tagħhom lill-punt ta’ kuntatt tal-Kummissjoni. It-tali informazzjoni għandha tintbagħat permezz tal-użu ta’ mudell ta’ informazzjoni tal-punti ta’ kuntatt ipprovdut mill-Kummissjoni.

3. Il-punti ta’ kuntatt tan-netwerk RASFF għandhom jiżguraw li dejjem, jiġifieri 24 siegħa tas-sebat ijiem kollha tal-ġimgħa, ikun hemm disponibbli uffiċjal fuq ix-xogħol għall-komunikazzjonijiet ta’ emerġenza.

1. Għandhom isiru skambji ta’ informazzjoni bejn il-punti ta’ kuntatt tan-netwerk ta’ twissija u kooperazzjoni għall-finijiet tal-Artikolu 50 tar-Regolament (KE) Nru 178/2002 u tat-Titolu IV tar-Regolament (UE) 2017/625 fl-iRASFF biss u fil-forma ta’ notifiki, talbiet u tweġibiet.

2. Il-punti ta’ kuntatt tan-netwerk ta’ twissija u ta’ kooperazzjoni għandhom jimlew l-partijiet rilevanti minn notifika sabiex jippermettu l-identifikazzjoni ċara tal-prodott, tar-riskju/i, tal-każijiet ta’ nuqqas ta’ konformità u tas-suspett ta’ frodi kkonċernat, jipprovdu l-informazzjoni dwar it-traċċabilità meta possibbli u jidentifikaw il-punti ta’ kuntatt responsabbli għal kwalunkwe segwitu għal notifika jew tweġiba għal talba.

3. In-notifiki jistgħu jiġu trażmessi fil-forma ta’ notifiki oriġinali jew notifiki ta’ segwitu.

4. It-talbiet u t-tweġibiet għandhom jindikaw il-punt(i) ta’ kuntatt ta’ netwerk ta’ twissija u kooperazzjoni li lilu/lilhom hija indirizzata t-talba jew it-tweġiba.

1. Il-punti ta’ kuntatt tan-netwerk ta’ twissija u ta’ kooperazzjoni għandhom jiskambjaw, mingħajr dewmien żejjed, notifiki ta’ nuqqas ta’ konformità inklużi mill-inqas dawn li ġejjin:

2. Il-punt ta’ kuntatt tal-Kummissjoni għandu jivverifika kull notifika ta’ nuqqas ta’ konformità wara li tkun ġiet skambjata, mingħajr dewmien żejjed.

1. Il-punti ta’ kuntatt tan-netwerk RASFF għandhom jibagħtu n-notifiki ta’ twissija lill-punt ta’ kuntatt tal-Kummissjoni mingħajr dewmien żejjed u fi kwalunkwe każ fi żmien 48 siegħa minn meta jkun ġie rrapurtat ir-riskju lilhom.

2. In-notifiki ta’ twissija għandhom jinkludu l-informazzjoni kollha disponibbli meħtieġa mill-Artikolu 16(1) u kwalunkwe informazzjoni dwar ir-riskju u l-prodott li minnu jkun ġej it-tali riskju. Madankollu, il-fatt li ma tkunx inġabret l-informazzjoni rilevanti kollha ma għandux idewwem wisq it-trażmissjoni tan-notifiki ta’ twissija.

3. Il-punt ta’ kuntatt tal-Kummissjoni għandu jivverifika n-notifiki ta’ twissija u jibgħathom lill-punti ta’ kuntatt tan-netwerk ta’ twissija u ta’ kooperazzjoni fi żmien 24 siegħa minn meta jirċevihom.

4. Barra l-ħinijiet tal-uffiċċju tal-Kummissjoni, il-punti ta’ kuntatt tan-netwerk tal-RASFF għandhom iħabbru t-trażmissjoni ta’ notifika ta’ twissija jew ta’ segwitu għal notifika ta’ twissija permezz ta’ telefonata lin-numru tat-telefon ta’ emerġenza tal-punt ta’ kuntatt tal-Kummissjoni u jispeċifikaw liema huma l-pajjiżi tal-membru tan-netwerk RASFF ikkonċernati. Il-punt ta’ kuntatt tal-Kummissjoni għandu jinforma lill-kuntatti tan-netwerk tal-RASFF ikkonċernati permezz ta’ telefonata lin-numri ta’ emerġenza tagħhom.

1. Il-punti ta’ kuntatt tan-netwerk RASFF għandhom jibagħtu n-notifiki ta’ informazzjoni lill-punt ta’ kuntatt tal-Kummissjoni mingħajr dewmien żejjed.

2. In-notifiki ta’ informazzjoni għandhom jinkludu l-informazzjoni kollha disponibbli meħtieġa mill-Artikolu 16(1) u kwalunkwe informazzjoni dwar ir-riskju u l-prodott li minnu jkun ġej it-tali riskju.

3. Il-punt ta’ kuntatt tal-Kummissjoni għandu jivverifika n-notifiki ta’ informazzjoni u jibgħathom mingħajr dewmien żejjed hekk kif jirċevihom, lill-punti ta’ kuntatt tan-netwerk ta’ twissija u ta’ kooperazzjoni.

1. Il-punti ta’ kuntatt tan-netwerk ta’ twissija u ta’ kooperazzjoni jistgħu jippreżentaw in-notifiki ta’ aħbarijiet lill-punt ta’ kuntatt tal-Kummissjoni.

2. In-notifiki tal-aħbargħandhom jinkludu l-informazzjoni kollha meħtieġa skont l-Artikolu 16(1), meta din tkun disponibbli.

3. Il-punt ta’ kuntatt tal-Kummissjoni għandu jivverifika n-notifiki tal-aħbarijiet u hekk kif jirċevihom jibgħathom mingħajr dewmien żejjed lill-punti ta’ kuntatt tan-netwerk ta’ twissija u ta’ kooperazzjoni.

1. Il-punti ta’ kuntatt tan-netwerk RASFF għandhom jittrażmettu n-notifiki ta’ rifjut fil-fruntiera lill-punti ta’ kuntatt tan-netwerk ta’ twissija u ta’ kooperazzjoni mingħajr dewmien żejjed.

2. In-notifiki ta’ rifjut fil-fruntiera għandhom jinkludu l-informazzjoni kollha meħtieġa mill-Artikolu 16(1) u kull informazzjoni disponibbli dwar ir-riskju u l-prodott li minnu jkun ġej it-tali riskju.

3. L-informazzjoni msemmija fil-paragrafu 2 għandha tiġi trażmessa permezz tas-sistema TRACES lill-postijiet kollha ta’ kontroll fil-fruntiera.

4. Il-punt ta’ kuntatt tal-Kummissjoni għandu jivverifika kull notifika ta’ rifjut fil-fruntiera wara li tkun ġiet trażmessa.

1. Il-punti ta’ kuntatt tan-netwerk kontra l-frodi alimentari għandhom jiskambjaw in-notifiki dwar il-frodi alimentari li jinkludu mill-inqas dawn li ġejjin:

2. Il-punti ta’ kuntatt tan-netwerk kontra l-frodi alimentari għandhom jikkomunikaw kull informazzjoni li jkollhom dwar ir-riskji għas-saħħa lill-punt ta’ kuntatt tan-netwerk RASFF tagħhom mingħajr dewmien żejjed.

3. Il-punt ta’ kuntatt tal-Kummissjoni għandu jivverifika kull notifika ta’ frodi tal-ikel wara li tkun ġiet skambjata, mingħajr dewmien żejjed.

1. Meta membru tan-netwerk ta’ twissija u kooperazzjoni jkollu xi informazzjoni addizzjonali relatata ma’ notifika oriġinali, il-punt(i) ta’ kuntatt ikkonċernat(i) għandu(hom) jittrażmetti(u) minnufih notifika ta’ segwitu lil dak in-netwerk.

2. Meta punt ta’ kuntatt imsemmi fil-paragrafu 1 ikun talab informazzjoni ta’ segwitu relatata ma’ notifika oriġinali, in-netwerk ta’ twissija u ta’ kooperazzjoni għandu jiġi pprovdut b’tali informazzjoni sa fejn ikun possibbli u mingħajr dewmien żejjed.

3. Meta membru tan-netwerk tal-RASFF jieħu azzjoni mal-wasla ta’ notifika oriġinali f’konformità mal-Artikolu 50(5) tar-Regolament (KE) Nru 178/2002, il-punt ta’ kuntatt tiegħu għandu jittrażmetti immedjatament notifika dettaljata ta’ segwitu lin-netwerk ta’ twissija u ta’ kooperazzjoni.

4. Meta l-azzjoni msemmija fil-paragrafu 3 tikkonsisti mid-detenzjoni ta’ prodott li jintbagħat lura lejn dispaċer fil-pajjiż ta’ membru ieħor tan-netwerk tal-RASFF,

5. B’deroga mill-paragrafu 1, meta notifika ta’ segwitu tibdel il-klassifikazzjoni ta’ notifika oriġinali għal notifika ta’ twissija jew ta’ informazzjoni, il-membru tan-netwerk ta’ twissija u ta’ kooperazzjoni għandu jippreżentaha lill-punt ta’ kuntatt tal-Kummissjoni biex tiġi vverifikata u trażmessa lill-punti ta’ kuntatt tan-netwerk ta’ twissija u ta’ kooperazzjoni fil-limitu ta’ żmien stabbilit fl-Artikolu 17 jew fl-Artikolu 18.

1. Il-membri kollha tan-netwerk ta’ twissija u ta’ kooperazzjoni għandu jkollhom aċċess għall-avviżi ta’ twissija, ta’ informazzjoni, ta’ aħbar jew ta’ rifjut fil-fruntiera.

2. Mingħajr preġudizzju għad-dritt ta’ aċċess tal-Kummissjoni skont l-Artikolu 8(2), il-membri tan-netwerk ta’ twissija u ta’ kooperazzjoni li jinnotifikaw, li jkunu ġew innotifikati jew li jkunu ntalbu biss għandu jkollhom aċċess għan-notifiki ta’ nuqqas ta’ konformità. Madankollu, membri oħra tan-netwerk għandu jkollhom l-aċċess għall-informazzjoni msemmija fil-punti (a), (b) u (e) tal-Artikolu 16(1).

3. Mingħajr preġudizzju għad-dritt ta’ aċċess tal-Kummissjoni skont l-Artikolu 8(2), il-punti ta’ kuntatt tan-netwerk kontra l-frodi alimentari li nnotifikaw, li ġew innotifikati jew li ntalbu biss għandu jkollhom aċċess għan-notifiki ta’ frodi alimentari.

1. Il-verifika tan-notifiki ta’ punt ta’ kuntatt tal-Kummissjoni għandha tkopri:

2. B’deroga mill-paragrafu 1, il-verifiki għan-nuqqas ta’ konformità, għall-frodi alimentari u tan-notifiki ta’ rifjut fil-fruntiera għandhom ikopru l-punti (b), (c) u (e) ta’ dak il-paragrafu.

3. Ladarba tiġi vverifikata notifika f’konformità mal-paragrafu 1 jew 2, il-punt ta’ kuntatt tal-Kummissjoni jista’ jippubblika sommarju tan-notifiki ta’ twissija, ta’ informazzjoni, ta’ rifjut fil-fruntiera u ta’ nuqqas ta’ konformità, b’informazzjoni dwar il-klassifikazzjoni u l-istatus tan-notifika, il-prodott u r-riskju(i) identifikat(i), il-pajjiż ta’ oriġini, il-pajjiżi fejn ikun tqassam il-prodott, il-membru tan-netwerk li jinnotifika, il-bażi għan-notifika u l-miżuri li jkunu ttieħdu.

4. Il-Kummissjoni għandha tippubblika rapport annwali dwar in-notifiki trażmessi fl-iRASFF.

1. Meta l-azzjoni li għandha tittieħed tidher li tkun ibbażata fuq informazzjoni mingħajr bażi jew in-notifika tkun ġiet trażmessa bi żball, kwalunkwe punt ta’ kuntatt tan-netwerk ta’ twissija u ta’ kooperazzjoni jista’ jitlob:

2. Kwalunkwe punt ta’ kuntatt tan-netwerk ta’ twissija u ta’ kooperazzjoni jista’ jitlob li jsiru emendi għal notifika bi ftehim mal-punt ta’ kuntatt li jinnotifika.

3. Notifika ta’ segwitu ma għandhiex titqies bħala emenda għal notifika u għalhekk tista’ tiġi trażmessa mingħajr il-qbil ta’ kwalunkwe membru tan-netwerk ieħor, sakemm tali notifika ta’ segwitu ma tibdilx il-klassifikazzjoni tan-notifika.

2. Id-data personali minn notifiki magħluqa għandha tinħażen għal mhux aktar minn 10 snin.

1. Meta notifika ta’ twissija, ta’ informazzjoni jew ta’ rifjut fil-fruntiera tikkonċerna prodott li joriġina minn pajjiż terz jew jitqassam lil pajjiż terz li ma jkollux aċċess għall-iRASFF jew għat-TRACES, il-Kummissjoni għandha tinforma lil dak il-pajjiż terz mingħajr dewmien żejjed.

2. Meta notifika dwar nuqqas ta’ konformità jew ta’ frodi tal-ikel tikkonċerna prodott li joriġina minn pajjiż terz jew jitqassam lil pajjiż terz li ma jkollux aċċess għall-iRASFF jew għat-TRACES, il-Kummissjoni tista’ tinforma lil dak il-pajjiż terz.

2. Ladarba l-iRASFF terġa’ ssir disponibbli, il-punti ta’ kuntatt tan-netwerk ta’ twissija u ta’ kooperazzjoni għandhom idaħħlu fiha l-informazzjoni skambjata barra mis-sistema.

1. Kull membru tan-netwerk tal-ADIS jista’ jagħzel aktar minn punt ta’ kuntatt wieħed għas-sottomissjoni fl-ADIS ta’

2. Kull punt ta’ kuntatt tan-netwerk ADIS għandu jżomm u jaġġorna fl-ADIS il-lista ta’ reġjuni li jinnotifikaw u jirrapportaw stabbiliti mill-Istat Membru tiegħu għall-finijiet ta’ notifika u rapportar previsti fl-Artikolu 19 u l-Artikolu 20 tar-Regolament (UE) 2016/429.

Mingħajr preġudizzju għad-dritt tal-aċċess tal-Kummissjoni skont l-Artikolu 8(2), in-netwerk EUROPHYT ikkonċernat biss għandu jkollu aċċess għan-notifiki ta’ tifqigħ jew interċezzjoni EUROPHYT.

Sottomissjoni tan-notifiki tat-tifqigħat EUROPHYT lin-netwerk tat-tifqigħat EUROPHYT

1. Il-punti ta’ kuntatt tan-netwerk EUROPHYT għandhom jippreżentaw notifika ta’ tifqigħa fil-EUROPHYT, li jkun fiha tal-anqas l-informazzjoni indikata fil-punti 1.1, 1.3, 2.1, 2.2, 3.1, 4.1, 5.1, 5.2, 6.4 u 8 tal-Anness I ta’ dan ir-Regolament, sa mhux aktar tard minn tmint ijiem tax-xogħol wara d-data li fiha l-korp uffiċjali responsabbli jkun ħareġ il-konferma uffiċjali tal-preżenza ta’ pest kif imsemmi fil-punti (a) u (b) tal-ewwel paragrafu tal-Artikolu 11, l-Artikolu 29(1), l-Artikolu 30(1) u l-Artikolu 33(1) tar-Regolament (UE) 2016/2031.

2. Meta l-preżenza ta’ pest tkun ikkonfermata uffiċjalment skont il-paragrafu 1, in-notifika għandu jkun fiha wkoll l-informazzjoni indikata fil-punt 5.6 tal-Anness I.

3. Il-punti ta’ kuntatt tan-netwerk għandhom jippreżentaw notifika fil-EUROPHYT li jkun fiha l-informazzjoni indikata fil-punti 1.2, 3.2, 4.2, 4.3, 4.4, 5.3 sa 5.6, 6.1, 6.2, 6.3, 6.5, 6.6, 6.7, 7.1 sa 7.6, 9 u 10 tal-Anness I mhux aktar tard minn tletin jum wara d-data rilevanti msemmija fil-paragrafu 1.

4. Il-punti ta’ kuntatt tan-netwerk EUROPHYT għandhom jaġġornaw in-notifiki msemmija fil-paragrafi 1 u 3 malli jkunu vverifikaw kull informazzjoni ġdida rilevanti li tkun saret disponibbli għalihom jew malli l-awtorità kompetenti tkun ħadet miżuri ġodda.

L-użu ta’ TRACES għas-sottomissjoni ta’ notifiki ta’ interċezzjoni EUROPHYT lin-netwerk EUROPHYT-interċezzjonijiet

1. L-uffiċjal tas-saħħa tal-pjanti uffiċjali li jieħu d-deċiżjoni dwar kunsinni ta’ pjanti, prodotti mill-pjanti u oġġetti oħra li jidħlu fl-Unjoni f’konformità mal-punt (b) tal-Artikolu 55(2) tar-Regolament (UE) 2017/625 għandu jippreżenta n-notifiki ta’ interċezzjoni EUROPHYT dwar dawk il-kunsinni fi TRACES fi żmien jumejn ta’ xogħol mill-interċezzjoni tagħhom.

2. In-notifiki msemmija fil-paragrafu 1 għandhom jinkludu l-informazzjoni li ġejja:

3. Meta jiġu interċettati kunsinni ta’ pjanti, ta’ prodotti mill-pjanti u ta’ oġġetti oħra li jkunu nnegozjati fl-Unjoni, il-punti ta’ kuntatt tan-netwerk EUROPHYT għandhom jibagħtu n-notifiki ta’ interċezzjoni EUROPHYT dwarhom fit-TRACES fi żmien jumejn tax-xogħol mill-interċezzjoni. Dawn in-notifiki għandhom jinkludu l-informazzjoni msemmija fil-paragrafu 2.

Perjodu ta’ ħżin tad-data personali għan-notifiki ta’ tifqigħat EUROPHYT

Id-data personali li tkun ġiet min-notifiki ta’ tifqigħat EUROPHYT ma għandhiex tinħażen mill-EUROPHYT għal aktar minn 10 snin.

1. Mingħajr preġudizzju għall-Artikolu 4(2), kull membru tan-netwerk tat-TRACES għandu jagħżel punt ta’ kuntatt wieħed jew aktar għall-funzjonalitajiet previsti fil-punt (d) tal-Artikolu 132 u fl-Artikolu 133 tar-Regolament (UE) 2017/625 jew f’leġiżlazzjoni oħra tal-Unjoni li tirreferi għat-TRACES.

2. Il-punti ta’ kuntatt magħżula għas-sottomissjoni tan-notifiki ta’ interċezzjoni EUROPHYT għandhom jitqiesu wkoll bħala punti ta’ kuntatt għal dik il-funzjonalità fit-TRACES.

1. Kull operatur għandu jkollu aċċess għad-data, għall-informazzjoni jew għad-dokumenti li jittratta, jipproduċi jew jittrażmetti fit-TRACES.

2. Kull awtorità kompetenti għandu jkollha aċċess għad-data, għall-informazzjoni jew għad-dokumenti ttrattati, prodotti jew trażmessi fil-qasam ta’ responsabbiltà tagħha fit-TRACES, kemm jekk dawn ikunu ġew ittrattati mill-persunal tagħhakif ukoll jekk ikunu ġew ittrattati mill-operaturi li timmaniġġja fit-TRACES.

3. Meta aktar minn awtorità kompetenti waħda tittratta, tipproduċi jew tittrażmetti d-data, l-informazzjoni jew id-dokumenti fit-TRACES, dawn għandu jkollhom l-aċċess għat-tali data, informazzjoni jew dokumenti kollha.

4. Mingħajr preġudizzju għad-dritt ta’ aċċess tal-Kummissjoni skont l-Artikolu 8(2), l-entitajiet li ma jkunux ikkontribwixxew għat-trattament, għall-produzzjoni jew għat-trażmissjoni ta’ data, informazzjoni jew dokumenti fit-TRACES, jew li mhumiex involuti fit-tqegħid fis-suq jew fil-moviment ikkonċernat, ma għandux ikollhom aċċess għat-tali data, informazzjoni jew dokumenti.

5. B’deroga mill-paragrafu 4 ta’ dan l-Artikolu, l-awtoritajiet kompetenti għandu jkollhom aċċess għad-data, għall-informazzjoni u għad-dokumenti li jikkonċernaw deċiżjoni li jiġi rrifjutat id-dħul ta’ kunsinna jew ordni biex tittieħed azzjoni, irreġistrati fit-TRACES skont l-Artikolu 66(5) tar-Regolament (UE) 2017/625.

1. L-iskambji tad-data bejn it-TRACES u sistemi elettroniċi oħra, inklużi s-sistemi nazzjonali tal-Istati Membri, għandhom ikunu sinkroniċi, reċiproċi u bbażati fuq l-istandards tal-UN/CEFACT, l-IPPC u l-OIE.

2. L-iskambji tad-data bejn it-TRACES u s-sistemi nazzjonali tal-Istati Membri għandhom jużaw id-data ta’ referenza li tinsab fit-TRACES.

Kooperazzjoni bejn l-awtoritajiet fl-Istati Membri marbuta mal-kunsinni li jidħlu fl-Unjoni

1. Għall-finijiet tal-kooperazzjoni prevista fl-Artikolu 75(1) tar-Regolament (UE) 2017/625, l-awtoritajiet doganali tal-Istati Membri għandu jkollhom aċċess għad-data, l-informazzjoni u d-dokumenti relatati mal-annimali u l-oġġetti li jidħlu fl-Unjoni minn pajjiżi terzi u għad-deċiżjonijiet li jkunu ttieħdu abbażi tal-kontrolli uffiċjali mwettqa f’konformità mal-Kapitolu V tat-Titolu II ta’ dak ir-Regolament, permezz ta’:

2. Meta l-aċċess imsemmi fil-paragrafu 1 ma jkunx disponibbli, l-Istati Membri għandhom jiżguraw mingħajr dewmien żejjed li l-awtoritajiet doganali u kompetenti tagħhom jiskambjaw b’mod tempestiv, id-data, l-informazzjoni u d-dokumenti rilevanti.

Ħruġ ta’ ċertifikati uffiċjali elettroniċi u l-użu ta’ firem elettroniċi

1. Iċ-ċertifikati uffiċjali elettroniċi għall-kunsinni ta’ annimali u oġġetti li jidħlu fl-Unjoni għandhom jissodisfaw ir-rekwiżiti kollha li ġejjin:

2. Meta jinħarġu ċertifikati elettroniċi uffiċjali f’konformità mal-punt (a) (iii) jew (iv) tal-paragrafu 1, it-TRACES jew is-sistema nazzjonali tal-Istat Membru għandha tirrikonoxxi l-iskambju tad-data permezz tas-siġill elettroniku avvanzat jew kwalifikat tal-awtorità kompetenti tal-pajjiż terz, jew il-firma elettronika avvanzata jew kwalifikata tar-rappreżentant legali tagħha.

F’każijiet bħal dawn, il-firma tal-uffiċjal awtorizzat imsemmi fil-punt (b) tal-paragrafu 1 mhijiex meħtieġa.

3. Il-Kummissjoni għandha tiġi nnotifikata bil-quddiem dwar il-ħruġ ta’ ċertifikati uffiċjali elettroniċi f’konformità mal-punt (a)(iv) tal-paragrafu 1.

4. L-awtorità kompetenti għandha taċċetta ċ-ċertifikati fitosanitarji elettroniċi, kif meħtieġ għall-introduzzjoni ta’ pjanti, ta’ prodotti mill-pjanti u ta’ oġġetti oħra fit-territorju tal-Unjoni f’konformità mat-Taqsima 1 tal-Kapitolu VI tar-Regolament (UE) 2016/2031, biss meta dawn jinħarġu f’konformità mal-punt (a)(i) jew (iii) tal-paragrafu 1 ta’ dan l-Artikolu.

Il-format taċ-CHED u l-istruzzjonijiet għall-preżentazzjoni u għall-użu tiegħu

1. Iċ-CHED għandu jkun fih l-entrati għall-informazzjoni stabbilita fil-Parti 1 tal-Anness II ta’ dan ir-Regolament u għandu jintuża mill-operatur u mill-awtoritajiet kompetenti f’konformità mal-Artikolu 56(3) tar-Regolament (UE) 2017/625 f’wieħed mill-formati li ġejjin, skont il-kategorija tal-kunsinna stabbilita fl-Artikolu 47(1) ta’ dak ir-Regolament:

3. B’deroga mill-paragrafu 2(a), Stat Membru jista’ jaċċetta li CHED jitfassal b’lingwa uffiċjali tal-UE differenti minn dik tal-Istat Membru tad-dħul.

1. L-użu ta’ CHED f’format elettroniku min-naħa ta’ operatur jew ta’ awtorità kompetenti għandu jkun permezz ta’ waħda mis-sistemi li ġejjin:

2. It-TRACES għandha tirrikonoxxi t-trażmissjoni msemmija fil-punt (b)(iv) tal-paragrafu 1 bis-siġill elettroniku avvanzat jew kwalifikat tagħha.

3. Kull pass meħtieġ imsemmi fil-paragrafi 1 u 2 għandu jkun ikkronogrammat bi kronogramma elettronika kwalifikata.

Perjodi ta’ ħżin ta’ ċertifikati elettroniċi u CHEDs u data personali mid-data tal-kronogramma ’l quddiem

Kull punt ta’ kuntatt tan-netwerk tat-TRACES għandu jżomm u jaġġorna fit-TRACES il-lista tal-unitajiet ta’ kontroll li l-Istat Membru tiegħu ikun għażel għall-finijiet tat-TRACES.

1. Kull punt ta’ kuntatt tan-netwerk TRACES għandu jżomm u jaġġorna fi TRACES il-lista tal-postijiet ta’ kontroll fuq il-fruntiera u tal-punti ta’ kontroll li l-Istat Membru tiegħu jkun għażel skont l-Artikolu 59(1) u l-Artikolu 53(2), rispettivament, tar-Regolament (UE) 2017/625 għall-finijiet tat-twettiq ta’ kontrolli uffiċjali fuq waħda jew aktar mill-kategoriji ta’ annimali u oġġetti msemmija fl-Artikolu 47(1) ta’ dak ir-Regolament.

2. Il-punt ta’ kuntatt imsemmi fil-paragrafu 1 ta’ dan l-Artikolu għandu jdaħħal fi TRACES l-informazzjoni dwar kull post magħżul ta’ kontroll fuq il-fruntiera u kull punt ta’ kontroll billi juża

1. Kull punt ta’ kuntatt tan-netwerk TRACES għandu jżomm u jaġġorna l-listi ta’ stabbilimenti li ġejjin fi TRACES:

2. Il-punt ta’ kuntatt imsemmi fil-paragrafu 1 għandu jdaħħal fi TRACES l-informazzjoni dwar kull stabbiliment imsemmi f’dak il-paragrafu billi juża l-ispeċifikazzjonijiet tekniċi għall-format tal-listi ta’ stabbilimenti pprovduti mill-Kummissjoni.

3. Il-Kummissjoni għandha tassisti lill-Istati Membri biex jippubblikaw il-listi msemmija fil-paragrafu 1 permezz tal-paġna tal-Internet tagħha jew permezz ta’ TRACES.

L-arranġamenti ta’ kontinġenza għas-sistema TRACES u għas-sistemi nazzjonali tal-Istati Membri fil-każ ta’ nuqqas ta’ disponibbiltà ppjanata jew mhux ippjanata

1. Il-punti ta’ kuntatt tan-netwerk ta’ TRACES għandhom iżommu repożitorju pubbliku fuq l-Internet li jkun fih mudell li jista’ jimtela tad-dokumenti kollha li jistgħu jinħarġu fi TRACES jew fis-sistema nazzjonali tal-Istat Membru f’konformità ma’ dan ir-Regolament.

2. Meta s-sistema nazzjonali ta’ Stat Membru, it-TRACES jew waħda mill-funzjonalitajiet tagħhom ma tkunx disponibbli għal aktar minn siegħa, l-utenti tagħhom jistgħu jużaw mudell stampat jew elettroniku li jista’ jimtela’, kif imsemmi fil-paragrafu 1, biex jirreġistraw u jiskambjaw l-informazzjoni.

3. Ladarba s-sistemi jew il-funzjonalitajiet imsemmija fil-paragrafu 2 jerġgħu jsiru disponibbli, l-utenti tagħhom għandhom jużaw l-informazzjoni rreġistrata f’konformità mal-paragrafu 2 biex jipproduċu elettronikament id-dokumenti meħtieġa skont dan ir-Regolament.

4. Meta t-TRACES, is-sistema nazzjonali ta’ Stat Membru jew waħda mill-funzjonalitajiet tagħhom ma tkunx disponibbli, l-Istati Membri jistgħu jipproduċu b’mod temporanju u jiskambjaw b’mod elettroniku d-dokumenti meħtieġa kollha fis-sistema disponibbli, u l-obbligi fir-rigward tal-funzjonalitajiet tat-TRACES ma għandhomx japplikaw. Il-Kummissjoni u s-sidien tas-sistemi nazzjonali għandhom iwettqu skambju massiv ad hoc ta’ dawk id-dokumenti hekk kif terġa’ tinkiseb id-disponibbiltà.

5. Id-okumenti prodotti f’konformità mal-paragrafi 2 u 4 għandu jkollhom fuqhom it-test “magħmul waqt kontinġenza”.

6. Il-Kummissjoni għandha tinforma lill-utenti permezz ta’ TRACES ġimagħtejn qabel kull nuqqas ta’ disponibbiltà ippjanat, kemm se jdum u r-raġuni għal dan in-nuqqas.

1. Id-Direttiva 94/3/KE, id-Deċiżjonijiet 92/486/KEE, 2003/24/KE, 2003/623/KE, 2004/292/KE, 2004/675/KE u 2005/123/KE, ir-Regolament (UE) Nru 16/2011, u d-Deċiżjonijiet ta’ Implimentazzjoni 2014/917/UE, (UE) 2015/1918 u (UE) 2018/1553 jitħassru mill-14 ta’ Diċembru 2019.

2. Ir-referenzi għal dawk l-atti mħassra għandhom ifissru referenzi għal dan ir-Regolament u għandhom jinqraw skont it-tabella tal-korrelazzjoni fl-Anness III.

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-14 ta’ Diċembru 2019, minbarra t-Taqsima 2 tal-Kapitolu 3, li għandha tapplika mill-21 ta’ April 2021.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Tista’ tikteb aktar kummenti fil-forma ta’ test liberu jew dokumenti mehmuża.

Għall-ispezzjonijiet, indika d-data/dati, id-deskrizzjoni tal-metodu (inklużi dettalji dwar verifiki viżwali jew oħrajn), iddeskrivi fil-qosor is-sit tal-ispezzjoni u s-sejbiet, u pprovdi r-ritratt(i).

Jekk iddaħħal l-opzjoni (3) jew (4), indika d-data tal-ispezzjoni(jiet) u ddeskrivi l-metodu ta’ spezzjoni (inklużi d-dettalji tal-verifiki viżwali jew verifiki oħrajn). Jekk trid, tista’ tiddeskrivi fil-qosor is-sit tal-ispezzjoni u s-sejbiet, u tehmeż xi ritratt(i).

Għal kull opzjoni, indika jekk l-infestazzjoni tikkonċernax waħda jew aktar mill-opzjonijiet li ġejjin:

Fil-każ li tkun ġiet stabbilita żona demarkata, indika taħt l-opzjonijiet (1), (2) u (3) jekk il-miżuri ttieħdu jew se jittieħdu ġewwa jew barra dik iż-żona.

L-entrati speċifikati fil-Parti I jikkostitwixxu d-dizzjunarji tad-data għall-verżjoni elettronika taċ-CHED.

Sakemm ma jkunx speċifikat mod ieħor, jew ma jkunx stabbilit b’mod ieħor mil-leġiżlazzjoni tal-Unjoni, l-entrati jew il-kaxxi kollha japplikaw għall-mudelli taċ-CHED fil-Parti 2.

Il-kopji stampati ta’ CHED elettroniku jeħtieġ li jkollhom tikketta unika ottika li tinqara mill-magni u li twassal għall-verżjoni elettronika permezz ta’ iperlink.

Għandek tagħżel kaxxa waħda mill-kaxxi I.20 sa I.26 u mill-kaxxi II.9 sa II.16; għal kull kaxxa, agħżel opzjoni waħda.

Meta kaxxa tippermettilek tagħżel opzjoni waħda jew aktar, l-opzjoni(jiet) li tagħżel biss tintwera/jintwerew fil-verżjoni elettronika taċ-CHED.

Meta kaxxa ma tridx timtela bilfors, il-kontenut tagħha jiġi jidher bħala tipa ingassata.

Is-sekwenza tal-kaxxi fil-mudell taċ-CHED fil-Parti 2 u d-daqs u l-forma ta’ dawk il-kaxxi huma indikattivi.

Meta jkun meħtieġ timbru, l-ekwivalenti elettroniku tiegħu jkun siġill elettroniku.

Waqt l-ipproċessar tad-data personali inkluża fiċ-CHEDs, l-Istati Membri għandhom jikkonformaw mar-Regolament (UE) 2016/679 u mad-Direttiva (UE) 2016/680 u l-Kummissjoni għandha tikkonforma mar-Regolament (UE) 2018/1725.

PARTI I — DESKRIZZJONI TAL-KUNSINNA
Kaxxa	Deskrizzjoni
I.1.	Speditur/Esportatur
	Indika l-isem u l-indirizz, il-pajjiż u l-kodiċi ISO tal-pajjiż (1) tal-persuna fiżika jew ġuridika li qed tibgħat il-kunsinna. Din il-persuna għandha tkun stabbilita f’pajjiż terz, għajr f’ċerti każijiet previsti fil-liġi tal-Unjoni, fejn tista’ tkun stabbilita fi Stat Membru.
I.2	Referenza taċ-CHED
	Dan huwa l-kodiċi alfanumeriku uniku assenjat mill-IMSOC (ripetut fil-kaxxi II.2 u III.2).
I.3	Referenza lokali
	Indika l-kodiċi alfanumeriku uniku assenjat mill-awtorità kompetenti.
I.4	Post ta’ kontroll fuq il-fruntiera/punt ta’ kontroll/unità ta’ kontroll mal-fruntiera
	Agħżel l-isem tal-BCP jew il-punt ta’ kontroll, skont il-każ. Indika l-post tal-ispezzjoni jekk jixraq. Fil-każ ta’ CHED-P sussegwenti għal kunsinna li ma tikkonformax, indika l-isem tal-unità ta’ kontroll responsabbli mis-superviżjoni taż-żona ħielsa jew tal-maħżen doganali approvat għat-tali skop.
I.5	Kodiċi tal-post ta’ kontroll fuq il-fruntiera/punt ta’ kontroll/unità ta’ kontroll
	Dan huwa l-kodiċi alfanumeriku uniku assenjat mill-IMSOC lill-BCP, lill-punt ta’ kontroll jew lill-unità ta’ kontroll.
I.6	Destinatarju/Importatur
	Indika l-isem u l-indirizz, il-kodiċi tal-pajjiż u l-kodiċi ISO tal-pajjiż tal-persuna fiżika jew ġuridika li għaliha tkun iddestinata l-kunsinna, u li tidher pereżempju fuq iċ-ċertifikati uffiċjali, l-attestazzjonijiet uffiċjali jew dokumenti oħra, fosthom dokumenti ta’ natura kummerċjali maħruġa fil-pajjiż terz. Jekk din il-persuna tkun l-istess waħda indikata fil-kaxxa I.8, din il-kaxxa timtela awtomatikament mill-IMSOC abbażi tal-informazzjoni pprovduta f’dik il-kaxxa. Din il-kaxxa hija fakultattiva fil-każ ta’ trasbord jew tranżitu.
I.7	Post tad-destinazzjoni
	Indika l-isem u l-indirizz, il-kodiċi tal-pajjiż u l-kodiċi ISO tal-pajjiż, tal-post fejn qed titwassal il-kunsinna għall-ħatt finali. Jekk dan l-indirizz ikun l-istess bħal dak indikat fil-kaxxa I.6, din il-kaxxa timtela awtomatikament mill-IMSOC abbażi tal-informazzjoni pprovduta f’dik il-kaxxa. Dan il-post għandu jkun fi Stat Membru, anki fil-każ ta’ tranżitu, kif iddefinit fil-punt (44) tal-Artikolu 3 tar-Regolament (UE) 2017/625, li jinkludi l-ħażna tal-oġġetti. Fil-każ ta’ tranżitu li ma jinkludix il-ħażna tal-oġġetti, il-pajjiż terz tad-destinazzjoni jiġi indikat fil-kaxxa I.22. Meta japplika, indika wkoll in-numru tar-reġistrazzjoni jew tal-approvazzjoni tal-istabbiliment ta’ destinazzjoni. Għall-kunsinni li jridu jinqasmu fil-BCP, indika l-BCP bħala l-post tad-destinazzjoni fl-ewwel CHED. F’CHEDs sussegwenti indika l-post tad-destinazzjoni għal kull parti tal-kunsinna maqsuma. Għall-kunsinni li jridu jiġu ttrasferiti għal punt ta’ kontroll, indika l-punt ta’ kontroll bħala l-post tad-destinazzjoni. Din il-kaxxa tista’ timtela awtomatikament mill-IMSOC abbażi tal-informazzjoni pprovduta fil-kaxxa I.20. Meta l-kunsinni jintbagħtu lejn faċilità ta’ trasport suċċessiv, il-post tad-destinazzjoni jkun meħtieġ biss jekk ikun differenti mill-faċilità ta’ trasport suċċessiv.
I.8	Operatur responsabbli mill-kunsinna
	Indika l-isem u l-indirizz, il-kodiċi tal-pajjiż u l-kodiċi ISO tal-pajjiż tal-persuna fiżika jew ġuridika fl-Istat Membru li tkun inkarigata mill-kunsinna meta din tiġi ppreżentata fil-BCP u li tagħmel id-dikjarazzjonijiet meħtieġa lill-awtoritajiet kompetenti bħala l-importatur jew f’isem l-importatur. Dan l-operatur jista’ jkun l-istess wieħed indikat fil-kaxxa I.6 u għandu jkun l-istess wieħed indikat fil-kaxxa I.35. Din il-kaxxa tista’ timtela awtomatikament mill-IMSOC. F’każ ta’ CHED sussegwenti, indika l-isem u l-indirizz tal-persuna li tkun responsabbli mill-preżentazzjoni tal-kunsinna għal aktar kontrolli uffiċjali fil-post sussegwenti. Fil-każ ta’ CHED-P sussegwenti għal kunsinni li ma jikkonformawx, indika l-isem u l-indirizz tal-persuna li tkun inkarigata mill-proċeduri wara l-ħażna.
I.9	Dokumenti ta’ akkumpanjament
	Agħżel it-tip ta’ dokumenti ta’ akkumpanjament meħtieġa: eż. ċertifikati uffiċjali, attestazzjonijiet uffiċjali, permessi, dikjarazzjonijiet jew dokumenti oħra, inklużi d-dokumenti ta’ natura kummerċjali. Indika l-kodiċi uniku tad-dokumenti ta’ akkumpanjament u l-pajjiż tal-ħruġ. Madankollu, id-data tal-ħruġ hija fakultattiva. Jekk iċ-ċertifikat uffiċjali jkun ġie ġġenerat fl-IMSOC, indika l-kodiċi alfanumeriku uniku fil-kaxxa I.2a taċ-ċertifikat uffiċjali. Referenzi tad-dokumenti kummerċjali: pereżempju indika n-numru tal-polza tal-ajru, in-numru tal-polza tat-tagħbija jew in-numru kummerċjali tal-ferrovija jew tal-vettura tat-triq.
I.10	Notifika minn qabel
	Indika d-data u l-ħin stmati tal-wasla fil-punt tad-dħul fejn jinsab il-BCP. CHED-D/CHED-PP Indika d-data u l-ħin stmati tal-wasla fil-punt ta’ kontroll fil-każ ta’ CHED sussegwenti għat-trasferiment lejn punt ta’ kontroll.
I.11	Pajjiż tal-oriġini
	Din il-kaxxa tista’ timtela awtomatikament mill-IMSOC abbażi tal-informazzjoni pprovduta fil-kaxxa I.31. CHED-A Indika l-pajjiż ta’ residenza matul il-perjodu ta’ residenza meħtieġ indikat fiċ-ċertifikat uffiċjali mehmuż. Għaż-żwiemel irreġistrati li jerġgħu jidħlu fl-Unjoni wara esportazzjoni temporanja għal perjodu ta’ inqas minn 30, 60 jew 90 jum għal tiġrijiet, kompetizzjonijiet u avvenimenti kulturali f’ċerti pajjiżi terzi, indika l-aħħar pajjiż minn fejn intbagħtu. CHED-P Indika l-pajjiż fejn ġew prodotti, immanifatturati jew ippakkjati l-prodotti(immarkati bil-marka ta’ identifikazzjoni). Fil-każ ta’ prodotti li jerġgħu jidħlu fl-Unjoni kif imsemmi fl-Artikolu 77(1)(h) tar-Regolament (UE) 2017/625 jew prodotti li jerġgħu jidħlu fl-Unjoni wara tranżitu minn pajjiżi terzi (kif iddefinit fil-punt 44(b) tal-Artikolu 3 ta’ dak ir-Regolament), indika l-Istat Membru ta’ oriġini. CHED-PP Indika l-pajjiż(i) ta’ oriġini fejn tkabbru, ġew prodotti, inħażnu jew ġew ipproċessati l-pjanti, il-prodotti mill-pjanti jew l-oġġetti l-oħra, kif imsemmi fiċ-ċertifikat fitosanitarju. CHED-D Indika l-pajjiż tal-oriġini tal-oġġetti jew dak li tkabbru, inħasdu jew ġew prodotti fih.
I.12	Reġjun tal-oriġini
	Fil-każ li annimali jew oġġetti jiġu affettwati minn miżuri ta’ reġjonalizzazzjoni f’konformità mal-liġi tal-Unjoni, indika l-kodiċi tar-reġjuni, taż-żoni jew tal-kompartimenti approvati. Din il-kaxxa tista’ timtela awtomatikament mill-IMSOC abbażi tal-informazzjoni pprovduta fil-kaxxa I.31. CHED-PP Meta l-pajjiż tal-oriġini jkun iddikjara b’mod uffiċjali ċerti żoni bħala ħielsa minn pest speċifikat, indika ż-żona tal-oriġini tal-pjanta, tal-prodott mill-pjanti jew tal-oġġetti l-oħra.
I.13	Mezz tat-trasport
	Agħżel wieħed mill-mezzi ta’ trasport li ġejjin għall-annimali li jaslu fil-BCP, u indika l-identifikazzjoni tiegħu: — ajruplan (indika n-numru tat-titjira); — bastiment (indika l-isem u n-numru tal-bastiment); — indika n-numru tal-identità tat-tren u n-numru tal-vagun; — vettura tat-triq (indika n-numru ta’ reġistrazzjoni bin-numru tat-trejler, jekk japplik). Fil-każ ta’ trasport b’bastiment, għażel “bastiment” u identifika l-vettura(i) tat-triq permezz tan-numru tar-reġistrazzjoni (flimkien man-numru ta’ reġistrazzjoni tat-trejler, meta japplika), u l-isem tal-bastiment skedat. CHED-PP Mhix meħtieġa l-identifikazzjoni tal-mezzi tat-trasport.
I.14	Pajjiż tad-dispaċċ
	CHED-P/CHED-PP/CHED-D Indika l-pajjiż fejn tqiegħdu l-oġġetti abbord il-mezz tat-trasport finali għall-vjaġġ lejn l-Unjoni. F’xi każijiet, meta l-moviment jinvolvi aktar minn pajjiż wieħed qabel ma jidħol fl-Unjoni (moviment triangolari), dan jista’ jkun il-pajjiż terz li fih inħareġ iċ-ċertifikat uffiċjali. Din il-kaxxa ma tapplikax għaċ-CHED-A.
I.15	Stabbiliment ta’ oriġini
	Meta meħtieġ mil-leġiżlazzjoni tal-Unjoni, indika l-isem u l-indirizz, il-kodiċi tal-pajjiż u l-kodiċi ISO tal-pajjiż tal-istabbiliment(i) tal-oriġini. Meta meħtieġ mil-leġiżlazzjoni tal-Unjoni, indika n-numru tar-reġistrazzjoni jew tal-approvazzjoni. Din il-kaxxa tista’ timtela awtomatikament mill-IMSOC abbażi tal-informazzjoni pprovduta fil-kaxxa I.31.
I.16	Kundizzjonijiet tat-trasport
	CHED-P/CHED-D Indika l-kategorija tat-temperatura meħtieġa matul it-trasport (ambjentali, imkessaħ, iffriżat), jekk japplika. Tista’ tintgħażel kategorija waħda biss. Din il-kaxxa ma tapplikax għaċ-CHED-A u għaċ-CHED-PP.
I.17	Numru tal-kontejner/Numru tas-siġill
	Fejn japplika, indika n-numru tal-kontejner u n-numru tas-siġill (tista’ tindika iktar minn numru wieħed). Għas-siġill uffiċjali, indika n-numru uffiċjali tas-siġill kif indikat fiċ-ċertifikat uffiċjali u immarka “siġill uffiċjali” jew indika kwalunkwe siġill ieħor li jkun imsemmi fid-dokumenti ta’ akkumpanjament.
I.18	Ċertifikat bħala jew għal
	Agħżel l-iskop tal-moviment tal-annimali, l-użu maħsub tal-oġġetti jew il-kategorija kif speċifikat fiċ-ċertifikat uffiċjali (fejn meħtieġ) jew fid-dokument kummerċjali: CHED-A: Tnissil/produzzjoni, tismin, stabbilimenti konfinati, klieb/qtates/inmsa (jew f’każ li jkunu qed jinġarru aktar minn ħamest iklieb/qtates/inmsa għal skopijiet mhux kummerċjali), annimali akkwatiċi ornamentali, biċċerija, kwarantina, equidae rreġistrati, ripożizzjoni (għal annimali tal-akkwakultura biss), ċirklu li jivvjaġġa/eżibizzjoni tal-annimali, wirjiet, stokkjar mill-ġdid jew oħrajn. CHED-P: Konsum uman, għalf, użu farmaċewtiku, użu tekniku, kampjun kummerċjali, aktar ipproċessar jew oħrajn. CHED-D: Konsum mill-bniedem, konsum mill-bniedem wara aktar trattament, għalf, kampjun jew oġġett ta’ wirja, jew oħrajn. Din il-kaxxa ma tapplikax għaċ-CHED-PP.
I.19	Konformità tal-oġġetti
	Din il-kaxxa tapplika biss għaċ-CHED-P. Immarka “konformi” meta l-oġġetti jikkonformaw mar-regoli msemmija fil-punti (a) u (d) tal-Artikolu 1(2) tar-Regolament (UE) 2017/625. Immarka “mhux konformi” meta l-oġġetti: — ma jikkonformawx mar-regoli msemmija fil-punt (a) tal-Artikolu 1(2) tar-Regolament (UE) 2017/625; kif ukoll — jikkonformaw mar-regoli msemmija fil-punt (d) ta’ dak l-Artikolu; kif ukoll — mhumiex iddestinati biex jitqiegħdu fis-suq.
I.20	Għal trasbord/trasferiment/trasport suċċessiv lejn
	CHED-A (trasport suċċessiv) Indika l-isem u l-kodiċi ISO tal-pajjiż terz tad-destinazzjoni meta l-annimali jibqgħu fl-istess bastiment jew ajruplan u jkun ippjanat li se jintbagħtu direttament lejn pajjiż terz mingħajr ma jinżlu f’port jew f’ajruport ieħor tal-Unjoni. Indika l-isem tal-BCP li jmiss fl-Unjoni li l-annimali qed ikomplu l-vjaġġ tagħhom lejh fuq l-istess bastiment jew ajruplan għal aktar kontrolli uffiċjali. CHED-P (trasbord) Indika l-isem u l-kodiċi ISO tal-pajjiż terz tad-destinazzjoni meta il-prodotti jiġu ttrasbordati għal bastiment jew ajruplan ieħor u huma ppjanati biex jintbagħtu direttament lejn pajjiż terz mingħajr ma jinżlu f’port jew f’ajruport ieħor tal-Unjoni. Indika l-isem tal-BCP li jmiss fl-Unjoni fejn il-prodotti jridu jiġu ttrasbordati għal aktar kontrolli uffiċjali. CHED-PP (trasbord/trasferiment) Indika l-isem tal-BCP jew tal-punt tal-kontroll li jmiss fl-Unjoni fejn l-oġġetti se jiġu ttrasbordati jew trasferiti, rispettivament, għal aktar kontrolli uffiċjali. CHED-D (trasferiment) Indika l-isem tal-punt ta’ kontroll fl-Unjoni li fih iridu jiġu ttrasferiti l-oġġetti għal aktar kontrolli uffiċjali jekk il-kunsinna tintgħażel għall-verifiki fiżiċi u tal-identità.
I.21	Għal trasport suċċessiv
	CHED-PP/CHED-D Indika l-faċilità ta’ trasport suċċessiv fejn trid tittieħed il-kunsinna wara li tkun intgħażlet għall-kontrolli fiżiċi u tal-identità fil-BCP.
I.22	Għal tranżitu lejn
	Indika l-isem u l-kodiċi ISO tal-pajjiż terz ta’ destinazzjoni. Indika l-isem tal-BCP tal-ħruġ għall-kunsinni li ma jikkonformawx li qed jaqsmu t-territorju tal-Unjoni bit-triq, bil-ferrovija jew fuq l-ilma (tranżitu estern). Din il-kaxxa ma tapplikax għaċ-CHED-D.
I.23	Għas-suq intern
	Immarka din il-kaxxa meta jkun hemm l-intenzjoni li l-kunsinni jitqiegħdu fis-suq tal-Unjoni.
I.24	Għall-oġġetti li ma jikkonformawx
	Din il-kaxxa tapplika biss għaċ-CHED-P. Agħżel it-tip ta’ destinazzjoni fejn se tintbagħat il-kunsinna, u n-numru tar-reġistrazzjoni fejn japplika: maħżen doganali, żona ħielsa jew bastiment approvati għat-tali skop, (inkluż l-isem u l-port tal-kunsinna).
I.25	Għad-dħul mill-ġdid
	CHED-A: Immarka l-kaxxa fil-każ tad-dħul mill-ġdid ta’ żwiemel irreġistrati fl-Unjoni wara l-esportazzjoni temporanja għal perjodu ta’ inqas minn 30, 60 jew 90 jum għal tiġrijiet, kompetizzjonijiet u avvenimenti kulturali f’ċerti pajjiżi terzi. Immarka l-kaxxa fil-każ ta’ dħul mill-ġdid ta’ annimali li joriġinaw fl-Unjoni u li jirritornaw lejha wara li ma jitħallewx jidħlu f’pajjiż terz. CHED-P/CHED-PP Immarka l-kaxxa fil-każ ta’ dħul mill-ġdid ta’ prodotti li joriġinaw fl-Unjoni u li jirritornaw lejha wara li ma jitħallewx jidħlu f’pajjiż terz. Din il-kaxxa ma tapplikax għaċ-CHED-D.
I.26	Għad-dħul temporanju
	Din il-kaxxa tapplika biss għaċ-CHED-A u għaż-żwiemel irreġistrati biss. Punt tal-ħruġ — indika l-BCP tal-ħruġ. Data tal-ħruġ — indika d-data tal-ħruġ (din trid tkun inqas minn 90 jum wara l-ammissjoni).
I.27	Mezz ta’ trasport wara l-BCP/il-ħażna
	Din il-kaxxa tista’ timtela wara notifika minn qabel u hija obbligatorja għal: — l-annimali soġġetti għar-Regolament tal-Kunsill (KE) Nru 1/2005 (2) (CHED-A); — oġġetti soġġetti għat-trażbord, għat-tranżitu dirett, għall-monitoraġġ, għad-dħul mill-ġdid jew soġġetti li jintbagħtu lejn id-destinazzjonijiet kollha fejn isiru l-kontrolli, inkluż faċilità ta’ trasport suċċessiv jew punt ta’ kontroll, fejn ikunu meħtieġa l-kontrolli uffiċjali addizzjonali (CHED-P, CHED-PP, CHED-D); — oġġetti mhux konformi fi tranżitu (CHED-P). Agħżel wieħed minn dawn il-mezzi ta’ trasport li ġejjin: ajruplan, bastiment, ferrovija jew vettura tat-triq (ara n-nota ta’ gwida fil-kaxxa I.13). CHED-PP Jekk in-numru tal-kontejner ikun indikat fil-kaxxa I.17, mhix meħtieġa l-indikazzjoni tal-mezzi tat-trasport.
I.28	Trasportatur
	Din il-kaxxa hija obbligatorja biss għal CHED-A meta tintuża l-kaxxa I.27. Indika l-isem u l-indirizz, il-pajjiż u l-kodiċi ISO tal-pajjiż tal-persuna fiżika jew ġuridika responsabbli mit-trasport. Indika n-numru tar-reġistrazzjoni jew tal-approvazzjoni fejn japplika.
I.29	Data tat-tluq
	Din il-kaxxa hija obbligatorja biss għal CHED-A meta tintuża l-kaxxa I.27. Indika d-data stmata u l-ħin tat-tluq mill-BCP.
I.30	Ġurnal tal-vjaġġ
	Din il-kaxxa tapplika biss għal CHED-A u tirreferi għar-rekwiżiti fir-Regolament (KE) Nru 1/2005.
I.31	Deskrizzjoni tal-kunsinna:
	Pereżempju, imla abbażi ta’ ċertifikati uffiċjali, attestazzjonijiet uffiċjali, dikjarazzjonijiet jew dokumenti oħra,fosthom dokumenti ta’ natura kummerċjali, sabiex tipprovdi deskrizzjoni tajba biżżejjed tal-oġġetti, li tippermetti l-identifikazzjoni tagħhom u l-kalkolu tat-tariffi, pereżempju l-kodiċi u t-titolu tan-Nomenklatura Magħquda (NM), il-kodiċi TARIC, il-kodiċi EPPO, l-ispeċi (informazzjoni tassonomika), jew il-piż nett (kg). Indika l-għadd ta’ tubi straw ta’ semen, ova u embrijuni, Indika, skont il-ħtieġa, in-natura u l-għadd ta’ imballaġġi, it-tip ta’ imballaġġ (skont l-istandards tal-UN/CEFACT), in-numru tal-lott, in-numru ta’ identifikazzjoni individwali, in-numru tal-passaport, jew it-tip ta’ prodott. Fil-każ ta’ CHED sussegwenti, daħħal il-kwantità ta’ oġġetti li tinsab fiċ-CHED preċedenti. CHED-P: Immarka “konsumatur finali” meta l-prodotti jiġu ppakkjati għall-konsumaturi finali.
I.32	Għadd totali ta’ imballaġġi
	Indika l-għadd totali ta’ imballaġġi fil-kunsinna, fejn xieraq.
I.33	Kwantità totali
	CHED-A: Indika l-għadd totali ta’ annimali, fejn xieraq. CHED-P: Indika l-għadd totali ta’ tubi straw ta’ semen, ova u embrijuni, fejn xieraq. CHED-PP/CHED-D: Indika n-numru ta’ biċċiet jew il-volum, fejn xieraq.
I.34	Piż totali nett (kg)/Piż gross totali (kg)
	Dan huwa l-piż nett totali (jiġifieri l-massa tal-annimali jew tal-oġġetti waħedhom, mingħajr kontenituri immedjati u mingħajr ebda imballaġġ) ikkalkulat awtomatikament mill-IMSOC abbażi tal-informazzjoni mdaħħla fil-kaxxa I.31. Indika l-piż gross totali (jiġifieri l-massa aggregata tal-annimali jew tal-prodotti, flimkien mal-kontenituri immedjati u l-imballaġġ kollu, iżda mingħajr il-kontejners tat-trasport u tagħmir ieħor tat-trasport). Din l-informazzjoni mhijiex meħtieġa għaċ-CHED-PP.
I.35	Dikjarazzjoni
	Id-dikjarazzjoni trid tkun iffirmata mill-persuna fiżika responsabbli mill-kunsinna u tista’ tiġi adattata skont iċ-CHED li jintuża: Jiena, l-operatur sottoskritt responsabbli mill-kunsinna deskritta hawn fuq, niċċertifika li fl-aħjar għarfien u twemmin tiegħi, id-dikjarazzjonijiet li saru fil-Parti I ta’ dan id-dokument huma veri u sħaħ, u naċċetta li nikkonforma mar-rekwiżiti tar-Regolament (UE) 2017/625 dwar il-kontrolli uffiċjali, inkluż li nħallas tal-kontrolli uffiċjali, talli jintbagħtu lura l-kunsinni, inħallas għall-kwarantina jew għall-iżolament tal-annimali, jew l-ispejjeż tal-ewtanażja u tar-rimi, fejn meħtieġ. Firma (il-firmatarju jintrabat li jaċċetta lura l-kunsinni fi tranżitu li ma jitħallewx jidħlu f’pajjiż terz).
PARTI II – KONTROLLI
Kaxxa	Deskrizzjoni
II.1.	CHED preċedenti
	Dan huwa l-kodiċi alfanumeriku uniku assenjat mill-IMSOC għaċ-CHED li jintuża qabel ma tinqasam kunsinna jew qabel it-trasbord (meta jitwettqu l-kontrolli uffiċjali), is-sostituzzjoni, il-kanċellazzjoni jew it-trasferiment għal punt ta’ kontroll.
II.2	Referenza taċ-CHED
	Dan huwa l-kodiċi alfanumeriku uniku indikat fil-kaxxa I.2.
II.3	Verifika tad-dokumenti
	Dawn jinkludu verifiki għall-konformità mar-rekwiżiti nazzjonali għall-annimali u għall-oġġetti li l-kundizzjonijiet għad-dħul fl-Unjoni tagħhom mhumiex kollha rregolati mil-liġi tal-Unjoni.
II.4	Verifika tal-identità
	Immarka “Iva” jew “Le” skont il-każ. CHED-A Immarka “Le”, fil-każ li l-annimali jridu jkomplu l-vjaġġ tagħhom bil-baħar jew bl-ajru fuq l-istess bastiment jew inġenju tal-ajru biex ikomplu jivvjaġġaw minn BCP għal ieħor u l-kontrolli uffiċjali jridu jitlestew fil-BCP li jmiss. CHED-P Immarka “Le”, fil-każ li l-oġġetti jiġu ttrasbordati minn BCP għal ieħor. CHED-PP Immarka “Le”, fil-każ li l-oġġetti jiġu ttrasferiti f’punt ta’ kontroll jew jiġu trasbordati minn BCP għal ieħor. Immarka “Le” fejn hemm il-bżonn ta’ verifika mnaqqsa jew m’hemm bżonn l-ebda verifika tal-identità. CHED-D Immarka “Le” meta l-oġġetti jiġu ttrasferiti f’punt ta’ kontroll.
II.5	Verifika fiżika
	Immarka “Iva” jew “Le” skont il-każ. CHED-A Dan jinkludi l-eżitu tal-eżami kliniku, u l-mortalità u l-morbidità tal-annimali. Immarka “Le”, fil-każ li l-annimali jridu jkomplu l-vjaġġ tagħhom bil-baħar jew bl-ajru fuq l-istess bastiment jew inġenju tal-ajru biex ikomplu jivvjaġġaw minn BCP għal ieħor f’konformità mal-liġi rilevanti tal-Unjoni, u l-kontrolli uffiċjali jridu jitlestew fil-BCP li jmiss. CHED-P Immarka “Verifika mnaqqsa” meta, f’konformità mar-regoli li jridu jiġu adottati skont l-Artikolu 54(3) tar-Regolament (UE) 2017/625, il-kunsinna ma tkunx intagħżlet għal verifika fiżika iżda titqies li ġiet ivverifikata b’mod sodisfaċenti bil-verifiki tad-dokumenti u tal-identità biss. Immarka “Oħrajn” fejn hemm referenza għall-proċeduri ta’ dħul mill-ġdid, ta’ monitoraġġ jew ta’ tranżitu. Dan jirreferi wkoll għall-annimali u għall-oġġetti li jiġu trasbordati minn BCP għal ieħor f’konformità mar-regoli li jridu jiġu adottati skont il-punt (b) tal-Artikolu 51(1) tar-Regolament (UE) 2017/625. CHED-PP Immarka “Verifika mnaqqsa” meta, f’konformità mar-regoli li għandhom jiġu adottati skont l-Artikolu 54(3) tar-Regolament (UE) 2017/625, il-kunsinna ma tkunx intgħażlet għal verifiki tal-identità u dawk fiżiċi, iżda titqies li ġiet ivverifikata b’mod sodisfaċenti b’verifika tad-dokumenti biss. Immarka “Oħrajn” fejn hemm referenza għall-proċeduri ta’ dħul mill-ġdid, ta’ monitoraġġ jew ta’ tranżitu. Dan jirreferi wkoll għall-oġġetti li jiġu ttrasbordati minn BCP għal ieħor f’konformità mar-regoli li jridu jiġu adottati skont il-punt (b) tal-Artikolu 51(1) tar-Regolament (UE) 2017/625. CHED-D Immarka“ Le” meta l-oġġetti jiġu ttrasferiti f’punt ta’ kontroll.
II.6	Testijiet fil-laboratorju
	Immarka “Iva” jekk ikun sar test. It-test: agħżel il-kategorija tas-sustanza jew tal-patoġenu li għalih ikun sar test tal-laboratorju. — immarka “Aleatorju” meta l-kunsinna ma tinżammx fil-BCP waqt li tkun qed tistenna r-riżultati tat-testijiet. Timmarkax din l-opzjoni fil-każ li l-kunsinna tiġi kkampjunata għal testijiet tal-laboratorju deskritti minn opzjonijiet oħra f’din il-kaxxa; — immarka “Suspett” meta jkun hemm suspett li l-annimali u l-oġġetti mhumiex qed jikkonformaw mal-liġi tal-Unjoni u qed jinżammu fil-BCP waqt li jistennew ir-riżultati tat-testijiet; — immarka “Miżuri ta’ emerġenza” fil-każ li l-annimali u l-oġġetti jinsabu soġġetti għal miżuri ta’ emerġenza speċifiċi u qed jinżammu fil-BCP waqt li jistennew ir-riżultati tat-testijiet, sakemm ma jiġix awtorizzat it-trasport suċċessiv. Riżultat tat-testijiet: — immarka “Pendenti” meta l-kunsinna tista’ tħalli l-BCP mingħajr ma tistenna r-riżultati tat-testijiet. — immarka “sodisfaċenti” jew “mhux sodisfaċenti” meta jkunu disponibbli r-riżultati tat-testijiet. CHED-P Immarka “Meħtieġ” fejn hemm bżonn ta’ kampjunar f’konformità mal-liġi tal-Unjoni u l-kunsinna mhix qed tinżamm fil-BCP waqt li tistenna r-riżultati tat-testijiet. Immarka “Kontrolli intensifikati” meta l-annimali u l-oġġetti jkunu soġġetti għar-regoli dwar il-proċeduri ta’ kontrolli intensifikati li jridu jiġu adottati skont l-Artikolu 65(6) tar-Regolament (UE) 2017/625, u qed jinżammu fil-BCP waqt li jistennew ir-riżultati tat-testijiet. CHED-PP Immarka “Kampjunar tal-infezzjoni latenti” meta jkun meħtieġ li jittieħdu l-kampjuni f’konformità mal-liġi tal-Unjoni u l-kunsinna ma tinżammx fil-BCP waqt li qed tistenna r-riżultati tat-testijiet. CHED-D Immarka “Żieda temporanja tal-kontrolli” meta l-oġġetti jkunu soġġetti għal miżuri li jeħtieġu żieda temporanja tal-kontrolli (il-punt (b) tal-Artikolu 47(2) tar-Regolament (UE) 2017/625) u qed jinżammu fil-BCP waqt li jistennew ir-riżultati tat-testijiet, sakemm ma jiġix awtorizzat it-trasport suċċessiv.
II.7	Verifika tat-trattament xieraq
	Din il-kaxxa tapplika biss għaċ-CHED-A. Immarka “Le” meta l-annimali ħajjin ma jitħattux fil-BCP indikat fil-kaxxa I.4 u jiġu ttrasbordati f’BCP ieħor, u ma jkunux għaddew minn verifika tat-trattament xieraq. Immarka l-kaxxa “sodisfaċenti” jew “mhux sodisfaċenti” meta jkunu disponibbli r-riżultati tal-verifiki fuq l-annimali u fuq il-kundizzjonijiet tat-trasport.
II.8	Impatt tat-trasport fuq l-annimali
	Din il-kaxxa tapplika biss għaċ-CHED-A. Indika kemm mietu annimali, l-għadd ta’ annimali li mhumiex fi stat li jivvjaġġaw u l-għadd ta’ wildiet jew aborti (jiġifieri l-għadd ta’ annimali nisa li welldu jew li korrew waqt it-trasport). Fil-każ ta’ annimali li jintbagħtu f’għadd kbir (eż. flieles ta’ jum, ħut jew molluski), agħti stima tal-għadd ta’ annimali mejta jew li mhumiex fi stat tajjeb, skont il-każ.
II.9	Aċċettabbli għat-trasbord/għat-trasferiment/għat-trasport suċċessiv lejn
	Immarka din il-kaxxa jekk il-kunsinna hija aċċettabbli għat-trasbord/trasferiment/trasport suċċessiv. It-trasbord ma japplikax għaċ-CHED-A u għaċ-CHED-D.
II.10	Aċċettabbli għat-trasport suċċessiv
	CHED-PP/CHED-D Immarka din il-kaxxa jekk il-kunsinna hija aċċettabbli għat-trasport suċċessiv.
II.11	Aċċettabbli għat-tranżitu
	Immarka din il-kaxxa jekk il-kunsinna hija aċċettabbli għat-tranżitu. Din il-kaxxa ma tapplikax għaċ-CHED-D.
II.12	Aċċettabbli għas-Suq Intern
	Immarka din il-kaxxa meta l-kontrolli uffiċjali jkunu favorevoli, irrispettivament minn jekk dawn jitqegħdux taħt il-proċedura doganali “rilaxx għaċ-ċirkolazzjoni libera” fil-fruntiera jew fi stadju ulterjuri tal-proċedura doganali fi ħdan l-Unjoni. CHED-A Meta jkun awtorizzat it-tqegħid fis-suq tal-annimali taħt kundizzjonijiet speċjali (kif previst mil-liġi tal-Unjoni jew mil-liġi nazzjonali), indika d-destinazzjoni fejn se jsiru l-kontrolli: biċċerija, stabbiliment konfinat, kwarantina jew użu lokali. CHED-P Immarka l-użu tal-prodott. Għall-prodotti sekondarji tal-annimali li jridu jkomplu jiġu pproċessati, iżda li mhumiex taħt kundizzjonijiet ta’ monitoraġġ tat-trasport li jridu jiġu adottati skont l-Artikolu 77(2) tar-Regolament (UE) 2017/625, imla l-kaxxa II.18. CHED-D Immarka l-użu tal-prodott: konsum mill-bniedem, għalf jew materjal ieħor.
II.13	Aċċettabbli għall-monitoraġġ
	Din il-kaxxa tapplika biss għaċ-CHED-A u għaċ-CHED-P, u tirreferi għal kunsinna li tkun ġiet immonitorjata f’konformità mal-kundizzjonijiet li jridu jiġu adottati skont l-Artikolu 77(2) tar-Regolament (UE) 2017/625.
II.14	Aċċettabbli għall-oġġetti li ma jikkonformawx
	Din il-kaxxa tapplika biss għaċ-CHED-P. Agħżel id-destinazzjoni fejn se jsiru l-kontrolli: il-maħżen doganali, iż-żona ħielsa jew il-bastiment li jkunu ġew approvati għat-tali skop.
II.15	Aċċettabbli għall-ammissjoni temporanja
	Din il-kaxxa tapplika biss għaċ-CHED-A u għaż-żwiemel reġistrati biss. Immarka din il-kaxxa biex tawtorizza d-dħul tal-annimali fit-territorju tal-Unjoni sad-data fil-kaxxa I.26.
II.16	Mhux aċċettabbli
	Dan jirreferi għal kunsinni li r-riżultat tal-kontrolli uffiċjali tagħhom mhuwiex favorevoli u d-dħul fl-Unjoni huwa rrifjutat. Indika d-data sa meta għandha tittieħed l-azzjoni. CHED-A Immarka “Ewtanażja” meta l-laħam mill-annimali ma jistax jitħalla jintuża għall-konsum mill-bniedem. Immarka “Ridispaċċ” meta jintbagħtu lura l-annimali. Immarka “Qatla” meta l-laħam mill-annimali jista’ jintuża għall-konsum mill-bniedem wara spezzjoni favorevoli. Immarka “Qerda” meta l-annimali jkunu mejtin meta jaslu fil-BCP. CHED-P/CHED-D Immarka qerda, ridispaċċ, trattament speċjali jew użu għal skopijiet oħra. CHED-PP Immarka trattament xieraq, rifjut ta’ dħul, kwarantina imposta, qerda, ipproċessar mill-ġdid, ipproċessar industrijali jew oħrajn.
II.17	Raġuni għar-rifjut
	CHED-A Immarka “Dokumenti” fil-każ ta’ ċertifikat nieqes, nuqqas ta’ ċertifikat oriġinali, mudell żbaljat, ċertifikat frodulenti, dati invalidi, firma jew timbru nieqes, awtorità invalida, rapport tal-laboratorju nieqes, nuqqas ta’ garanziji addizzjonali jew nuqqas ta’ rekwiżit nazzjonali. Immarka “Oriġini” fil-każ ta’ pajjiż mhux awtorizzat, żona mhux awtorizzata jew stabbiliment mhux approvat. Immarka “Identità” fil-każ ta’ diskrepanza fl-identifikazzjoni, fid-dokumenti, jew fir-rigward tal-mezz ta’ trasport, ta’ identifikazzjoni individwali nieqsa, ta’ diskrepanza fin-numru ta’ identifikazzjoni individwali jew ta’ diskrepanza tal-ispeċi. Immarka “Fiżiku” fil-każ tal-preżenza ta’ annimal(i) suspettat(i), annimal(i) li mhumiex fi stat li jivvjaġġaw jew annimal(i) mejjet/mejta. Immarka “Laboratorju” fil-każ ta’ riżultat tat-test mhux sodisfaċenti. Immarka “Trattament Xieraq tal-Annimali” fil-każ ta’ mezzi ta’ trasport mhux xierqa. Immarka “IAS” fil-każ ta’ nuqqas ta’ konformità mar-regoli li japplikaw għall-ispeċijiet aljeni invażivi li huma sors ta’ tħassib għall-Unjoni. Immarka “Oħrajn” fejn l-ebda waħda mir-raġunijiet imsemmija qabel ma tapplika. CHED-P Immarka “Dokumenti” fil-każ ta’ ċertifikat nieqes, nuqqas ta’ ċertifikat oriġinali, mudell żbaljat, ċertifikat frodulenti, dati invalidi, firma jew timbru nieqes, awtorità invalida, rapport tal-laboratorju nieqes jew dikjarazzjoni addizzjonali nieqsa. Immarka “Oriġini” fil-każ ta’ pajjiż jew reġjun mhux awtorizzat, jew stabbiliment mhux approvat Immarka “Identità” fil-każ ta’ tikketta nieqsa, ta’ diskrepanza fit-tikketta jew fid-dokument, ta’ tikketta mhux kompleta, ta’ diskrepanza fir-rigward tal-mezz tat-trasport, ta’ diskrepanza fin-numru ta’ siġill ta’ identifikazzjoni, ta’ diskrepanza fil-marka ta’ identifikazzjoni jew ta’ diskrepanza tal-ispeċi. Immarka “Fiżiku” fil-każ ta’ nuqqas qawwi ta’ iġjene, ta’ interruzzjoni tal-katina tal-kesħa, ta’ nuqqas ta’ konformità fiż-żamma tat-temperatura, ta’ defiċjenza fil-verifika organolettika, jew ta’ preżenza tal-parassiti. Immarka “Laboratorju” fil-każ ta’ kontaminazzjoni kimika, ta’ kontaminazzjoni mikrobijoloġika, ta’ residwi ta’ prodotti mediċinali veterinarji, ta’ esponiment għar-radjazzjoni, ta’ addittivi mhux konformi jew ta’ organiżmi ġenetikament modifikati (OĠM). Immarka “IAS” fil-każ ta’ speċijiet aljeni invażivi li huma sors ta’ tħassib għall-Unjoni Immarka “Oħrajn”3 fejn ma tapplika l-ebda waħda mir-raġunijiet imsemmija hawn fuq. CHED-PP Immarka “Dokumenti” fil-każ ta’ ċertifikat jew passaport tal-pjanti nieqes jew invalidu jew xi dokument ieħor li jipprovdi l-garanziji f’konformità mal-liġi tal-Unjoni. Immarka “Oriġini” fil-każ li n-numru tar-reġistrazzjoni ta’ kumpanija ma jkunx magħruf, meta dan jintalab li jiġi indikat. Immarka “Identità” fil-każ ta’ diskrepanza mad-dokumenti li jakkumpanjaw il-kunsinna. Immarka “Fiżiku” f’każ ta’ preżenza ta’ pesti, pjanti, prodotti mill-pjanti jew oġġetti oħra pprojbiti. Immarka “Oħrajn” fil-każ li d-destinatarju ma jkunx elenkat fir-reġistru uffiċjali tal-produtturi/importaturi. Immarka “IAS” fil-każ ta’ speċijiet aljeni invażivi li huma sors ta’ tħassib għall-Unjoni. CHED-D Immarka “Dokumenti” fil-każ ta’ ċertifikat jew ta’ dokumenti oħra ta’ akkumpanjament meħtieġa nieqsa jew mhux validi. Immarka “Identità” f’każ ta’ diskrepanza mad-dokumenti ta’ akkumpanjament. Immarka “Laboratorju” fil-każ ta’ kontaminazzjoni kimika jew ta’ kontaminazzjoni mikrobijoloġika. Immarka “Fiżiku” fil-każ ta’ nuqqas ta’ iġjene fiżika. Immarka “Oħrajn” fejn ma tapplika l-ebda waħda mir-raġunijiet imsemmija hawn fuq.
II.18	Dettalji tad-destinazzjonijiet fejn saru l-kontrolli
	Indika l-isem, l-indirizz u n-numru tar-reġistrazzjoni/tal-approvazzjoni tad-destinazzjonijiet kollha fejn ikunu saru l-kontrolli msemmija fil-kaxxi II.9 sa II.16. CHED-A Għall-istabbilimenti li dwarhom l-awtorità kompetenti titlob li jibqgħu anonimi, indika biss in-numru tar-reġistrazzjoni/tal-approvazzjoni assenjat. CHED-PP/CHED-D Fil-każ ta’ trasport suċċessiv, indika l-isem, l-indirizz u, fejn japplika, in-numru tar-reġistrazzjoni tal-faċilità tat-trasport suċċessiv. F’każ ta’ trasferiment għal punt ta’ kontroll, indika d-dettalji ta’ kuntatt u l-kodiċi alfanumeriku uniku assenjat mill-IMSOC lill-punt ta’ kontroll.
II.19	Siġillar mill-ġdid tal-kunsinna
	Indika n-numru tas-siġill mehmuż wara l-kontrolli uffiċjali fil-BCP jew wara l-ħżin f’maħżen doganali approvat għat-tali skop u f’każijiet meta l-liġi tal-Unjoni teħtieġ siġill uffiċjali.
II.20	Identifikazzjoni tal-BCP
	Applika t-timbru uffiċjali tal-BCP jew tal-punt ta’ kontroll skont il-każ. Fil-każ ta’ CHED-P sussegwenti għal kunsinna li ma tikkonformax, indika l-isem tal-unità ta’ kontroll responsabbli mis-superviżjoni taż-żona ħielsa jew tal-maħżen doganali approvat għat-tali skop.
II.21	Uffiċjal li jiċċertifika
	Din il-kaxxa tirreferi għad-dikjarazzjoni li trid tiġi ffirmata mill-uffiċjal li jiċċertifika intitolat li jiffirma ċ-CHED: Jiena, l-uffiċjal li jiċċertifika sottoskritt, niċċertifika li twettqu l-verifiki fuq il-kunsinna f’konformità mar-rekwiżiti tal-Unjoni u fejn japplika f’konformità mar-rekwiżiti nazzjonali tal-Istat Membru tad-destinazzjoni.
II.22	Tariffi tal-ispezzjoni
	Din il-kaxxa tista’ tintuża biex tindika l-tariffi ta’ spezzjoni.
II.23	Referenza tad-dokument doganali
	Din il-kaxxa tista’ tintuża mill-awtorità doganali, jew wara komunikazzjoni mill-awtorità doganali, mill-persuna responsabbli għall-kunsinna biex tiżdied l-informazzjoni rilevanti (eż. ir-referenza tad-dokument T1) fil-każ li l-kunsinni jibqgħu taħt is-superviżjoni doganali għal ċertu perjodu.
II.24	CHED sussegwenti
	Indika l-kodiċi alfanumeriku ta’ CHED wieħed jew aktar maħruġa fil-każijiet li jridu jiġu stabbiliti skont l-Artikolu 51 u l-punt (a) tal-Artikolu 53(1) tar-Regolament (UE) 2017/625 jew wara li jinqasmu fil-BCP.
(1) Il-kodiċi internazzjonali standard b’żewġ ittri għal pajjiż f’konformità mal-istandard internazzjonali ISO 3166 alpha-2; http://www.iso.org/iso/country_codes/iso-3166-1_decoding_table.htm (2) Ir-Regolament tal-Kunsill (KE) Nru 1/2005 tat-22 ta’ Diċembru 2004 dwar il-protezzjoni tal-annimali waqt it-trasport u operazzjonijiet relatati u li temenda d-Direttivi 64/432/KEE u 93/119/KE u r-Regolament (KE) Nru 1255/97, (ĠU L 3, 5.1.2005, p. 1).

PARTI III – MIŻURI ADDIZZJONALI
Kaxxa	Deskrizzjoni
III.1	CHED preċedenti
	Dan huwa l-kodiċi alfanumeriku uniku indikat fil-kaxxa II.1.
III.2	Referenza taċ-CHED
	Dan huwa l-kodiċi alfanumeriku uniku indikat fil-kaxxa I.2.
III.3	CHED sussegwenti
	Indika l-kodiċi alfanumeriku ta’ CHED wieħed jew aktar indikati fil-kaxxa II.24.
III.4	Dettalji dwar ir-ridispaċċ
	Indika l-mezz tat-trasport li ntuża u l-identifikazzjoni tiegħu, il-pajjiż u l-kodiċi ISO tal-pajjiż. Indika d-data tar-ridispaċċ u l-isem tal-BCP tal-ħruġ, hekk kif din l-informazzjoni tkun magħrufa. Id-data tar-ridispaċċ m’għandhiex tkun aktar minn 60 jum mid-data tal-validazzjoni taċ-CHED għal deċiżjonijiet ta’ rifjut.
III.5	Miżuri addizzjonali meħuda minn
	Indika l-awtorità responsabbli li tiċċertifika l-wasla u l-konformità tal-kunsinna koperta biċ-CHED: il-BCP tal-ħruġ, il-BCP tad-destinazzjoni finali jew l-unità ta’ kontroll. CHED-A Indika d-destinazzjoni ulterjuri u/jew ir-raġunijiet għan-nuqqas ta’ konformità jew għat-tibdil fl-istatus tal-annimali (eż. destinazzjoni invalida, ċertifikat invalidu jew nieqes, diskrepanza bejn id-dokumenti, identifikazzjoni nieqsa jew mhux valida, testijiet mhux sodisfaċenti, annimal(i) suspettat(i), annimal(i) mejjet/mejta, annimal(i) mitluf(a) jew konverżjoni għal dħul permanenti). CHED-P Indika d-destinazzjoni ulterjuri u/jew ir-raġunijiet għan-nuqqas ta’ konformità (eż. ċertifikat invalidu, ċertifikat nieqes jew mhux validu, diskrepanza bejn id-dokumenti, identifikazzjoni nieqsa jew mhux valida, kontrolli mhux sodisfaċenti, jew siġill uffiċjali nieqes, miksur jew li ma jikkorrispondix...). CHED-PP Fil-każ ta’ oġġetti li bħalissa jkunu fi trasport suċċessiv jew fi trasferiment lejn punt ta’ kontroll, immarka “iva” jew “le” biex tindika jekk il-kunsinna waslitx jew le. CHED-D Fil-każ ta’ oġġetti li bħalissa jkunu fi trasport suċċessiv jew fi trasferiment lejn punt ta’ kontroll, immarka “iva” jew “le” biex tindika jekk il-kunsinna waslitx jew le.
III.6	Uffiċjal li jiċċertifika
	Dan jirreferi għall-firma tal-uffiċjal li jiċċertifika tal-awtorità kompetenti f’każ ta’ ridispaċċ u ta’ miżuri addizzjonali meħuda fir-rigward tal-kunsinni.

(għall-annimali msemmija fil-punt (a) tal-Artikolu 47(1) tar-Regolament (UE) 2017/625)

(għall-prodotti li ma jikkonformawx mar-regoli msemmija fil-punt (b) tal-Artikolu 47(1) tar-Regolament (UE) 2017/625)

(għall-pjanti, il-prodotti mill-pjanti u oġġetti oħrajn imsemmija fil-punt (c) tal-Artikolu 47(1) tar-Regolament (UE) 2017/625)

(għall-għalf u għall-ikel ta’ oriġini mhux mill-annimali msemmija fil-punt (d) tal-Artikolu 47(1) tar-Regolament (UE) 2017/625)

id-Direttiva 94/3/KE	Dan ir-Regolament
l-Artikolu 1	il-Punt (33) tal-Artikolu 2
l-Artikolu 2(1) u (2)	l-Artikolu 33(1)
l-Artikolu 3	l-Artikolu 33(2)
l-Artikolu 4	_
l-Artikolu 5	il-Punt (34) tal-Artikolu 2
l-Artikolu 6	il-Punt 10 tal-Anness I
l-Artikolu 7	_
l-Artikolu 8	_

ir-Regolament (UE) Nru 16/2011	Dan ir-Regolament
il-Punt (1) tal-Artikolu 1	il-Punt (2) tal-Artikolu 2
il-Punt (2) tal-Artikolu 1	il-Punt (3) tal-Artikolu 2
il-Punt (3) tal-Artikolu 1	il-Punt (4) tal-Artikolu 2
il-Punt (4) tal-Artikolu 1	il-Punt (15) tal-Artikolu 2
il-Punt (5) tal-Artikolu 1	il-Punt (16) tal-Artikolu 2
il-Punt (5)(a) tal-Artikolu 1	il-Punt (17) tal-Artikolu 2
il-Punt (5)(b) tal-Artikolu 1	il-Punt (18) tal-Artikolu 2
il-Punt (6) tal-Artikolu 1	il-Punt (20) tal-Artikolu 2
il-Punt (7) tal-Artikolu 1	il-Punt (22) tal-Artikolu 2
il-Punt (8) tal-Artikolu 1	il-Punt (23) tal-Artikolu 2
il-Punt (9) tal-Artikolu 1	_
l-Artikolu 2(1)	l-Artikolu 14(1)
l-Artikolu 2(2)	l-Artikolu 4(2)
l-Artikolu 2(3)	l-Artikolu 4(3)
l-Artikolu 2(4)	l-Artikolu 14(2)
l-Artikolu 2(5)	l-Artikolu 13
l-Artikolu 2(6)	l-Artikolu 14(3)
l-Artikolu 3(1)	l-Artikolu 17(1) u (2)
l-Artikolu 3(2)	l-Artikolu 17(3)
l-Artikolu 3(3)	l-Artikolu 17(4)
l-Artikolu 4(1)	l-Artikolu 18(1) u (2)
l-Artikolu 4(2)	l-Artikolu 18(3)
l-Artikolu 5(1)	l-Artikolu 20(1) u (2)
l-Artikolu 5(2)	l-Artikolu 20(3)
l-Artikolu 6(1)	l-Artikolu 22(1)
l-Artikolu 6(2)	l-Artikolu 22(2)
l-Artikolu 6(3)	l-Artikolu 22(3)
l-Artikolu 6(4)	l-Artikolu 22(4)
l-Artikolu 6(5)	l-Artikolu 22(5)
l-Artikolu 7(1)	l-Artikolu 15(1)
l-Artikolu 7(2)	l-Artikolu 15(2)
l-Artikolu 7(3)	l-Artikolu 15(3)
l-Artikolu 7(4)	l-Artikolu 15(4)
l-Artikolu 7(5)	-
il-Punti (a) sa (f) tal-ewwel paragrafu tal-Artikolu 8	il-Punti (a) sa (f) tal-Artikolu 24(1)
It-tieni paragrafu tal-Artikolu 8	-
l-Artikolu 9(1)	l-Artikolu 25(1)(b)
l-Artikolu 9(2)	l-Artikolu 25(2) u (3)
l-Artikolu 10(1) u (2)	l-Artikolu 27(1)

il-Punt (a) tal-Artikolu 11	l-Artikolu 24(3)
il-Punt (b) tal-Artikolu 11	l-Artikolu 24(4)
l-Artikolu 12	_

Id-Deċiżjoni ta’ Implementazzjoni 2014/917/UE	Dan ir-Regolament
l-Artikolu 1(1) u (2)	_
l-Artikolu 2(1) u (3)	l-Artikolu 32(1)
l-Artikolu 2(2) u (4)	l-Artikolu 32(3)

l-Artikolu 2(5)	l-Artikolu 32(4)
l-Artikolu 3	_
l-Anness	l-Anness I

Id-Deċiżjoni ta’ Implimentazzjoni (UE) 2015/1918	Dan ir-Regolament
l-Artikolu 1	_
l-Artikolu 2	_


l-Artikolu 3(1)	_
l-Artikolu 3(2)	_
l-Artikolu 3(3)	_
l-Artikolu 3(4)	_
l-Artikolu 4	l-Artikolu 12
l-Artikolu 5	_
l-Artikolu 6	l-Artikolu 26(1)
il-Punt (a) tal-Artikolu 7	l-Artikolu 8(1)
il-Punt (b) tal-Artikolu 7	l-Artikolu 8(2)
il-Punt (c) tal-Artikolu 7	_
il-Punt (d) tal-Artikolu 7	l-Artikolu 15(1)
l-Artikolu 8(1)	l-Artikolu 15(1)
il-Punt (a) tal-Artikolu 8(2)	l-Artikolu 16(1)(a)
il-Punt (b) tal-Artikolu 8(2)	l-Artikolu 16(1)(b)
il-Punt (c) tal-Artikolu 8(2)	l-Artikolu 16(1)(c)
il-Punt (d) tal-Artikolu 8(2)	l-Artikolu 16 (1)(d)
il-Punt (e) tal-Artikolu 8(2)	_
il-Punt (f) tal-Artikolu 8(2);	_
il-Punt (g) tal-Artikolu 8(2)	l-Artikolu 16(1)(f)
l-Artikolu 9(1)	l-Artikolu 10(1)
l-Artikolu 9(2)	-
l-Artikolu 10(1)	l-Artikolu 10(2)
l-Artikolu 10(2) u (3)	l-Artikolu 11(1)
l-Artikolu 10(4)	l-Artikolu 11(3)
l-Artikolu 10(5)	l-Artikolu 11(2)
l-Artikolu 11	l-Artikolu 26(2)
l-Artikolu 12	l-Artikolu 11(2)(b) u (3)(b)
l-Artikolu 13	_
l-Artikolu 14	_

Id-Deċiżjoni ta’ Implimentazzjoni (UE) 2018/1553	Dan ir-Regolament
l-Artikolu 1	_
l-Artikolu 2(1)	l-Artikolu 39(1), (3) u (4)
l-Artikolu 2(2)	l-Artikolu 39(2)
l-Artikolu 2(3)	_
l-Artikolu 3	_

( 1 ) Ir-Regolament ta’ Implimentazzjoni tal-Kummissjoni (UE) 2019/1014 tat-12 ta’ Ġunju 2019 li jistabbilixxi regoli ddettaljati dwar rekwiżiti minimi għall-postijiet ta’ kontroll fuq il-fruntiera, inklużi ċ-ċentri ta’ spezzjoni, u għall-format, il-kategoriji u l-abbrevjazzjonijiet li għandhom jintużaw għall-elenkar ta’ postijiet ta’ kontroll fuq il-fruntiera u ta’ punti ta’ kontroll (ĠU L 165, 21.6.2019, p. 10).

( 2 ) F’konformità mal-kunċett stabbilit fl-International Standards for Phytosanitary Measures, ISPM 8 (1998): Determination of pest status in an area. Ruma, IPPC, FAO (https://www.ippc.int/sites/default/files/documents//1323945129_ISPM_08_1998_En_2011-11-29_Refor.pdf)